အမျိုးသားအကျိုးစီးပွားကို ရှေးရှုလျှင် ဖွဲ့စည်းပုံအခြေခံဥပဒေပါ ပုဒ်မ- ၅၉(စ) မပြင်သင့် သမ္မတဖြစ်ခွင့် ပုဒ်မ- ၅၉(စ) သည် ပထဝီနိုင်ငံရေးနှင့်အညီ ဗိုလ်ချုပ်လမ်းစဉ်ဖြင့် ပြဌာန်းထားသည့်ဥပဒေဖြစ်ဟုဆို

27-12-2013

၂ဝဝ၈ ဖွဲ့စည်းပုံအခြေခံဥပဒေ ပါ ပုဒ်မ- ၅၉(စ)သည် တရုတ်၊ အိန္ဒိယကဲ့သို့ နိုင်ငံကြီးနှစ်ခုကြား ရောက်နေသည့် မြန်မာနိုင်ငံ ရေရှည်ရပ်တည်နိုင်ရေးအတွက် မြန်မာနိုင်ငံအမျိုးသား အကျိုးစီးပွားလို လား ရှေးရှုသည်ဆိုလျှင် မပြင်ဆင်သင့်ကြောင်း ဒေါက်တာဆလိုင်း ငွန်ကျုံးလျန်က ပြောသည်။
”ဖွဲ့စည်းပုံအခြေခံဥပဒေ ပုဒ်မ-၅၉(စ)ဟာ နိုင်ငံခြားသားကို လက်ထပ်သူ၊ သြဇာခံအထောက်အပံ့ ခံနေတဲ့ ဆက်နွှယ်နေသူတစ်ဦး တစ်ယောက်ကို ရည်ညွှန်းပြီး မြန်မာနိုင်ငံရဲ့သမ္မတမဖြစ်နိုင်ရေး အတွက် ပြဌာန်းရေးဆွဲထားတာ မဟုတ်ဘူး ဆိုတာကိုလည်း ပြတ်ပြတ်သား သားပြောရဲပါတယ်။ သန်း ၆ဝ ကျော်ရှိတဲ့ မြန်မာနိုင်ငံသားအားလုံး ရဲ့ အမျိုးသားအကျိုးစီးပွားကို ကြည့်ပြီး ရေးဆွဲပြဌာန်းခဲ့သလို၊ ဗိုလ်ချုပ် အောင်ဆန်းကိုယ်တိုင်က တရုတ်နိုင်ငံနဲ့ အိန္ဒိယနိုင်ငံနှစ်ခုကြားမှာ မုန့်ဖက်ထုပ်လေး တစ်ခု လို ဖြစ်နေတဲ့ ကျွန်တော်တို့တိုင်းပြည် ရေရှည် ရပ်တည်နိုင်ရေးအတွက် ချမှတ်ထားတဲ့ လမ်းစဉ်ကို အခြေခံပြီး ရေးဆွဲထားတယ်ဆိုတာကို ပြောရဲပါတယ်”ဟု ဒေါက်တာ ဆလိုင်းငွန်ကျုံးလျန်က ပြောသည်။

၂ဝဝ၈ ဖွဲ့စည်းပုံအခြေခံဥပဒေ ပုဒ်မ-၅၉(စ)အရသမ္မတ ဖြစ်နိုင်သူအချို့ သမ္မတမဖြစ်နိုင်သောအနေ အထားမျိုးရှိခဲ့ပြီး ထိုအနေအထားမျိုးတွင် တစ်ဦးတစ်ယောက်အား အခွင့်ထူးခံအဖြစ် သတ်မှတ်ပြီး ထို သူ သမ္မတဖြစ်နိုင်ရေးအတွက် ဖွဲ့စည်းပုံအခြေခံဥပဒေ ပုဒ်မ-၅၉(စ) ကို ပြင်ရမလား၊ ဖြုတ်ရမလားဆို သည့် မေးခွန်းသည် ဖွဲ့စည်းပုံအခြေခံဥပဒေကို လေ့လာလိုက်စား သင်ယူနားလည်သူများအဖို့ မကြားဝံ့၊ မဖြေဝံ့သော မေးခွန်း တစ်ခုဖြစ်ကြောင်း ယင်းက ဆို သည်။

ပုဒ်မ-၅၉ (စ)ကို ပုဂ္ဂိုလ်ရေး ခံစားချက်များဖြင့် တစ်ဦးတစ်ယောက်အတွက် ဦးတည်ပြင်ခဲ့ပါက သမ္မတ သက်တမ်း အလွန်ဆုံး ၂ ကြိမ်စာအတွက် ၁ဝ နှစ်၏ နောက်ပိုင်းတွင် အခြားသောတိုင်းတစ်ပါးသား လက်အောက်ခံသြဇာခံဆက်နွှယ်နေသူများ မြန်မာ့နိုင်ငံရေးတွင် ပါဝင်ပတ်သက်လာလျှင် မြန်မာ့နိုင်ငံ ရေးအလားအလာ ဆုတ်ယုတ်နိုင်မည်ဟု သုံးသပ်သူများရှိသကဲ့သို့ အချို့ကလည်း မိဘနှစ်ပါးနိုင်ငံ သားဖြစ်လျှင် သမ္မတဖြစ်ခွင့်အတွက် ပြည့်စုံသည်ဟူသော သုံးသပ်ချက် များနှင့်စပ်လျဉ်းပြီး ဒေါက်တာ ဆလိုင်းငွန်ကျုံးလျန်က ”မိဘနှစ်ပါး နိုင်ငံသားဖြစ်ရင် လုံလောက်ပါပြီဆိုတဲ့ အတွေးတွေက ဘင်္ဂလား ပင်လယ်အော်ကို မကျော်နိုင်တဲ့အတွေးလို့ စကားနာနာနဲ့ပဲ ပြောပါ ရစေ။ ကျွန်တော့်မိဘနှစ်ပါးက မြန်မာနိုင်ငံသားဖြစ်ပေမယ့် ကျွန်တော်က အမေရိကန်နိုင်ငံသား ခံယူခဲ့ပြီး နိုင်ငံသားခံယူချိန်မှာ အမေ ရိကန်နိုင်ငံ အမျိုးသားအကျိုးစီးပွားကို အသက်စွန့်ကာကွယ်ပါ့မယ်လို့ ကျမ်းကျိန်မှ အမေရိကန် နိုင်ငံသားခံယူခွင့်ရတာဖြစ်တာကြောင့်၊ အဲလိုတခြားနိုင်ငံတစ်ခုအမျိုးသားအကျိုးစီးပွားကို အသက်ပေး ကာကွယ်ဖို့ ကျမ်းကျိန်ထားသူဟာ မြန်မာ့နိုင်ငံရေးထဲဝင်ပါရင် သင့်တော်ပါ့မလားဆိုတာ မြန်မာ နိုင်ငံ အမျိုးသားအကျိုးစီးပွားကို ဦးထိပ်ထားသူတိုင်း ဖြေဆိုရမယ့် မေးခွန်းဖြစ်သလို၊ အခြားနိုင်ငံတစ်ခုရဲ့ အမျိုးသားအကျိုးစီးပွားကို အသက်ပေးကာကွယ်ဖို့တာဝန်ရှိတဲ့သူတွေနဲ့ သွေးသားအရ ဆက်နွှယ် နေသူဟာ မြန်မာနိုင်ငံသမ္မတ လုပ်သင့်လားဆိုတာလည်း မြန်မာနိုင်ငံ အမျိုးသားအကျိုးစီးပွားကို နား လည်သူတိုင်းက ဆုံးဖြတ်ရမှာဖြစ်ပါတယ်” ဟု ဖြေသည်။

အရှေ့ဘက်မှ တရုတ်၊ အနောက်ဘက်မှ အိန္ဒိယတို့ကဲ့သို့ လူဦးရေထူထပ်သော နိုင်ငံကြီး နှစ် နိုင်ငံ အလယ်တွင် သန်းခြောက်ဆယ်သာရှိသော မြန်မာနိုင်ငံအနေဖြင့် လူ တစ်ဦးတစ်ယောက်ကို လေးစား ကြည်ညိုသည့် အကြောင်းပြချက်ကြောင့် သမ္မတဖြစ်ခွင့်ဆိုင်ရာ ဥပဒေပုဒ်မ-၅၉(စ) ကို ပြင်မည် ဆိုပါက တိုင်းပြည်ကို မချစ်ရာကျသလို လူတစ်ဦးတစ်ယောက်ကို ကိုးကွယ်ရာရောက်သည်ဟု ယူဆ ကြောင်းယင်းကဖြည့်စွက်ပြောသည်။

၂ဝဝ၈ ဖွဲ့စည်းပုံအခြေခံဥပဒေအား လူထုသဘောဆန္ဒအရ ပြင်လိုကပြင်နိုင်သော်လည်း ပုဒ်မ- ၅၉ (စ)အားပြင်ဆင်ခြင်း၊ ပယ်ဖျက်ခြင်း ပြုလုပ်ခဲ့မည်ဆိုပါက ရင်ဆိုင်ရမည့်ဆိုးကျိုးများကို သုံးသပ်ရာတွင် ”၂ဝဝ၈ ဖွဲ့စည်းပုံအခြေခံမှာ ပါတဲ့အချက်အားလုံးကို ပြင်လို့ရပါတယ်။ ပြင်သင့်တဲ့ဟာတွေလည်း အများကြီးရှိသော်လည်း အချိန်အခါကြည့်ပြီးပြင်ရမှာဖြစ်သလို၊ မပြင်ခင်မှာလည်း ကျေကျေ ညက် ညက် ဖတ်ရှုလေ့လာဖို့လိုတယ်။ ပုဒ်မ- ၅၉ (စ) ကိုတော့ မပြင်သင့်ပါဘူး။ ဘာဖြစ်လို့လဲမေးရင် မြန်မာနိုင်ငံကို ချစ်လို့ မပြင်သင့်ဘူးလို့ယုံကြည်လို့ပါ။တကယ်လို့များ ပုဒ်မ- ၅၉(စ) ကို ဖြုတ်ပစ်ခဲ့ရင် နိုင်ငံခြားသားသြဇာခံတွေ လွှတ်တော် ထဲရောက်လာကြ၊ လုပ်ချင်ရာလုပ်ပြီး ပြဿနာဖြစ်ရင် တခြား နိုင်ငံမှာ နိုင်ငံသားအဖြစ် ကျမ်းသစ္စာကျိန်ဆိုထားတဲ့သူတွေက ဝင်ကယ်ကြရင်းနဲ့ မြန်မာပြည်ကြီးဟာ နိုင်ငံရေး သုတေသနအပြုခံရတဲ့ တိုင်းပြည်တစ်ခုဖြစ်လာမယ်။ နိုင်ငံခြားသား မခံယူထားတောင်မှ သားနဲ့သမီးတွေက နိုင်ငံခြားသားဖြစ်တဲ့အတွက် ပြဿနာဖြစ်တိုင်း တာဝန်သိတတ်တဲ့ နိုင်ငံခြား တိုင်းပြည်တွေက မြန်မာ့အရေးကို Immediate Family အရေးဆိုပြီး ဝင်ရှုပ်တဲ့အခါ အင်အား မရှိသေးတဲ့ ကျွန်တော်တို့တိုင်းပြည်ဘက်က ပေးဆပ်ဖို့သက်သက်ပဲ ရှိပါ တယ်”ဟု ဒေါက်တာဆလိုင်း ငွန်ကျုံးလျန်က ဆက်လက်ဖြေကြားသည်။

တဖန် ၈၈ မျိုးဆက်ကျောင်းသားခေါင်းဆောင် ကိုကိုကြီးကလည်း ယင်းတို့အနေဖြင့် ဒေါ်အောင် ဆန်းစုကြည်၏ နိုင်ငံရေးလှုပ်ရှား မှုများကို ၈၈ ကျောင်းတွင်းလှုပ်ရှားမှု၊ ၈၈ လူထု အရေးတော်ပုံ ကာလ တည်းက ပံ့ပိုးကူညီခဲ့သလို၊ ဒေါ်အောင်ဆန်းစုကြည်ကို လူထုလေးစားကြည်ညိုရသည့် ခေါင်းဆောင် တစ်ယောက်၊ မြန်မာ့နိုင်ငံရေး ပြဿနာဖြေရှင်းရန် ကာချုပ်၊ သမ္မတကဲ့သို့ တန်းတူအရေးပါသော ထိပ်ခေါင်းဆောင်အဖြစ် ရှုမြင်ကြောင်း၊ သမ္မတဖြစ်ခွင့် ပုဒ်မ- ၅၉(စ)ပြင်ဆင်ရေး၌ ဖွဲ့စည်းပုံ အခြေခံ ဥပဒေတွင် ပါရှိသော အပိုဒ် တစ်ပိုဒ်၊ စကားလုံးတစ်လုံး သည်ပင်လျှင် ပြည်သူ သန်း ၆ဝ ရှိလျှင် သန်း ၆ဝ၊ သန်း ၆ဝဝရှိလျှင် သန်း ၆ဝဝ လုံးနှင့်သက်ဆိုင်ပြီး ထို့ထက် ပို၍ နောက်မျိုးဆက်နှင့်ပါ သက်ဆိုင် သောကြောင့် ဖွဲ့စည်းပုံအခြေခံဥပဒေပြင်ဆင်ရေး အတွက် မည်သို့ ပြင်မည်နည်း၊ မည်သည့်အချိန် ပြင် မည်နည်း၊ မည်ရွေ့မည်မျှပြင်မည်နည်း ဆိုသောအချက်မှာ နိုင်ငံသား အားလုံး ချင့်ချင့်ချိန်ချိန်၊ စဉ်းစဉ်း စားစားဆောင်ရွက်သင့်ကြောင်း ပြောသည်။

အမျိုးသားဒီမိုကရေစီ အဖွဲ့ချုပ်အနေဖြင့် တိုင်းပြည်အတွက် လိုအပ်သောမူဝါဒများ အကောင် အထည် ဖော်ရေးနှင့် မြန်မာ့ဒီမိုကရေစီအရေးအတွက် အနစ်နာခံစွန့်လွှတ်ပေးဆပ်သူများအတွက် သမ္မတ ဖြစ်လိုကြောင်း၊ မိမိကို သမ္မတမဖြစ်အောင် ပိတ်ပင်တားဆီးထားသောအခြေခံဥပဒေကို ကန့်ကွက်ပြီး မည်သည့်အခြေခံဥပဒေမျှ လူတစ်ဦးတစ်ယောက်ကို ရည်ရွယ်ပြီး မရေးဆွဲသင့်ကြောင်း သြစတြေးလျ နိုင်ငံသို့ ပထမဆုံးအကြိမ် သွားရောက်ခဲ့သော ခရီးစဉ်အတွင်း ပြောကြားခဲ့သည်။

လွှတ်တော်က ပြဌာန်းထားသည့်ဥပဒေတိုင်း ၂ဝဝ၈ ဖွဲ့စည်းပုံ အခြေခံဥပဒေနှင့် ညီညွတ်ရန် လိုအပ် ပြီး ၂ဝဝ၈ အခြေခံဥပဒေ အသက်မဝင်ခင် ပြဌာန်းထားသော တည်ဆဲဥပဒေအားလုံးသည်လည်း ဖွဲ့စည်းပုံအခြေခံဥပဒေနှင့် ညီညွတ်ရမည်ဖြစ်သည်။ မညီညွတ်ခဲ့ပါ က ဥပဒေသဘောသဘာဝအရ ပျက်ပြယ်သလို၊ လွှတ်တော်များက ပျက်ပြယ်အောင် လုပ်ဆောင်မှုများ ပြုလုပ်ရမည်ဖြစ်သောကြောင့် ၂ဝဝ၈ ဖွဲ့စည်းပုံအခြေခံဥပဒေကို ကျော်လွန်၍ မည်သည့်ဥပဒေမျှ ပြဌာန်းနိုင်ခွင့်မရှိပေ။ ပြဌာန်း ခဲ့သည်ရှိသော် ၂ဝဝ၈ဖွဲ့စည်းပုံအခြေခံဥပဒေကို ဦးစွာပြင်ပြီးမှသာ ပြဌာန်းနိုင်မည် ဖြစ်သည်။
လက်ရှိ ဖွဲ့စည်းပုံအခြေခံဥပဒေအရ ဒေါ်အောင်ဆန်းစုကြည်သည် အင်္ဂလန်နိုင်ငံသား ဒေါက်တာမိုက် ကယ်အဲရစ်နှင့် လက်ထပ်ခဲ့ခြင်း၊ သား ၂ ဦးမှာ ဗြိတိန်နိုင်ငံသားများ ဖြစ်နေခြင်းတို့ကြောင့် လာမည့် ၂ဝ၁၅ ရွေးကောက်ပွဲတွင် သမ္မတ ဖြစ်ရေးကို အဟန့်အတားဖြစ်နေသည်။

http://www.echoingvoicenews.com/ မှ ကူးယူဖော်ပြသည်
မြန်မာ့နိုင်ငံရေးဆောင်းပါးများ

ဒေါ်အောင်ဆန်းစုကြည် ကျန်းမာရေး ရာနှုန်းပြည့် ပြန်ကောင်းပြီ

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကို မိသားစုဆရာဝန် ဒေါက်တာတင်မျိုးဝင်း (ခွဲစိတ်) ဦးဆောင်တဲ့ ဆရာဝန်များအဖွဲ့က ခြေထောက်ခွဲစိတ်ထားတဲ့ အနာချုပ်ရိုးကို ဒီဇင်ဘာ ၂၆ ရက်နေ့က ဖြည်ကြည့်ပြီးနောက် ကောင်းမွန်စွာ လမ်းလျှောက်နိုင်ပြီဖြစ်ကြောင်း သတင်းထုတ်ပြန်ပါတယ်။
ဒေါက်တာတင်မျိုးဝင်းက အဖွဲ့ချုပ်ဥက္ကဋ္ဌအနေနဲ့ လုပ်ငန်းတာဝန်တွေ ပြန်လည် လုပ်ဆောင်နိုင်ပြီ ဖြစ်ကြောင်း ခွင့်ပြုလိုက်ပါတယ်။
ဒါကြောင့် အဖွဲချုပ်ဥက္ကဋ္ဌ ဒေါ်အောင်ဆန်းစုကြည်ဟာ ချင်းပြည်နယ် သွားရောက်ဖို့ မူလ စီစဉ်ထားတဲ့အတိုင်း လာမယ့်နှစ် ဇန်န၀ါရီ ၆ ရက်နေ့မှာ သွားရောက်မယ်လို့ မိသားစုဆရာဝန်က အတည်ပြု ပြောကြားပါတယ်။

ကွတ်ခိုင်မြို့နယ်တွင် မူးယစ်ဂိုဏ်းတစ်ခု ဖမ်းမိ

ဒီဇင်ဘာ ၂၅ ရက် နံနက် ၄ နာရီခန့်က ရှမ်းပြည်နယ် မြောက်ပိုင်း ကွတ်ခိုင်မြို့၌ အခြေစိုက်ထားသည့် ဘိန်းချက်စခန်းကြီးတစ်ခုကို နယ်မြေခံတပ်မတော်နှင့် ရဲတပ်ဖွဲ့ဝင်များ ပူးပေါင်းကာ ၀င်ရောက်စီးနင်းခဲ့ပြီး တရုတ်လူမျိုးများ ပါဝင်သည့် မူးယစ်ဂိုဏ်းတစ်ခုကို ဖမ်းဆီးထိန်းသိမ်းနိုင်ခဲ့ကြောင်း ရှမ်းပြည်နယ် ရဲတပ်ဖွဲ့မှူးရုံးမှ သတင်းရရှိသည်။

“ဘိန်းချက်စခန်းကိုပိုင်တဲ့ ခေါင်းဆောင်ကလည်း တရုတ်လူမျိုးလို့ သိရပါတယ်။ စခန်းကကြီးပြီး လျှိုတွေထဲမှာ ဆောက်ထားတော့ သေနတ်သံကြားတဲ့အချိန်မှာ တရားခံတချို့ ထွက်ပြေးသွားပါတယ်။ အဲဒီထွက်ပြေးသွားသူတွေထဲမှာ ခေါင်းဆောင်ဆိုသူလည်း ပါနိုင်ပါတယ်”ဟု ဘိန်းချက်စခန်း ၀င်ရောက်စီးနင်းမှုဖြစ်စဉ်တွင် ပါဝင်ခဲ့သည့် လားရှိုးမူးယစ်တပ်ဖွဲ့စု ၂၄ မှ ရဲအရာရှိတစ်ဦးက ပြောသည်။

ကွတ်ခိုင်မြို့ ရှောက်ဟော်ကျေးရွာရှိ ဘိန်းချက်စခန်းတစ်ခုကို မိုးမလင်းမီအချိန် ၀င်ရောက်စီးနင်းခဲ့ခြင်းဖြစ်ပြီး ကွတ်ခိုင်ဗျူဟာမှ ဗိုလ်ကြီးရန်မျိုးကျော်၊ ခလရ ၂၄ မှ ဗိုလ်မှူးနေ၀င်းမောင်နှင့် လားရှိုးမူးယစ်တပ်ဖွဲ့မှ (၂၄၁) မှ ရဲအရာရှိများ ဦးဆောင်ခဲ့ခြင်းဖြစ်ကြောင်း သတင်းရရှိသည်။

ရှောက်ဟော်ကျေးရွာရှိ ဘိန်းချက်စခန်းမှ AK47 မောင်း ပြန်ရိုင်ဖယ်တစ်လက်နှင့် သေနတ်နှစ်လက်အပြင် ကျပ်သိန်း ၁၇၀၀ ကျော် တန်ဖိုးရှိ မူးယစ်ဆေးဝါးများနှင့် ဆက်စပ်ပစ္စည်းများ ရှာဖွေထိန်းသိမ်းနိုင်ခဲ့ကြောင်း သတင်းရရှိသည်။

ထို့အပြင် တရုတ်လူမျိုး အမျိုးသားနှစ်ဦးနှင့် မြန်မာအမျိုးသားတစ်ဦးကို ဖမ်းဆီးနိုင်ခဲ့ပြီး အရေအတွက် အတိအကျ မသိရသော ထွက်ပြေးလွတ်မြောက်သွားသူများလည်းရှိကြောင်း ပြည်နယ်ရဲတပ်ဖွဲ့မှူးရုံးမှ ရဲအရာရှိတစ်ဦးက ပြောသည်။

ဘိန်းချက်စခန်းပိုင်ရှင်မှာ တရုတ်လူမျိုး ဟော်လောက်ဖန်ဆိုသူဖြစ်ပြီး ၎င်းကိုဖမ်းဆီးနိုင်ရန်အတွက် ရှာဖွေစုံစမ်းမှုများ ပြုလုပ်နေကြောင်း အဆိုပါရဲအရာရှိက ပြောသည်။

“စီမံချက်ကာလ ပြီးဆုံးသွားပေမယ့် ရဲတပ်ဖွဲ့ဝင်တွေရဲ့ လျှို့ဝှက်စုံစမ်းမှုတွေနဲ့ ဖမ်းဆီးမှုတွေ ဆက်လုပ်နေပါတယ်။ ဒေသတွင်းမှာ မူးယစ်ဆေးဝါးပပျောက်ရေးကို အတတ်နိုင်ဆုံးကြိုးစားနေပါတယ်”ဟု ၎င်းက ပြောသည်။

ဖမ်းဆီးရမိသော မူးယစ်တရားခံသုံးဦးကို လားရှိုးမြို့မရဲစခန်း၌ ထိန်းသိမ်းထားပြီး ထွက်ပြေးလွတ်မြောက်နေသော ဘိန်းချက်စခန်းပိုင်ရှင် ဟော်လောက်ဖန်ဆိုသူကိုပါ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/ ၁၆ (ခ)/၁၉(က)/၂၀(က)/၂၂ (ခ)/၂၁ ဖြင့် အမှုဖွင့်ထားကြောင်း သတင်းရရှိသည်။

ရှမ်းပြည်မြောက်ပိုင်းတွင် မူးယစ်ဗဟိုမှ ရွှေလီစစ်ဆင်ရေးအမည်ဖြင့် မူးယစ်ဆေးဝါးတားဆီးနှိမ်နင်းရေးစီမံချက်ကို ပြီးခဲ့သည့်လက ပြုလုပ်ခဲ့ရာ မူးယစ်မှု ၁၈၂ မှုနှင့် ပြစ်မှုကျူးလွန်သူ ၂၄၃ ဦး ဖမ်းဆီးထိန်းသိမ်းနိုင်ခဲ့သည်။

ဦးနေဝင်းနဲ့ တခုသောခရစ်စမတ်

အင်းယားလိတ်ဟိုတယ် ဂီတဖျော်ဖြေပွဲတခုကို ဦးနေဝင်းကြီး အရောက်သွားပြီး သွားကဲခဲ့ ပွဲကြမ်းခဲ့ဖူးပါတယ်။

သွားကဲတယ်ဆိုတာ သွားရောက် ကခုန်တာမျိုး၊ မိုက်ခဲပြီး ကာရာအိုကေဆိုတာမျိုး မဟုတ်ပါဘူး။
ပတ်မကြီးထိုးဖောက်ခဲ့တာပါ။ ဖြစ်ချင်တော့ အဲဒီနေ့က ခရစ်စမတ်ကာလ။
အနှစ်လေးဆယ်ဝန်းကျင်မှာဖြစ်ခဲ့တဲ့ဒီအကြောင်းက ဒီနှစ်ခရစ်စမတ်ကာလမှာ အွန်လိုင်းထဲ အသေးစိတ် ရောက်လို့လာပါပြီ။ ခါတိုင်းတော့ တဆင့်စကားတဆင့်နားနဲ့ ကြားသိခဲ့ရတာများတယ်မဟုတ်လား။

ဒီရက်ပိုင်း အဆိုတော်ကြီးဆက်မော်က သူ့ဖေ့စ်ဘုတ်စာမျက်နှာမှာ ပြန်ပြောပြ ရေးပြထားတာကို ကူးယူ ဖော်ပြလိုက်ပါတယ်။

"မခေါ်ဘဲ၊ မမျှော်ဘဲ ရောက်လာသော ဧည့်သည်ကြီး ဦးနေဝင်း"

Christmasရောက်လာတိုင်း အမြဲသတိရတဲ့ ကျနော့ကိုယ်တွေ့မှတ်တမ်းလေးတခုကိုတင်ပြပါရစေ....။

ဒီလိုပါ..၁၉၇၅လောက်က အင်းယားလိပ်ဟော်တယ်မှာ အထူးအစီအစဉ်အဖြစ် ခရစ်စမတ်အကြိုဖျော်ဖြေရေးမှာ ကျနော်တို့ELF အဖွဲ့နဲ့ ဧည့်သည်တော်တီးဝိုင်း Electronic Machine တို့တီးခတ်ရမှာဖြစ်ပါတယ်။
ထူးထူးခြားခြား အဲဒီနှစ်က ဖျော်ရေးကိုအပြင်ရေပန်းရှိရာဘက်ရင်ပြင် (ဦးနေဝင်းအိမ်ကိုမြင်နေရပြီး အင်းယားရေပြင်သာခြားတယ်)မှာကျင်းပပါတယ်။

ည ၈နာရီခွဲ လောက်မှာပွဲစလို့ ပွဲဦးထွက် ELF အဖွဲ့က ကျနော်နဲ့ Tetkatho အေးမောင် သီဆိုပြီးကြပြီ ၁၁နာရီလောက်မှာ ပထမပိုင်းကျနော်တို့နားချိန်မှာ E. Machine ဖျော်ဖြေပါတယ်။

သိတ်မကြာပါ...ဘော်ဒါကြီး စိုင်းထီဆိုင်ရဲ့ Killing me softly အင်္ဂလိပ်လိုဆိုနေချိန် drum အသံ ပါမလာတော့လို့ ကြည့်လိုက်တော့ Drummer ကိုကျော်ဆွေဟန်ကို လူ တယောက်က ဆင်းခိုင်းပြီး သူက တက်ထိုင်လိုက်ကိုအမှောင်ထဲမှာတွေ့ရပါတယ်၊ အမူးသမားထင်တာပေါ့...

ဒါပေမဲ့ မီးထိုးသမား ကိုကျော်ဟိန်း(ရုပ်ရှင်မင်းသားမဟုတ်)က ဦးနေဝင်းနဲ့တူတယ်ဆိုပြီး မီးများအားလုံးဖွင့်ချလိုက်တော့ တကယ့် ဦးနေဝင်းပါဘဲ....Drumstick ကိုကိုင်ထားပြီး၊ ပြောလိုက်တာကတော့"ငါတို့က တိုင်းပြည်အတွက်အလုပ်လုပ်နေတာကို မင်းတို့ကဒီမှာစောက်ကမြင်းကျောထနေကြတယ်" ဆိုပြီး Drum Tom Tom ကိုထိုးဖောက်ဖျက်စီးပြစ်လိုက်တယ်။

Sound Engineer ကိုအောင်ဇော်လူ ကအသံတွေကိုပိတ်ဖို့စင်ပေါ်တက်လာတာကို "မင်းကလူမိုက်လား"ဆိုပြီး ဆံပင်ကိုဆွဲပြီး ရင်ဘတ်ကိုထိုးပါတယ်၊
နောက်တယောက်နိုင်ငံခြားသားတယောက်(UN ရုံးမှလို့ပြောပါတယ်)ကစင်ပေါ်တက်လာပြီ၊
Christmas မှာဒီလိုမလုပ်ဖို့တားတာကို ဦိးနေဝင်းက ဒီလူရဲ့အောက်ပိုင်းကိုကန်လိုက်လို့ ဆေးရုံတင်လိုက်ရပါတယ်။

ဦးနေဝင်းရောက်ပြီးမှ ဦးစန်းယု၊ ဦးတင်ဦးနဲ့တခြားကောင်စီဝင်များရောက်လာတာတွေ့ရပါတယ်။

ဒိအပြင် စင်နောက်မှာရှိနေတဲ့ ပွဲတာဝန်ခံ ဇနီးမောင်နှံကိုလည်း ဒီနေရာမှာရှိရမလားဆိုပြီး ပါးရိုက်ခဲ့တယ်။

ကိုအောင်ဇော်လူကိုတော့ MI တင်ဦးက လမ်းသရဲလားလို့မေးပြီးလက်ထိပ်ခပ်တော့ ၊သူက လမ်းသရဲမဟုတ်ကြောင်း၊ သူ့အဖေနာမည်ပြောတော့မှ ဦနေဝင်းကချက်ချင်းပြန်လွှတ်ပေးခဲ့တယ်။

ကျနော်တို့လည်း ထွက်အပြေးဟော်တယ်ထဲမှာတခါ ၁၀ပေ အကွာလောက် ဦနေဝင်းနဲ့က "Get out, get out" ဆိုပြီးအော်ငေါက်နေတယ်။

ဝတ်ထားတာကလည်း စစ်အင်္ကျီဆွယ်တာအဟောင်း၊စစ်ဘောင်းဘီအဟောင်း၊ ခြေညှပ်ဖိနပ်နဲ့ပါ။ သူ့ရဲ့Bodyguard များကတော့ စင်ပေါ်တက်ပြီး စက်များကိုကန်ချခဲ့ကြတယ်။

ပွဲလာတဲ့လူတွေနဲ့ကျနော်တို့ကတော့ ကမ္ဘာကြီးပျက်သလား အောက်မေ့ရတယ်၊ ဘာမှမကြောက်ပါဘူး ကျည်ဆံတွေအနောက်ကလိုက်လာမှဘဲကြောက်တာပါ။
ဘယ်ရမလဲ အသားကုန် သွန်ခဲ့ရတဲ့ Christmasအကြိုညပေါ့... ။

ဦးနေဝင်းဘာကြောင့်အဲဒီလောက်စိတ်ဆိုးသွားလည်းဆိုတော့....(အတွင်းလူတယောက်ရဲ့ပြောပြချက်အရ) ကျနော်တို့ဒီဘက်မှာတီးနေတဲ့အချိန်မှာသူနဲ့ကောင်စီဝင်တို့ သူ့အိမ်မှာစုစားသောက်ရင်းနဲ့တပ်မတော်ရှေ့တန်းတိုက်ပွဲကအကျအဆုံးများနေတာတွေကိုကြည့်ပြီး ဒေါသထွက်ထွက်ရတာကတကြောင်း၊
သတင်းရုပ်ရှင်ခဏနားတဲ့အချိန်မှာ အင်းယားကန်တဖက်က ကျနော်တို့ဆိုတီးသံတွေကြားတော့မှ သူ့သားသမီးကိုသတိရတယ်၊ မေးကြည့်တော့ အိမ်မှာမရှိကြဘူး၊ အရက်ကလည်းသောက်ထားတယ်၊
အဲဒီမှာရှိမယ်ထင်ကိုယ်တိုင် Mazda Jeep မောင်းပြီး တယောက်ထဲထွက်လာတယ်။
ကောင်စီလူကြီးများကတားတယ်မရ...

Motor vehicle ပုလိပ်တယောက် က ဟော်တယ်အဝင် ကားမောင်းမြန်လို့(ဦးနေဝင်းမှန်းမသိ)တားတယ်၊အထိုးခံလိုက်ရတယ်(သံခမောက်ကိုလမ်းမမှာတွေ့ခဲ့ရတယ်)
လက်မှတ်စောင့် ဦနေဝင်းမှန်းမသိ၊ လက်မှတ်သွားတောင်းလို့ ဦနေဝင်းလက်သီးစာမိသွားတယ်လေ....ဒါပါဘဲလေ...

အားလုံးအတွက်သိထားရအောင်၊ ခရစ်စမတ်လက်ဆောင်လေးပါ....အားလုံးကိုချစ်ခင်လေးစားပါတယ်။

ဖေါ်ပြပါပုံလေးကတော့ အဲဒီညကဖျော်ဖြေခဲ့တဲ့ "ELF"ဖြစ်ပါတယ်။
left to right- Gordon (Drums),Zeyar Chan Htoon (rhythm),Fred Chan Htoon (Bass), Reggie Ba Oo (Tetkatho Aye Maung)(lead), Peter Paw( Keyboard ).

ကျန်တဲ့ပုံကတော့ မခေါ်ဘဲ မမျှော်ဘဲ ရောက်လာတဲ့ ဧည့်သည်ကြီးရဲ့ပုံလေ....
Merry Christmas and a bright happy new year!!!!!

ဧရာဝတီ Facebook / ဧရာဝတီ Twitter

ခန္ဓာကိုယ် အတွင်းမှ ကျဆင်းသွားသော လျှပ်စစ်ဓာတ်အား ပြန်လည်အားသွင်းပေးသည် E-Life စက်ကို အခမဲ့ အသုံးပြုခွင့် ပေးမည်

27-12-2013

ခန္ဓာကိုယ်မှ ကျဆင်းသွားသော သဘာဝ လျှပ်စစ်ဓာတ်အားကို ဘေးထွက်ဆိုးကျိုးများ လုံးဝမရှိဘဲ လျှပ်စစ် ဓာတ်အား ပြန်လည် အားသွင်းပေးနိုင်သည့် E-Life နောက်ဆုံးပေါ်ကျန်းမာရေး အထောက်အကူပြု စက်ကို အခမဲ့ အသုံးပြုခွင့် ပေးသွားမည် ဖြစ်ကြောင်း လမ်းမတော် One Energize Station မှ သိရသည်။

E-Life စက် လာရောက် အသုံးပြုသူများကို ဒီဇင်ဘာ ၂၅ ရက်မှ ၂၇ ရက် အထိ သုံးရက်တိုင်တိုင် အခမဲ့ အသုံးပြုမှု အနေဖြင့် ဝန်ဆောင်မှု ပေးသွားမည် ဖြစ်သည်။ အဆိုပါ E-Life စက်ကို အမှတ် (၈၂) မြေညီထပ် ရွှေတောင်လမ်းလသာ မြို့နယ်ရှိ One Energize Station တွင် အသုံးပြုခွင့် ရမည်ဖြစ်သည်။

လူတို့၏ ခန္ဓာကိုယ်တွင် သဘာဝအားဖြင့် လျှပ်စစ်ဓာတ်အား ရှိနေရာ ခန္ဓာကိုယ် အတွင်းရှိ နှလုံး၊ အဆုတ်၊ အူမကြီး၊ အစာအိမ်၊ ကျောက်ကပ်၊ ဦးနှောက်၊ အူသိမ် အစရှိသော ကိုယ်တွင်း အင်္ဂါများ ပုံမှန် လုပ်ဆောင် ချက်အတိုင်း လုပ်ကိုင်ရန် အထောက်အကူ ပေး ကြောင်း သိရသည်။

ယင်း သဘာဝ လျှပ်စစ်ဓာတ်အားသည် ခန္ဓာကိုယ်၌ လျော့နည်းသွားမည် ဆိုပါက ကိုယ်တွင်း အင်္ဂါများ ပုံမှန် အလုပ် မလုပ်နိုင်တော့ဘဲ စွမ်းရည် ကျဆင်းကာ ရောဂါဝေဒနာများ ဖြစ်ပေါ်စေနိုင်သည်။ E-Life စက်မှ လျှပ်စစ် ဓာတ်အားသည် ခန္ဓာကိုယ်အား ထိခိုက်နာကျင်စေနိုင်ခြင်း၊ အပူလောင်စေခြင်းနှင့် တခြားသော ဘေးထွက်ဆိုးကျိုးများ ဖြစ်ပေါ်ခြင်း မရှိဘဲ လျှပ်စစ်ဓာတ်အားကို ခန္ဓာကိုယ်ထဲသို့ ပြန်လည် အားသွင်းပေး ခြင်းဖြင့် ရောဂါ ဝေဒနာများကို သက်သာ ပျောက်ကင်းစေနိုင်ကြောင်း သိရသည်။

E-Life စက်ကို အသုံးပြုခြင်းဖြင့် သွေးတိုး၊ ဆီးချို၊ နှလုံး၊ လေးဖက်နာ၊ အစာအိမ်၊ ဆီးနှင့် ကျောက်ကပ်၊ လေဖြတ်ပြီး ခြေလက် မလှုပ်ရှားနိုင်သူများ၊ အရိုးအကြော၊ ဦးနှောက်နှင့် အာရုံကြော၊ သွေး၊ ပန်းသေ၊ ပန်းညှိုး၊ သားသမီး မထွန်းကားသူ၊ အရေပြားရောဂါ၊ အဝလွန်သူများနှင့် အသားအရေ လှပချင်သူများ အသုံးပြုနိုင်ကြောင်း သိရသည်။

ထက်နေ

ယင်းလတ်အစိုးရ ရွေးကောက်ပွဲရွှေ့ဆိုင်းရန် ငြင်းဆို

27-12-2013

ယခု သောကြာနေ့သည် လက်ရှိဖြစ်ပွားနေသည့် ထိုင်းနိုင်ငံဆန္ဒပြပွဲများအတွင်း အကြမ်းဖက်မှုအများဆုံးဖြစ်ခဲ့ သည့်နေ့ ဖြစ်ခဲ့သည်။ ခဲများနှင့် ပစ်ခတ်တိုက်ခိုက်သူအချို့နှင့် ထင်ထင်ရှားရှားလက်နက်ကိုင်ဆောင်သော သူများလည်းပါဝင်သော သဘောထားတင်းမာသူအုပ်စုသည် ကိုယ်စားလှယ်လောင်းများကို မှတ်ပုံတင်နေသည့် ရွေးကောက်ပွဲကော်မရှင်ရုံးစိုက်ရာ အားကစားကွင်းထဲသို့ ချိုးဖျက်ဝင်ရောက်ရန် ကြိုးစားနေကြသည်။ ရဲတပ်ဖွဲ့ဝင်များကလည်း မျက်ရည်ယိုဗုံးများကို သုံးကာလူစုခွဲရန် ကြိုးစားနေကြသည်။

အခင်းဖြစ်ပွားရာတွင် သေနတ်ဒဏ်ရာနှင့် ရဲအရာရှိတစ်ဦးသေဆုံးခဲ့ရကာ သူနာပြုတစ်ဦးလည်း ဒဏ်ရာရခဲ့သည်။ အခြားရဲတပ်ဖွဲ့ဝင်များနှင့် ဆန္ဒပြသူ ဒါဇင်များစွားလည်း ပြင်းထန်စွာ ဒဏ်ရာရခဲ့ကြောင်း သိရသည်။ ရွေးကောက်ပွဲ ကော်မရှင်က မံဆွယ်စည်းရုံးရာတွင် ကိုယ်စားလှယ်လောင်းများ၏ လုံခြုံရေးကို စိုးရိမ်ရသည့်အတွက်
လာမည့်ဖေဖော်ဝါရီလအတွင် ကျင်းပမည့် ရွေးကောက်ပွဲ ကို ရွှေ့ဆိုင်းရန်အစိုးရကို တိုက်တွန်းထားသည်။

ပါလီမန်ကို ဖျက်သိမ်းထားပြီဖြစ်သောကြောင့် ရွေးကောက်ပွဲကို ဥပဒေကြောင်းရာဆိုင်းငံ့၍မရကြောင်း ပြောဆိုခဲ့သည်။ ဆန္ဒပြသမားများက အစိုးရ၏နေရာတွင် ရွေးကောင်ခံမဟုတ်သော " ပြည့်သူ့ကောင်စီ " နှင့် အစားထိုးချင်ကြသည်။ ယခုအားကစားကွင်းနှင့် ဆန္ဒပြသူများက အစိုးရရုံးဌာနများကို တိုက်ခိုင်နေစဉ်တွင် စစ်တပ်လုံခြုံရေးတပ်ဖွဲ့ဝင် များရှိနေသော်လည်း ယင်းတို့က ဘေးမှာကာနေပြီး ရဲတပ်ဖွဲ့ကိုသာ အဓိကနှိမ်နှင်းမှုများလုပ်စေကြောင်းကို ဘန်ကောက်ဘီဘီစီမှ
Jonathan head က သုံးသပ်ပြထားသည်။

အထပ်ပါဖြစ်ရပ်များက စစ်တပ်မှထောက်ခံမှုရရန် လက်ရှိအစိုးရက မလုပ်ဆောင်နိုင်သည့်အခြေအနေကို ပြနေပြီး ထိုင်းနိုင်ငံရေးတွင် စစ်တပ်သည် အရေးကြီးနေရာတွင် ရှိနေသေးကြောင်းနှင့် သြဇာကြီးနေဆဲဖြစ်ကြောင်းကို Head က ဆက်လက်ပြောဆိုခဲ့သည်။

ယခုအစိုးရသည် လာမည့်ရွေးကောက်ပွဲတွင် ထပ်မံအနိုင်ရနိုင်သော်လည်း
ထိုင်းနိုင်ငံ၌ သြဇာအကြီးဆုံး ဘုရင်အင်စတီကျူးရှင်းအပေါ်တွင်မူ သစ္စာစောင့်သိမှု မရှိနိုင်သောကြောင့် ၎င်းအတွက် အကန့်အသတ်များရှိနေသည်။

Ref : BBC News Asia
LYT အကျဉ်းပြန်ဆိုသည်။

ဒီဇင်ဘာ (၂၄) ရက်နေ့ထုတ် ပြည်သူ့ခေတ် ဂျာနယ် အတွဲ(၄) အပိုင်း(၁၇၇)တွင် ဖော်ပြထားသော ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ခြင်းနှင့် ပတ်သက်၍ ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဦးကိုကိုကြီး၏ သဘောထားကို တင်ပြပေးလိုက်ပါသည်။

ကျော်ကျော်ဦး

ပြင်ချင်တဲ့ ပမာဏ အထိ နီးစပ်လာအောင်
ကိုင်တွယ် ချဉ်းကပ်ခြင်းသည် နိုင်ငံရေး အနုပညာ တစ်ရပ်

အားလုံး ပါဝင်တဲ့ နိုင်ငံရေး
တွေ့ဆုံ ဆွေးနွေးပွဲ ညီလာခံ လိုအပ်
ဒီဖွဲ့စည်းပုံ အခြေခံ ဥပဒေ ဖြစ်ပေါ်လာတာ ကိုယ်နှိုက်က အရေးပါတဲ့ နိုင်ငံရေး ခေါင်းဆောင် တွေကြားထဲမှာ နိုင်ငံရေး သဘောတူညီမှု ရရှိဖို့ မကြိုးစားခဲ့ဘဲ တစ်ဖက်သတ် ဆောင်ရွက် ခဲ့လို့ ဒီနေ့အထိ ပြဿနာတွေ ပေါ်နေတာ ဖြစ်တယ်၊ အခုအချိန်အထိ အရေးပါတဲ့ နိုင်ငံရေး သဘောတူညီချက် တစ်စုံတစ်ရာ ရပြီလို့ ကျွန်တော်တို့ မကြားမိဘူး၊ ထုတ်မပြောသေး တာလား၊ သို့မဟုတ် ထုတ်ပြောလောက်အောင် သဘောတူညီမှု မရှိလို့လားလို့ ကျွန်တော် မသိဘူး၊ အဲဒီ အခြေအနေတွေက ဘာဖြစ် လာလဲဆိုတော့၊ ဘာများဖြစ်တော့မလဲ ဆိုတဲ့ မရေရာမှု အခြေအနေတွေကို ဖန်တီးနေတယ်။ ဖွဲ့စည်းပုံ အခြေခံဥပဒေ ပြင်ရမယ်ဆိုတာ ပြီးခဲ့တဲ့ ရှစ်လေးလုံး ငွေရတု အခမ်းအနား ဆုံးဖြတ်ချက်ထဲမှာ ဖွဲ့စည်းပုံ အခြေခံ ဥပဒေပြင်ရန် သို့မဟုတ် အသစ်ပြန်လည် ရေးဆွဲရန်၊ အဲဒီဟာကို ဖော်ဆောင်နိုင်ဖို့ ဖွဲ့စည်းပုံ အခြေခံဥပဒေပြင်ဖို့ နံပါတ် ၃ အချက် နောက်ဆုံး ဆုံးဖြတ်ချက်က အရေးကြီးတယ်။ အားလုံး ပါဝင်တဲ့ နိုင်ငံရေး တွေ့ဆုံ ဆွေးနွေးပွဲ ညီလာခံကြီးတစ်ခု ဖြစ်မြောက်ဖို့၊ ငွေရတု အခမ်းအနား ဆုံးဖြတ်ချက်ဟာ နိုင်ငံရေး အင်အားစု အားလုံး ပါဝင်ပြီးတော့ ဆုံးဖြတ် ထားတာ ဖြစ်တယ်။

အခြေခံ ဥပဒေ ပြင်ဆင်ခြင်းဆိုင်ရာ
ပြဋ္ဌာန်းချက်တွေကို ကျော်လွှားနိုင်ဖို့
ဖွဲ့စည်းပုံ အခြေခံဥပဒေကို ညီလာခံကြီး တစ်ခု တွေ့ဆုံဆွေးနွေးမှုကြီး တစ်ခုကနေ တစ်ဆင့် ပြင်ဆင်ဖို့ဆိုတာ ဒီသဘောထား ရှင်းလင်း ပြီးသား ဖြစ်တယ်။ တကယ်ကျတော့ ပြင်ဖို့ ဆိုတာ ဖွဲ့စည်းပုံ အခြေခံဥပဒေကို ကျွန်တော်တို့ ကြိုက်သည် ဖြစ်စေ၊ မကြိုက်သည်ဖြစ်စေ တည်ဆဲ အခင်းအကျင်း အရဆိုရင် လွှတ်တော် မှာပဲ ပြင်နိုင်တယ်။ လွှတ်တော်ထဲမှာရှိတဲ့ သူတွေက ပြင်မှဖြစ်မယ်ဆိုတဲ့ အသိတစ်ခု မပြင်ရင် ဘယ်လို အကျပ်အတည်းတွေ စိန်ခေါ်မှုတွေ တွေ့ရမယ် ဆိုတာမျိုး သူတို့ ကိုယ်တိုင် နားလည် လက်ခံလာအောင် လွှတ်တော်ထဲမှာ ဆွေးနွေးတဲ့ ပြင်ဆင်တဲ့အခါ၊ ပြင်ဆင်နိုင်တဲ့ ရာခိုင်နှုန်း ပြင်ဆင်နိုင်တဲ့ အခြေအနေ ဖြစ်လာဖို့ အရေးကြီးတယ်၊ အဲသလို မဟုတ်ရင် စိုးရိမ်စရာ တစ်ခုက ဘာလဲဆိုတော့ လွှတ်တော်ထဲမှာ ပြင်ရမယ် ဆိုတာ တည်ဆဲ အခြေအနေ၊ လွှတ်တော်ထဲမှာ ပြင်တဲ့ အခြေအနေ ရောက်အောင် ပြင်ပကနေ ကြိုးပမ်းတဲ့ ကိစ္စတွေ ရှိတယ်။ အဲဒီထဲမှာ လူထု ဆန္ဒဖော်ထုတ်တဲ့ ကိစ္စတွေ ရှိတယ်။ အလွတ် သဘော လျှို့ဝှက် ဆွေးနွေးတာတွေလည်း ရှိနိုင်တယ်၊ အဲဒီကနေမှ တစ်ဆင့် တရားဝင် ဆွေးနွေး ဆုံးဖြတ်တဲ့အခါလည်း ကျရော ဘယ်လောက် ပမာဏကို ပြင်မယ်ဆိုတဲ့ သဘောတူညီမှုပေါ့၊ အဲဒီကို သွားကြရမှာ ဖြစ်တယ်။

၂၀၁၅ ခုနှစ် မတိုင်ခင် တစ်ထိုင်တည်း
မပြီးနိုင်၊ စဉ်ဆက်မပြတ်
ပြင်ဆင်ရမှာ ဖြစ်တယ်
ကျွန်တော်တို့က အားလုံး ကြားထဲမှာ လွှတ်တော်ထဲမှာ ပြင်ရမယ်ဆိုတဲ့ဟာကို မကြိုက်တဲ့ အခံနဲ့၊ ကြိုက်ခြင်း မကြိုက်ခြင်းက တရားတယ် မတရားဘူး ဆိုတဲ့ ကိစ္စက ရှင်းတယ်။ ကျွန်တော်တို့ အားလုံးလည်း ဒါကြီးကို ကြိုက်လို့ ဒီ အခြေအနေကြီးကို လက်ခံထားတာ မဟုတ်ဘူး၊ သို့သော် ဒီလက်ရှိ အခြေအနေကနေ အကောင်းဆုံးဖြစ်အောင် ကျွန်တော်တို့ ဘယ်လို ဆက်ပြီးတော့ ပြောင်းလဲ မလဲဆိုတဲ့ အတွက်ကို စဉ်းစားနေကြတာ၊ အဲတော့ ကြိုက်သည် ဖြစ်စေ၊ မကြိုက်သည် ဖြစ်စေ လက်ရှိ ဖွဲ့စည်းပုံ အခြေခံဥပဒေကို အသစ်ဆွဲတာ မဟုတ်ဘူး ဆိုရင် ပြင်ဆင်သည့် နည်းလမ်းသည် လွှတ်တော်ထဲမှာရှိတဲ့ ဖွဲ့စည်းပုံ အခြေခံဥပဒေ ပြင်ဆင်ခြင်းဆိုင်ရာ အခန်းကဏ္ဍမှာ ပြဋ္ဌာန်းထားတဲ့ ဟာတွေကို ကျော်လွှားနိုင်ဖို့ ကြိုးစား ရမယ်၊ အဲဒါကို နိုင်ငံရေး စိတ်ဝင်စားတဲ့ သူတွေကော၊ ပြည်သူတွေ ဘက်ကကော ဘယ်လိုပြင်မလဲ ဆိုတဲ့ဟာကို ရှင်းရှင်းလင်းလင်း နားလည်ဖို့လိုတယ်။ အသစ်ရေးဆွဲတဲ့ နည်းလမ်း မဟုတ်ဘူးလို့ အမျိုးသား ဒီမိုကရေစီ အဖွဲ့ချုပ်ကလည်း တောက်လျှောက် လူထု သဘောထား ကောက်ယူတယ်ဆိုပြီး လုပ်ထား တာတွေမှာက ပြင်ဖို့လို့ပဲ ပြောထားတယ်။ ပြင်ဖို့ဆိုရင် ခုနစ်ဆယ် ရာခိုင်နှုန်းကျော် ဆိုတဲ့ ဟာကို ကျော်အောင် လုပ်ရမှာ ဖြစ်တယ်။

သူ ပြင်ချင်တဲ့ ပမာဏထက် ပိုတိုးလာ
အောင် ကိုယ် ပြင်ချင်တဲ့ ပမာဏ အထိ နီးစပ်လာအောင်
ဖွဲ့စည်းပုံ အခြေခံဥပဒေ ပြင်ဆင်ခြင်းနှင့် ပတ်သက်ပြီးတော့ နောက်ထပ် နားလည်ရမယ့် ဟာ တစ်ခုက ဒီ ၂၀၁၅ မတိုင်ခင်မှာ တစ်ထိုင်တည်း နဲ့ ဥပဒေပုဒ်မပေါင်း ရာနဲ့ချီတဲ့ဟာတွေ အားလုံးကို ပြင်ဆင်လိမ့်မယ်လို့ နားလည်နေတယ်၊ အဲလိုမျိုး စဉ်းစားနေမယ်ဆိုလို့ ရှိရင်လည်း အဲဒါဟာ စိန်ခေါ်မှု တစ်ခုပဲ၊ အဲဒီ ဥပဒေ ပုဒ်မတွေ အားလုံးက ချရေးလိုက်ရတာ လွယ်တယ်၊ နိုင်ငံရေး သဘောတူညီချက် ရပြီးတော့ ဒီကာလမှာ ဒီလောက်ပမာဏကို သဘော တူညီပြီး ပြင်မယ် ဖြတ်သန်းမယ် နောက်တစ်ခါ ဒီဖွဲ့စည်းပုံ အခြေခံဥပဒေသည် စဉ်ဆက်မပြတ် လိုအပ်သလို ပြင်ဆင်သွားရမယ့် အသစ်ပြဋ္ဌာန်း သွားရမယ့် ကိစ္စဖြစ်တယ်။ ဒါဟာ တစ်ထိုင် တည်းနဲ့ ပြင်ဆင်တဲ့ကိစ်္စ မဟုတ်ဘူး ဆိုတာ ကိုလည်း ကျွန်တော်တို့ နားလည်ဖို့ လိုတယ်။
ကျွန်တော်တို့ စံထားပြီး ပြောနေတဲ့ အမေရိကန် ဖွဲ့စည်းပုံ အခြေခံဥပဒေက နှစ် နှစ်ရာကျော် တောက်လျှောက် ပြင်တုန်း ရှိသေးတယ်။ တစ်ခုတော့ ရှိတယ် စကတည်းက အခြေခံကောင်းတွေ ပါရင်တော့ ပြင်ရတာ သက်သာတာပေါ့ အခုဟာကတော့ စတည် ကတည်းက တစ်ဖက်သတ် အခြေခံမူတွေ ချပြီးတော့ ဆွဲခဲ့တာ ဖြစ်တဲ့ အတွက်ကြောင့် ပြင်ရတဲ့ ကိစ္စမှာတော့ ကျွန်တော်တို့မှာ အခက်အခဲတွေ အကျပ်အတည်းတွေ ပေါ်နေ ပါတယ်။
ကျွန်တော် ပြောချင်တာက ဖွဲ့စည်းပုံ အခြေခံဥပဒေ ပြင်ဆင်ရေး ဆိုတာသည် တစ်ထိုင်တည်းမှာ ပြင်ချင်သမျှ အားလုံးကို ပြင်တဲ့ လုပ်ငန်းမျိုး မဟုတ်ဘဲနဲ့ စဉ်ဆက်မပြတ် တောက်လျှောက် ရုန်းကန် လှုပ်ရှားပြီးတော့ ပြင်သွားရမယ့် စဆိုတာကို ကျွန်တော်တို့က နားလည်ဖို့ လိုတယ်။

ပြင်ဆင်နိုင်တဲ့ ရာခိုင်နှုန်းရအောင်
ယေဘုယျအားဖြင့် တစ်ဖက်က အစိုးရပိုင်း လွှတ်တော်ပိုင်း။ စစ်တပ်ပိုင်းကလည်း လောလောဆယ် နှစ်ဆယ့်ငါး ရာခိုင်နှုန်း ၀င်ထိုင်နေတာပဲ။ သူတို့တွေ ကိုယ်နှိုက်က ဒီဖွဲ့စည်းပုံ အခြေခံ ဥပဒေဟာ အားနည်းချက် တွေ ရှိတယ်၊ ပြင်ဆင်ဖို့ လိုတယ်ဆိုတာကို ယေဘုယျ လက်ခံထားပြီးသားလို့ ကျွန်တော် နားလည်တယ်၊ ပြင်တာတော့ ပြင်မှာပဲ ပြင်တဲ့ ပမာဏက ကိုယ်လိုချင်သလောက် မပြင်ဘဲနဲ့ သူပြင်ချင် သလောက် ပြင်မှာကို ကျွန်တော် တို့က အငြင်းပွားနေတဲ့ ကိစ္စလို့ ကျွန်တော် မြင်တယ်၊ အဲဒီတော့ သူပြင်ချင်တဲ့ ပမာဏ ထက်လည်း တိုးလာအောင် ကိုယ်ပြင်ချင်တဲ့ ပမာဏ အထိလည်း နီးစပ်လာအောင် ဘယ်လို ကျွန်တော်တို့ ကိုင်တွယ် ချဉ်းကပ် နိုင်သလဲ ဆိုတာကတော့ အနုပညာလို့ ကျွန်တော် မြင်တယ်။ ဒါဟာ နိုင်ငံရေးအရ အနုပညာ တစ်ရပ်ပါပဲ။

စားပွဲဝိုင်းမှာ အဆုံးသတ်ရမှာ ဖြစ်တယ်
ဧရာမ စစ်ပွဲကြီးတွေလည်း အပြီးသတ် စစ်ပြေငြိမ်း စာချုပ်ချုပ်တယ်ဆိုရင် စားပွဲဝိုင်းနဲ့ပဲ ရှင်းရတာပဲ။
အခု ကျွန်တော်တို့ နိုင်ငံမှာ ဖြစ်နေတဲ့ ကိစ္စသည် နောက်ဆုံးမှာတော့ ဆွေးနွေး ညှိနှိုင်းတာနဲ့ပဲ ဖြေရှင်းရမှာပဲ၊ ဆွေးနွေး ညှိနှိုင်းခြင်းကသာလျှင် ဖွဲ့စည်းပုံ အခြေခံဥပဒေ ပြင်ဆင်တဲ့ အခြေအနေကို ရောက်မယ်လို့ ကျွန်တော် မြင်တယ်။
အခြေခံဥပဒေ ပြင်ဆင်ရေး ဆိုတာကို ဆုံးဖြတ်ထားတာ။ ပြင်ဆင်ရေးလို့ပြောရင် တည်ဆဲ ဖွဲ့စည်းပုံ အခြေခံ ဥပဒေကို ဖျက်သိမ်းတာ မဟုတ်ဘူး။ ဒါဆိုရင် တည်ဆဲ ဖွဲ့စည်းပုံ အခြေခံဥပဒေထဲမှာ ပါဝင်တဲ့ ဖွဲ့စည်းပုံ အခြေခံ ဥပဒေ ပြင်ဆင်ရေးဆိုင်ရာ ပြဋ္ဌာန်းချက် တွေကို ကျင့်သုံးပြီးတော့ပဲ ပြင်ဆင်ရမယ်ဆိုတဲ့ သဘောသက်ရောက်တယ်၊ အဲဒါ ဆိုရင် အဲဒီမှာ လိုအပ်တဲ့ ရာခိုင်နှုန်း ပမာဏရအောင် ပြင်ဆင် နိုင်တဲ့ ရာခိုင်နှုန်းရအောင် ကြိုးစားတာသည် ဆွေးနွေး ညှိနှိုင်းပြီးတော့ ပြင်ဆင်တဲ့ နည်းလမ်းပဲ။

ကိုကိုကြီး

ရဲ အယောင်ဆောင်ကာ ကျပ်သိန်း ၇၀ ကျော် တန်ဖိုးရှိ ရွှေထည် ပစ္စည်းများ ခြိမ်းခြောက်လုယူ

27-12-2013
ရဲဝန်ထမ်း အယောင်ဆောင်ပြီး နေအိမ်တစ် အိမ်ကို အမှုဆင်ဝင်ရောက်ကာ ကျပ်သိန်းရဝကျော်တန်ဖိုးရှိ ရွှေ ထည်ပစ္စည်းများကို ခြိမ်းခြောက် လုယူမှုတစ်ခု ထန်းတပင်နယ်တွင် ဖြစ်ပွားခဲ့ကြောင်း သိရသည်။
ရဲဝန်ထမ်း အယောင်ဆောင် ထားသည့် အမျိုးသားသုံးဦးနှင့် အမျိုးသမီးတစ်ဦးတို့သည် ယခုလ ၂၄ရက် ည၁ဝနာရီကျော်ခန့်က ထန်းတပင်မြို့နယ် ရိုးလေးကျေး ရွာရှိ အိမ်အမှတ်(-)သို့ လာရောက် ကာ အိမ်ရှင်များ အိပ်ပျော်နေစဉ် ရဲအယောင် ဆောင်ထားသူများ က အိမ်ရှင်များကိုနှိုးကာ ဇာတ်လမ်း ဆင်ပြီး ယင်းကဲ့သို့ခြိမ်းခြောက်လု ယူသွားခြင်းဖြစ်ကြောင်း သိရသည်။

ရဲဝန်ထမ်းအယောင်ဆောင် ထားသူများသည် အိမ်ရှင်ဖြစ်သူ အသက်၂၆နှစ်အရွယ်ရှိ အမျိုးသမီး ၏ မောင်ဖြစ်သူနှင့် သူငယ်ချင်းကို မူးယစ်ရမ်းကားမှုဖြင့် ဖမ်းဆီးထား ကြောင်း၊ အမှုမဖွင့်လိုပါက ကျပ် ငါးသိန်း ပေးရမည်ဖြစ်ကြောင်း၊ မပေးပါက ဒုက္ခရောက်လိမ်မည့် ဟု ခြိမ်းခြောက်ကာ ငွေတောင်း ခံခဲ့ကြောင်း သိရသည်။ ယင်းကဲ့သို့ပြောဆိုမှုကြောင့် အိမ်ရှင်ဖြစ်သူ အမျိုးသမီးသည် အိပ်ခန်းအတွင်းတွင် ကျွန်းသေတ္တာ ဖြင့် သိမ်းဆည်းထားသောငွေများ နှင့် ရွှေထည် ပစ္စည်းအိတ် ကို ယူ ဆောင်လာချိန်တွင် ရဲအယောင် ဆောင်အမျိုးသမီးက စစ်ဆေးမည် ဟု အိပ်ခန်းအတွင်း ဝင်ရောက် လာပြီး ယင်းအိတ်ကိုကြမ်းပေါ် သို့မှောက်ချခဲ့ကြောင်း သိရသည်။

ရဲအယောင်ဆောင်အမျိုး သားတစ်ဦးသည် အဆိုပါအိတ်မှ ငွေနှင့် တန်ဖိုးရှိရွှေထည်ပစ္စည်း များကို လွယ်အိတ်ထဲသို့ ထည့် ကာ သယ်ဆောင်သွားခဲ့ကြောင်း သိရသည်။ အဆိုပါကျူးလွန်မှုမဖြစ် ပွားမီအချိန်တွင် ရဲအယောင်ဆောင် ထားသူများ သည် နေအိမ်အနီးတွင် နေထိုင်သော အမျိုးသားတစ်ဦး ကိုခေါ်ကာ အိမ်ရှင်များအိပ်ပျော် နေစဉ် ယင်းအမျိုးသား၏အကူ အညီဖြင့် အိမ်ရှင်ကို နှိုးခဲ့ခြင်းဖြစ် ကြောင်း၊ အိမ်ရှင် နိုးသည့်အခါ တွင် နေအိမ်ခြေရင်းရှိအိမ်မှအမျိုး သားမှာ ၎င်း၏ နေအိမ် သို့ပြန် သွား ခဲ့ကြောင်း သိရသည်။

အိမ်ရှင်အမျိုးသမီးက သူမ ၏ ခင်ပွန်းဖြစ်သူနာမည်ကိုခေါ် ၍ နှိုးသည့်အတွက် အိပ်ရာမှထ ခဲ့ရာ အိမ်ရှေ့တွင် လှိုင်သာယာ အမှတ်(၂)ရဲစခန်းမှ ရဲတွေဟုပြော ဆိုသဖြင့် တံခါးဖွင့်ပေးခဲ့ရခြင်း ဖြစ်ကြောင်း အိမ်ရှင်အမျိုးသမီး က အဆိုပါရဲ အယောင်ဆောင် အမျိုးသားများနှင့် အမျိုးသမီးကို မြင်လျှင်မှတ်မိကြောင်း သိရသည်။

ယင်းဖြစ်စဉ်နှင့်ပတ်သက် ပြီး ထန်းတပင်မြို့နယ် တက်သစ် ရဲကင်းစခန်းသို့ ဆက်သွယ်မေး မြန်းရာ စခန်းမှူးနှင့်အဖွဲ့ဝင်များ မှာ လှိုင်သာယာမြို့နယ်သို့သွား ရောက်စုံစမ်းနေကြပြီး အမှုကို ခိုး မှုအဖြစ်ဖွင့်ထားကြောင်း ရန်ကုန် တိုင်းမ် နေ့စဉ် သတင်းစာ သို့ ဒီဇင် ဘာ၂၅ရက်တွင် ပြောသည်။ ဖြစ်စဉ်နှင့်ပတ်သက်ပြီး တက် သစ်ရဲစခန်းက (ပ)၁၃၁/၁၃၊ ပြစ်မှုပုဒ်မ-၃၈၂/၁ရဝဖြင့် ဒီဇင် ဘာ၂၅ရက်တွင်အမှုဖွင့်ပြီး တရား ခံဖမ်းဆီးရမိရေး စုံစမ်းလျက်ရှိ ကြောင်း သိရသည်။

သော်ဇင်ထက်
Yangon Media Group

ဒေါ်အောင်ဆန်းစုကြည် သမ္မတဖြစ်ရေး အတားအဆီးဖြစ်သည်ဆိုသည့် ပုဒ်မ မပြင်ရန် အကြံပြုစာ ၅၀,၀၀၀ ကျော် ရရှိထား

26-12-2013

ဒေါ်အောင်ဆန်းစုကြည် သမ္မတဖြစ်ရန် အဟန့်အတားဖြစ်နေသည့် ပုဒ်မ ၅၉(စ) အပါအ၀င် ပုဒ်မ ခုနစ်ခု ကို မပြင်လိုကြောင်း ပြည်သူများ၏ အကြံပြုစာ ငါးသောင်းကျော် လက်ခံရရှိထားသည်ဟု ပြည်သူ့လွှတ် တော်ကိုယ်စားလှယ် ဦးအောင်သိန်းလင်းက မဇ္ဈိမကို ပြောသည်။

“ပုဒ်မ ၆(စ)၊ ပုဒ်မ ၄၂(ခ)၊ ပုဒ်မ ၅၉(စ)၊ ပုဒ်မ ၃၃၇၊ ပုဒ်မ ၃၃၈၊ ပုဒ်မ ၄၃၆၊ ပုဒ်မ ၄၄၆ အဲဒါတွေကိုမပြင် ဘဲ ဒီအတိုင်းဆက်ပြီးထားပါလို့ အကြံပြုစာ ငါးသောင်းကျော် ရောက်နေပါပြီ။ ပြည်သူ့လွှတ်တော် ပြုပြင် ပြောင်းလဲရေးနှင့် ဖွံ့ဖြိုးတိုးတက်မှု လေ့လာစိစစ်ရေးကော်မတီကို ပို့ထားတာပါ။ ဒီအကြံပြုစာတွေအပြင် တောင်ဥက္ကလာမှာ ဆွေးနွေးချက်တွေရော၊ ရန်ကုန်တိုင်းမှာ ဆွေးနွေးချက်တွေကိုစုပြီး ဖွဲ့စည်းပုံလေ့လာ သုံးသပ်ရေးကော်မတီကို ဒီဇင်ဘာလ ၃၀ ရက်မတိုင်မီ ပို့မယ်”ဟု ပြောသည်။

၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေတွင် ပါရှိမည့် ပုဒ်မများဖြစ်သည့် ပုဒ်မ-၆(စ)၊ ပုဒ်မ ၄၂(ခ)၊ ပုဒ်မ-၅၉(စ)၊ ပုဒ်မ-၃၃၇၊ ပုဒ်မ-၃၃၈၊ ပုဒ်မ-၄၃၆ နှင့် ပုဒ်မ-၄၄၆ တို့ကို မပြင်ရန် အကြံပြုစာများကို လက် ခံရရှိထားခြင်း ဖြစ်သည်။

ပုဒ်မ ၆(စ) အဓိပ္ပာယ်ဖွင့်ဆိုချက် “နိုင်ငံ၏ အမျိုးသားနိုင်ငံရေးဦးဆောင်မှု အခန်းကဏ္ဍတွင် တပ်မတော် က ပါဝင်ထမ်းဆောင်နိုင်ရေးတို့ကို အစဉ်တစိုက် ဦးတည်သည်”ဟူသည့် အချက်ကို မပြင်လိုကြောင်း ပြည်သူအချို့က အကြံပြု ထားသည်ဟု ဆိုသည်။

လက်ရှိတွင် ၂၀၀၈ ဖွဲ့စည်းပုံပြင်ဆင်ရေးနှင့်ပတ်သက်ပြီး တိုင်းလွှတ်တော် ကိုယ်စားလှယ် ဦးကျော်က “၂၀၀၈ ခုနှစ် ဖွဲ့စည်းပုံအခြေခံဥပဒေက ပြီးပြည့်စုံတာမဟုတ်ဘူးဆိုတာ လက်ခံတယ်။ အခါအားလျော် စွာ လိုက်လျော်ညီထွေတဲ့ နိုင်ငံရေးအခြေအနေပေါ်မူတည်ပြီး သင့်လျော်သလို ပြောင်းလဲတယ်။ ပြင်သင့် တဲ့အချက်တွေ ပြင်ရမယ်။ ပြင်ဖို့အတွက် သူ့ဥပဒေမှာ ပြဋ္ဌာန်းထားတယ်။ နိုင်ငံတစ်နိုင်ငံမှာ ပြဋ္ဌာန်းပြီးရင် ကြိုက်သည်ဖြစ်စေ မကြိုက်သည်ဖြစ်စေ အဲဒီဥပဒေကို လိုက်နာရမှာပဲ။ ဒီမိုကရေစီလမ်းကြောင်းနဲ့ မကိုက်ညီတဲ့ အချက်တွေ အချက် ၉၀ လောက် ပါတယ်”ဟု ပြောသည်။

ထို့အပြင် ပြည်သူ့ခေတ်ဂျာနယ်၏ အကြံပေး စာရေးဆရာဖေမြင့်ကလည်း “နိုင်ငံတော်၏ အမျိုးသားနိုင်ငံ ရေးတွင် တပ်မတော်က အစဉ်ဦးတည်သည်ဆိုသည့် အချက်ကို ပြင်ဆင်ရန်လို”ဟု ဒီဇင်ဘာ၂၄ ရက်က မရမ်းကုန်းမြို့နယ်ရှိ သမိုင်း မြို့မကျောင်းတိုက်တွင် ပြုလုပ်သည့် ဖွဲ့စည်းပုံအခြေခံဥပဒေဆိုင်ရာ ပြည် သူ့ကွန်ရက် လူထုတွေ့ဆုံပွဲတွင် ထောက်ပြ ပြောဆိုသည်။

ပုဒ်မ ၅၉(စ)တွင် “မိမိကိုယ်တိုင်သော်လည်းကောင်း၊ မိမိ၏ မိဘ တစ်ပါးပါးသော်လည်းကောင်း၊ မိမိ၏ ဇနီး သို့မဟုတ် ခင်ပွန်းသော် လည်းကောင်း မိမိ၏ တရားဝင် သားသမီးတစ်ဦးဦးသော်လည်းကောင်း၊ ထို တရားဝင်တစ်ဦးဦး၏ဇနီး သို့မဟုတ် ခင်ပွန်းသော်လည်းကောင်း၊ နိုင်ငံခြားအစိုးရ၏ ကျေးဇူးသစ္စာတော် ကို ခံယူစောင့်ရှောက်ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် တိုင်းတစ် ပါး၏ နိုင်ငံသားဖြစ်သူများ မဖြစ်စေရ၊ ထိုသူသည် နိုင်ငံခြားအစိုးရ၏ လက်အောက်ခံဖြစ်သူသော်လည်း ကောင်း၊ တိုင်းတစ်ပါး၏ နိုင်ငံသားသော်လည်းကောင်း ခံစားသော အခွင့်အလမ်းများနှင့် ကျေးဇူးခံစား ခွင့်ရှိသူများ မဖြစ်စေရ”ဟူသည့် အချက်နှင့်ပတ်သက်၍လည်း နိုင်ငံတကာနှင့် ပြည်တွင်း နိုင်ငံရေးအင် အားစုအချို့က ပြင်ပေးရန် တောင်းဆိုထားသည်။

ဥရောပသမဂ္ဂအဖွဲ့ကလည်း လွတ်လပ်ပြီး တရားမျှတသည့် ရွေးကောက်ပွဲ ကျင်းပရန် အဆိုပါအချက်ကို ပြင်ဆင်ရန် မြန်မာအစိုးရသို့ မကြာမီရက်ပိုင်းအတွင်းက တွန်းအားပေးထားသည်။

အမျိုးသားဒီမိုကရေစီအဖွဲ့ချုပ်၏ ပြောရေးဆိုခွင့်ရှိသူ ဦးဉဏ်ဝင်းက “ကျွန်တော်တို့တွေ့ရှိချက်နဲ့ အမြင် တွေကို ပူးပေါင်းပြီး ပြင်မယ်။ ဘယ်ပုဒ်မတွေ ပါတယ်ဆိုတာမျိုးက သူတို့လည်း မသိသလို၊ ကျွန်တော်တို့ လည်း မသိပါဘူး။ ပြင်ပြီးလို့ ပြောသင့်ချိန် ပြောမယ်”ဟု ပြောသည်။

ပုဒ်မ ၄၂(ခ)တွင် “နိုင်ငံတော်အတွင်း မည့်သည့် နိုင်ငံခြားတပ်ဖွဲ့ကိုမျှ တပ်ချခွင့်မပြု”ဟူ၍လည်းကောင်း၊ ပုဒ်မ ၃၃၇ တွင် “တပ်မတော်သည် နိုင်ငံတော်ကာကွယ်ရေးအတွက် အဓိကအကျဆုံးသော လက်နက် ကိုင်တပ်ဖွဲ့ဖြစ်သည်”ဟူ၍လည်းကောင်း၊ ပုဒ်မ ၃၃၈ တွင် “နိုင်ငံတော်အတွင်းရှိ လက်နက်ကိုင်အဖွဲ့အ စည်းအားလုံးသည် တပ်မတော်၏ ကွပ်ကဲမှုအောက်တွင် ရှိရမည်”ဟူ၍လည်းကောင်း၊ ပုဒ်မ ၄၃၆- ဤဖွဲ့ စည်းပုံအခြေခံဥပဒေ၏ အခန်း(၁) ပုဒ်မ ၁ မှ ၄၈ အထိ ၊ အခန်း(၂) ပုဒ်မ ၄၉ မှ ၅၆ အထိ၊ အခန်း(၃) ပုဒ်မ ၅၉၊ ၆၀၊ အခန်း(၄) ပုဒ်မ ၇၄၊ ၁၀၉၊ ၁၄၁၊ ၁၆၁၊ အခန်း(၅) ပုဒ်မ ၂၀၀၊ ၂၀၁၊ ၂၄၈၊ ၂၇၆၊ အခန်း (၆) ပုဒ်မ၂၉၃၊ ၂၉၄၊ ၃၀၅၊ ၃၁၄၊ ၃၂၀၊ အခန်း(၁၁) ပုဒ်မ ၄၁၀မှ ၄၃၂ထိ၊ အခန်း (၁၂) ပုဒ်မ ၄၃၆ တို့ရှိ ပြဋ္ဌာန်းချက်များကို ပြင်ဆင်လိုလျှင် ပြည်ထောင်စုလွှတ်တော် ကိုယ်စားလှယ်အားလုံး၏ ၇၅ ရာခိုင်နှုန်း ကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ်ဆန္ဒခံယူပွဲကျင်းပ၍ ဆန္ဒမဲပေးပိုင်ခွင့် ရှိသူအားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမည်။ ပုဒ်မ(က)တွင် ဖော်ပြထားသည့် ပြဋ္ဌာန်း ချက်များမှအပ အခြားပြဋ္ဌာန်းချက်များကို ပြည်ထောင်စုလွှတ်တော် ကိုယ်စားလှယ်အားလုံး၏ ၇၅ ရာခိုင် နှုန်းကျော် ထောက်ခံဆန္ဒမဲဖြင့်သာ ပြင်ဆင်ရမည်”ဟူ၍လည်းကောင်း ဖော်ပြထားသည်။

ဒီဇင်ဘာ ၅ ရက်အထိ ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီသို့ အကြံပြုစာ ၂၅၁၂ စောင် ရောက်ရှိနေပြီး အခန်း(၁)အတွက် ၅၉၀ ခု၊ အခန်း(၂)အတွက် ၃၆ ခု၊ အခန်း (၃)အတွက် ၂၆၁ ခု၊ အခန်း(၄) ၃၀၉ ခု၊ အခန်း(၅) ၄၃၈ ခု၊ အခန်း(၆) ၁၇၉ ခု၊ အခန်း(၇) ၂၈ ခု၊ အခန်း(၈) ၁၂၀ ခု၊ အခန်း (၉) ၄၉ ခု၊ အခန်း(၁၀) ၂၀ ခု၊ အခန်း(၁၁)အတွက် ၈၃၊ အခန်း(၁၂)အတွက် ၂၁၈၊ အခန်း(၁၃) အတွက် ၁၁ ခု၊ အခန်း(၁၄) ၂၂ ခု၊ အခန်း(၁၅) ၁၂ ခု၊ ဇယား(၁)တွင် ၅၉ ခု၊ ဇယား(၂) ၄၅ ခု၊ ဇဟား (၃) ၁၀ ခု၊ ဇယား(၄)တစ်ခုနှင့် ဇယား (၅) ၂၀ တို့ ပြင်ရန် အကြံပြုထားသည်။

Mizzima - News in Burmese

တရုတ်နှင့်ဟောင်ကောင် ဆက်သွယ်ထားသည့် ဥမင်လှိုင်ခေါင်း ဖော်ထုတ်တွေ့ရှိ

26-12-2013
ဥမင်လှိုဏ်ခေါင်းကို သေသပ်စွာ ဖောက်လုပ်တည်ဆောက်ထားခြင်းဖြစ်ပြီး ခန့်မှန်းခြေအားဖြင့် အမေရိကန်ဒေါ်လာ ၅ သိန်းအထိ ကုန်ကျနိုင်ကြောင်း တာဝန်ရှိသူများက ပြောကြား

တရုတ်အာဏာပိုင်းများသည် ပြည်မကြီးနှင့် ဟောင်ကောင်ကို ဆက်သွယ်ထားသော မှောင်ခိုသမားများ၏ လျှို့ဝှက်ဥမင်လှိုဏ်ခေါင်းတစ်ခုကို ဖော်ထုတ်တွေ့ရှိခဲ့ကြောင်း သိရသည်။ ဥမင်လှိုဏ်ခေါင်းကို ကွန်ကရစ်နံရံများဖြင့် တည်ဆောက်ထားပြီး အတွင်းပိုင်းတွင် လျှပ်စစ်မီးအလင်းရောင်ရရှိစေရန် ဆောင်ရွက်ထားသည်။ လှိုဏ်ခေါင်းမှာ ရှန်ဇန်းမြို့ရှိ ကားဂိုဒေါင်တစ်ခုအောက်မှ စတင်ခဲ့ပြီး ပေ ၁၃၀ ခန့်ရှည်လျားကာ ဟောင်ကောင်ရှိ ကျူပင်တောများ ဖုံးလွှမ်းထားသည့်နေရာသို့ ရောက်ရှိရန် တည်ဆောက်ထားကြောင်း တာဝန်ရှိသူများက ပြောကြားသည်။ မှောင်ခိုဂိုဏ်းများသည် အဆိုပါ ဥမင်လှိုင်ခေါင်းမှတစ်ဆင့် မိုဘိုင်းလ်ဖုန်းနှင့် အခြား အီလက်ထရောနစ် ပစ္စည်းများကို ဟောင်ကောင်သို့ တင်ပို့ရန် ရည်ရွယ်ခဲ့သည်ဟု တရုတ်အာဏာပိုင်များက ယုံကြည်ကြသည်။

ဟောင်ကောင်တွင် သွင်းကုန်အပေါ် စည်းကြပ်ကောက်ခံသည် အခွန်နှုန်းထားမှာ တရုတ်ပြည်မကြီးနှင့် မတူညီချေ။ မှောင်ခိုသမားများ အနေဖြင့် နယ်စပ်ဖြတ်ကျော် ကုန်စည်ပို့ဆောင်ခများနှင့် အခွန်အခများကို တိမ်းရှောင်၍ ကြီးမားသည့် အမြတ်အစွန်း ရရှိနိုင်ကြောင်း သိရသည်။ ဥမင်လှိုဏ်ခေါင်းကို ပြီးခဲ့သည့် သီတင်းပတ်အတွင်း ရှန်ဇန်းမြို့ ဆင်ခြေဖုံးရှိ ချန်ဂလင်းကျေးရွာတွင် စတင်ခြေရာခံတွေ့ရှိခဲ့ခြင်း ဖြစ်သည်။ အဆိုပါကျေးရွာတွင် နေထိုင်သည့် အမျိုးသမီးတစ်ဦးက လွန်ဖောက်သံများ ဆူညံစွာ ကြားနေရကြောင်းနှင့် အဆောက်အအုံအဟောင်း ပြင်ဆင်မှု ပြုလုပ်သည်ဟု ထင်မြင်ခဲ့ကြောင်း ပြောကြားရာမှတစ်ဆင့် လျှို့ဝှက် ဥမင်လှိုင်ခေါင်းကို ခြေရာခံမိခဲ့ခြင်းဖြစ်သည်။

ဥမင်လှိုဏ်ခေါင်းကို သေသပ်စွာ ဖောက်လုပ်တည်ဆောက်ထားခြင်းဖြစ်ပြီး ခန့်မှန်းခြေအားဖြင့် အမေရိကန်ဒေါ်လာ ၅ သိန်းအထိ ကုန်ကျနိုင်ကြောင်း တာဝန်ရှိသူများက ပြောကြားသည်။ ဥမင်လှိုဏ်ခေါင်းမှာ အမြင့် ၃ ပေကျော်ခန့်ရှိပြီး အကျယ် ၂ ပေခန့်ဖြစ်သည်။ ဥမင်လှိုင်ခေါင်း ဦးတည်ဖောက်လုပ်နေသည့် ဟောင်ကောင်ရှိ ကျေးရွာတစ်ရွာသို့ ရောက်ရှိရန် ၆၅ ပေခန့် လိုသေးကြောင်း သိရသည်။ တရုတ်အာဏာပိုင်များက အင်္ဂါနေ့တွင် အဆိုပါ ဥမင်လှိုင်ခေါင်းကို ဖျက်ဆီးပစ်လိုက်ပြီး လူတစ်ဦးကို ဖမ်းဆီးခဲ့ကြောင်း BBC သတင်းတွင် ဖော်ပြသည်။

Planet Myanmar Network

မန္တလေးမြို့ မောင် ကိန်းရွှေဆိုင် အား ဓားပြတိုက် ခဲ့သော အားရှန့်သည် လွှတ်တော် ကိုယ်စားလှယ် တစ်ဦး၏ တူဖြစ်ကြောင်း သိရ

မန္တလေးမြို့ ချမ်းအေးသာစံ မြို့ နယ် လမ်း၈၀၊ ၂၉ လမ်း နှင့် လမ်း၃၀ ကြားရှိ မောင် ကိန်း ရွှေဆိုင် အား ဒီဇင် ဘာ ၂၄ ရက် ည နေ ၅ နာရီ ၄၅ မိနစ်ခန့်က ပစ္စတိုတစ်လက်ဖြင့် တစ်ကိုယ်တော် ဓားပြတိုက်ခဲ့သော အားရှန့် သည် မန္တလေးမြို့ ၆၄ လမ်း၊သိပ္ပံလမ်း တောင် ဘက်တွင် နေထိုင်ကြောင်း၊ ဦးလေး ဖြစ်သူမှာ အမျိုးသား လွှတ်တော် ကိုယ်စားလှယ် တစ်ဦးဖြစ်ကြောင်း ၊ ၎င်းကိုင် ဆောင် ခဲ့ သည့် သေနတ်အား ဦးလေးဖြစ်သူ နေထိုင် သည့် လောက်ကိုင် ရှိ နေအိမ်အ စောင့် ကိုးကန့်များ ထံမှ ယူဆောင် လာခြင်း ဖြစ်ကြောင်း ၎င်းသတိရ လာချိန်တွင် ထွက်ဆိုခဲ့သည်။ အားရှန့်၏ ဦးလေးဖြစ်သူမှာ ဦးလျူကွယ် ရှီ (ကိုးကန့် အမျိုးသား လွှတ်တော် ကိုယ်စားလှယ်) တစ်ဦးဖြစ်ပြီး ၎င်း နေထိုင် သည့် နေအိမ်ကို ရှာဖွေသော်လည်း မသင်္ကာဖွယ် ပစ္စည်း တစ်စုံတစ် ရာ မ တွေ့ကြောင်း သိရသည်။ ထို့နောက် အားရှန့်၏ ကျန်းမာရေး အ ခြေ အ နေ ကြောင့် ဆက်လက် မေးမြန်းနိုင်ခြင်း မရှိသေးဘဲ အနီးကပ် စောင့်ကြည့်နေ ကြောင်း သိရသည်။

မန္တလေးသတင်းတပ်ဖွဲ့

မလေးရှားနယ်စပ်တွင် မြန်မာလုပ်သားများ တိုက်ခိုက်ခံရမှု နိုင်ငံခြားဒုဝန်ကြီး ကိုင်တွယ်

26.12.2013

မလေးရှားနိုင်ငံ ဆာဘားဆာရာဝတ် ပြည်နယ်ရှိ သင်္ဘောကျင်း တစ်ခုတွင် မြန်မာလုပ်သား ၉၀ ကျော် တိုက်ခိုက်ခံရသည့် သတင်းများ ထွက်ပေါ်နေသဖြင့် ယင်းကိစ္စကို ဖြေရှင်းရန် မြန်မာနိုင်ငံ နိုင်ငံခြားရေး ဒုတိယဝန်ကြီးက မလေးရှားနှင့် ဘရူနိုင်းနိုင်ငံ အစိုးရတို့နှင့် ဆက်သွယ် ဆောင်ရွက်နေကြောင်း နိုင်ငံတော်သမ္မတရုံးမှ တာဝန်ရှိသူတစ်ဦးက ပြောကြားသည်။

အဆိုပါ သင်္ဘောကျင်းသည် မလေးရှားနှင့် ဘရူးနိုင်း နှစ်နိုင်ငံ နယ်စပ်တွင် တည်ရှိသဖြင့် အဆိုပါ နှစ်နိုင်ငံရှိ သံရုံးများက နှစ်နိုင်ငံ အစိုးရတို့နှင့် ဆက်သွယ် ဆောင်ရွက်နေခြင်း ဖြစ်ပြီး မလေးရှားနိုင်ငံရှိ မြန်မာအလုပ်သမား သံအရာရှိကိုလည်း အဆိုပါကိစ္စကို ဖြေရှင်း ဆောင်ရွက် ပေးနေကြောင်း ၎င်းကဆိုသည်။
“ဖြစ်စဉ်တွေကိုတော့ စုံစမ်းနေတုန်းပဲ ရှိသေးတယ်” ဟု အဆိုပါ တာဝန်ရှိသူက ပြောဆိုသည်။

သင်္ဘောကျင်းတွင် မြန်မာလုပ်သား ၉၇ ဦး ဒီဇင်ဘာလ ၂၃ ရက်နေ့က တိုက်ခိုက်ခံရသည်ဟု ထွက်ပေါ်နေသည့် သတင်းများ မဟုတ်မှန်ဘဲ မြန်မာလုပ်သား ၁၅ ဦးကို အင်ဒိုနီးရှား နိုင်ငံသား ခုနစ်ဦးက ရန်ပြုခြင်းသာ ဖြစ်ကြောင်း အဆိုပါ လုပ်သားများကို မလေးရှားနိုင်ငံသို့ စေလွှတ်လိုက်သည့် ARBOURFIELD ပြည်ပ အလုပ်အကိုင် ဝန်ဆောင်မှုလုပ်ငန်းမှ အုပ်ချုပ်မှု ဒါရိုက်တာ အငြိမ်းစား ဒုတိယဗိုလ်မှူးကြီး စိန်ဖေက ပြောကြားသည်။

သင်္ဘောကျင်းတွင် အလုပ်ရှင်က အချိန်ပို အလုပ်ဆင်းရန် ခိုင်းစေခဲ့ကြောင်း မြန်မာလုပ်သား ၁၅ ဦးက အချိန်ပို လုပ်ကိုင်ခဲ့သော်လည်း အချိန်ပို ခိုင်းစေသည်ကို မကျေနပ်၍ အချိန်ပို မလုပ်ခဲ့သည့် အင်ဒိုနီးရှား လုပ်သားခုနစ်ဦးက အိပ်ဆောင်တွင် ပြဿနာရှာက ရန်ပြုခဲ့ခြင်း ဖြစ်ကြောင်း ၎င်းကဆိုသည်။

သင်္ဘောကျင်း ကုမ္ပဏီနှင့် ပူပေါင်းကာ မြန်မာလုပ်သား ၁၅ ဦးကို လူခွဲ၍ လုံခြုံသည့် နေရာများတွင် ပို့ဆောင်ထားပြီ ဖြစ်ပြီး ၁၅ ဦး တစ်ပြိုင်တည်း ထားနိုင်သည့် နေရာရပါက လုံခြုံရေးများချကာ ထားပေးသွားမည် ဖြစ်ကြောင်း၊ အင်ဒိုနီးရှား ခုနစ်ဦးတွင် သုံးဦး ထွက်ပြေးသွားပြီ ဖြစ်ပြီး ကျန်လေးဦးကို အလုပ်ပြောင်းလိုက်ပြီ ဖြစ်ကြောင်း အငြိမ်းစား ဒုတိယဗိုလ်မှူးကြီး စိန်ဖေက ပြောဆိုသည်။

ARBOURFIELD ပြည်ပအလုပ်အကိုင် ဝန်ဆောင်မှု လုပ်ငန်းမှက ဆာဘားဆာရာဝတ် ပြည်နယ်တွင် အလုပ်လုပ်ကိုင်ရန် ၉၇ ဦး စေလွှတ်ထားပြီး ယင်းအနက် သင်္ဘောကျင်း လုပ်ငန်းတွင် လုပ်ကိုင်သူ ၁၅ ဦး ရန်ပြုခံရခြင်း ဖြစ်ကြောင်း ၎င်းကဆိုသည်။

The Voice Weekly

ဘဒ္ဒန္တကုဏ္ဍလာဘိဝံသ မဟာထေရ် ဘဝနတ်ထံ ပျံလွန်တော်မူ...

သက်တော် (၈၁)၊ သိက္ခာတော် (၆၁)ဝါရှိပြီဖြစ်သော
အမရပူရမြို့၊ မဟာဂန္ဓာရုံကျောင်းတိုက်၊ မဟာနာယကချုပ်ဆရာတော်
ဘဒ္ဒန္တကုဏ္ဍလာဘိဝံသ မဟာထေရ် ဘဝနတ်ထံ ပျံလွန်တော်မူ

26-12-2013

" မဟာနာယကချုပ်ဆရာတော်၏ အတ္ထုပ္ပတ္တိ "


ဘဒ္ဒန္တကုဏ္ဍလာဘိဝံသသည် ၁၂၉၄-ခုနှစ်၊ ပြာသိုလဆန်း (၁၄)ရက်၊ တနင်္လာနေ့တွင် မန္တလေးတိုင်း၊ စဥ့်ကူးမြို့နယ်၊ ဆီသည်ရွာ၌ ခမည်းတော် ဦးဖေဘ+မယ်တော် ဒေါ်မယ်မ တို့မှ ဖွားမြင်သော မွေးချင်း(၇)ဦးအနက် ပဉ္စမမြောက် သားရတနာ ဖြစ်သည်။

၁၃၀၂-ခုနှစ်၊ တန်ဆောင်မုန်းလဆန်း(၅)ရက်နေ့တွင် ခမည်းတော် မယ်တော်တို့၏ ပစ္စယာနုဂ္ဂဟကို ခံယူကာ ဆီသည်ရွာ သီရိမင်္ဂလာကျောင်းတိုက်တွင် ဦးရီးတော် သီရိမင်္ဂလာဆရာတော် ဥုးအာစိဏ္ဏကို ဥပဇ္ဈာယ်ပြု၍ ရှင်သာမဏေ ဖြစ်ခဲ့သည်။

၁၃၀၉-ခုနှစ်၊ ဝါဆိုလ္ဆန်း(၄)ရက်နေ့၌ အမရပူရမြို့၊ မဟာဂန္ဓာရုံကျောင်းတိုက်သို့ ဦးရီးဘုန်းတော်ကြီး၏ ပို့ဆောင်မှုဖြင့် ရောက်ခဲ့သည်။ မဟာဂန္ဓာရုံဆရာတော် (အရှင်ဇနကာဘိဝံသ) ထံတွင် သင်ရိုးနှင့် အထက်ပိဋကကျမ်းစာများကို ဆက်လက်လေ့လာရင်း မန္တလေးမြို့၊ ပရိယတ္တိသာသနဟိတအသင်းမှ ကျင်းပသော သာမဏေစာမေးပွဲကို သုံးဆင့်လုံး အောင်မြင်ခဲ့သည်။ တတိယဆင့်၌ (၁)နံပါတ်မှအောင်မြင်ကာ "ပရိယတ္တိသာသနဟိတ သာသနာလင်္ကာရ သာမဏေကျော်" ဘွဲ့ကို ရရှိခဲ့သည်။ ရှင်သာမဏေဘဝ၌ပင် အစိုးရအငယ်တန်း, အလတ်တန်းများကိုလည်း ဖြေဆိုအောင်မြင်ခဲ့သည်။

၁၃၁၄-ခုနှစ်၊ နှောင်းတန်ခူးလ္ဆန်း(၁၅)ရက်၊ တနင်္ဂနွေနေ့တွင် မန္တလေးမြို့၊ ပွဲကုန်းရပ်၊ နန္ဒဝန်သစ်စက်ပိုင်ရှင်း ဦးဘတင်+ဒေါ်မိမိလေး သားသ္မီးမိသားစုတို့၏ ပစ္စယာနုဂ္ဂဟကို ခံယူကာ အဂ္ဂမဟာပဏ္ဍိတ အမရပူရ မဟာဂန္ဓာရုံ ဆရာတော်ကြီးကို ဥပဇ္ဈာယ်ပြုလျက် ဧကာဒသမရွှေကျင်သာသနာပိုင် မြောင်းမြဆရာတော်၊ ကျွန်းကုန်းဆရာတော်၊ လပွတ္တာမြို့ လေးထပ်ကျောင်းဆရာတော် စသော ဆရာတော်ကြီးများက ကမ္မဝါစာဆရာတော်များအဖြစ် ချီးမြှောက်မှုဖြင့် မဟာဂန္ဓာရုံ ခဏ္ဍသိမ်တွင် မြင့်မြတ်သော ရဟန်းအဖြစ်သို့ ရောက်ရှိခဲ့သည်။

ခမည်းတော်+မယ်တော်တို့၏ ပစ္စယာနုဂ္ဂဟကို ခံယူကာ ဆီသည်ရွာ သီရိမင်္ဂလာကျောင်း ခဏ္ဍသိမ်တွင် သိက္ခာထပ်မင်္ဂလာပြုခဲ့သည်။

ရဟန်းဝါမရမီပင် အစိုးရပထမကြီးတန်းကို အောင်မြင်၍၊ ရဟန်း ၁-ဝါတွင် အစိုးရဓမ္မာစရိယတန်းကို ဂုဏ်ထူးကျမ်း သုံးကျမ်းနှင့်တကွ အောင်မြင်သဖြင့် "သာသနဓဇသိရီပဝရဓမ္မာစရိယ" ဘွဲ့ကို ရရှိခဲ့သည်။ ရဟန်း ၅-ဝါတွင် မန္တလေးမြို့ ပရိယတ္တိသာသနဟိတ သီးခြားစာသင်တန်းအောင်မြင်၍ ရဟန်း ၈-ဝါတွင် သီးခြားစာချတန်းကို အောင်မြင်ကာ၊ “ ပရိယတ္တိသာသနဟိတဓမ္မာစရိယ အဘိဝံသ” ဘွဲ့ကို ရရှိခဲ့သည်။

ရဟန်း ၁-ဝါမှစ၍ မဟာဂန္ဓာရုံဆရာတော်ကြီးနှင့် တွဲဖက်၍ စာပေပို့ချမှု ရေးသားမှုများကို ပြုလုပ်ခဲ့ရသည်။ ဆရာတော်ကြီးက အကြမ်းရေး၍ အချောရေးခဲ့ရသော ကျမ်းစာများမှာ.....

၁။ ကစ္စည်းဘာသာဋီကာ (ပထမတွဲ)
၂။ ကစ္စည်းဘာသာဋီကာ (ဒုတိယတွဲ)
၃။ ရူပသိဒ္ဓိဘာသာဋီကာ (ပထမတွဲ)
၎။ ရူပသိဒ္ဓိဘာသာဋီကာ (ဒုတိယတွဲ)
၅။ ဗုဒ္ဓဝင်အမေးအဖြေ
၆။ ရုပ်စုံဗုဒ္ဓသာသနာဝင်
၇။ အခြေပြုမင်္ဂလသုတ်ကျမ်းစာများ ဖြစ်ကြသည်။

စာပေပို့ချရေးသားမှု၊ ကျောင်းတိုက်အုပ်ချုပ်မှုအပြင် ဆရာတော်ကြီးတရားဟောမလိုက်နိုင်သောအခါ ဆရာတော်၏ကိုယ်စား တရားဓမ္မများ ဟောကြားပေးခဲ့ရသည်။ မဟာဂန္ဓာရုံဆရာတော်ကြီး၏ စီစဉ်ပေးချက်အရ အင်္ဂလိပ်စာနှင့် သက္ကဋကျမ်းစာများကိုလည်း အတော်အသင့် လေ့လာခဲ့သည်။

ဘဒ္ဒန္တကုဏ္ဍလာဘိဝံသ စာလိုက်ခဲ့ဖူးသော ကျေးဇူးရှင်ဆရာတော်များမှာ.....
စဥ့်ကူးမြို့နယ်၊ ဆီသည်ရွာ၊ သီရိမင်္ဂလာကျောင်းဆရာတော် ဦးရီးတော် ဥုးအာစိဏ္ဏ။ အဂ္ဂမဟာပဏ္ဍိတ အမရပူရ မဟာဂန္ဓာရုံဆရာတော်ကြီး။ စစ်ကိုင်းတော်ရိုး၊ ချမ်းအေးချောင် ဆရာတော်ဥုးပဒုမ။ စစ်ကိုင်းတော်ရိုး၊ ပဋ္ဌာန်းသိပ္ပံချောင် အဂ္ဂမဟာပဏ္ဍိတ ပဋ္ဌာန်းဆရာတော်။ မန္တလေးမြို့၊ ဘုရားကြီးတိုက်၊ ပါဠိတက္ကသိုလ် ကထိက ဆရာတော် ဥုးအရိယာဘိဝံသ။ မန္တလေးမြို့၊ ဘုရားကြီးတိုက်၊ တာယာမင်းကျောင်းဆရာတော် ဥုးပညာဇောတာဘိဝံသ။ မန္တလေးမြို့၊ တောင်သမန်ကျောင်းတိုက်၊ ဆရာတော် ဥုးကေသဝါဘိဝံသ၊ မန္တလေးမြို့၊ မစိုးရိမ်ကျောင်းတိုက်၊ ဆရာတော် ဥုးဝိစိတ္တာဘိဝံသ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးကဝိန္ဒ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးစန္ဒောဘာသ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးဝရဗုဒ္ဓိ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးသြဘာသ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးသာရမဉ္ဇူ။ အမရပူရ၊ မဟာဂန္ဓာရုံ ဓမ္မာစရိယ စာချဆရာတော် ဥုးပဏ္ဍိတ-တို့ ဖြစ်ကြပါသည်။

ပြုစုခဲ့သော ကျမ်းစာများ

၁။ သဂါထာဝဂ္ဂသံယုတ်မြန်မာဘာသာဋီကာ။
၂။ စနစ်ပြဓမ္မာစရိယ။
၃။ သာသနာ့အသက်။
၎။ အောင်ခြင်းရှစ်ပါးတရားတော်၊(ဟောစဉ်တရားတော်စာအုပ်)။
၅။ ပရိတော်(၁၁)သုတ်ရှင်းတမ်းတရားတော်၊ (ဟောစဉ်တရားတော်စာအုပ်)။
၆။ တရားပေါင်းချုပ် (ပထမတွဲ)၊ (ဟောစဉ်တရားတော်စာအုပ်)။
၇။ တရားပေါင်းချုပ် (ဒုတိယတွဲ)၊ (ဟောစဉ်တရားတော်စာအုပ်)။
၈။ တရားပေါင်းချုပ် (တတိယတွဲ)၊ (ဟောစဉ်တရားတော်စာအုပ်)။
၉။ တရားပေါင်းချုပ် (စတုတ္ထတွဲ)၊ (ဟောစဉ်တရားတော်စာအုပ်)။

ခရစ်နှစ် ၁၉၉၃-ခုနှစ်တွင် ထိုင်း၊ သီရိလင်္ကာ၊ အိန္ဒိယ၊ နီပေါ၊ စင်္ကာပူ နိုင်ငံတို့သို့ လည်းကောင်း၊ ၁၉၉၆-ခုနှစ်တွင် ဂျပန်နိုင်ငံ၌ ကျင်းပသော
ထေရဝါဒဗုဒ္ဓဘာသာအခြေစိုက် ဘုန်းတော်ကြီးကျောင်းဖွင့်ပွဲနှင့် သိမ်သမုတ်ပွဲနှင့်
၁၉၉၈-ခုနှစ်တွင် မလေးရှားနိုင်ငံနှင့် အင်္ဂလန်နိုင်ငံများသို့ လည်းကောင်း သာသနာရေးကိစ္စဖြင့် ကြွရောက်တော်မူခဲ့သည်။

အမရပူရမြို့ မဟာဂန္ဓာရုံကျောင်းတိုက်အတွင်း ပညာရေးတာဝန်၊ အုပ်ချုပ်ရေးတာဝန်၊ သံဃာတော်များအတွက် ဆွမ်းပြည့်စုံရေးတာဝန်တို့ကို အားသွန်ခွန်စိုက် ဆောင်ရွက်ခဲ့ရုံသာမက ကိုးကွယ်ဆည်းကပ်ကြသူ ဒကာ, ဒကာမများ ဆန္ဒပြည့်ဝ သဒ္ဓါပသန္န တက်ကြွစေရန်အတွက် တရားဟောပြရသော ဓမ္မကထိက တာဝန်များကိုလည်း ထမ်းဆောင်ခဲ့သည်။

မန္တလေးတိုင်း သံဃနာယကအဖွဲ့ဝင်တာဝန်၊ နိုင်ငံတော် ဗဟိုသံဃာ့ဝန်ဆောင်တာဝန်၊ ပရိယတ္တိ ပညာရေးစီမံကိန်းအဖွဲ့ဝင်တာဝန်များ ထမ်းဆောင်ခဲ့သည်။

ဆရာတော် ဘဒ္ဒန္တကုဏ္ဍလာဘိဝံသသည် ၁၃၅၃-ခုနှစ်တွင် နိုင်ငံတော် အစိုးရမှ ဆက်ကပ်လှူဒါန်းပူဇော်သော “ အဂ္ဂမဟာပဏ္ဍိတ”ဘွဲ့၊ ၁၃၅၇-ခုနှစ်တွင် နိုင်ငံတော်အစိုးရမှ ဆက်ကပ်လှူဒါန်းပူဇော်သော “မဟာဓမ္မကထိက ဗဟုဇနဟိတဓရ”ဘွဲ့တံဆိပ်တော်ကို ရရှိတော်မူခဲ့သည်။

ဆရာတော်သည် သက်တော် (၈၁)၊ သိက္ခာတော် (၆၁)ဝါအရ ၁၃၇၅-ခုနှစ်၊ နတ်တော်လပြည့်ကျော် (၉)ရက်၊ (26-12-2013) ကြာသပတေးနေ့ နံက် (၈)နာရီ (၄၅)မိနစ်အချိန်တွင် ဘဝနတ်ထံ ပျံလွန်တော်မူပါသည်။

(ဓာတ်ပုံနှင့် အတ္ထုပ္ပတ္တိကို သဂါထာဝဂ္ဂသံယုတ် မြန်မာဘာသာဋီကာ ကျမ်းအစမှ ယူပါသည်။)

(Create by U Ga Rava )

ကေအိုင်အေ ဖမ်းသည်ဆိုသော ရှမ်းများအရေး ဆွေးနွေးရန် စီစဉ်

25-12-2013
ကချင်ပြည်နယ်၊ မန်စီမြို့နယ်အတွင်းရှိ ရွာများမှ ရှမ်းနီနှင့် ကချင်လူမျိုး ၇၀ ခန့်ကို ဖမ်းဆီးထားသည်ဟူ သောကိစ္စနှင့်စပ်လျဉ်း၍ ကေအိုင်အေနှင့် တွေ့ဆုံဆွေးနွေးရန် စီစဉ်နေသည်ဟု ရှမ်းရေးရာအဖွဲ့ (ကချင် ပြည်နယ်) ခေါင်းဆောင် ဦးစိုင်းထိန်လင်းက ဒီဇင်ဘာ ၂၄ ရက်တွင် မဇ္ဈိမကို ပြောသည်။

“ဖမ်းဆီးခံရသည့် ရှမ်းများ ပြန်လွတ်ဖို့အတွက် ရှမ်းရေးရာအဖွဲ့က ကေအိုင်အေနဲ့ တွေ့ဆုံဆွေးနွေးသွား မယ်၊ အေအိုင်အေနဲ့တွေ့ဖို့ရက်အတွက် အဖွဲ့တွင်း အစည်းအဝေးလုပ်မယ်၊ ဒီဇင်ဘာလ နောက်ဆုံးပတ် အတွင်းမှာ တွေ့သွားနိုင်ဖို့ လုပ်သွားမယ်”ဟု ၎င်းက ဆိုသည်။ ယနေ့အချိန်အထိ အမျိုးသမီး ရှစ်ဦး အပါ အ၀င် စုစုပေါင်း ၂၄ ဦးသာ ပြန်လည်လွတ်မြောက်သေးသည်ဟု ရှမ်းရေးရာအဖွဲ့ (ကချင်ပြည်နယ်) ၏ မှတ်တမ်းများက ဆိုသည်။

ကေအိုင်အေ၏ အဆိုအရမူ ဒီဇင်ဘာ ၁၆ ရက်ကတည်းက ခေါ်ဆောင်ခဲ့သည့် ကျေးရွာသား ၃၀ ဦးကို လွှတ်ပေးခဲ့ပြီးဖြစ်သည်ဟု ဆိုသည်။ ထိုသို့ အငြင်းပွားရန် ဖြစ်လာခြင်းသည် ပြည်တွင်းငြိမ်းချမ်းရေး ဖော်ဆောင်နေချိန်တွင် ကေအိုင်အေကို မကောင်းသောပုံရိပ်အဖြစ် ပုံဖော်နေသကဲ့သို့ဖြစ်သည်ဟု မြစ်ကြီးနားမြို့တွင် ရုံးစိုက်သည့် ကေအိုင်အေ ငြိမ်းချမ်းရေးဖော်ဆောင်ရေး နည်းပညာအထောက်ကူပြု အဖွဲ့ဝင် ဦးလမိုင်ဂွန်ဂျာက ပြောသည်။

“ကျွန်တော်တို့ဆီကို လာပြီးပြောလာတာတွေဆိုရင် ကေအိုင်အေကို တင်ပြပေးတယ် တင်ပြပေးလာတာတွေကို အကုန် လွှတ်ပေးနေတာပဲ သူတို့သဘောနဲ့သူတို့ တပ်တွင်း တာဝန်ထမ်းဆောင်ချင်လို့ နေခဲ့သူ တွေပဲ ရှိတော့တယ်”ဟု ၎င်းက ဆိုသည်။ သူ၏အဖွဲ့အနေဖြင့်မူ ဆုံးဖြတ်ချက်ချနိုင်သူများ မဟုတ်ကြသ ဖြင့် ယင်းနှင့်စပ်လျဉ်း၍ တင်ပြလာမှုများရှိပါက ကေအိုင်အေ ဗဟိုသို့ ဆက်လက် တင်ပြပေးခြင်းကိုသာ ဆောင်ရွက်နိုင်သည်ဟု ပြောသည်။

ရှမ်းရေးရာအဖွဲ့ (ကချင်ပြည်နယ်)၏ ဒီဇင်ဘာ ၉ ရက် ထုတ်ပြန်ကြေညာချက်တွင် ကေအိုင်အေက ဒီဇင် ဘာလ အစောပိုင်းကာလအတွင်း ဖမ်းဆီးခဲ့သည်ဟု ဖော်ပြထားပြီး နိုင်ငံတော်သမ္မတ၊ ဒုတိယသမ္မတ၊ ကာကွယ်ရေးဦးစီးချုပ်၊ ဒေါ်အောင်ဆန်းစုကြည်နှင့် ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်း ကော်မတီတို့ကို ရှမ်းရေးရာအဖွဲ့ (ကချင်ပြည်နယ်)က အကြောင်းကြားစာပေးပို့ အကူအညီတောင်းခံ ထားသည်ဟု ပါရှိသည်။

အဆိုပါကိစ္စအပေါ် ကန့်ကွက်သည့်အနေဖြင့် ကချင်ပြည်နယ် မိုးညှင်း၊ မိုးကောင်း၊ ဗန်းမော်၊ ဖားကန့်၊ မြစ်ကြီးနားမြို့တို့တွင် နေထိုင်သည့် ရှမ်းလူမျိုး နှစ်သောင်းကျော်က ဒီဇင်ဘာ ၂၀ ရက်တွင် မြစ်ကြီးနားရှိ ကေအိုင်အေ ငြိမ်းချမ်းရေးဖော်ဆောင်ရေး နည်းပညာအထောက်ကူပြုအဖွဲ့ရုံးရှေ့တွင် ဖမ်းဆီးထားသူ များ အမြန်လွှတ်ပေးရေးစသဖြင့် ရေးသားထားသည့် ဆိုင်းဘုတ်များ ကိုင်ဆောင် ဆန္ဒဖော်ထုတ်ခဲ့ကြ သည်။
Mizzima - News in Burmese

ပညာရေးကို ဦးစားပေးလို့ တစ်လကို တစ်ကားပဲ ရိုက်ဖို့ စဉ်းစားထားပါတယ် ရွှေမှုန်ရတီ

25-12-2013

ဒါရိုက်တာ ဝင်းထွန်းထွန်းရိုက် ကူးထားတဲ့ ပန်းပျိုးသူ ဇာတ်ကားထဲ မှာ ကိုလူမင်းနဲ့ အတူသရုပ်ဆောင် နေပြီး စာမေးပွဲ နီးလာလို့ တစ်လကို တစ်ကားပဲရိုက်တော့မယ် ဆိုတဲ့သ ရုပ်ဆောင် ရွှေမှုံရတီက အခုရိုက် ကူးနေတဲ့ ပန်းပျိုးသူ ဇာတ်ကားထဲ မှာ ညီမရဲ့ကာရိုက်တာက အသက် (၂ဝ) အရွယ်ပုံစံ ဆိုတော့ အဝတ်အ စားပိုင်းက တည်တည်ငြိမ်ငြိမ်ပုံစံ လေးဝတ်ရတယ်။ အနုပညာရှင် တစ်ယောက် အတွက် အဝတ်အစား ကအရမ်းအရေး ပါပါတယ်။ ဘာဖြစ် လို့လဲဆိုတော့ ဒါရိုက်တာချပေးတဲ့ ကာရိုက်တာက ကိုယ့်ရဲ့သရုပ် ဆောင်ဟန်နဲ့အဝတ်အစားက အံ ဝင်ဖို့လို အပ်လို့ပါ။ အနုပညာပျိုး ခင်းနဲ့စာချုပ်က တစ်နှစ်ကျန် ပါသေးတယ်။ စာချုပ်ချုပ် ထားတယ်ဆိုပေ မယ့် စည်းကမ်းတင်းကျပ် တာမျိုးမ ရှိပါဘူး။
အရင်လိုပဲ ထုတ်လုပ်ရေး တွေနဲ့ဇာတ်ကား ရိုက်လို့ရပါတယ်။ စာမေးပွဲက နီးလာတော့ တစ်လတစ် ကားပဲရိုက်တော့မယ်လို့ စီစဉ်ထား တယ်ဆိုတာ စာကို အချိန်ပေးပြီး လုပ်ချင်လို့ ပြီးတော့ ပညာရေးကို လည်းဦးစားပေးချင်လို့ပါ။ အသက် ငယ်ငယ်ရွယ်ရွယ်နဲ့ အနုပညာရှင် တစ်ယောက်ဖြစ်တဲ့အတွက်ဘယ်လို ဖိအားတွေဖြစ်စေလဲဆိုတော့ ညီမ ကကိုယ့်စိတ်ကိုအဲဒီလောက်ထိဖိ အားမပေးပါဘူး။ ကိုယ်လုပ်ရမယ့် အလုပ်ကို သေချာအောင် ဂရုစိုက်ပြီး စိတ်ကို လွတ်လွတ်လပ်လပ် ပဲထားပါ တယ်။ ဒါပေမဲ့ ဒီအနုပညာအလုပ် ကိုစလုပ်တော့ အတိုက်အခိုက်တွေ ကအများကြီးပါ။ အဲဒီအတိုက်အ ခိုက်တွေကို အမေကရှေ့ကနေဖြေ ရှင်းပေးပါတယ်။ ညီမဘဝမှာတော့ အမေက မရှိမဖြစ်ပါပဲ။ အနုပညာဆို တာ ခက်ခဲပါတယ်။ ဘယ်အရာမှ လွယ်လွယ် ကူကူနဲ့ရကြတာ မဟုတ် ပါဘူး။
ကိုယ်ဝါသနာ ပါတဲ့ အလုပ်ကို ကိုယ်တကယ်ကြိုးစား ရင်တော့ ထိုက်တန်တဲ့အောင်မြင်မှု ကိုရရှိမှာ ပါ။ ၂ဝ၁၄ ခုနှစ်မှာ မင်္ဂလာပွဲဆင်နွှဲ ကြတော့မယ့် အနုပညာရှင်တွေအ တွက်ဝမ်းသာ ပါတယ်။ သူတို့တ ကယ်ချစ်တဲ့ သူနဲ့ ဘဝလက်တွဲဖော် အဖြစ်ရွေးချယ် ခဲ့ကြတာပါ။ ညီမက အနုပညာရှင် တစ်ယောက်ဖြစ်တဲ့အ တွက် ဘယ်သူ အကူအညီတောင်း တောင်းပါ။ ကူညီဖို့ အသင့်ပါပဲ။ ကြိုးစားနေ ပါတယ်။ အားပေးနေတဲ့ ပရိသတ်ကြီး ကိုလည်းကျေးဇူးတင် ပါတယ်။

The Melting Pot 4 U

ကျန်စစ်သားမင်းကောင်းမှု ဥမင်ဂူကြီး ငါးလခန့်ကြာ ပြိုကျနေသော်လည်း စစ်ဆေးပြုပြင်မှု မရှိသေး

25-12-2013

ပုဂံရှေးဟောင်း ယဉ်ကျေးမှု နယ်မြေ ဒေသဖြစ်သော ရွှေစည်းခုံဘုရား အနောက်ဘက်ရှိ ကျန်စစ်သားမင်း ကောင်းမှု ဥမင်ဂူကြီးရှိ ပေါင်းမိုး ပြိုကျခဲ့သည်မှာ ငါးလခန့် ကြာမြင့်ပြီ ဖြစ်သော်လည်း သက်ဆိုင်ရာမှ တစ်စုံတစ်ရာ စစ်ဆေးပြုပြင်မှု မရှိသေးကြောင်း ပုဂံရှေးဟောင်း ယဉ်ကျေးမှုဒေသ ဖွံ့ဖြိုးရေးနှင့် စောင့်ကြည့် ထိန်းသိမ်းရေးအဖွဲ့မှ ဦးဝင်းမောင်က ပြောကြားသည်။
“ဂူပေါင်းမိုး ပြိုကျတော့ ချက်ချင်းပဲ သက်ဆိုင်ရာကို ဖုန်းဆက် အကြောင်းကြားတယ်။ လာကြည့် လိုက်ပါ့မယ်လို့ပဲ ပြောတယ်။ အခုထိ မပြုပြင်သေးဘူး” ဟု ၎င်းကဆိုသည်။

ဥမင်ကြီးမှာ ရှေးဟောင်း သမိုင်းဝင် အမွေအနှစ် တစ်ခုဖြစ်ပြီး ကျန်စစ်သားမင်း ကောင်းမှုဥမင် လေးခုတွင် တစ်ခုအပါအဝင် ဖြစ်ပြီး ရွှေစည်းခုံဘုရား အနောက်ဘက်ရှိ ဘုန်းတော်ကြီးကျောင်းအတွင်း တည်ရှိကြောင်း၊ သက်တမ်း ကြာမြင့်ပြီး ရာသီဥတု ဒဏ်များကြောင့် ပေါင်းမိုး ပြိုကျခြင်း ဖြစ်ကြောင်း၊ စူဠာမဏိ စေတီတော်၏ လက်ယာဘက်တွင် တည်ရှိသော ဘီလူးခေါင်းကြီး တစ်ခြမ်းပဲ့ကျချိန်တွင် သက်ဆိုင်ရာက သုံးရက်အတွင်း လာရောက် ပြုပြင်မွမ်းမံ သော်လည်း ဥမင်ပေါင်းမိုး ပြိုကျခြင်းကို လာရောက် စစ်ဆေးခြင်း မရှိသေးကြောင်း ၎င်းကဆိုသည်။

ပုဂံဒေသတွင် ပျက်စီး ယိုယွင်းနေသော စေတီပုထိုးများ အများအပြား တည်ရှိနေပြီး အချိန်မီ ပြုပြင်မှုများ မလုပ်နိုင်ပါက ရှေးဟောင်း သမိုင်းအမွေအနှစ် လက်ရာများ ပျက်စီးဆုံးရှုံးမှုများ ကြုံတွေ့လာနိုင်ကြောင်း ပုဂံဒေသခံတစ်ဦးက ဆိုသည်။

ရွှေစည်းခုံဘုရား အနောက်ဘက်ရှိ ကျန်စစ်သားမင်း ကောင်းမှု ဥမင်ဂူကြီးတွင် ပေါင်းမိုး ပြိုကျခြင်း မဟုတ်ဘဲ ပေါက်သွားခြင်းသာ ဖြစ်ကြောင်း၊ ပြုပြင်ထိန်းသိမ်းရန် အစီအစဉ် ရှိသော်လည်း ဘတ်ဂျက် အခြေအနေပေါ် မူတည်၍ ကြန့်ကြာနေခြင်း ဖြစ်ပြီး သမိုင်းတန်ဖိုးအရ ပိုမိုမြင့်မားသည့် စေတီပုထိုးများကို ဦးစားပေး ပြုပြင်မှုများ ပြုလုပ်နေကြောင်း ယဉ်ကျေးမှု ဝန်ကြီးဌာန ရှေးဟောင်း သုတေသန၊ အမျိုးသား ပြတိုက်နှင့် စာကြည့်တိုက် ဦးစီးဌာန တာဝန်ရှိသူတစ်ဦးက ဆိုသည်။

ပုဂံ ရှေးဟောင်း ယဉ်ကျေးမှုနယ်မြေ ဒေသမှာ မန္တလေးတိုင်းဒေသကြီး ညောင်ဦး မြို့နယ်အတွင်း တည်ရှိပြီး စုစုပေါင်းဧရိယာ ၁၉ စတုရန်းမိုင် ကျယ်ဝန်းကာ ရှေးဟောင်း စေတီပုထိုး အဆောက်အအုံ ၃၁၂၂ ခု ရှိကြောင်း ယဉ်ကျေးမှုဝန်ကြီးဌာန ရှေးဟောင်း သုတေသန၊ အမျိုးသားပြတိုက်နှင့် စာကြည့်တိုက် ဦးစီးဌာန စာရင်းများအရ သိရသည်။

The Voice Weekly

ကာ/ချုပ်နှင့် နိုင်ငံရေး အင်အားစုများထံသို့ အခြေခံဥပဒေ ပြင်ဆင်ချက်များ ၈၈ မျိုးဆက်အဖွဲ့ ပေးပို့

25-12-2013

၈၈ မျိုးဆက်ကျောင်းသား ငြိမ်းချမ်းရေးနှင့် ပွင့်လင်း လူ့အဖွဲ့အစည်း၏ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ချက်များကို တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအဝင် နိုင်ငံရေး အင်အားစုများ အားလုံးထံသို့ ဒီဇင်ဘာ ၂၄ ရက်နေ့တွင် ပေးပို့လိုက်ကြောင်း ယင်းအဖွဲ့မှ ဦးမြအေးက ပြောကြားသည်။

အခြေခံဥပဒေ ပြင်ဆင်ချက်များကို ပြည်ထောင်စုလွှတ်တော် အခြေခံဥပဒေ လေ့လာသုံးသပ်ရေး ပူးပေါင်း ကော်မတီ အပါအဝင် နိုင်ငံတော်သမ္မတ၊ ကာကွယ်ရေး ဦးစီးချုပ်၊ ပြည်ထောင်စု လွှတ်တော်၊ ပြည်သူ့လွှတ်တော်နှင့် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီထံသို့ ပေးပို့လိုက်ကြောင်း ၎င်းကဆိုသည်။
“နိုင်ငံရေး ဖြစ်စဉ်တစ်ခုကို ပြုပြင် ပြောင်းလဲဖို့ နိုင်ငံသားတိုင်း ပါဝင်ဖို့ လိုအပ်တာကြောင့် အားလုံးကို ပေးပို့လိုက်တာပါ” ဟု ၎င်းကပြောကြားသည်။

အဆိုပါ အကြံပြုချက်များတွင် ပုဒ်မများ အားလုံးကို အသေးစိတ် အကြံပြု ဖော်ပြထားခြင်း မရှိသော်လည်း ဖက်ဒရယ်စနစ်ကို အခြေခံသော ဖွဲ့စည်းပုံတစ်ခု ပေါ်ပေါက်လာစေရန် နိုင်ငံရေးအရ အရေးပါသော လူထုခေါင်းဆောင်များ၊ နိုင်ငံရေး အဖွဲ့အစည်းများမှ ကိုယ်စားပြု ခေါင်းဆောင်များ၊ တိုင်းရင်းသား အင်အားစုများ အပါအဝင် အဓိပ္ပာယ် ပြည့်ဝသော နိုင်ငံရေး တွေ့ဆုံ ဆွေးနွေးပွဲကြီး တစ်ခုမှ သဘောတူညီ ဆုံးဖြတ်ချက်ပြုရန် ပါရှိကြောင်း ဦးမြအေးက ဆိုသည်။

၎င်းအပြင် တိုင်းရင်းသား လက်နက်ကိုင် အဖွဲ့အစည်းများနှင့် အပစ်အခတ်ရပ်စဲရေး၊ နိုင်ငံရေး တွေ့ဆုံဆွေးနွေးမှု ဖြစ်စဉ်နှင့် ပြည်ထောင်စု လွှတ်တော်၏ ဖွဲ့စည်းပုံ အခြေခံဥပဒေ လေ့လာသုံးသပ်ရေး ဖြစ်စဉ်များ အပါအဝင် အားလုံးကို သုံးသပ်ပြီး ဖွဲ့စည်းပုံ အခြေခံဥပဒေ ပြင်ဆင်ရေးကို အတည်ပြုရန် အဆိုပါ အကြံပြုချက်များတွင် ပါရှိကြောင်း ငြိမ်းချမ်းရေးနှင့် ပွင့်လင်း လူ့အဖွဲ့အစည်းထံမှ သိရသည်။

၂၀၀၈ ဖွဲ့စည်းပုံ အခြေခံဥပဒေ အကြံပြုချက်များကို အခြေခံဥပဒေ လေ့လာသုံးသပ်ရေး ပူးပေါင်း ကော်မတီထံသို့ ဒီဇင်ဘာ ၃၁ ရက်မတိုင်မီ ပေးပို့ရမည် ဖြစ်ကြောင်း အဆိုပါ ကော်မတီက ထုတ်ပြန် ထားသည်။

The Voice Weekly

NLD ပါတီ ဗဟိုကော်မတီ အစည်းအဝေးတွင် အခြေခံဥပဒေ ဆိုင်ရာ ပြည်သူ့ဆန္ဒများ ကောက်ယူထားမှု ဆုံးဖြတ်မည်

25-12-2013

အမျိုးသား ဒီမိုကရေစီ အဖွဲ့ချုပ် (NLD) ပါတီ၏ ပထမအကြိမ် ဗဟိုကော်မတီ ဒုတိယအကြိမ် အစည်းအဝေးတွင် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး (သို့မဟုတ်) အသစ်ပြန်လည် ရေးဆွဲရေး ပြည်သူ့ဆန္ဒ ခံယူထားမှုများကို အတည်ပြု ဆုံးဖြတ်မည် ဖြစ်ကြောင်း NLD ပါတီ ဗဟိုကော်မတီဝင် ဦးဉာဏ်ဝင်းက ပြောကြားသည်။

အဆိုပါ ဗဟိုကော်မတီ အစည်းအဝေးကို ဒီဇင်ဘာလ ၂၈ ရက်နေ့တွင် ပြုလုပ်မည် ဖြစ်ပြီး တက်ရောက်လာသော ဗဟိုကော်မတီဝင်များက အခြေခံဥပဒေ ဆိုင်ရာ လူထုဆန္ဒကို ဆွေးနွေး အတည်ပြုမည် ဖြစ်ကြောင်း ၎င်းကဆိုသည်။
“အခြေခံဥပဒေကို ပြင်မှာလား၊ အသစ်ရေးမလား နောက်ဆုံး အကြိမ် ဆွေးနွေး ဆုံးဖြတ်မယ်” ဟု ၎င်းကဆိုသည်။

“NLD ပါတီ အခြေခံဥပဒေ ပြင်ဆင်ရေး (သို့မဟုတ်) အသစ်ပြန်လည် ရေးဆွဲရေးအတွက် လူထုဆန္ဒကို မြို့နယ်ပေါင်း ၂၇၀ ကျော်မှ ကောက်ယူထားပြီး ယင်းရလဒ်များကို အဆိုပါ ဗဟိုကော်မတီ အစည်းအဝေးတွင် အတည်ပြု ဆုံးဖြတ်မည် ဖြစ်ကြောင်း၊ ယင်းနောက် ပြည်ထောင်စု လွှတ်တော် အခြေခံဥပဒေ လေ့လာသုံးသပ်ရေး ပူးပေါင်း ကော်မတီသို့ ပေးပို့သွားမည် ဖြစ်ကြောင်း NLD ပါတီထံမှ သိရသည်။

ထို့အပြင် ဒေသအသီးသီးမှ တက်ရောက်လာသော ဗဟိုကော်မတီဝင်များက ၂၀၁၅ ရွေးကောက်ပွဲဆိုင်ရာ ကိစ္စရပ်များ၊ ပါတီတွင်း လိုအပ်ချက်များကို တင်ပြ ဆွေးနွေးမည် ဖြစ်ကြောင်း NLD ပါတီထံမှ သိရသည်။

၂၀၀၈ ဖွဲ့စည်းပုံ အခြေခံဥပဒေနှင့် ပတ်သက်သော အကြံပြုလွှာများကို အခြေခံဥပဒေ လေ့လာ သုံးသပ်ရေး ပူးပေါင်း ကော်မတီသို့ ဒီဇင်ဘာလ ၃၁ ရက်နေ့ မတိုင်မီ ပေးပို့ရမည် ဖြစ်ကြောင်း အဆိုပါ ကော်မတီက ထုတ်ပြန် ကြေညာထားသည်။

အမျိုးသား ဒီမိုကရေစီ အဖွဲ့ချုပ်၏ ပထမအကြိမ် ဗဟိုကော်မတီ ဒုတိယအကြိမ် အစည်းအဝေးကို ဒီဇင်ဘာလ ၂၈ ရက်နေ့တွင် ဗဟန်းမြို့နယ် တော်ဝင်နှင်းဆီ ခန်းမတွင် ပြုလုပ်မည် ဖြစ်ပြီး အစည်းအဝေး ဆုံးဖြတ်ချက်များကို ထုတ်ပြန် ကြေညာသွားမည် ဖြစ်ကြောင်း NLD ပါတီထံမှ သိရ သည်။

The Voice Weekly

မေခလာ ဖြေရှင်းနေရတဲ့ Over 40 နဲ့ Over 20 အကြောင်း

 25-12-2013

မေခလာက ဒီဇင်ဘာ ၁၁ ရက် နေ့က နေပြည်တော်မှာပြုလုပ်တဲ့ ၂၇ ကြိမ်မြောက် အရှေ့တောင် အာရှ ဆီးဂိမ်း ဖွင့်ပွဲမှာ “မိုးယံထက်က မြန်မာ ပြည်သား” သီချင်းကို မင်းရံ၊ စစ်သွေး၊ ရှိုင်းဝေယံ တို့နဲ့အတူ သီဆို ခဲ့ပါတယ်။ ဖျော်ဖြေပွဲရဲ့ စင်မြင့်ပေါ်ကိုတက်လှမ်း လာတဲ့ မေခလာကို မင်းရံက လက်လှမ်း ပြီးတွဲခေါ်မှုကို တချို့ပရိသတ်တွေ က အထင်မြင်မှားမှုများရှိခဲ့ပြီး မေခလာဆီကို ဖုန်းတွေဆက်ပြီး မေးနေကြ ကြောင်းလည်း သိရပါတယ်။

ဒီအကြောင်းနဲ့ ပတ်သက်ပြီး “ပြောနေကြတာက မေခလာက Over 40 တွေနဲ့ မတွဲ တော့ဘူး။ Over 20 တွေနဲ့ပဲ တွဲတော့ တယ်ဆိုပြီး ပြောနေကြတော့ အစ်မရဲ့ မိတ်ဆွေတွေ ကလည်း ဖြေရှင်းပေးနေရတယ်။ လားရှိုးက အစ်မနဲ့ တအားခင် တဲ့သူတွေကလည်း ဖုန်းဆက်တယ်။ ဟဲ့..နင် Over 40 မဟုတ်ဘဲနဲ့ 20 တွေနဲ့ တွဲနေ တာလား ဆိုပြီး မေးကြတယ်။ ပထမက အစ်မကို စနေတယ်လို့ပဲထင်နေတာ။ အမှန်တော့ သူတို့ တကယ် မေးနေတာပါ။ နောက်ပြီး ပရိသတ်တွေကလည်း လှမ်းလှမ်း ပြီး ဖုန်းဆက် မေးကြတယ်။ ဒါကြောင့် အစ်မအနေနဲ့ ဖြေရှင်း မှဖြစ်တော့ မယ်လေ။

ဆီးဂိမ်း စင်မြင့်မှာ လှေကားထစ်လေး ရှိတယ်။ လှေကား ထစ်က နည်းနည်းမြင့်တဲ့ အခါ ကျ တော့ မမြင်ရဘူး။ အဲဒီတော့ အစ်မ ရဲ့တူလေးက အဒေါ်ပြုတ်ကျမှာစိုးလို့ လက်နဲ့လှမ်းဆွဲပေးတယ်။ ကျန်တဲ့ စစ်သွေးတို့၊ ရှိုင်းဝေယံတို့ဆွဲလို့ မကောင်းဘူးလေ။ အဲဒါကြောင့် အစ်မရဲ့တူလေး မင်းရံရဲ့ လက်ကိုဆွဲပြီး တက်တာပါ။ မင်းရံက အစ်မရဲ့ အစ်ကိုကြီး နန္ဒကျော်သူ ရဲ့ သားပါ။ အစ်မကိုလှမ်းပြီး ဖုန်းဆက်မေး ကြတဲ့သူတွေက မေခလာက Over 40 တွေနဲ့ မတွဲတော့ဘူး။ Over 20 တွေနဲ့ပဲတွဲတာလား ဆိုတော့ အစ်မ အနေနဲ့လည်း ရယ်ရခက်၊ ငိုရခက် ဖြစ်နေတာပေါ့” လို့ မေခလာက ပြောပြပါတယ်။

မေခလာ နဲ့ ရန်ကျော်တို့က ဒီဇင်ဘာ ၁၇ ရက်နေ့က ဘန်ကောက်ကို မိသားစု အပန်းဖြေ ခရီးထွက်ခွာသွားပြီး ဒီခရီးစဉ် မှာတော့ သမီးဖြစ်သူက စာမေးပွဲရှိ နေတဲ့ အတွက်ပါမသွားဖြစ်ကြောင်း သိရပါတယ်။

Myanmar News Media

အချစ်ထက် အနုပညာကိုပဲဦးစားပေးနေတဲ့ သဉ္ဇာနွယ်ဝင်း

24-12-2013
‘ငွေလမင်းရဲ့ အနီးဆုံးလူ’ ဇာတ်ကား ကို သဉ္ဇာနွယ်ဝင်းက ဟိန်းဝေယံနဲ့အတူ ပါဝင်သရုပ်ဆောင်နေပါတယ်။ ဒီ ဇာတ်ကားထဲ မှာ သဉ္ဇာနွယ်ဝင်း က တက္ကသိုလ် ကျောင်း သူအဖြစ် ပါဝင်သရုပ်ဆောင် နေပါတယ်။ ဒီဇာတ်ကားလေးက အချစ် ဖန်စီဇာတ်ကားလေးဖြစ်တယ် လို့လည်း သိရပါတယ်။

“သရုပ်ဆောင် တစ် ယောက်ဖြစ် တဲ့အတွက် ပရိ သတ်ကို ကာရိုက်တာ တစ်ခု နဲ့တစ်ခုမတူအောင် ရိုက်ပြ ချင်တယ်။ သဉ္ဇာက များ သောအားဖြင့် အငိုဇာတ်ရုပ် လေးတွေ ရိုက်ဖြစ်တာ များ တယ်။ အခုနောက် ပိုင်းမှာ တော့ ဖန်စီဇာတ် ကားလေး တွေလည်း ရိုက်ဖြစ်တယ်။ အငိုဇာတ်ကားလေး တွေ လည်း ရိုက်ဖြစ်တယ်၊ ရိုက်ရတာတော့ မျှပါ တယ်။ အခုနောက်ပိုင်းမှာ သဉ္ဇာဆီ လာတဲ့ဇာတ် တွေက သဉ္ဇာလုပ်နိုင်တဲ့ ဇာတ်မျိုးတွေဖြစ်တော့ သရုပ်ဆောင်ရတာ ပိုပြီး အဆင်ပြေလာတယ်။ အရင်တုန်းက ကိုယ်ရိုက် ခဲ့တဲ့ ဇာတ်ကားတွေပြန်ပြီး ကြည့်ရင် ကိုယ့်ကိုယ်ကိုယ် အားမရတာ ဖြစ်မိ တယ်။ အခုနောက်ပိုင်းမှာတော့ ဘယ်လိုလေးဝတ်စားလိုက်ရင် ကာ ရိုက်တာနဲ့ ပိုလိုက်ဖက်မှုရှိ မယ်ဆိုတာ ကို ပိုသိလာတဲ့အတွက် အရင်က ထက်စာရင် တော့ ကိုယ့်ဇာတ်ကားလေးတွေကို ကြည့်ရတာပိုပြီး အားရလာတယ်။ ပရိသတ်တွေက လည်း အရင်ကထက် ပိုပြီး ကိုယ့်ကို လက်ခံ အားပေးတဲ့အတွက် သဉ္ဇာအနေနဲ့ အနုပညာ အလုပ်လုပ်ရတာ ပိုပြီးပျော်လာသလို ခွန် အားတွေလည်း ရလာပါတယ်” လို့ ပြော ပါတယ်။

အခုချိန်မှာတော့ အနုပညာ အလုပ်တွေ ကိုပဲ အချိန်ပေးဖြစ်နေပြီး အချစ်ရေးကိုတော့ မစဉ်းစားချင် သေးဘူးလို့ သဉ္ဇာနွယ်ဝင်းက ပြော ပါတယ်။ “ရည်စားလည်း မထားချင်သေးဘူး။ အိမ်ထောင်ပြုဖို့ဆိုတာ အဝေး ကြီးလိုပါသေးတယ်။ အိမ်ထောင်ပြုဖို့ ကို စိတ်ကူးလည်းမရှိသေးပါဘူး။ အဓိကကတော့ အိမ်ထောင်တစ်ခုရဲ့ တာဝန်ကို မနိုင်သေးတာလည်း ပါပါတယ်။ အခုလောလော ဆယ်မှာတော့ သူများ မင်္ဂလာဆောင် တွေကြည့်ပြီး အားကျတာမျိုးတော့ မရှိပါဘူး။ အရင်တုန်းကတော့ သူများ မင်္ဂလာ ဆောင်တာကြည့်ပြီး အားကျ လိုက် တာ။ ငါလည်း အဲဒီလိုမျိုး ဆောင် ချင်လိုက်တာဆိုတဲ့ စိတ်လေး ဖြစ်မိတယ်။ အခုနောက် ပိုင်းကျ တော့ သဉ္ဇာစဉ်းစားမိတာတော့ အသက် သုံးဆယ်လောက်မှပဲ အိမ် ထောင်ရေးကို စဉ်းစားတာ ကောင်း မယ်လို့ထင်တယ်။ ဘာဖြစ်လို့လဲဆို တော့ အခုအနုပညာလုပ်ရတာ လည်း ပျော်တယ်။ ပြီးတော့ လွတ် လွတ်လပ်လပ် နေရတာကိုလည်း ပိုပြီးတော့ ပျော် စရာကောင်းတယ်။ ကံကောင်းတယ်လို့လည်း အခုချိန် မှာ မြင်မိတယ်။ ရည်းစားလည်း မထားဘူး။ အနုပညာ အလုပ်ကိုပဲ ဦးစားပေးပြီး လုပ်ဖြစ်နေပါတယ်”လို့ ဆိုပါတယ်။

Popular Journal

ထမင်းရည်က မိန်းကလေးတွေရဲ့ အလှအပအတွက် လျှိုဝှက်ချက်

24.12.2013

ထမင်းချက်တဲ့အခါ ထမင်းပေါင်းအိုးတွေနဲ့သာ ချက်ကြတော့တဲ့ အခုခေတ်မှာ ထမင်းရည် လို့မေးလိုက်ရင် တော်တော်ရှာရမယ် ထင်ပါတယ်။ ထမင်းရည် ဟာဆန်ကို ချက်တဲ့အခါ ရေနည်းနည်း ပိုထည့်လို့ ထမင်းကျက်ပြီး တဲ့နောက် ထမင်းပေါ်မှာ ကျန်နေတဲ့ အရည်ကြည်လေးကို ခေါ်တာပါ။ ဒီလို ထမင်းရည် ရှားနေတဲ့အချိန်မှာ ထမင်းရည်က မိန်းကလေးတွေရဲ့ အလှအပကို အတော်လေး ကူညီနိုင်တယ်ဆိုတဲ့ အကျိုးကျေးဇူးလေးတွေ တွေ့လာတာကြောင့် အသုံးဝင်ပုံကို တင်ပြလိုက်ရပါတယ်။

၁။ ကြည်လင်သန့်စင်သော မျက်နှာရရှိအောင်
---------------------------------------------

မိန်းကလေးများ မျက်နှာကို သန့်စင် ပြီးတဲ့အခါ အအေးခံထားတဲ့ ထမင်းရည်ကို ဂွမ်းစအနည်းငယ်နဲ့တို့ပြီး မျက်နှာ ပြင်အနှံ့ပွတ်ပေးရင် ထမင်းရည်က Toner အဖြစ်ဆောင်ရွက်ပေးပြီး မျက်နှာကို တင်းရင်းနေ စေမှာပါ။ Inositol လို့ခေါ်တဲ့ ဗီတာမင်ဘီ ဓာတ်တစ်မျိုး ကြွယ်ဝတာကြောင့် အိုမင်းရင့်ရော်မှု ဖြစ်စဉ်ကို နှေးစေကာ သွေးလည်ပတ်မှု ကိုလည်း ကောင်းစေပါတယ်။ မျက်နှာ ပေါ်မှာရှိတဲ့ ချွေးပေါက်တွေကို ကျဉ်းစေ ပြီး မျက်နှာကို ဝင်းပအောင်ပြုလုပ်ပေး နိုင်ပါတယ်။ ဒါ့အပြင် ရေဓာတ်ကိုထိန်း သိမ်းပေးနိုင်တဲ့ဓာတ်၊ အင်တီအောက်ဆီ ဒင့်ဓာတ်၊ ခရမ်းလွန်ရောင်ခြည်ကို စုပ်ယူ နိုင်တဲ့ဓာတ်တွေဟာ သဘာဝအရ ကြေး နီဓာတ်ကို စုပ်ယူပေးပြီး မျက်နှာပြင်မှာ မယ်လနင်တွေ စုပုံနေတာနဲ့ အသက်ကြီး လို့ဖြစ်ပေါ်တတ်တဲ့ အနီကွက်တွေမှ ကာကွယ်ပေးပါတယ်။

၂။ ဆံပင်သားအတွက်
----------------------

ခေါင်းလျှော်ပြီးတဲ့အခါ အေးနေတဲ့ ထမင်းရည် အနည်းငယ်ကို ဆံသားမှာ လိမ်းပေးပြီး မိနစ်အနည်းငယ်ထားပါ။ နည်းနည်းကြာရင် ရေဆေးချလို့ ရပါ တယ်။ထမင်းရည်မှာပါဝင်တဲ့ ပရိုတင်း ဓာတ်က ဆံသားကို ဖြောင့်စင်းစေတဲ့ အပြင် ဆံလုံးကွဲအက်နေတာတွေကိုပါ ပြန်ပြည့်စေပါတယ်။ ရလဒ်ကတော့ ဆံသားဟာ ချောမွတ်ပြောင်လက်နေပြီး အိထွေးနေတာပဲ ဖြစ်ပါတယ်။

၃။ ကိုယ်ခန္ဓာ အတွက်
----------------------

ထမင်းရည်မှာ ချောမွေ့နေတဲ့ သဘာဝ ရှိတာကြောင့် ခန္ဓာကိုယ်မှာ အဖုအပိမ့် ထွက်တာနဲ့ ကျိန်းစပ်စပ် ဖြစ်နေတဲ့ ဒဏ်ရာတွေ၊ နာကျင်မှု ခံစားနေရတဲ့ အ ရေပြားနေရာတွေမှာ သက်သာစေပါ တယ်။ Brussels University လေ့လာ တွေရှိ ချက်အရ အရေပြားရောဂါရှိ သူတွေနဲ့ နာတာရှည် အရေပြားရောင် ရမ်းသူတွေမှာတစ်နေ့ကို ပုံမှန် နှစ်ကြိမ် တစ်ဆယ့်ငါးမိနစ်ခန့် ထမင်းရည်နဲ့ ဆေး ပေးတာဟာ တိုးတက်မှု ၂၀ ရာခိုင်နှုန်း ထိ ရှိလာတယ်လို့ ဆိုပါတယ်။

၎။ ကျန်းမာရေးအတွက်
-----------------------

ထမင်းရည်ကို သောက်ပေးတဲ့ အလေ့အကျင့်ဟာ အရင်တုန်းက ရှိပေမယ့် အခုတော့ မလုပ်ကြတော့ပါဘူး။ အမှန်တော့ ထမင်းရည်ဟာ အာဟာရပြည့် ဝပြီး ကျန်းမာရေးအတွက် အကျိုးပြုပါတယ်။ သူဟာ မရှိမဖြစ် အမိုနိုအက်စစ် ရှစ်မျိုးပါဝင်တာ ဖြစ်တဲ့အတွက် ခန္ဓာကိုယ် မှာ တစ်သျှူးနဲ့ ကြွက်သား ပြန်လည်တည် ဆောက်ရာမှာ အထောက်အပံ့ပေးပါတယ်။ နောက်ပြီး ကာဗိုဟိုက်ဒရိတ်လည်း အများအပြား ပါတာကြောင့် လိုအပ်တဲ့ စွမ်းအင်ဖြစ် ပေါ်ဖို့ ကူညီပေးနိုင်ပါတယ်။ ဝမ်းလျှောတာကိုလည်း သက်သာစေတဲ့အတွက် အစာအိမ်နဲ့ အူလမ်းကြောင်း ရောင်ရမ်းလို့ ကုသတဲ့နေရာမှာ အသုံးဝင်တယ် လို့ဆိုပါတယ်။ အယ်လ်ဇိုင်းမားရောဂါ ကိုလည်း ကာကွယ်ပေးနိုင် ပါတယ်။ ကိုယ် အပူချိန်ကျစေတဲ့အပြင် ကင်ဆာကြောင့် ဖြစ်တဲ့ သွေးဖိအားတိုးတာ တွေမှလည်း ကာကွယ်ပေးနိုင်တယ်လို့ လေ့လာတွေ့ ရှိချက်တွေအရ သိရပါတယ်။ ဒါကြောင့် အလှအပအတွက်သာမက ကျန်းမာရေး အတွက်ပါ အသုံးတည့်လှတဲ့ ထမင်းရည် ကို လက်တွေ့အသုံးချနိုင်ဖို့ အကြံပေး လိုက်ရပါတယ်။

ပြုလုပ်နည်း
------------

ထမင်းချက်တဲ့အခါ ရေအနည်းငယ် ပိုထည့်ပြီး ကျက်တဲ့အခါ ပိုနေတဲ့အရည် ကြည်လေးကို အဖုံးပါတဲ့ ကရားလေးထဲ မှာထည့်ပါ။ ရေခဲသေတ္တာထဲမှာ အအေး ခံပြီးရင်တော့သုံးလို့ရပါပြီ။

အိဖြူ (ဆေးဝါးတက္ကသိုလ်)

အမေ့အိမ် NLD နှင့် ၈၈ ကြားထဲမှ ဟ သွားရင် ပျော်တဲ့လူတွေသည် စစ်အာဏာရှင်၏ mindset မကုန်သေးဟု ကိုဂျင်မီမှပြော

 24-12-2013
လတ်တလောဖြစ်ပေါ်နေသော သတင်းမီဒီယာများ၏ ဖော်ပြမှုအချို့အပေါ် ကိုးကား၍ အသင်းအဖွဲ့များအား အွန်လိုင်းပေါ်တွင် ဝေဖန်တိုက်ခိုက်နေမှုအတွက် အဆိုပါလုပ်ရပ်သည် စစ်အာဏာရှင်၏ mindset များအဖြစ် ကျန်ရှိနေသေးကြောင်းနှင့် ဝေဖန်တိုက်ခိုက်ရေးထက် အကြံဉာဏ်များ ပူပေါင်းကူညီရေးသာ လိုအပ်လျက်ရှိကြောင်း ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ကိုဂျင်မီမှ ပြောကြားခဲ့သည်။

The Voice ဂျာနယ်အယ်ဒီတာ ကိုကျော်မင်းဆွေမှလည်း “ကျွန်တော်တို့က ဘာလုပ်သလဲဆိုရင် သတင်းသမားတွေရဲ့ သဘာဝအရ Hight Light အဖြစ်ဆုံး Strong အဖြစ်ဆုံး ကုတ်တေးရှင်းတွေကို ကျွန်တော်တို့က ဆွဲထုတ်ပြီး ဖော်ပြလေ့ရှိပါတယ်။ ဒါ ဂျာနယ်လစ် ရှုထောင့်ကပြောတာ။ နောက်တစ်ချက်က ကျွန်တော်တို့ရဲ့ ရပ်တည်ချက်က တိုင်းပြည်အတွက်ကော အများအတွက်ကော အကျိုးရှိစေမယ့်ဟာမျိုးကို ကျွန်တော်တို့က ဆွဲထုတ်လေ့ရှိတယ်။ ကာယကံရှင်ပြောတဲ့ ကာယကံရှင်တွေကို နစ်နာစေလိုခြင်းကော အထင်လွဲစေလိုခြင်းကော ကျွန်တော်တို့က တစ်စုံတစ်ယောက်ကို အခု အရပ်စကားနဲ့ပြောရင် ချတယ်ဆိုတဲ့ သဘောမျိုး ကျွန်တော်အဲဒါလုံးဝမရှိပါဘူး။ ကျွန်တော်တို့ တစ်လျှောက်လုံး လုပ်ခဲ့တဲ့ ရပ်တည်ချက်က အဲဒီသဘောရှိပါတယ်”ဟု ပြောကြားခဲ့သည်။

အဆိုပါ သတင်းအချက်အလက်များအပေါ် ကိုးကား၍ ဝေဖန်တိုက်ခိုက်မှုများအတွက် “အခုအချိန်မှာ ကျွန်တော်တို့က ဝေဖန်ရေးထက် အကူအညီပေးနိုင်တဲ့ ပုံစံတစ်ခုကို ပိုပြီးရှာစေချင်တယ်။ ဒီကနေ့ ပြောကြကြေးဆိုရင် ဒေါ်အောင်ဆန်းစုကြည် ဒီကနေ့အချိန်အထိ ဒီမိုကရေစီခေါင်းဆောင်ပဲ။ ဒီကနေ့ သူရဲ့အခန်းကဏ္ဍမပါရင် မဖြစ်ဆုံးအခြေအနေ။ အဲဒါကို ကျွန်တော်တို့ ပိုပြီးအသိဆုံးပဲ။ အဲဒီတော့ ကျွန်တော်တို့ ဒီကနေ့ သူ့ရဲ့ ဆုံးဖြတ်ချက်တွေကို ဘယ်လိုပံ့ပိုးကူညီရမလဲဆိုတဲ့ ကိစ္စကိုပဲ ကျွန်တော်တို့ စဉ်းစားတယ်။ အခုကဘာလဲဆိုတော့ အမြင်က ကျွန်တော်တို့ကို ဝေဖန်တဲ့လူတွေကို ကြည့်လိုက်တဲ့အခါကျတော့လည်း NLD နဲ့ ၈၈ ကြားထဲမှာ တစ်ခုခု ဟ သွားပြီဆိုရင် သူတို့ပျော်တယ်။ ကျွန်တော်မြင်နေတာက ဟိုဘက်က ၀င်ပြောလိုက်။ ဒီဘက်က၀င်ပြောလိုက်။ သတင်းတွေလုပ်ကြတော့တာပဲ အမျိုးမျိုးပေါ့”ဟု ကိုဂျင်မီမှ ပြောကြားခဲ့သည်။

မြန်မာ့ခေတ်

မြန်မာ့နိုင်ငံရေး လေ့လာသူ ဦးကျော်လင်းဦးနှင့် တွေ့ဆုံခြင်း လေးပွင့်ဆိုင်တွေ့ဆုံရေးတွင် စစ်တပ် မပါဝင်နိုင်၊ ၂၀၁၅ တွင် ဒေါ်အောင်ဆန်းစုကြည် သမ္မတ မဖြစ်နိုင်ဟု သုံးသပ်

24-12-2013

ဦးကျော်လင်းဦးသည် မြန်မာ့နိုင်ငံရေး လေ့လာသူတစ်ဦးဖြစ်သည့်အပြင် မြန်မာ့ပြည်သူ့ ဖိုရမ် ကျင်းပနိုင်ရေးအတွက်လည်း ဦးဆောင်လှုပ်ရှားနေသူ တစ်ဦးဖြစ်သည်။ မြန်မာ့နိုင်ငံရေး နယ်ပယ်မှ လတ်တလော ထိပ်တန်းကိစ္စတစ်ချို့အား တယ်လီဖုန်းဖြင့် ဆက်သွယ်မေးမြန်း ဖြစ်ခဲ့ပါသည်။(အယ်ဒီတာ တစ်ဦး)

မေး- ဖွဲ့စည်းပုံ အခြေခံဥပဒေမှာ ဘယ်အရာတွေ ပြင်ဆင်ဖို့ လိုပါလဲခင်ဗျ။

ဖြေ- အခြေခံဥပဒေပြင်ဆင်ရေးကိစ္စမှာ ကျွန်တော်အနေနဲ့ အချက်သုံးချက်ကို ပြင်ဖို့လိုတယ်လို့ ထင်ပါတယ်။ ပထမအချက်က ပြည်နယ်နှင့်တိုင်းဒေသကြီးတွေကို အာဏာ သယံဇာတနဲ့ အခွန်အကောက်တွေ ခွဲဝေရေးကိစ္စ၊ ဒုတိယအချက်က နိုင်ငံရေးမှာ တပ်မတော်ရဲ့ အခန်း ကဏ္ဍကို လျှော့ချဖို့နဲ့ တတိယအချက် က ဒေါ်အောင်ဆန်းစုကြည် သမ္မတအဖြစ် အရွေးခံနိုင်ဖို့ ၅၉(စ) ကို ပြင်ဖို့ပါ။

မေး- အဲဒီအချက်တွေက ပြင်ဆင်ဖို့ ဖြစ်လာနိုင်မယ်လုိ့ ယူဆပါလား။

ဖြေ- အဲဒီမှာတော့ လက်ရှိအနေအထားအရ အစိုးရက ငြိမ်းချမ်းရေးလုပ်ငန်းတွေကို ဆောင်ရွက်နေတဲ့ အတွက် အဲဒါနဲ့ ဆက်စပ်နေတဲ့ တိုင်းဒေသကြီးတွေနဲ့ ပြည်နယ်တွေကို အာဏာခွဲဝေတဲ့ကိစ္စတွေကို ပြင်လိမ့်မယ် ထင်ပါတယ်။ ဒါကလည်း တပ်မတော်၊ တိုင်းရင်းသား ပါတီတွေ၊ အာဏာရပါတီနဲ့ အစိုးရနဲ့ သဘောထားတွေ နီးစပ်ကြလိမ့်မယ်လို့ အကြမ်းဖျင်း ပြောလို့ရပါတယ်။ ကျန်တဲ့ စစ်တပ်ရဲ့ အခန်းကဏ္ဍ လျှော့ချဖို့ကတော့ လတ်တလောမှာ မဖြစ်နိုင်ဘူးလုိ့ မြင်သလို ၅၉(စ)ကို ပြင်ဆင်ဖို့က သိပ်မလွယ်ဘူးလို့ ထင်ပါတယ်။

မေး- ဖွဲ့စည်းပုံ အခြေခံလေ့လာသုံးသပ်ရေး ကော်မရှင်ရဲ့ အနေအထားကို သုံးသပ်ပေးပါဦး။

ဖြေ- လက်ရှိဖွဲ့စည်းပုံ အခြေခံလေ့လာသုံးသပ်ရေး ကော်မရှင်ကတော့ လာမယ့် ၂၀၁၅ ဇန်နဝါရီမှာ နောက်ဆုံး သုံးသပ်အစည်းအဝေး ပြုလုပ်မှာ ဖြစ်ပါတယ်။ သူတို့အနေနဲ့ လိုအပ်တဲ့ အကြံပြုချက်တွေ ထောင့်ပေါင်းစုံက နားထောင်ပြီး လွှတ်တော်ကို သုံးသပ်အကြံပြုချက် တင်ပါလိမ့်မယ်။

မေး- ဒေါ်အောင်ဆန်းစုကြည်ရဲ့ လေးပွင့်ဆိုင်တွေ့ဆုံ ဆွေးနွေးရေးကိစ္စ အောင်မြင်နိုင်မလား ခင်ဗျ။

ဖြေ- ဒေါ်အောင်ဆန်းစုကြည်က လေးပွင့်ဆိုင်တွေ့ဆုံ ဆွေးနွေးဖို့ တောင်းဆိုတာမှာ ကျွန်တော် သိသလောက်ကတော့ သမ္မတရုံးဘက်က တရားဝင်မဟုတ်ဘဲ Informal တွေ့ဆုံဖို့ ကြိုးစား တယ်လို့ ကြားပါတယ်။ လေးယောက်စုံမှ မဟုတ်ဘဲ ဒီကြားထဲ တွေ့နိုင်တဲ့သူတွေ အရင်တွေ့ပြီး မိမိတို့ရဲ့ ဆန္ဒသဘောထားတွေကို အရင်ပြောဆိုဖို့ လိုမယ် ထင်ပါတယ်။ လေးဦးစုံဖို့ကတော့ ဒေါ်အောင်ဆန်းစုကြည်အနေနဲ့ တရားသေ မစဉ်းစားသင့်ပါဘူး။ လေးပွင့်ဆိုင်မှာ စစ်တပ်ပါဝင် ဖို့ မလွယ်ဘူးလို့ ခန့်မှန်းပါတယ်။ ဒါကြောင့် ဒေါ်အောင်ဆန်းစုကြည် အနေနဲ့ သမ္မတ ဦးသိန်းစိန်၊ သူရဦးရွှေမန်းတို့နဲ့ Informal သဘောမျိုး တွေ့ဆုံဖို့ ကြိုးပမ်းသင့်တယ်လို့ မြင်ပါတယ်။ အခု လာမယ့် ဒီဇင်ဘာ ၂၈၊ ၂၉၊ ၃၀) ရက်မှာ မြန်မာပြည်သူ့ ဖိုရမ်ကျင်းပဖို့ ရှိပါတယ်။ အဲဒီမှာ သူတို့ သုံးဦးလုံးကို ဖိတ်ထားပါတယ်။ သူတို့ အနေနဲ့ နိုင်ငံရေးသဘောထား တွေကို အသီးသီး ပြောလို့ရပါတယ်။ အရပ်ဘက် အဖွဲ့အစည်းတွေ အနေနဲ့လည်း ဖွဲ့စည်းပုံ ပြင်ဆင်ရေးမှာ ဒီသုံးဦးစလုံးရဲ့ စကားတွေကို ကြားချင်ပါတယ်။ အရပ်ဘက် အဖွဲ့အစည်းတွေ အနေနဲ့ ကူညီဖို့ အဆင်သင့်ပါပဲ။

မေး- ၅၉(စ)ကိုပြင်ဖို့မှာ ၁၉၄၇နဲ့ ၁၉၇၄ ဖွဲ့စည်းပုံတွေနဲ့ နှိုင်းယှဉ်ပြောပေးပါဦး။

ဖြေ- ၁၉၄၇ နဲ့ ၁၉၇၄ မှာ ဖွဲ့စည်းပုံအခြေခံဥပဒေတွေမှာ သမ္မတရဲ့ အခန်းကဏ္ဍ အနေနဲ့ နိုင်ငံခြားနဲ့ မပတ်သက်ဘူး။ နိုင်ငံခြားရဲ့ကျေးဇူးသစ္စာ မခံယူရဘူးလို့ပါတယ်။ အခု ၂၀၀၈ ဖွဲ့စည်းပုံအခြေခံဥပဒေမှာ ပိုလာတဲ့အချက်က သားသမီးတွေရဲ့ အိမ်ထောင်ဘက်တွေအထိ ကန့်သတ်တာတွေ့ရတာ ထူးခြားချက်ပါ။ လက်ရှိမှာလည်း ၅၉(စ)ကို ပြင်တဲ့နေရာမှာ သားသမီးတွေ ကိစ္စကိုပြင်ဖို့ အဆိုပြုတဲ့သူတွေ ရှိနေပါတယ်။ သားသမီးတွေကိစ္စကို ပြင်တာနဲ့ ဒေါ်အောင်ဆန်းစုကြည်အတွက် သမ္မတအဖြစ် အရွေးခံလို့ရနိုင်တယ်လို့ ပြောဆိုမှုတွေ ရှိပါ တယ်။ လက်ရှိမှာလည်း ၅၉(စ) ကို ပြင်ဖို့ပြောတဲ့ နိုင်ငံရေးပါတီတွေရှိသလို ကန့်ကွက်တဲ့ နိုင်ငံရေး ပါတီတွေလည်း ရှိပါတယ်။ အချို့ကလည်း ကျန်တဲ့အချက်တွေ မပြင်ရင်တောင်မှ ဒေါ်အောင်ဆန်းစုကြည် အတွက်လမ်းဖွင့်ပေးဖို့ ပြောတဲ့သူတွေလည်း ရှိပါတယ်။

မေး- လေးပွင့်ဆိုင်ဆွေးနွေးမှုမဖြစ်မြောက်ရင် NLD အနေနဲ့ လူထုလှုပ်ရှားမှု လမ်းကြောင်းကို ရွေးချယ်မယ် လို့ ဆရာယူဆပါ သလား။

ဖြေ- အမျိုးသားဒီမိုကရေစီအဖွဲ့ချုပ်အနေနဲ့ လေးပွင့်ဆိုင် တွေ့ဆုံဆွေးနွေးမှု မဖြစ်လာရင်လည်း လူထုလှုပ်ရှားမှု လမ်းကြောင်းကိုသွားမယ်လို့ ကျွန်တော့်အနေနဲ့ မမြင်ပါဘူး။ ဘာဖြစ်လို့လဲ ဆိုတော့ ဒေါ်အောင်ဆန်းစုကြည် ကိုယ်တိုင်က လူထုလှုပ်ရှားမှုကို အားမပေးသလို ဖိနှိပ်မှု တွေများတဲ့ ကာလမှာကိုက လူထုလှုပ်ရှားမှုကို လုပ်ခဲ့တာ မတွေ့ခဲ့ရပါဘူး။ အခုလို NLD လွှတ်တော်ထဲ ရောက်နေတဲ့ အချိန်မှာ မလုပ်ဘူးလို့ မြင်ပါတယ်။ နောက်တစ်ချက်က တိုင်းပြည် အတွက် NLD က ရွေးကောက်ပွဲ လမ်းကြောင်းကို မသွေဖည်ဘူးလို့ မြင်ပါတယ်။ ဒီလမ်းကြောင်းကပဲ ဒီထက်ကောင်းတဲ့ ပြုပြင်ပြောင်းလဲမှုတွေကို လုပ်ဖို့ဖြစ်နိုင်မယ်လို့ မြင်ပါ တယ်။ ဒေါ်အောင်ဆန်းစုကြည် သမ္မတဖြစ်ခြင်း မဖြစ်ခြင်းက NLD အနေနဲ့ ဒီလမ်းကြောင်း ကနေ မသွေဖည်ဘူးလို့ ကျွန်တော် ယူဆတယ်။အခုလည်း ကြားနေရတယ်။ ၅၉(စ)ကို မပြင်ရင် NLD ကရွေးကောက်ပွဲ မဝင်ဘူးလို့ပါ။ ဒါက မဖြစ်နိုင်ဘူးလို့ ကျွန်တော်ထင်ပါတယ်။

မေး- ၂၀၁၅ မှာ ဒေါ်အောင်ဆန်းစုကြည် သမ္မတဖြစ်လာနိုင်ပါမလား။

ဖြေ- ၅၉(စ)ကို မပြင်သရွှေ့ ၂၀၁၅ မှာ ဒေါ်အောင်ဆန်းစုကြည်သမ္မတ မဖြစ်နိုင်ပါဘူး။ ဒါပေမဲ့ ၂၀၁၅မှာ Power Sharing တွေ အများကြီး ဖြစ်လာနိုင်မယ်လို့ မြင်ပါတယ်။

အခုလို ဖြေကြားပေးတဲ့အတွက် ကျေးဇူးတင်ပါတယ်။

၂၀၁၃ ခုနှစ် ဒီဇင်ဘာလ ၂၄ ရက်ထုတ် Flower News ဂျာနယ်မှ ကူးယူဖော်ပြသည်

၅၉(စ)တံခါး လေးပွင့်ဆိုင်နဲ့မှ ပွင့်မှာလား

 24-12-2013
နေထက်နီ

နိဒါန်း

ဒေါ်အောင်ဆန်းစုကြည်ရဲ့ ကော့မှူး၊ သာယာဝတီမိန့်ခွန်း(၂)ခုဟာ မြန်မာ့နိုင်ငံရေးလောကအတွက် ကြီးမား လှတဲ့ အိပ်မက်ဆိုးများ ဖြစ်ပေါ်လာနိုင်တာကို တွေ့ရပါတယ်။ လွှတ်တော်ကလည်း ပြင်ဆင်ရေးကို ကော်မတီဖွဲ့ဆောင်ရွက်နေပြီး အစိုးရဘက်ကလည်း ပြင်ဆင်ရေးကိုလက်ခံတယ်၊ တပ်မတော်ကလည်း ပြင်ဆင်ရေးကို အခြေခံဥပဒေနဲ့အညီ ဆောင်ရွက်ဖို့ လက်ခံတယ်။ ဒီတော့ ပြင်ဆင်ရေးကို လက်မခံဘူး ဆိုပြီး ပြည်သူတွေကို ပြင်ဆင်ပေးဖို့ စာရေးသားပေးပို့ခိုင်းနေတာဟာ ဘာကိုဆိုလိုတာလဲ။ နားမလည်နိုင် အောင်၊ နားလည်ရခက်စရာ ဖြစ်နေပါတယ်။ ဒေါ်အောင်ဆန်းစုကြည်ပြောတဲ့ ပြင်ဆင်ရေးဆိုတာဟာ ပုဒ်မ ၅၉(စ)ကို ဆိုလိုချင်တာလား။ ဒါကိုလည်း ပွင့်ပွင့်လင်းလင်း ပြောသင့်တယ်လို့ပဲ ထင်ပါတယ်။

ကြီးလေးကြီး၊ လေးပွင့်ဆိုင်

ကြီးလေးကြီးရဲ့ လေးပွင့်ဆိုင်တွေ့ဆုံညှိနှိုင်းရေးကို လူသိထင်ရှားတောင်းဆိုလိုက်ပြီးတဲ့နောက်မှာ လူထု အား နဲ့ တောင်းဆိုမယ် ဆိုတဲ့ လမ်းကြောင်းဟာ တစ်ကယ်တော့ ငြိမ်းချမ်းစွာ စေ့စပ်ညှိနှိုင်းရေးကို ကျောခိုင်းပြီး ထိပ်တိုက်ရင်ဆိုင်ရေးကို လှမ်းလိုက်တာလို့ပဲ မြင်ပါတယ်။ စေ့စပ်ညှိနှိုင်းရေးအတွက် ပထမ အဆင့်အနေနဲ့ ယုံကြည်မှုတည်ဆောက်ရေးကို သွားသင့်တယ် လို့ ၈၈ မျိုးဆက်ခေါင်းဆောင် ကိုကိုကြီးက ထုတ်ဖော်ပြောကြားလိုက်သလို ၅၉(စ)ပြင်ဆင်ဖို့ကို ရေရှည်အတွက် ချင့်ချိန်စဉ်းစားဖို့လိုတယ် ဆိုတဲ့ စကားကို ၈၈ မျိုးဆက် မင်းဇေယျက ထုတ်ဖော်ပြောကြားလိုက်ပါတယ်။ ၈၈ မျိုးဆက်ဟာ ပြင်ဆင်ရေး အကြံပြုချက်တွေကို လွှတ်တော်ကော်မတီကို ပေးပို့ဖို့ ထုတ်ဖော်ကြေညာထားတဲ့အဖွဲ့လည်း ဖြစ်နေပါ တယ်။ ဒီနေရာမှာ ပြင်ဆင်ရေးကို လက်ခံကြပေမယ့် ၅၉(စ)ကိုတော့ အကြိတ်အနယ် အငြင်းပွားဖွယ်ရာ တွေ ဖြစ်နေတယ် ဆိုတာ ထင်ရှားလာပါတယ်။

ဒေါ်အောင်ဆန်းစုကြည်အနေနဲ့ မြန်မာတစ်နိုင်ငံလုံးရဲ့ တရားဥပဒေစိုးမိုးရေးနဲ့ တည်ငြိမ်အေးချမ်းရေး အတွက် ပေးအပ်ထားတဲ့ Mandate ကို သတိထားဖို့ လိုမယ် ထင်ပါတယ်။ ဒီ Mandate ဟာ အများ ကြီး ကျယ်ပြန့်လှပါတယ်။ အများကြီးလည်း နက်ရှိုင်းလှပါတယ်။ ပြည်သူလူထု တည်ငြိမ်အေးချမ်းရေး အတွက် ဒေါ်အောင်ဆန်းစုကြည်မှာ တာဝန်တွေ အများကြီး ရှိနေပါတယ်။ တရားဥပဒေစိုးမိုးရေး အတွက်လည်း တာဝန်တွေ အများကြီး ရှိပါတယ်။ ဒီတာဝန်တွေအတွက် ဒေါ်စု ဘာတွေလုပ်နေပြီလဲ မေးခွန်းထုတ် ရပါလိမ့်မယ်။

ဥပဒေပြုရေး ဆိုတာ တရားဥပဒေစိုးမိုးရေးရဲ့ နိဒါန်း ဖြစ်ပါတယ်။ နိဒါန်းအဖွင့် မကောင်းရင် နောက်မှာ ရှိနေ တဲ့ လုပ်ငန်းစဉ်တစ်ခုလုံး ကသောင်းကနင်း နိုင်သွားမှာပဲ ဖြစ်ပါတယ်။ လွှတ်တော်ရဲ့ လုပ်ပိုင်ခွင့် ဖြစ်တဲ့ ပြင်ဆင်ရေးကို ကိုင်ထားနိုင်ရင် ပွဲသိမ်းပြီ ဆိုပြီး လွှတ်တော်အလိုလိုက် အကြိုက်ဆောင်ခဲ့တာတွေ ဟာ ဒီအချိန်မှာ အဖုအထစ်တွေ ဖြစ်လာတဲ့ သဘောပါပဲ။ ဒေါ်အောင်ဆန်းစုကြည်ဟာ မဏ္ဍိုင်ကြီးအားလုံး အကြား ချိန်ခွင်လျှာတည်ငြိမ်အောင် ကြားဝင် ထိန်းသိမ်းပေးနိုင်တဲ့ ခေါင်းဆောင်တစ်ယောက် ဖြစ်ပါတယ်။ ဘယ်ဘယ်ကိုမှ ဘက်မလိုက်ဘဲ တရားဥပဒေစိုးမိုးရေးဘက်ကို လိုက်ရမယ့် သူဟာ ပုဂ္ဂိုလ်ရေးရင်းနှီးမှု အရ လွှတ်တော်ရဲ့ တစ်ဘက်စောင်းနင်း လုပ်ဆောင်ချက်တွေကို ထောက်ခံခဲ့တာ ဖြစ်ပါတယ်။ ပြင်ဆင်ရေး အောင်မြင်လိုတဲ့ ဆန္ဒနောက်မှာ ဆန္ဒာဂတိတွေ အလိုအလျောက် ဖြစ်ပေါ်ခဲ့တာဟာလည်း ပြန်ပြီး ချင့်ချိန် စရာ ဖြစ်နေပါတယ်။

ဒေါ်အောင်ဆန်းစုကြည်အနေနဲ့ သမ္မတ ဖြစ်ချင်တယ် ဆိုတဲ့ စကားကို အစောဆုံး ထုတ်ဖော်ပြောကြား ခဲ့ခြင်းဟာ ၅၉(စ)ပြင်ဆင်လိုခြင်းကြောင့်သာ ဖြစ်ပါတယ်။ ဒီလို ထုတ်ဖော်ပြောကြားလိုက်တဲ့အတွက် ဥပဒေပြု လွှတ်တော်ကို အလိုလိုက်ခဲ့ရပါတယ်။ လွှတ်တော်နဲ့ အစိုးရ ထိပ်တိုက်အငြင်းပွားမှုတွေမှာ လွှတ် တော်ဘက်က ရပ်တည်ပေးခဲ့ပါတယ်။ ဒီထိပ်တိုက်ရင်ဆိုင်မှုတွေမှာ အရေးကြီးလှတဲ့ ယုံကြည်မှုမိတ်ဖက် ဖြစ်ရမယ့် တပ်မတော်ကို ကျောခိုင်းခဲ့ပါတယ်။ နှုတ်ကပဲ တပ်မတော်ကို ချစ်ပါတယ် ပြောနေတာထက် လုပ်ဆောင်ချက်တွေက တပ်မတော်ကို မလိုလားတဲ့သဘောထားကို ပြသခဲ့ပါတယ်။ ၂၀၁၅ မတိုင်ခင် တပ်မတော်သားတွေ လွှတ်တော်ထဲက လုံးဝ ထွက်ခွါရေးဟာ လက်ရှိအနေအထားအရ မဖြစ်နိုင်ပါဘူး။ ဒီလို မဖြစ်နိုင်တာကို လက်ခံထားခြင်း မရှိဘဲ ကိုယ်လိုချင်တာ၊ ကိုယ်ဖြစ်ချင်တာကိုပဲ ဦးတည်တောင်းဆို နေခဲ့တာ တွေ့နိုင်ပါတယ်။

၅၉(စ)လည်း ပြင်ပေးရမယ်၊ ဖက်ဒရယ်လည်း သွားရမယ်၊ (၂၅%)လည်း ဖြုတ်ပစ်ရမယ် ဒီလို တောင်းဆို ချက်တွေအတွက် ဒေါ်အောင်ဆန်းစုကြည်ဘက်က ဘာတွေ လိုက်လျောပေးမယ် ဆိုတာ ပြောခဲ့ဘူးပါ သလား။ တပ်မတော်ဟာ ပြင်ဆင်ရေးရဲ့ သော့ချက်ဖြစ်နေတယ် ဆိုရင် ဒီသော့ချက် အတွက် မက်လုံးက ဘာလဲ။ အပေးနဲ့အယူ သဘောတရားမှာ အပေး မရှိ အယူသာရှိ ဆိုရင် အပေး-အယူ အောင်မြင် နိုင်ပါ့မလား။


လွှတ်တော်မှားကွက်တွေ ဘာ့ကြောင့် ထောက်မပြခဲ့တာလဲ

ဒေါ်အောင်ဆန်းစုကြည်ရဲ့ လွှတ်တော်သက်တမ်းမှာ တရားဥပဒေစိုးမိုးရေးအမြင်ထက် ကြံ့ခိုင်ရေး နဲ့ ပြေလည်ရေး လမ်းကြောင်းကို လျှောက်ခဲ့ခြင်းရဲ့ အကျိုးဆက်ကို ခံစားနေရတာ ဖြစ်ပါတယ်။ ဒီအချိန်မှာ တော့ အုပ်ချုပ်ရေးနဲ့ရော တပ်မတော်နဲ့ပါ ဆန့်ကျင်ဘက်အရပ်တစ်ခုစီမှာ ရောက်ရှိနေတာ ဖြစ်ပါတယ်။ လွှတ်တော်မှာ ထိုင်နေတဲ့သူအတော်များများဟာ အခြေခံဥပဒေရေးဆွဲခဲ့တဲ့ အမျိုးသားညီလာခံမှာ ပါဝင် ခဲ့ကြသူတွေ ဖြစ်ပါတယ်။ လွှတ်တော်က ကိုယ်ပိုင်လုံခြုံရေး ပျူစောထီးတပ်ဖွဲ့ ဖွဲ့ဖို့ ကြိုးပမ်းလာတယ်။ တည် ငြိမ်အေးချမ်းရေးအတွက် တာဝန်ရှိတဲ့ ဒေါ်အောင်ဆန်းစုကြည် ဆန့်ကျင်ဘက် မပြောရဲဘူး။ ဘာကြောင့် လဲ၊ ပြင်ဆင်ရေးမှာ အနှောက်အယှက် ဖြစ်မှာစိုးတဲ့အတွက်။ သမ္မတလုပ်ပိုင်ခွင့်တွေ လွှတ်တော်က လွှဲပြောင်းယူမယ့် ဥပဒေကြမ်း ဆိုပြီး ဒေါက်တာမြတ်ဥာဏစိုးတို့ ထုတ်ဖော်ပြေကြားခဲ့တဲ့ လွှတ်တော်ဥပဒေ ကြမ်းကို သမ္မတ လက်မှတ်မထိုးဘူး။ ဒေါ်အောင်ဆန်းစုကြည် ရေငုံနှုတ်ပိတ်နေခဲ့တယ်။ မဲဆန္ဒနယ်မြေ ရန်ပုံငွေ သိန်းတစ်ထောင်ကိစ္စ အခြေခံဥပဒေနဲ့ မညီရင် အခြေခံဥပဒေပြင်ပေါ့ ဆိုပြီး ဒေါ်အောင်ဆန်းစု ကြည်ပြောခဲ့ပါတယ်။ မညီတဲ့ဟာ မလုပ်ဖို့ ၀င်ပြီး မထိန်းခဲ့ဘူး။

အခု ဖွဲ့စည်းထားတဲ့ ပြင်ဆင်ရေးကော်မတီက ဘယ်လောက်အထိ ပြင်ပေးမှာလဲ။ ပြင်ဆင်ရေး ကော်မတီ နောက်ကွယ်က ကြံ့ခိုင်ရေးပါတီရဲ့ ခေါင်းကိုင် ပေါလစ်ဗျူရိုကြီးတွေ လွှတ်တော်ထဲမှာ ရှိတယ်။ တစ်ခွန်းမှ မပြောခဲ့ဘူး။ ငြိုငြင်မှာလည်း စိုးရသေးတဲ့အဖြစ်။

(၁ ရာခိုင်နှုန်း) ပြန်ခေါ်ခွင့်ကို လွှတ်တော်က ဟိုလိုလို ဒီလိုလို လုပ်ပြီး ရှောင်လွှဲနေတယ်။ ဒေါ်အောင်ဆန်း စုကြည် တစ်ခွန်းမှ ၀င်မပြောခဲ့ဘူး။ တစ်ကယ်တမ်း ဆန်းစစ်ကြည့်ရင် ပြင်ဆင်ရေးမက်လုံးနဲ့ အမှန်တရား ဘက်မှာ မရပ်တည်နိုင်၊ မဏ္ဍိုင်ကြီးတွေ အကုန်လုံးကို ပြန်ပြီးထိန်းကျောင်းနိုင်တဲ့ နိုင်ငံပြုမဏ္ဍိုင်အဖြစ် မလုပ်နိုင်တဲ့ အခြေအနေကို ရောက်ရှိသွားခဲ့ ရပါတယ်။ ဒေါ်အောင်ဆန်းစုကြည်ဟာ အုပ်ချုပ်ရေးကိုရော၊ လွှတ်တော်ကိုရော၊ တရားရုံးတွေကိုရော၊ မီဒီယာတွေကိုရော၊ ပြည်သူတွေကိုရော ထိန်းကျောင်းနိုင်တဲ့ သြဇာကြီးမားတဲ့ မဏ္ဍိုင်ကြီးတစ်ခုပါ။ ဒီမဏ္ဍိုင်ကြီး အသက်မ၀င်ခဲ့ဘူး။ သမ္မတဖြစ်ရေး ပြင်ဆင်ရေး မျှော် မှန်းချက်ကြောင့် ထိန်းကျောင်းရေးမဏ္ဍိုင်ကြီးတစ်ခုလုံး ပြည်သူတွေ ဆုံးရှုံးခဲ့ရတယ်။


၅၉(စ)ရဲ့ ထွက်ပေါက်

ထောက်ပြရင် မညှာမတာ ပြောထွက်တယ် ဆိုတဲ့ အပြစ်တင်သံတွေ ကြားရမှာ သေချာပါတယ်။ ဒါပေမယ့် ဒေါ်အောင်ဆန်းစုကြည်အနေနဲ့ ၅၉(စ)ကို မရမက ပြင်နေမယ့်အစား ၅၉(စ)နဲ့ ညီသွားအောင် လုပ်လို့ မရဘူးလား။ စဉ်းစားကြဖို့ လိုပါတယ်။ ၅၉(စ) ပြင်လို့ မရဘူးဆိုတာကို လွှတ်တော်ကရော၊ တပ်မတော် ကရော ဒုတိယသမ္မတနေရာ လစ်လပ်သွားတဲ့အချိန်တုန်းက ပြသခဲ့ပြီး ဖြစ်ပါတယ်။ ရန်ကုန်တိုင်း ဒေသကြီး ၀န်ကြီးချုပ် ဦးမြင့်ဆွေကို ဒုတိယသမ္မတအဖြစ် အမည်စာရင်းတင်သွင်းတဲ့အချိန်က ဦးရွှေမန်း ဦးဆောင်တဲ့ လွှတ်တော်က ကန့်ကွက်ခဲ့ပြီး ပယ်ချခဲ့ပြီး ဖြစ်ပါတယ်။ ဒီဒုသမ္မတဟာ တပ်မတော်သား ကိုယ်စားလှယ်အစုအဖွဲ့က အမည်စာရင်းတင်သွင်းခဲ့တဲ့ ဒုသမ္မတပဲ ဖြစ်ပါတယ်။ တပ်မတော်အနေနဲ့ သူတို့ တင်သွင်းခဲ့တဲ့ ဒုသမ္မတလောင်းကို ပယ်ချခဲ့တဲ့ ဒီပုဒ်မကို အသာတကြည် ကြည်ကြည်ဖြူဖြူ လက်ခံ နိုင်မှာ တဲ့ လား။ ဒီပုဒ်မနဲ့ ဦးမြင့်ဆွေကို ပယ်ချခဲ့တဲ့ ကြံ့ခိုင်ရေးအများစု ကြီးစိုး ထားတဲ့ လွှတ်တော်ကရော ဒီပုဒ်မ ပြင်ပေးပါ ဆိုပြီး ပြောကြမှလား။

ဒါဆိုရင် ဒီ ၅၉(စ)ကို ပြင်ဆင်ဖို့ ဖြစ်နိုင်မှာလား။ ဖြစ်နိုင်ချေ သိပ်ကိုနည်းနေပါတယ်။ ဒါဆိုရင် ဖြစ်နိုင်ချေ သိပ်ကိုနည်းနေတဲ့ ၅၉(စ)ကို ပြင်ဆင်မယ့်အစား ဒေါ်အောင်ဆန်းစုကြည်အနေနဲ့ ၅၉(စ)နဲ့ ညီအောင် လုပ်ယူလို့ မရဘူးလား။ သား(၂)ယောက်နဲ့ ချွေးမတွေ မြန်မာနိုင်ငံသားအဖြစ် ပြောင်းလဲ ခံယူကြမလား။ ဒါဆိုရင် ၅၉(စ)နဲ့ ညီညွတ်မသွားဘူးလား။ မြန်မာနိုင်ငံမှာ သမ္မတ ဖြစ်ချင်တဲ့ ခေါင်းဆောင်ရဲ့ သား /သမီး တွေကရော မြန်မာနိုင်ငံသား ဖြစ်ရင် မကောင်းဘူးလား။

နောက်တစ်နည်းက ဒေါ်အောင်ဆန်းစုကြည်အနေနဲ့ သားသမီးတွေကို စွန့်လွှတ်တဲ့ နည်းလမ်း ဖြစ်ပါ တယ်။ ရက်စက်ရာတော့ ကျပါလိမ့်မယ်။ သမ္မတဖြစ်ရေးက အဓိက၊ ပြည်သူတွေအကျိုးကို သယ်ပိုးဖို့က အဓိက ဆိုရင် သားသမီးတွေကို စွန့်လွှတ်နိုင်ခြင်းဟာ ရာဇ၀င်တွင်ရစ်မယ့် စွန့်လွှတ်မှုတစ်ရပ် ဖြစ်လာ ပါလိမ့်မယ်။ ဒီတော့ ဒေါ်အောင်ဆန်းစုကြည်အနေနဲ့ ထွက်ပေါက်ပိတ်နေတာ မဟုတ်ဘူး။ ပိတ်ထားတဲ့ တံခါးကို တွန်းဖွင့်နေတာ ဖြစ်ပါတယ်။ ပိတ်သူနဲ့ တွန်းသူ ဒီ(၂)ခုအကြားမှာ ပဋိပက္ခတွေ ဖြစ်လာ မှာတော့ သေချာနေပါတယ်။ နောက်တစ်ချက်က စနစ်တကျ ပိတ်ဆို့ဖို့ စဉ်းစားပြီးဆောင်ရွက်ခဲ့တဲ့ ဒီပုဒ်မ နဲ့ ပတ်သက်လို့ ပြင်ဆင်ရေးကို တာဝန်ယူထားကြတဲ့ လွှတ်တော်ထဲက ကြံ့ခိုင်ရေးအမတ်တွေကြားမှာ လူမသိသူမသိပဋိဥာဉ်တွေ ဘယ်လိုရှိနေသလဲ ပြည်သူတွေ မသိနိုင်သလို ဒေါ်အောင်ဆန်းစုကြည်လည်း သိနိုင်မှာ မဟုတ်ပါဘူး။ ဒေါ်အောင်ဆန်းစုကြည်ဟာ အခြေခံဥပဒေ ရေးဆွဲခဲ့ရာမှာ တာဝန်ယူခဲ့သူတွေကို ထိုးနှက်တိုက်ခိုက်နေတဲ့အချိန်မှာ အဲဒီလို ရေးဆွဲခဲ့တဲ့ အခြေခံဥပဒေပြင်ဆင်ရေးကို ထိန်းဖို့ ဘယ်သူတွေ ကို တာဝန်ပေးခဲ့သလဲ ဆိုတာကို စဉ်းစားဖို့ လိုပါတယ်။ လွှတ်တော်ဥက္ကဌ (၂)ယောက်စလုံးဟာ ကြံ့ခိုင် ရေးပါတီကပဲ ဖြစ်သလို လွှတ်တော်ထဲက အများစုကလည်း ကြံ့ခိုင်ရေးကပဲ ဖြစ်နေပါတယ်။


ပြင်ဆင်ရေးကို ထိန်းထားတာက တပ်မတော် ဆိုပေမယ့် လွှတ်တော်ထဲမှာ ထိန်းထားတာက ကြံ့ခိုင်ရေး ပါတီဖြစ်နေတဲ့အတွက် ကြံ့ခိုင်ရေးပါတီက အမတ်တွေကို မေးခွန်းထုတ်ဖို့ လိုနေပါတယ်။ ကြံ့ခိုင်ရေး အမတ်တစ်ချို့ကလည်း မပြင်နိုင်ဘူး ဆိုပြီး ဗြောင်ပဲ ဖွင့်ပြောထားတာတွေ ရှိနေပါတယ်။ ကြံ့ခိုင်ရေးပါတီရဲ့ ပေါလစ်ဗျူရို ဆရာကြီးတွေက ဘယ်သူလဲ၊ ကြံ့ခိုင်ရေးပါတီဥက္ကဌ ဖြစ်နေတာက ဘယ်သူလဲ။ အနီးဆုံး ရန်သူကို ရှာတိုက်ရမယ့် ပြင်ဆင်ရေးတိုက်ပွဲမှာ ပစ်မှတ်မှားနေသလား တွေးမိပါတယ်။ ပစ်မှတ်မှား ရင်တော့ နည်းဗျူဟာတွေ၊ ချဉ်းကပ်မှုလမ်းကြောင်းတွေလည်း မှားသွားတော့မှာ ဖြစ်ပါတယ်။


The Messenger ဂျာနယ် အတွဲ(၄) အမှတ်(၃၁) မှ ကူးယူဖော်ပြသည်

ပုဒ်မ (၁၈) အပါအ၀င် ပြည်သူလူထုအား နိုင်ငံရေးအရ တစ်ဖက်သတ်ဖိနှိပ်ထားသည့် ဥပဒေများအပေါ် ဆန္ဒထုတ်ဖော်ရန် အရပ်ဘက် လူ့အဖွဲ့အစည်းများ သတင်းစာရှင်းလင်းပွဲ ယနေ့ပြုလုပ်မည်

24-12-2013

ငြိမ်းချမ်းစွာ စီတန်းလှည့်လည်ခွင့်အပါအ၀င် ပြည်သူလူထု အပေါ် နိုင်ငံရေးအရ ကန့်သတ်ချုပ်ချယ် မတရားဖိနှိပ်ထားသည့် ဥပဒေပုဒ်မများအား ကန့်ကွက်ဆန္ဒပြရန်အတွက် သတင်းစာရှင်းလင်းပွဲတစ်ရပ်ကို ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းရုံးခန်း၌ ဒီဇင်ဘာ ၂၄ ရက်(ယနေ့)၊ မွန်းလွဲ ၂ နာရီတွင် အဖွဲ့အစည်းပေါင်း ၅၀ ပါဝင်ပြီး ပြုလုပ်မည်ဖြစ်ကြောင်း သတင်းရရှိသည်။

ယခုနှစ်ကုန်အထိ ငြိမ်းစုစီဥပဒေဟု လူသိများသည့် ပုဒ်မ ၁၈၊ ၅၀၅(ခ)၊ အသင်းအဖွဲ့ ပုဒ်မ ၆ တို့ဖြင့် တရားစွဲဆိုခံထားရသူ ၂၅၀ ကျော်အထိရှိနေပြီး သမ္မတမှပေးသည့် လွတ်ငြိမ်းချမ်းသာခွင့်တွင် ပုဒ်မ ၁၈ ဖြင့် လွတ်မြောက်လာသူများ ပါဝင်ခဲ့သော်လည်း ထပ်မံတရားစွဲဆို ခံနေရမှုများရှိနေကြောင်းကိုလည်း သိရသည်။

ပုဒ်မ ၁၈ အား ရုပ်သိမ်းပေးရန် အရပ်ဘက်လူ့အဖွဲ့အစည်းများ၊ နိုင်ငံရေး တက်ကြွလှုပ်ရှားသူများက တောင်းဆိုထားသကဲ့သို့ တရားစီရင်ရေးနှင့် ဥပဒေရေးရာကော်မတီ ဥက္ကဋ္ဌ သူရဦးအောင်ကိုကလည်း အခြေခံဥပဒေနှင့် ဆန့်ကျင်နေသည့် ငြိမ်းစုစီဥပဒေအား ပြန်လည်သုံးသပ်ရန် တင်ပြထားသော်လည်း ၎င်းပုဒ်မများဖြင့် ဖမ်းဆီးခံနေရသူများ၊ တရားစွဲဆိုခံနေရသူများ အများအပြားရှိနေသည်။

ငြိမ်းစုစီဥပဒေနှင့်ပတ်သက်ပြီး နိုင်ငံရေးအကျဉ်းသားဟောင်းတစ်ဦးဖြစ်သူ ဦးမြင့်အောင်က " ဒီပုဒ်မတွေ ရှိနေသမျှကတော့ နိုင်ငံရေး အကျဉ်းသားဆိုတာရှိနေမှာပဲ။ အခြားနိုင်ငံတွေမှာက ဆန္ဒပြခါနီးရင် အကြောင်းကြားလိုက်ရင်ပြီးပြီ။ ဒီမှာက ကြိုတင်ခွင့်ပြုချက်ယူရတယ်။ ခွင့်မပြုတာကများနေတော့ ဒါကဥပဒေအရ နောက်ကြောင်းပြန်နေ တာပဲဖြစ်တယ်။ ဒီမိုကရေစီစနစ်ကို သွားနေတယ်ဆိုရင် ဒီဥပဒေတွေကို ဖျက်သိမ်းပေးရမှာဖြစ်တယ်"ဟု ၎င်းပုဒ်မများနှင့်ပတ်သက်ပြီး ပြောကြား ခဲ့သည်။ နိုဝင်ဘာလအတွင်းက ထိုပုဒ်မများနှင့်ပတ်သက်ပြီး အဖွဲ့အစည်း ၅၀ ကျော်ပါဝင်ပြီး ကန့်ကွက်ကြောင်း ထုတ်ပြန်ကြေညာခဲ့သော်လည်း ထူးခြားမှုမရှိသဖြင့် ဆန္ဒထုတ်ဖော်ရန်အတွက် သတင်းစာ ရှင်းလင်းပွဲ ပြုလုပ်ခြင်းဖြစ်သည်ဟု သိရသည်။

Eleven Media Group

ဖွဲ့စည်းပုံအခြေခံဥပဒေပြင်ဆင်ရေး အစီရင်ခံစာအတွက် အာဏာရ ပြည်ခိုင်ဖြိုးပါတီ ဗဟိုအလုပ်အမှုဆောင်အစည်းအဝေး ယနေ့ပြုလုပ်မည်

24-12-2013

ဖွဲ့စည်းပုံအခြေခံ ဥပဒေပြင်ဆင်ရေး အစီရင်ခံစာအတွက် အာဏာရပြည်ခိုင်ဖြိုးပါတီ ဗဟိုအလုပ်အမှုဆောင် အစည်းအဝေးကို ယနေ့(ဒီဇင်ဘာ ၂၄ ရက်) တွင်ပြုလုပ်မည်ဟု သိရသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဗဟိုအလုပ်အမှုဆောင် အစည်းအဝေးကို နေပြည်တော်ရှိ ပါတီရုံးချုပ်တွင် ပြုလုပ်သွားမည်ဖြစ်ကြောင်း သိရသည်။

လက်ရှိအချိန်တွင် ဖွဲ့စည်းပုံအခြေခံ ဥပဒေလေ့လာသုံးသပ်ရေးဆိုင်ရာ အစီရင်ခံစာများကို ပါတီအလိုက်တင်သွင်းနိုင်ရန် ပြင်ဆင်နေသည့်အချိန်ဖြစ်ရာ ယခုအစည်းအဝေးတွင် ဖွဲ့စည်းပုံအခြေခံ ဥပဒေပြင်ဆင်ရေးဆိုင်ရာကိစ္စများ ပါဝင်နိုင်သည်ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဗဟိုအလုပ်အမှုဆောင်များက ပြောကြားခဲ့သည်။
လက်ရှိအချိန်မှာ ပြည်ခိုင်ဖြိုးပါတီရဲ့ ဖွဲ့စည်းပုံအခြေခံဥပဒေပြင်ဆင်ဖို့ လေ့လာသုံးသပ်ရေးဆိုင်ရာ အစီရင်ခံစာက လွှတ်တော်ကော်မတီကို မတင်ရသေးဘူး။ ဘာတွေတင်မယ်ဆိုတာ မသိရသေးဘူး . . .

"လက်ရှိအချိန်မှာ ပြည်ခိုင်ဖြိုးပါတီရဲ့ ဖွဲ့စည်းပုံအခြေခံဥပဒေပြင်ဆင်ဖို့ လေ့လာသုံးသပ်ရေးဆိုင်ရာ အစီရင်ခံစာက လွှတ်တော်ကော်မတီကို မတင်ရသေးဘူး။ ဘာတွေတင်မယ်ဆိုတာ မသိရသေးဘူး။ အခုအစည်းအဝေးမှာ အဲဒီကိစ္စတွေ ဆွေးနွေးနိုင်တယ်"ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဗဟိုအလုပ်အမှုဆောင်တစ်ဦးက ပြောကြားသည်။

ပြည်ထောင်စုလွှတ်တော်က ဖွဲ့စည်းပုံအခြေခံ ဥပဒေလေ့လာသုံးသပ်ရေး ပူးပေါင်းကော်မတီကို ဖွဲ့စည်းထားပြီး အဆိုပါပူးပေါင်းကော်မတီက ၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေးအတွက်ဌာန၊ အသင်းအဖွဲ့ပါတီများနှင့် ပြည်သူများထံမှ အကြံပြုချက်များ တောင်းခံထားသည်။ ထိုသို့တောင်းခံထားရာတွင် ဒီဇင်ဘာ ၅ ရက်ထိ အကြံပြုစာပေါင်း ၄၄၀ စောင်ရရှိခဲ့ပြီး အကြံပြုချက် ၂၅၁၂ ရရှိခဲ့သည်။

အကြံပြုစာများကို ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီသို့ ဒီဇင်ဘာ ၃၁ ရက်မတိုင်မီ ပေးပို့နိုင်ပြီး အဆိုပါပူးပေါင်းကော်မတီက လေ့လာတွေ့ရှိချက်များကို ၂၀၁၄ ခုနှစ် ဇန်န၀ါရီ ၃၁ ရက်မတိုင်မီ ပြည်ထောင်စုလွှတ်တော်သို့ တင်သွင်းမည်ဖြစ်ကြောင်း သိရသည်။

Eleven Media Group

ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် ထပ်မံတက်ရောက်ခွင့် ရရှိသည့် ကျောင်းသား၊ ကျောင်းသူများ ဒီဇင်ဘာ ၃၀ ရက် နောက်ဆုံးထား ကျောင်းအပ်ရမည်

24-12-2013

ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် ကျောင်းစတင် တက်ရောက်မည့် ကျောင်းသား ကျောင်းသူများ အနေဖြင့် ဒီဇင်ဘာ ၃၀ ရက် နောက်ဆုံးထား ကျောင်းအပ်နှံရမည် ဖြစ်ကြောင်း ရန်ကုန်တက္ကသိုလ် သင်တန်းရေးရာ ဌာနမှ သိရသည်။

ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် တက်ရောက် သင်ကြားနေသည့် ၀ိဇ္ဇာသိပ္ပံ ဘာသာရပ်အလိုက် ထူးချွန်ကျောင်းသား ကျောင်းသူများ၏ ပထမနှစ်ဝက် စာမေးပွဲ စစ်ဆေးမှုများကို ၂၀၁၄ ခုနှစ် မတ် ၁၉ ရက်တွင် စတင်သွားမည်ဖြစ်ရာ ကျောင်းခေါ်ချိန် ၇၅ ရာခိုင်နှုန်း ပြည့်မီသူများကိုသာ စာမေးပွဲ ဖြေဆိုခွင့် ပြုသွားမည် ဖြစ်ကြောင်း သိရသည်။

''ကျောင်းစဖွင့်တာက ၂၀၁၃ ခုနှစ်၊ ဒီဇင်ဘာ ၅ ရက်ပါ။ စာမေးပွဲ စစ်ဆေးမှာက ၂၀၁၄ ခုနှစ် မတ် ၁၉ ရက် ဆိုတော့ ဒီကာလအတွင်း ကျောင်းခေါ်ချိန်က ရာခိုင်နှုန်း ၁၀၀ ရှိပါတယ်။ ဒါကြောင့် နောက်ဆုံးထား ကျောင်းအပ်နှံခွင့် ပြုတဲ့နေ့ကို ဒီဇင်ဘာ ၃၀ ရက် သတ်မှတ်ထားပါတယ်။ ကျောင်းခေါ်ချိန် ၇၅ ရာခိုင်နှုန်း ပြည့်မှသာ စာမေးပွဲ ဖြေဆိုခွင့်ရမှာ ဖြစ်ပါတယ်။ ဒါကြောင့် ကျောင်းခေါ်ချိန် ၇၅ ရာခိုင်နှုန်းလျော့လို့ မဖြစ်ပါဘူး'' ဟု ရန်ကုန်တက္ကသိုလ်၊ သင်တန်းရေးရာ ဌာနမှ တာဝန်ရှိသူ တစ်ဦးက ပြောကြားသည်။

ရန်ကုန်တက္ကသိုလ်တွင် ယခုပညာသင်နှစ်အတွက် ကျောင်းလျှောက်ထားနိုင်မည့် ဒုတိယ အကြိမ်မြောက် ကျောင်းဝင်ခွင့် ခေါ်ယူမှုအား အဆင့်မြင့်ပညာ ဦးစီးဌာန (အောက်မြန်မာပြည်)၊ ရုံးချုပ်၊ သထုံလမ်း၊ ကမာရွတ် တက္ကသိုလ်နယ်မြေ၊ ရန်ကုန်မြို့သို့ ၂၀၁၃ ခုနှစ် ဒီဇင်ဘာ ၉ ရက် နောက်ဆုံးထား လျှောက်ထားခွင့်ပြုခဲ့ပြီး ကျောင်းဝင်ခွင့် ရရှိသူများ စာရင်းအား ၂၀၁၃ ခုနှစ် ဒီဇင်ဘာ ၁၆ ရက် ပညာရေး ၀န်ကြီးဌာနရှိ တက္ကသိုလ်၊ ဒီဂရီကောလိပ်၊ ကောလိပ်များတွင် ကြေညာခဲ့သည်။

ယင်းသို့ ထုတ်ပြန်ကြေညာရာတွင် မြန်မာစာ ၄၅ ဦး၊ အင်္ဂလိပ် ၃၉ ဦး၊ သင်္ချာ ၅၀ ဦး၊ ပထ၀ီ ၄၉ ဦး၊ သမိုင်း ၄၇ ဦး၊ ဒဿ နိက ၄၉ ဦး၊စိတ်ပညာ ၄၉ ဦး၊ ဥပဒေ ၄၁ ဦး၊ အရှေ့တိုင်းပညာ ၃၉ ဦး၊ နိုင်ငံတကာ ဆက်ဆံရေး ၄၉ ဦး၊ မနုဿဗေဒ ၃၂ ဦး၊ ရှေးဟောင်း သုတေသန ၄၉ ဦး၊ နိုင်ငံရေးသိပ္ပံ ၄၇ဦး၊ ဓာတုဗေဒ ၃၇ ဦး၊ ရူပဗေဒ ၄၇ ဦး၊ သတ္တဗေဒ ၄၆ ဦး၊ ရုက္ခဗေဒ ၄၉ ဦး၊ ဘူမိ ဗေဒ ၄၈ ဦး၊ ကုန်ထုတ် ဓာတုဗေဒ ၃၈ ဦး၊ ကွန်ပျူတာသိပ္ပံ ၃၆ ဦး တို့အား ထပ်မံဝင်ခွင့် ပြုခဲ့သည်။

Eleven Media Groupမတင်မှီအရင်ဖျက်ပစ်ပါ ပြန်ခေါက်ထားပေးပါ

Ballon d'Or အခမ်းအနားမှူးအဖြစ် တာဝန်ယူမည့် ဖာနန်ဒါလီမာ

24-12-2013

ဇန်နဝါရီလတွင် Ballon d'Or ဆုပေးပွဲကို ကျင်းပမည်ဖြစ်ရာ အသက်(၃၆)နှစ်ရှိ ဖာနန်ဒါကိုပင် အစီအစဉ်မှူးအဖြစ် FIFAက တာဝန်ပေး ရွေးချယ်ခံရသည်။

ကမ္ဘာ့ဖလား ဘောလုံးပြိုင်ပွဲ အုပ်စုမဲခွဲမှု အခမ်းအနားတွင် လူသိများခဲ့သည့် ဘရာဇီးလ် အလှမယ် ဖာနန်ဒါလီမာ အနေဖြင့် ကမ္ဘာ့အကောင်းဆုံး ဘောလုံးသမားဆု (Ballon d'Or) ဆုပေးပွဲတွင်လည်း အစီအစဉ်မှူးအဖြစ် တာဝန်ယူသွာမည်ဟု သိရသည်။ အသက်(၃၆)နှစ်ရှိ ဖာနန်ဒါ၏ ဆွဲဆောင်မှု အားကောင်းသော ပုံရိပ်သည် FIFA၏ ကမ္ဘာ့ဖလား မဲခွဲမှု အခမ်းအနားတွင် ဘောလုံးပရိသတ်များ တသသ အောက်မေ့ပြောဆိုရမည့် အခြေအနေအဖြစ် ပုံရိပ်ထင်ကျန်ခဲ့သည်။

သို့သော်လည်း ဖာနန်ဒါ၏ ပရိသတ် အနေဖြင့် ဘောလုံးနှင့် ပတ်သက်သည့် နောက်ထပ် အထင်ကရ အစီအစဉ် တစ်ခုတွင် ဖာနန်ဒါကို ထပ်မံတွေ့မြင်ခွင့် ရရှိလာမည် ဖြစ်သည်။ ဇန်နဝါရီလတွင် Ballon d'Or ဆုပေးပွဲကို ကျင်းပမည်ဖြစ်ရာ အသက်(၃၆)နှစ်ရှိ ဖာနန်ဒါကိုပင် အစီအစဉ်မှူးအဖြစ် FIFAက တာဝန်ပေး ရွေးချယ်ခံရသည်။ ကိုစတာဒိုဆူပီတွင် ပြုလုပ်သော မဲခွဲမှု အစီအစဉ်၌ ဖာနန်ဒါ၏ ရွှေရောင်ပွဲတက် ဖက်ရှင်ကို နှစ်သက်သူ အများအပြား ရှိခဲ့သလို လျှပ်ပေါ်လွန်းသည်ဟု ဝေဖန်မှုများလည်း ဖြစ်ပေါ်ခဲ့ရာ ဇူးရစ်ခ်ျတွင် ကျင်းပမည့် အခမ်းအနား၌မူ အတန်ငယ် အဝတ်အစား ဆင်ခြင်ရန် FIFAက သူမအား ဖိအားပေး တောင်းဆိုထားသည်။

အစ္စလာမ်မစ် နိုင်ငံအချို့က သူမကို ဝေဖန်ခဲ့သည့်နောက် ဖာနန်ဒါက "ဖြစ်ခဲ့တာတွေအတွက် ကျွန်မ တောင်းပန်ပါတယ်။ ကျွန်မဘက်ကတော့ ဘယ်နိုင်ငံကိုမှ ထိခိုက်ပါစေဆိုတဲ့ ရည်ရွယ်ချက်မျိုး မရှိခဲ့ပါဘူး။ နောက်ပြီး အငြင်းပွားစရာတွေလည်း မဖြစ်စေချင်ဘူး။ ဒီအတွေ့အကြုံကနေ ကျွန်မ သင်ယူခဲ့ပါပြီ။ ဒါကြောင့် Ballon d'Orလို တစ်ကမ္ဘာလုံး စောင့်ကြည့်နေမယ့် အခမ်းအနားကြီး တစ်ခုမှာ ကျွန်မအနေနဲ့ အဝတ်အစားကို သတိထား ရွေးချယ်သွားပါမယ်"ဟု ပြောကြားသွားသည်။

Planet Myanmar Network

ကိုယ်ချင်းစာစိတ်ဖြင့် ဆက်သွယ်မေးမြန်းကြသော ပြည်တွင်းပြည်ပ ကရုဏာရှင်များအား ရှမ်းမျိုးနွယ်စုရေးရာအဖွဲ့၊ မြစ်ကြီးနားမြို့မှ ကျေးဇူးတင်ကြောင်း သ၀ဏ်လွှာထုတ်ပြန်

24-12-2013

ကချင်ပြည်နယ်၊ မံစီမြို့နယ်အတွင်း KIAအဖွဲ့မှ အဓမ္မတပ်သားသစ် ဖမ်းဆီးနေမှုများဖြစ်ခဲ့ပြီး၊ ဖမ်းဆီးထား သူများအား ပြန်လည်လွှတ်ပေးရေး၊ အဓမ္မဆက်ကြေးကောက်ခံနေမှုရပ်တန့်ရေး၊ လူ့အခွင့်အရေးချိုးဖောက်နေမှု ရပ်တန့်ရေးတို့အတွက် ပြည်နယ်တွင်းနေ ရှမ်းတိုင်းရင်းသားများနှင့်KIA မဟုတ်သောအခြားတိုင်းရင်းသားများပါ ငြိမ်းချမ်းစွာ စီတန်းလှည့်လည်ပြီး (၂၀-၁၂-၂၀၁၃)နေ့တွင် ဆန္ဒထုတ်ဖော်ရန်အတွက် သက်ဆိုင်ရာ ပြည်နယ်ရဲမှူးထံသို့ တရားဝင်ခွင့်ပြုမိန့်ရရန် (၁၅-၁၂-၂၀၁၃)နေ့၌ တောင်းခံတင်ပြခဲ့သည်။ (၁၉-၁၂-၂၀၁၃)နေ့ ည(၇း၁၅)နာရီအချိန်တွင် ခွင့်မပြုကြောင်း တရားဝင်စာဖြင့် တားဆီးခဲ့သည်။ ငြိမ်းချမ်းစွာ စီတန်းလှည့်လည် ဆန္ဒထုတ်ဖော်ပြသခွင့် မရခဲ့ပေ။ သို့အတွက် ငြိမ်းချမ်းစွာ စုစည်း၍ အစည်းအဝေးကျင်းပကာ ဆန္ဒထုတ်ဖော်ပြသပွဲကို ဖော်ဆောင်ခဲ့ပါသည်။

ကျွန်ုပ်တို့ ရှမ်းလူမျိုးများအနေဖြင့် KIAစတင်ပေါ်ပေါက်လာသည့်အချိန်မှစ၍ ယနေ့အချိန်ထိ နှစ်ပေါင်း (၅၀)ကျော်(၆၀)အတွင်း KIAအဖွဲ့၏ ဖိနှိပ်ညှင်းစဲ သတ်ဖြတ်မှုအောက်တွင် ထိန့်လန့်တကြား ကြောက်ရွံ့စွာ နေထိုင်ခဲ့ရပြီး လူ့အခွင့်အရေးများစွာ ချိုးဖောက်ခံနေခဲ့ရမှုများကို ယနေ့ ဆန္ဒထုတ်ဖော်ပြသနိုင်ခဲ့ပါသည်။ ဤသို့ စုစုစည်းစည်း ညီညီညွတ်ညွတ် ဆန္ဒဖော်ထုတ်မှုကို သက်ဆိုင်ရာ အာဏာပိုင်များမှ ၀င်ရောက်နှောက်ယှက်ခြင်း မပြုသည်ကို အထူးပင်ကျေးဇူးတင်ပါသည်။ ဒေသခံရှမ်းလူမျိုးများ၏ နှစ်ပေါင်း(၁၀၀)အတွင်း KIAအဖွဲ့၏ အကြမ်းဖက် ဖိနှိပ်ချုပ်ချယ် အနိုင်ကျင့်မှုများ လူ့အခွင့်အရေးချိုးဖောက်မှုများကို ပထမဦးဆုံးသော ပြည်နယ်လုံးဆိုင်ရာ ရှမ်းမျိုးနွယ်စုများ၏ ဆန္ဒထုတ်ဖော်ပြသမှု သမိုင်းမှတ်တမ်း တင်နိုင်ခဲ့ပါသည်။

တကယ်ဆိုလျှင် ကျွန်ုပ်တို့ရှမ်းများနည်းတူ တိုင်းရင်းသားပြည်သူလူထုအားလုံးသည် ပါဝင်သင့်သကဲ့သို့ အစိုးရအနေဖြင့်လည်း တစ်ဖက်တစ်လမ်းမှ ပါဝင်ကူညီသင့်ပါသည်။ KIAအဖွဲ့ကို ဥပဒေနှင့်အညီ ပြတ်ပြတ်သားသား အရေးယူဆောင်ရွက်ခြင်းမပြုဘဲ တိုင်းရင်းသားစည်းလုံးညီညွတ်မှုဟူသော အကြောင်းပြချက်ဖြင့် နှစ်ပေါင်းကြာရှည် လိုက်လျောထားခြင်းသည် တိုင်းရင်းသားပြည်သူလုထုအချင်းချင်း နာကျည်းမှု အမုန်းတရား ဖြစ်ပေါ်လာစေပါသည်။ ဆိုချင်သည်မှာ အစိုးရသည် ပြည်သူလူထု၏ အသက်အိုးအိမ်စည်းစိမ်ကို ထိရောက်စွာ မကာကွယ်နိုင်ခြင်းသည်ပင်လျှင် ကြီးမားသော လူ့အခွင့်အရေးချိုးဖောက်မှုဟု ဆိုချင်ပါသည်။

ရန်ကိုရန်ချင်း မတုံ့နင်းပါဘဲ ရန်ငြိုးသံသရာမဖွဲ့ မြတ်ဗုဒ္ဓအဆုံးအမအောက်တွင် အသိတရားတစ်ခုဖြင့် ငြိမ်းချမ်းစွာစုဝေး စည်းဝေး၍ ဆန္ဒထုတ်ဖော်လိုက်ရသည်ကိုပင် ပြင်းထန်သောပေါက်ကွဲမှုဟု ဆိုက ဆိုနိုင်ပါသည်။ သို့သော် အတွေးအခေါ်အယူအဆ တက်ကြွပြီး ကြွတက်ချင်ကြသော လူငယ်ထုမှာ လမ်းလျှောက် ဆန္ဒပြကြမည်၊ တစ်ဖက်မှ အနှောက်အယှက်ပြုလာလျှင် အသေခံ တုန့်ပြကြမည်ဟု ကြွေးကျော်လာကြသော်လည်း လူကြီးများ ခေါင်းဆောင်များ၏ ငြိမ်းချမ်းစွာစည်းဝေးစုစည်းမှုကို လက်ခံလိုက်နာကြသည်။ ထိုသို့ လူကြီးစကား နားထောင် လိုက်နာပေးကြသည်ကို အထူးပင်ကျေးဇူးတင်မဆုံး ဖြစ်ရပါသည်။ နောင်တွင် သက်ဆိုင်ရာ အာဏာပိုင်တို့ထံမှ တရားခွင့်ပြုချက်ကို ပိုင်ပိုင်နိုင်နိုင်တင်ပြတောင်းဆိုပြီး ခွင့်ပြုချက်ရသည်နှင့် တစ်ပြိုင်နက် တစ်ပြည်နယ်လုံး လှုပ်ရှား ဆောင်ရွက်နိုင်ရန် တပ်လှန့်ထားလိုက်ပါသည်။ မည်သူ တရားပျက်ပျက် ကိုယ်တရားမပျက်ပါ- ကျွန်ုပ်တို့ ရှမ်းမျိုးနွယ်စုများသည် ဥပဒေလမ်းကြောင်းအတိုင်းသာ ဆောင်ရွက်ချင်သော ဆန္ဒရှိသည်ကို သက်သေပြသ လိုက်ခြင်းပင် ဖြစ်ပါသည်။

မြန်မာနိုင်ငံသို့ နိုင်ငံတကာမှပုဂ္ဂိုလ်များရောက်ရှိနေသည့် SEA Game ကာလဖြစ်၍ ခွင့်မပြုနိုင်ဟူသော အကြောင်းသည် ခိုင်လုံမှုမရှိသော အကြောင်းပြချက်ဟု ဆိုချင်ပါသည်။ KIAအဖွဲ့မှ တိုင်းရင်းသား ပြည်သူလူထု၏ အသက်အိုးအိမ်စည်းစိမ်ကို ထိပါးနှောက်ယှက်နေခြင်းကို ဦးစားပေးဆောင်ရွက်သင့်သည်ဟု ထင်ပါသည်။ ဦးစားပေး လုပ်သင့်သည်ကို ဥပေက္ခာပြုနေခြင်းသည် သဘာဝမကျဟု ဆိုချင်ပါသည်။

ကချင်ပြည်နယ်အတွင်းရှိ KIA(ကချင်)အဖွဲ့ မဟုတ်သော အခြားသော တိုင်းရင်းသားများ၏ ဘ၀သက်တမ်း တစ်လျှောက် KIAအဖွဲ့၏ အဓမ္မတပ်သားသစ်စုဆောင်းခံရခြင်း၊ ဆက်ကြေးကောက်ခံရခြင်း၊ လူ့အခွင့်အရေးချိုးဖောက်မှုခံရခြင်းတို့မှ လွှတ်မြောက်ရေး၊ ထိုသို့လွှတ်မြောက်ရေးအတွက် ကူညီဆောင်ရွက်ပေးမည့် အဖွဲ့သည် နည်းပါးခြင်း၊ လူ့အခွင့်အရေးချိုးဖောက်ခံနေရကြောင်းကို ရင်ဖွင့် မပြောဆိုရဲခြင်း၊ စသည်တို့ကို ကမ္ဘာသိ မြန်မာသိ ဖြစ်စေချင်သည်။ တစ်နည်းမဟုတ် တစ်နည်းနှင့် သိစေချင်သည်။ ထိုသို့ သိကြပြီး KIO/KIA အဖွဲ့အား နည်းပေးလမ်းပြ ဖျောင်းဖျနားချနိုင်သည့် အဖွဲ့အစည်း၊ ပုဂ္ဂိုလ်တစ်ဦးပေါပေါက်ကာ ငြိမ်းချမ်းရေးအမြန်ဆုံး ရအောင် ဆောင်ရွက်ပေးနိုင်လိမ့်မည်ဟု ယုံကြည်သည်။

ထိုသို့သော ယုံကြည်မှုဖြင့် ကမ္ဘာသို့ သိစေခြင်းငှာ မီဒီယာများမှ ဖြစ်ရပ်မှန်ကို အမှန်အတိုင်း ကြားသိစေကြသဖြင့် အထူးပဲ ကျေးဇူးတင်ပါသည်။ အဖိနှပ်ခံ အစော်ကားခံ ဒုက္ခရောက်နေကြရသည့် ဒေသခံ တိုင်းရင်းသားများကို ကိုယ်တိုင်ကိုယ်ကျ မမြင်ရသော်လည်း ကိုယ်ချင်းစာနာစိတ်ဖြင့် ဆက်သွယ်မေးမြန်းပေးကြသော ပြည်တွင်းပြည်ပ ကရုဏာရှင်များအား အထူးကျေးဇူးတင်ပါကြောင်း…….

စိုင်းစန်းဝေ
ဒု-ခေါင်းဆောင်
ရှမ်းမျိုးနွယ်စုရေးရာအဖွဲ့(မြန်ပြည်မြောက်ပိုင်း)
မြစ်ကြီးနားမြို့

ဧရာဝတီမြစ်ဖျားဆီကမတင်မှီအရင်ဖျက်ပစ်ပါ ပြန်ခေါက်ထားပေးပါ

မြန်မာကျောင်းသားများ ပြည်တွင်းဘွဲ့နှင့် နိုင်ငံတကာဘွဲ့ ပူးတွဲရယူနိုင်ရန် စီစဉ်နေ

24-12-2013

မြန်မာ ကျောင်းသားများ အမိနိုင်ငံမှ ပေးအပ်သည့်ဘွဲ့နှင့် နိုင်ငံတကာ ဘွဲ့ကို (Joint Degree) အဖြစ် ပူးတွဲရယူနိုင်တော့မည်ဖြစ် ကြောင်း သိရသည်။ ယင်းကဲ့သို့ နိုင်ငံတကာ အသိအမှတ်ပြု တက္ကသိုလ်များ နှင့် လွတ်လပ်စွာပူးတွဲသုတေ သနလုပ်ဆောင်ခြင်းနှင့် ချီးမြှင့် သည့်ဘွဲ့ကို ရယူနိုင်ရန်အတွက် အမျိုးသားပညာရေး ဥပဒေမူ ကြမ်းတွင်လည်း ထည့်သွင်းရေး ဆွဲလျက်ရှိကြောင်း လက်ရှိတွင် လည်း နိုင်ငံတကာတက္ကသိုလ် များနှင့် နားလည်မှုစာချွန်လွှာ ရေးထိုးခြင်း၊ ပညာတော်သင် သွားသည့်ကိစ္စရပ်များတွင် ဖြေ လျှော့ပေးခြင်းများကို လုပ်ဆောင် ပေးထားခြင်းများလည်း ရှိနေ ကြောင်း အဆင့်မြင့်ပညာဦးစီး ဌာနမှ သိရသည်။

''လက်ရှိတော့ နိုင်ငံတ ကာနဲ့ လွတ်လပ်စွာလုပ်ကိုင်ခွင့် တွေကို ဖြေလျှော့မှုတွေ အရင် လုပ်ပေးပြီးသွားပါပြီ။ ကျောင်း သားတွေ နောင်ဆိုရင်တခြား နိုင်ငံက ချီးမြှင့်တဲ့ဘွဲ့တွေပါ ပူးတွဲအနေနဲ့ ရရှိနိုင်တော့မှာ ပါ။ အားလုံးကို ချုပ်ကိုင်ထား တာမျိုးတွေ ရှိမှာမဟုတ်တော့ ပါဘူး''ဟုအဆင့်မြင့်ပညာဦး စီးဌာန(အောက်မြန်မာပြည်)မှ အဆင့်မြင့်အရာရှိ တစ်ဦးက ပြောကြားသည်။

ကျောင်းသား များအနေ ဖြင့်လည်း ယင်းကဲ့သို့သုတေသ နဆိုင်ရာများ လုပ်ဆောင်နိုင် ရန်နှင့် ပူးတွဲဘွဲ့များရရှိနိုင်ရန် အတွက် မိမိကိုယ်တိုင်နိုင်ငံတ ကာတက္ကသိုလ်များနှင့် ချိတ် ဆက်နိုင်ရန်လည်း လိုအပ် ကြောင်း၊ အခြားနိုင်ငံများမှ မြန်မာကျောင်း သားများကို လာ ရောက်ကမ်းလှမ်းမှုများ ပြုလုပ် လာလျှင်လည်း ခွင့်ပြုပေးသွား မည်ဖြစ်ကြောင်း သိရသည်။ ''ကျောင်းသားတွေအနေ နဲ့ ပူးတွဲသုတေသနတွေ၊ ပူး တွဲဘွဲ့တွေ လိုချင်တယ်ဆိုရင် နိုင်ငံတကာတက္ကသိုလ်တွေကို ကိုယ့်ဟာကိုယ် ရှာဖို့လဲ လို တယ်။ သုတေသနတွေမှာဟို ဘက်ကလဲ ဒီကိုလာလေ့လာ တာမျိုးတွေ၊ ဟိုကိုလဲခေါ်တာ မျိုးတွေဆိုရင်လဲ ခွင့်ပြုပေးမှာ ပါ။ အခွင့်အလမ်းအကုန်ဖွင့် ပေးမှာပါ။ ဌာနကလုပ်ပေးတဲ့ ကျောင်းသားဆိုရင်တော့သတ် မှတ်အရည် အချင်းတော့ ရှိ မှာပဲ။ ထူးချွန်ကျောင်းသား တွေပဲ ဖြစ်ရင်လဲဖြစ်မယ်။ နောင် ဆိုရင် တခြားကျောင်းသားတွေ လဲ ဒီလိုပူးတွဲဘွဲ့မျိုး စီစဉ်ပေးဖို့ အထိ လုပ်သွားပါလိမ့်မယ်''ဟု ယင်းကထပ်မံပြောသည်။

Yangon Media Groupမတင်မှီအရင်ဖျက်ပစ်ပါ ပြန်ခေါက်ထားပေးပါ