ရန်ကုန်တိုင်းစာရင်းစစ်ချုပ်အစီရင်ခံစာအပေါ် ကျေနပ်အားရမှုရှိဟု ဘဏ္ဍာရေးနှင့် စီမံကိန်းကော်မတီဥက္ကဋ္ဌ ဒေါ်စန္ဒာမင်း ပြော

ရန်ကုန်တိုင်းဒေသကြီး စာရင်းစစ်ချုပ်၏ ၂ဝ၁၇-၂ဝ၁၈ ခု ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာ (အကျဉ်းချုပ်) အပေါ် ကျေနပ်မှုရှိကြောင်း တိုင်းလွှတ်တော်ဘဏ္ဍာရေး၊ စီမံကိန်းနှင့် စီးပွားရေးကော်မတီဥက္ကဋ္ဌ ဒေါ်စန္ဒာမင်းက ပြောကြားလိုက်သည်။

“စာရင်းစစ်ချုပ်ရဲ့ လွှတ်တော်ကိုပေးတဲ့ အစီရင်ခံစာကို ကျေနပ်မှုရှိတယ်။ သူအလုပ်လုပ်ထားတယ်။ ပြည့်စုံတယ်လို့ ပြောလို့ရပါတယ်”ဟု ၎င်းကပြောသည်။

ဇန်နဝါရီ ၈ ရက်ကပြုလုပ်သော လွှတ်တော်အစည်းအဝေးတွင် စာရင်းစစ်ချုပ်ဒေါ်ခင်သန်းလှက အစီရင်ခံစာကို ဖတ်ကြားရှင်းလင်းခဲ့ပြီး လွှတ်တော်ကိုယ်စားလှယ်များအား အစီရင်ခံစာ စာအုပ်ဖြန့် ဝေပေးခဲ့သည်။

စာရင်းစစ်ချုပ်အစီရင်ခံစာတွင် ရန်ကုန် မက်ထရိုပိုလီတန်ကုမ္ပဏီကို ဖွဲ့စည်းကာ အစုရှယ်များထည့်ဝင်ထားမှု၊ ဝင်ငွေနှင့်အသုံးစရိတ် အခြေအနေများအပါအဝင် တိုင်းအစိုးရ၏ အားနည်းချက်ကြောင့် နိုင်ငံ့ဝင်ငွေ ဆုံးရှုံးနစ်နာမှုများရှိနေကြောင်း ထောက်ပြထားသည်။

YRTA အနေဖြင့် အသားတင်ကျန်ရှိငွေ ကျပ်သန်း ၇၆ဝဝ ကျော်ရှိသော်လည်း နိုင်ငံတော်သို့ ဝင်ငွေခွန်ပေးဆောင်ခြင်းမရှိသကဲ့သို့ တိုင်းအစိုးရ ရင်းနှီးငွေထည့်ဝင်ထားသည့် YBS ကုမ္ပဏီနှစ်ခုဖြစ်သည့် YUPT နှင့် YBPC ကုမ္ပဏီတို့တွင် ကျပ်သန်းပေါင်း ၃၈ဝဝ ကျော် အရှုံးပေါ်နေကြောင်း အစီရင်ခံစာတွင် ဖော်ပြထားပြီး ရန်ကုန်မြို့သစ်စီမံကိန်းအတွက် ရင်းနှီးငွေ ၁ဝ ဘီလံယံမှ ၁၂ ရာခိုင်နှုန်းကျော်သုံး စွဲထားကာ အစိုးရရင်းနှီးငွေများ တဖြည်းဖြည်း လျော့နည်းလာသဖြင့် မူလရည်ရွယ်ထားသည့် စီမံကိန်းများ အကောင်အထည်ဖော်ဆောင်ရွက်ရန် စာရင်းစစ်ချုပ်က အကြံပြုထားသည်။

''စာရင်းစစ်ချုပ်ကြီးက သူ့ရဲ့ အစီ ရင်ခံစာကို ဒါက သူ့ရဲ့လုပ်ထုံးလုပ်နည်းအရ တင်ပြသွားတယ်။ အကုန်လုံး ပြည့်ပြည့်စုံစုံ မဟုတ်ဘူးဆိုရင်တောင် အချိန်အတိုင်းအတာအရ ပြောနိုင်တာတွေကို သူပြောသွားတာ ကောင်းပါတယ်။သူတင်ပြသွားတာ အားလုံးကျေနပ်ပါတယ်''ဟု ဒေါ်စန္ဒာမင်းက ပြောသည်။

ရန်ကုန်တိုင်းဒေသကြီးအတွင်း နွေရာသီမီးပြတ်တောက်သည့် လိုအပ်ချက်ကို ဖြည့်ဆည်းပေးနိုင်ရန် ၂ဝ၁၆-၁၇ ဘဏ္ဍာရေးနှစ်က သီးသန့်ရန်ပုံငွေ ကျပ် ၃ဝ ဘီလီယံဖြင့် ဝယ်ယူခဲ့သည့် ၂၅ မဂ္ဂါဝပ်ဓာတ်အား ထုတ်လုပ်ပေးနိုင်သော ဒီဇယ်နှင့်သဘာဝဓာတ်ငွေ့လောင်စာနှစ်မျိုးသုံး မီးစက်မှာ တနာရီဖွင့်ပါက စက်ဆီ ဂါလန် ၁၆ဝဝ ကျော် ကုန်ကျကြောင်း အစီရင်ခံစာအရ သိရသည်။ အဆိုပါ မီးစက်ကိစ္စကို မေလအတွင်း ပြလုပ်ခဲ့သည့် တိုင်းလွှတ်တော်တွင် ဒဂုံမြို့နယ်မဲဆန္ဒနယ် အမှတ်(၂)လွှတ်တော် ကိုယ်စားလှယ် ဦးကျော်ဇေယျက မေးမြန်းခဲ့ပြီး ထိုစဉ်က သက်ဆိုင်ရာအစိုးရအဖွဲ့ဝင်က ပြန်လည်ဖြေကြားခဲ့ခြင်းမရှိဘဲ ယခုစာရင်းစစ်ချုပ် အစီရင်ခံစာတွင် ပါဝင်လာခြင်းဖြစ်သည်။ ဦးကျော်ဇေယျက စာရင်းစစ်ချုပ် ဒေါ်ခင်သန်းလှအား တာဝန်ကျေပွန်သည့် တိုင်းစာရင်းချုပ်ဖြစ်ကြောင်း မှတ်ချက်ပြုထားသည်။

အဆိုပါစာရင်းစစ်ချုပ်အစီရင်ခံစာအပေါ် ပြည်သူ့ငွေစာရင်းကော်မတီ၏ သုံးသပ်ချက်ကိုလည်း လာမည့်လွှတ်တော်အစည်းအဝေးတွင် တင်သွင်းခြင်းနှင့် ကိုယ်စားလှယ်များတဦးချင်းဆွေးနွေးခြင်းများ ဆောင်ရွက်မည်ဖြစ်ပြီး အစီရင်ခံစာအပေါ် ဘဏ္ဍာရေး၊ စီမံကိန်းနှင့်စီးပွားရေးကော်မတီ၏ သုံးသပ်ချက်ကို လည်း ကော်မတီဥက္ကဋ္ဌဒေါ်စန္ဒာမင်းကိုယ်တိုင် ဖတ်ကြားတင်သွင်းမည်ဖြစ်ကြောင်း သိရသည်။

ကိုလင်း

News Watch

ရန်ကုန်တိုင်းစာရင်းစစ်ချုပ်အစီရင်ခံစာအပေါ် ကျေနပ်အားရမှုရှိဟု ဘဏ္ဍာရေးနှင့် စီမံကိန်းကော်မတီဥက္ကဋ္ဌ ဒေါ်စန္ဒာမင်း ပြော

ရန်ကုန်တိုင်းဒေသကြီး စာရင်းစစ်ချုပ်၏ ၂ဝ၁၇-၂ဝ၁၈ ခု ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာ (အကျဉ်းချုပ်) အပေါ် ကျေနပ်မှုရှိကြောင်း တိုင်းလွှတ်တော်ဘဏ္ဍာရေး၊ စီမံကိန်းနှင့် စီးပွားရေးကော်မတီဥက္ကဋ္ဌ ဒေါ်စန္ဒာမင်းက ပြောကြားလိုက်သည်။

“စာရင်းစစ်ချုပ်ရဲ့ လွှတ်တော်ကိုပေးတဲ့ အစီရင်ခံစာကို ကျေနပ်မှုရှိတယ်။ သူအလုပ်လုပ်ထားတယ်။ ပြည့်စုံတယ်လို့ ပြောလို့ရပါတယ်”ဟု ၎င်းကပြောသည်။

ဇန်နဝါရီ ၈ ရက်ကပြုလုပ်သော လွှတ်တော်အစည်းအဝေးတွင် စာရင်းစစ်ချုပ်ဒေါ်ခင်သန်းလှက အစီရင်ခံစာကို ဖတ်ကြားရှင်းလင်းခဲ့ပြီး လွှတ်တော်ကိုယ်စားလှယ်များအား အစီရင်ခံစာ စာအုပ်ဖြန့် ဝေပေးခဲ့သည်။

စာရင်းစစ်ချုပ်အစီရင်ခံစာတွင် ရန်ကုန် မက်ထရိုပိုလီတန်ကုမ္ပဏီကို ဖွဲ့စည်းကာ အစုရှယ်များထည့်ဝင်ထားမှု၊ ဝင်ငွေနှင့်အသုံးစရိတ် အခြေအနေများအပါအဝင် တိုင်းအစိုးရ၏ အားနည်းချက်ကြောင့် နိုင်ငံ့ဝင်ငွေ ဆုံးရှုံးနစ်နာမှုများရှိနေေြကာင်း ထောက်ပြထားသည်။

YRTA အနေဖြင့် အသားတင်ကျန်ရှိငွေ ကျပ်သန်း ၇၆ဝဝ ကျော်ရှိသော်လည်း နိုင်ငံတော်သို့ ဝင်ငွေခွန်ပေးဆောင်ခြင်းမရှိသကဲ့သို့ တိုင်းအစိုးရ ရင်းနှီးငွေထည့်ဝင်ထားသည့် YBS ကုမ္ပဏီနှစ်ခုဖြစ်သည့် YUPT နှင့် YBPC ကုမ္ပဏီတို့တွင် ကျပ်သန်းပေါင်း ၃၈ဝဝ ကျော် အရှုံးပေါ်နေကြောင်း အစီရင်ခံစာတွင် ဖော်ပြထားပြီး ရန်ကုန်မြို့သစ်စီမံကိန်းအတွက် ရင်းနှီးငွေ ၁ဝ ဘီလံယံမှ ၁၂ ရာခိုင်နှုန်းကျော်သုံး စွဲထားကာ အစိုးရရင်းနှီးငွေများ တဖြည်းဖြည်း လျော့နည်းလာသဖြင့် မူလရည်ရွယ်ထားသည့် စီမံကိန်းများ အကောင်အထည်ဖော်ဆောင်ရွက်ရန် စာရင်းစစ်ချုပ်က အကြံပြုထားသည်။

''စာရင်းစစ်ချုပ်ကြီးက သူ့ရဲ့ အစီ ရင်ခံစာကို ဒါက သူ့ရဲ့လုပ်ထုံးလုပ်နည်းအရ တင်ပြသွားတယ်။ အကုန်လုံး ပြည့်ပြည့်စုံစုံ မဟုတ်ဘူးဆိုရင်တောင် အချိန်အတိုင်းအတာအရ ပြောနိုင်တာတွေကို သူပြောသွားတာ ကောင်းပါတယ်။သူတင်ပြသွားတာ အားလုံးကျေနပ်ပါတယ်''ဟု ဒေါ်စန္ဒာမင်းက ပြောသည်။

ရန်ကုန်တိုင်းဒေသကြီးအတွင်း နွေရာသီမီးပြတ်တောက်သည့် လိုအပ်ချက်ကို ဖြည့်ဆည်းပေးနိုင်ရန် ၂ဝ၁၆-၁၇ ဘဏ္ဍာရေးနှစ်က သီးသန့်ရန်ပုံငွေ ကျပ် ၃ဝ ဘီလီယံဖြင့် ဝယ်ယူခဲ့သည့် ၂၅ မဂ္ဂါဝပ်ဓာတ်အား ထုတ်လုပ်ပေးနိုင်သော ဒီဇယ်နှင့်သဘာဝဓာတ်ငွေ့လောင်စာနှစ်မျိုးသုံး မီးစက်မှာ တနာရီဖွင့်ပါက စက်ဆီ ဂါလန် ၁၆ဝဝ ကျော် ကုန်ကျကြောင်း အစီရင်ခံစာအရ သိရသည်။ အဆိုပါ မီးစက်ကိစ္စကို မေလအတွင်း ပြလုပ်ခဲ့သည့် တိုင်းလွှတ်တော်တွင် ဒဂုံမြို့နယ်မဲဆန္ဒနယ် အမှတ်(၂)လွှတ်တော် ကိုယ်စားလှယ် ဦးကျော်ဇေယျက မေးမြန်းခဲ့ပြီး ထိုစဉ်က သက်ဆိုင်ရာအစိုးရအဖွဲ့ဝင်က ပြန်လည်ဖြေကြားခဲ့ခြင်းမရှိဘဲ ယခုစာရင်းစစ်ချုပ် အစီရင်ခံစာတွင် ပါဝင်လာခြင်းဖြစ်သည်။ ဦးကျော်ဇေယျက စာရင်းစစ်ချုပ် ဒေါ်ခင်သန်းလှအား တာဝန်ကျေပွန်သည့် တိုင်းစာရင်းချုပ်ဖြစ်ကြောင်း မှတ်ချက်ပြုထားသည်။

အဆိုပါစာရင်းစစ်ချုပ်အစီရင်ခံစာအပေါ် ပြည်သူ့ငွေစာရင်းကော်မတီ၏ သုံးသပ်ချက်ကိုလည်း လာမည့်လွှတ်တော်အစည်းအဝေးတွင် တင်သွင်းခြင်းနှင့် ကိုယ်စားလှယ်များတဦးချင်းဆေွးနွေးခြင်းများ ဆောင်ရွက်မည်ဖြစ်ပြီး အစီရင်ခံစာအပေါ် ဘဏ္ဍာရေး၊ စီမံကိန်းနှင့်စီးပွားရေးကော်မတီ၏ သုံးသပ်ချက်ကို လည်း ကော်မတီဥက္ကဋ္ဌဒေါ်စန္ဒာမင်းကိုယ်တိုင် ဖတ်ကြားတင်သွင်းမည်ဖြစ်ကြောင်း သိရသည်။

ကိုလင်း