NCA လက်မှတ်မရေးထိုးရသေးတဲ့ တိုင်းရင်းသားလက်နက်ကိုင်အဖွဲ့အစည်းတွေအနေနဲ့ တချိန်ချိန်မှာ ပါဝင်လာ နိုင်ရေးအတွက် လက်တွေ့ကျတဲ့ အခင်းအကျင်းနဲ့ လုပ်ငန်းစဉ်တွေကို တိတိကျကျချမှတ်ထားဖို့လိုတယ်လို့ ငြိမ်းချမ်းရေးလုပ်ငန်းစဉ်ဦးဆောင်အဖွဲ့(PPST)ယာယီအဖွဲ့ခေါင်းဆောင် ဗိုလ်ချုပ်ကြီးယွက်စစ်က ပြောပါတယ်။
ဇန်နဝါရီ(၁၇)ရက်က ထိုင်းနိုင်ငံ၊ ချင်းမိုင်မြို့မှာ ပြုလုပ်တဲ့ PPSTအစည်းအဝေး(၀၈/၂၀၂၀)မှာ ဗိုလ်ချုပ်ကြီး ယွက်စစ်က အခုလိုပြောကြားလိုက်တာပါ။
အမျိုးသားအဆင့်နိုင်ငံရေးဆွေးနွေးပွဲတွေဟာ ၂၁ရာစုပင်လုံချီတက်ရာမှာ အဓိကကျတဲ့ တဆင့်ခံဆွေးနွေးပွဲဖြစ်လို့ အမျိုးသားအဆင့်နိုင်ငံရေးဆွေးနွေးပွဲ ကျင်းပရေးကိစ္စကိုလည်း အခုအစည်းအဝေးမှာ ဆွေးနွေးသွားဖို့ရှိတယ်လို့ ဗိုလ်ချုပ်ကြီး ယွက်စစ်က အဖွင့်အမိန့်ခွန်းမှာထည့်သွင်းပြောကြားခဲ့ပါတယ်။
(မိန့်ခွန်းအပြည့်အစုံကို ဖော်ပြပေးထားပါတယ်)
No comments:
Post a Comment