ကချင်ပြည်နယ် မိုးကောင်းမြို့၌ ဇန်နဝါရီ ၁၆ ရက် ညနေပိုင်းက နဝမတန်းကျောင်းသားတစ်ဦး ချောင်းအတွင်း ရေဆင်းချိုးရာမှ ရေနစ်ပျောက်ဆုံးခဲ့ကြောင်း သိရသည်။
ဖြစ်စဉ်မှာ အမှတ်(၁) အခြေခံပညာအထက်တန်းကျောင်းတွင် ပညာသင်ကြားနေသူ မိုးကောင်းမြို့၊ အလယ်ရပ်ကွက်နေ နဝမတန်းကျောင်းသား မောင်မိုးကိုဝင်း(၁၆ နှစ်)သည် ဇန်နဝါရီ ၁၆ ရက် ညနေ ၄ နာရီခန့်က သူငယ်ချင်းနှစ်ဦးနှင့်အတူ ဘောလုံးကစားပြီး နန့်ကောင်းချောင်းအတွင်း ရေဆင်းချိုးရာမှ ရေနစ်ပျောက်ဆုံးခဲ့၍ မြို့နယ်မီးသတ်ဦးစီးဌာနမှ ဒုတိယဦးစီးမှူး ဦးလဂျွန်းနှင့် မီးသတ်တပ်ဖွဲ့ဝင်များ၊ မြို့နယ်ရဲတပ်ဖွဲ့မှ ရဲတပ်ဖွဲ့ဝင်များ၊ ရပ်ကွက်နေပြည်သူများမှ ရှာဖွေကယ်ဆယ်ရေးများ ဆောင်ရွက်လျက် ရှိကြောင်းသိရသည်။
ဝင်းနိုင်(ကချင်မြေ)
{Myanmar Digital News
No comments:
Post a Comment