အိမ်အကူ အမျိုးသမီးအား အက်စစ်ဖြင့် ပက်သည်ဟုဆိုကာ ပုဒ်မ (၄)ခုဖြင့် အမှုဖွင့်ခံထားရသည့် သရုပ်ဆောင် မင်းရာဇာကို တာမွေမြို့နယ်တရားရုံးတွင် ချုပ်ရက်ရမန်ယူ

အိမ်အကူအမျိုးသမီးအား အက်စစ်ဖြင့်ပက်သည်ဟုဆိုကာ ပုဒ်မ (၄)ခုဖြင့် အမှုဖွင့်ခံထားရသည့် သရုပ်ဆောင်မင်းရာဇာကို ဧပြီ ၂၄ရက်တွင် တာမွေမြို့နယ်တရားရုံး၌ ချုပ်ရက်ရမန်ယူကြောင်း သိရသည်။

COVID 19 ကပ်ရောဂါ အကျပ်အတည်းများအတွက် ဒေါ်လာ ၄၈၄ ဘီလီယံ ထပ်မံသုံးစွဲရန် အမေရိကန် အောက်လွှတ်တော် အတည်ပြု

COVID 19 ကပ်ရောဂါ၏ အကျိုးသက်ရောက်မှုများကို ကုစားရန်အတွက် အမေရိကန်ဒေါ်လာ ၄၈၄ ဘီလီယံ ထပ်မံသုံးစွဲရေး ဥပဒေကြမ်းကို အမေရိကန် အောက်လွှတ်တော်က ကြသပတေးနေ့က အတည်ပြုလိုက်ကြောင်း သိရသည်။

အဆိုးရွားဆုံးခံစားနေရသည့် ဥရောပ ငါးနိုင်ငံတွင် ကူးစက်မှုပေါင်း ရှစ်သိန်းခွဲကျော်နှင့် သေဆုံးသူ ကိုးသောင်းကျော်ရှိနေ

ကမ္ဘာကပ်ရောဂါ အဆိုးရွားဆုံးခံစားနေရသည့် ဥရောပရှိ စပိန်၊ အီတလီ၊ ပြင်သစ်၊ ဂျာမဏီ၊ ဗြိတိန် ငါးနိုင်ငံပေါင်း၏ စုစုပေါင်း ကူးစက်မှုအရေအတွက်သည် ၈၅၂၃၈၇ ဦးအထိ မြင့်တက်နေပြီး သေဆုံးသူဦးရေမှာ ၉၃၈၇၅ ဦး ရှိကြောင်း နောက်ဆုံးအချက်အလက်များအရ သိရသည်။

WHO ဝန်ထမ်းကို ပစ်သတ်မှု နိုင်ငံတကာဥပဒေချိုးဖောက်၍ အရေးယူရန်နှင့် ကုလအတွင်းရေးမှူးချုပ်၏ အပစ်ရပ် ပန်ကြားချက် လက်နက်ကိုင်အဖွဲ့များ လိုက်နာရန် အရပ်ဘက်အဖွဲ့ပေါင်း ၂၉၀ တောင်းဆို

ကမ္ဘာ့ကျန်းမာရေးအဖွဲ့ WHO မှ ဝန်ထမ်း ဦးပြည့်စုံဝင်းမောင် ပစ်သတ်ခံရမှု အမှုမှန်ပေါ်ပေါက်ရေး လွတ်လပ်ပြီး တရားမျှတသော စုံစမ်းရေးအဖွဲ့ဖြင့် အမှန်တရား အမြန်ဆုံးဖော်ထုတ်ရန် အရပ်ဘက်အဖွဲ့ပေါင်း ၂၉၀ က ကြေညာချက်ထုတ်ပြန် တောင်းဆိုလိုက်သည်။

ဖိလစ်ပိုင်နိုင်ငံတွင် မြို့တော်မနီလာ၏ Lockdown ကာလကို မေလ(၁၅)ရက်အထိ သက်တမ်းတိုး

ဖိလစ်ပိုင်နိုင်ငံမှာ ကိုရိုနာဗိုင်းရပ်စ် ကူးစက်မှုကိုထိန်းချုပ်နိုင်ဖို့ မြို့တော်မနီလာရဲ့ lockdown ကာလကို မေလ(၁၅)ရက်အထိ သမ္မတဒူတာတေးက သက်တမ်းတိုးချမှတ်လိုက်တယ်လို့ သမ္မတရဲ့ပြောရေးဆိုခွင့်ရှိသူက အခုလ(၂၄)ရက်နေ့က ထုတ်ဖော်ပြောကြားခဲ့ကြောင်း နိုင်ငံတကာသတင်းတွေမှာ ဖော်ပြပါတယ်။

မွန်ပြည်နယ်တွင် ပြည်ပမှ ပြန်လာသူ (၈၄၀၀) အတွက် Facility Quarantine နေရာများ ပြင်ဆင်ထားပြီး

ထိုင်းနိုင်ငံ၊မလေးရှားနိုင်ငံတွေက ဧပြီ ၃၀ နောက်ပိုင်း မြဝတီမြို့နယ်စပ်ဂိတ်က တစ်ဆင့် ပြန်လည်ဝင်ရောက်လာသူ ပေါင်း (၃၀၀၀၀) ဝန်းကျင်းရှိမယ်လို့ ပြည်ထောင်စုအစိုးရက ခန့်မှန်းထား ပါတယ်။ ပြန်လည်ဝင်ရောက်လာသူတွေ ထားရှိဖို့ မွန်ပြည်နယ်နဲ့ ကရင်ပြည်နယ်မှာ Community Based Facility Quarantine (CBFQ) နေရာအသစ်တွေ တိုးချဲ့ထားပြီး မွန်ပြည်နယ်ကတော့ လူဦးရေ (၁၀၀၀၀) ခန့် ထားရှိနိုင်ဖို့ ရည်မှန်းထားပြီး လက်ရှိ လူဦးရေ (၈၄၀၀) အတွက် ပြင်ဆင်ထားပြီး ဖြစ်တယ်လို့ မွန်ပြည်နယ်အစိုးရအဖွဲ့ထံက သိရပါတယ်။ 

ကျန်းမာရေးအသိပေးမှုများကို Drone Speaker များဖြင့် နှိုးဆော်ရန်စီစဉ်နေဟု နိုင်ငံတော်၏အတိုင်ပင်ခံပုဂ္ဂိုလ်ပြော

ကိုဗစ်-၁၉ ကာကွယ်ထိန်းချုပ်ရေးနှင့်ပတ်သက်ပြီး ကျန်းမာရေးအသိပေးမှုများကို Drone Speaker များဖြင့် နှိုးဆော်နိုင်ရန် ပညာရေးဝန်ကြီးဌာနှနှင့်ပူးပေါင်း၍စီစဉ်နေပြီဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ယနေ့(ဧပြီ ၂၄ ရက်) တွင်ပြုလုပ်သည့် ချင်းပြည်နယ်မှ ပြည်သူများနှင့် တွေ့ဆုံဆွေးနွေးပွဲ၌ ပြောကြားခဲ့သည်။

၈၈ မျိုးဆက်ကျောင်းသားခေါင်းဆောင်ဟောင်း ဦးမိုးသီးဇွန် COVID 19 ကူးစက်ခံရဟု သတင်းများထွက်ပေါ်

ပြည်ပရောက် ၈၈ မျိုးဆက် ကျောင်းသားခေါင်းဆောင်ဟောင်း တစ်ဦးဖြစ်သည့် ဦးမိုးသီးဇွန် COVID 19 ရောဂါပိုး ကူးစက်ခံနေရကြောင်း လူမှုကွန်ရက် မီဒီယာများတွင် သတင်းများ ထွက်ပေါ်နေလျက်ရှိသည်။

မြန်မာနိုင်ငံ ကိုရိုနာဗိုင်းရပ်စ် ကူးစက်မှု

ဧပြီ ၂၄၊ ၂၀၂၀ (မနက် ၁၀:၂၅ နာရီခွဲ)

COVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း ဓာတ်ခွဲနမူနာ (၁၈၃) ခုလုံးတွင် COVID-19 ရောဂါပိုး မတွေ့ရှိ

၁။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) ၏ (၂၃-၄-၂၀၂၀) ရက်နေ့၊ ညတွင် (ဒုတိယအသုတ် နှင့် တတိယအသုတ်) စစ်ဆေးပြီးစီးခဲ့သော ဓာတ်ခွဲနမူနာ (၁၈၃) ခုလုံးတွင် COVID-19 ရောဂါပိုး မတွေ့ရှိ (မတွေ့ရှိ)ပါ။

ဗြိတိန်နိုင်ငံမှာ ကိုရိုနာဗိုင်းရပ်စ်ကာကွယ်ဆေးကို မနက်ဖြန်မှာ လူတွေနဲ့ စတင်စမ်းသပ်မယ်

ဗြိတိန်နိုင်ငံ အောက်စဖို့ဒ်တက္ကသိုလ်က ထုတ်ဖော်တဲ့ကိုရိုနာဗိုင်းရပ် Covid-19 ရောဂါကာကွယ်ဆေးကို ဧပြီ ၂၃ (ကြာသပတေးနေ့) နေ့ကစပြီး လူတွေနဲ့ စမ်းသပ်မယ်လို့ ဗြိတိန်ကျန်းမာရေးဝန်ကြီး မတ်ဟန်းကော့ မနေ့က သတင်းစာရှင်းလင်း ပွဲမှာ ပြောကြားသွားပါတယ်။

ပြည်သူများမှာ ဥပဒေနှင့်ပတ်သက်ပြီး အမြင်စောင်းကာ ဖိနှိပ်ဖို့ပဲ ထင်ကြကြောင်း နိုင်ငံတော်အတိုင်ပင်ခံ ပြောဆို

ပြည်သူများမှာ ဥပဒေနှင့်ပတ်သက်ပြီး အမြင်စောင်းကာ ဖိနှိပ်ဖို့ပဲထင်ကြကြောင်း နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်မှ ပြောကြားသည်။ ယနေ့နံနက်ပိုင်းတွင် ပြုလုပ်သည့် COVID-19 ကာလတွင် စက်ရုံ၊ အလုပ်ရုံများ၊ အလုပ်သမားများ၏အရေး ကိစ္စများနှင့်စပ်လျဉ်း၍ အပြန်အလှန်ဆွေးနွေးရာတွင် အထက်ပါအတိုင်းပြောကြားခဲ့ခြင်းဖြစ်သည်။

ညွှန်ကြားချက်ထုတ်ပြန်ခြင်း အချိန်ကပ်သွားသဖြင့် အတိုင်ပင်ခံပုဂ္ဂိုလ် တောင်းပန်

တစ်နိုင်ငံလုံးက စက်ရုံ၊ အလုပ်ရုံ၊ အလုပ်ဌာနများသည် အစိုးရစစ်ဆေးပြီး ခွင့်ပြုမှသာ ဖွင့်လှစ်ရန် ညွှန်ကြားချက်ထုတ်ပြန်ခြင်းမှာ အချိန်ကပ်သွားသဖြင့် တောင်းပန်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

COVID -19 ဖြစ်စဉ်အတွက် အမေရိကန်ပြည်နယ်တစ်ခုက တရုတ်ခေါင်းဆောင်တွေကို တရားစွဲ

ကိုရိုနာဗိုင်းရပ်စ် COVID-19 ကပ်ရောဂါ ကူးစက်ဖြစ်ပွားမှုနဲ့ပတ်သက်ပြီး အမေရိကန်ပြည်ထောင်စု မစ်ဆူရီပြည်နယ်က တရုတ်နိုင်ငံ ခေါင်းဆောင်ပိုင်းကို အင်္ဂါနေ့(ဧပြီ ၂၁ ရက်)မှာ တရားစွဲလိုက်တယ်လို့သိရပါတယ်။ တရုတ်ဟာ ကပ်ရောဂါ ရပ်တန့်သွားစေဖို့ လုံလုံလောက်လောက် အရေးယူဆောင်ရွက်ခြင်းမရှိမှု၊ ရည်ရွယ်ချက်ရှိစွာ လိမ်လည်လှည့်ဖြားခဲ့မှုတွေအတွက် နစ်နာကြေးရလိုမှုနဲ့ တရားစွဲခဲ့တာဖြစ်ပါတယ်။

တောင်တွင်းကြီးမြို့တွင် တပ်မတော်နှင့် မီးသတ်တပ်ဖွဲ့ ပူးပေါင်းပြီး မြို့တွင်လမ်းများအား ပိုးသတ်ဆေးဖျန်း

မကွေးတိုင်းဒေသကြီး၊တောင်တွင်းကြီးမြို့မှာ ဧပြီ(၂၂)ရက်၊မနက်ပိုင်းက အမှတ်(၇)စစ်အခြေခံလေ့ကျင့်ရေးတပ်နဲ့ မြို့နယ်မီးသတ်ဦးစီးဌာန တို့ပူပေါင်းပြီး မြို့တွင်းလမ်းတွေကို ပိုးသတ်ဆေးဖျန်းခဲ့ပါတယ်။

အစိုးရ၏ ညမထွက်ရအမိန့်များကို မြို့နယ်တချို့က ပုဒ်မ ၁၄၄ ထုတ်ပြန်၍ ထပ်မံ တင်းကျပ်မှု ဥပဒေအရ ကျော်လွန်နေ

ပြည်ထောင်စုအစိုးရအဖွဲ့၏ ညွှန်ကြားချက်ဖြင့် ပြည်နယ်/ တိုင်းဒေသကြီးအစိုးရအဖွဲ့များက COVID-19 ရောဂါ ကာကွယ်ထိန်းချုပ်ဟန့်တားရေးအတွက် ညမထွက်ရ အမိန့် ထုတ်ပြန်ပြီးနောက် မြို့နယ်တချို့က ပုဒ်မ ၁၄၄ ထုတ်ပြန် ညမထွက်ရ အမိန့်ကို ထပ်မံတင်းကျပ်လိုက်ရာ ယင်းသို့ တင်းကျပ်မှုသည် ဥပဒေအရကျော်လွန်နေမှုအဖြစ် ဥပဒေပညာရှင်တချို့က သုံးသပ်ပြောဆိုသည်။

ရခိုင်ပြည်နယ်မှ COVID 19 သံသယလူနာများ၏ ဓါတ်ခွဲနမူနာများကို လေယာဉ်ဖြင့်သာ ရန်ကုန်သို့ ပို့ဆောင်တော့မည်

ရခိုင်ပြည်နယ်မှ COVID 19 သံသယလူနာများ၏ ဓါတ်ခွဲနမူနာများကို လေယာဉ်ဖြင့်သာ ရန်ကုန်သို့ ပို့ဆောင်တော့မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ ညွှန်ကြားရေးမှူးချုပ် ဒေါက်တာသာထွန်းကျော်ကပြော သည်။

ရွှေတိဂုံဘုရားဖူးမျှော်ခွင့် ကို ဧပြီ ၃၀ ထိ ပိတ်ထားမည်

သင်္ကြန်နှစ်သစ်ကူးကာလအပြီးတွင် ပြန်လည်ဖွင့်လှစ်ရန်စီစဉ်ထားသည့်ရွှေတိဂုံဘုရားဖူးခွင့်ကို ဧပြီလ ၃၀ ရက် အထိ ထပ်မံပိတ်သိမ်းထားမည်ဖြစ်ကြောင်း ရွှေတိဂုံဘုရားဂေါပက အဖွဲ့ဝင်ဒေါက်တာရဲအောင်ကပြောသည်။

စိုင်းစိုင်းခမ်းလှိုင်က ကိုဗစ်-၁၉ ကာကွယ်ရေးအတွက်အလှူငွေ ကျပ်သိန်း ၃၀၀ ကနဦး လှူဒါန်းထား

နှစ်စဉ်ကျင်းပသော အဆိုတော် စိုင်းစိုင်းခမ်းလှိုင်၏ မွေးနေ့ရှိုးပွဲကို ယခုနှစ်တွင် အွန်လိုင်းမှဖျော်ဖြေသည့် ပုံစံဖြင့် အခမဲ့ ကျင်းပခဲ့သော်လည်း စိုင်းစိုင်းခမ်းလှိုင်၏ ပရိသတ်များနှင့် မိတ်ဆွေများ၏ ဝိုင်းဝန်းလှူဒါန်းမှုမှ ယခုအချိန်ထိ အလှူငွေကျပ်သိန်း ၈၀၀ ခန့် ရရှိထားပြီးဖြစ်ကြောင်း သိရသည်။

ရောဂါ သက်သာသည့် ၉ဦးစလုံး ဆေးရုံမှ ဆင်းခွင့်ရ

ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်အရ ယနေ့ ( ဧပြီ ‌၂၂ ရက်)နံနက် ၁၀ နာရီအထိ မြန်မာနိုင်ငံတွင် ကိုဗစ် - ၁၉ ရောဂါဓာတ်ခွဲအတည်ပြုလူနာ (၁၂၁) ဦးရှိပြီး ရောဂါသက်သာ၍ ဆေးရုံမှ ဆင်းခွင့်ရရှိသူ (၉) ဦး‌ရှိကြောင်းသိရသည်။

မန္တလေးသို့ ဝင်ရောက်လာသူများ (၂၈)ရက် Quarantine နေရမည့် အစီအစဉ် ယနေ့စတင်၊ နေရာ၊ဒေသ အတိအကျ မပါဘဲ မန္တလေးတိုင်း ပြင်ပ ရောဂါဖြစ်ပွားမှုများသည့် ဒေသများဟုသာ ဖော်ပြထား

မန္တလေးတိုင်း ပြင်ပ COVID-19 ရောဂါပိုး တွေ့ရှိမှုများသည့် ဒေသများသို့ သွားရောက်နေထိုင်ခဲ့ပြီး မန္တလေးတိုင်း အတွင်းသို့ ပြန်လည်ရောက်ရှိလာသူများ အနေဖြင့် Quarantine (အသွားအလာ ကန့်သတ် စောင့်ကြည့်ခြင်း) (၂၈)ရက် နေထိုင်ရမည်ဖြစ်ကြောင်း တိုင်းအစိုးရက ညွှန်ကြားစာ ထပ်မံထုတ်ပြန်သည်။

ငှက်ဖျားကုသဆေး hydroxychloroquine က ကိုရိုနာဗိုင်းရပ်စ်အတွက် ထိရောက်မှုမရှိဟု လေ့လာတွေ့ရှိ

Covid-19 ကုသရေးမှာ အလားအလာရှိတဲ့ ဆေးဝါတစ်ခုအဖြစ်အမွှမ်းတင်နေကြတဲ့ hydroxychloroquine ဆေးဟာ တကယ်လက်တွေ့စမ်းသပ်ကြည့်ရာမှာ ထိရောက်မှုမရှိဘူးလို့ အခုလ(၂၂)ရက် နိုင်ငံတကာသတင်းတွေမှာ ဖော်ပြထားပါတယ်။

အမေရိကန်တွင် တစ်ရက်အတွင်း အမြင့်ဆုံး သေဆုံးနှုန်းအဖြစ် လူပေါင်း ၂၈၀၀ ကျော် သေဆုံး

COVID 19 ကမ္ဘာ့ကပ်ရောဂါ ဗဟိုချက်မဖြစ်သော အမေရိကန်ပြည်ထောင်စုတွင် ယမန်နေ့က လူပေါင်း ၂၈၀၄ ဦး သေဆုံးခဲ့ပြီး ရောဂါစတင်ဖြစ်ပွားချိန်မှ ယခုအချိန်ထိ အများဆုံး သေဆုံးသည့် နေ့ရက်တစ်ရက် ဖြစ်လာခဲ့သည်။

COVID-19 ကာကွယ်၊ ကုသ၊ ထိန်းချုပ်ရေးလုပ်ငန်းများကို ဆောင်ရွက်နေစဉ် ဒဏ်ရာရရှိမှုနှင့် ကွယ်လွန်မှုအပေါ် ဝမ်းနည်းရပါကြောင်း

COVID-19 ဓာတ်ခွဲနမူနာများအား စစ်တွေမြို့မှ အမျိုးသားကျန်းမာရေးဓာတ်ခွဲမှု ဆိုင်ရာဌာန (ရန်ကုန်) သို့ ကူညီသယ်ယူပို့ဆောင်ခဲ့စဉ် ဒဏ်ရာရှိခဲ့သည့် ကမ္ဘာ့ကျန်းမာရေးအဖွဲ့ (WHO) မှ ဦးပြည့်စုံဝင်းမောင်သည် (၂၁-၄-၂၀၂၀) ရက်နေ့၊ နံနက်ပိုင်းတွင် ကွယ်လွန်ခဲ့မှုအပေါ် မိသားစုနှင့် ထပ်တူထပ်မျှ ဝမ်းနည်းပါသည်။ ဦးပြည့်စုံဝင်းမောင်သည် မိမိတို့နိုင်ငံ COVID-19 ကပ်ရောဂါကြီးအား ကျော်လွှားအောင်မြင်နိုင်စေရန် ပြည်သူများ၏အကျိုး အတွက် လုပ်ငန်းများကို ဆောင်ရွက်ခဲ့သူဖြစ်သဖြင့် နိုင်ငံအတွက် တာဝန်ကျေပွန်သူနိုင်ငံသား တစ်ဦးကို ဆုံးရှုံးခဲ့ရခြင်းလည်းဖြစ်ပါသည်။

မြန်မာပလာဇာမှ MPT အရောင်းစာရေးအမျိုးသမီး ကိုဗစ်ရောဂါ စစ်တွေ့ရှိရမှု မည်သို့မည်ပုံ ကူးစက်ခံရမှန်းမသိရှိရသေး

ကျန်းမာရေးနှင့်အားကစားဝန်ကြီးဌာနက ယမန်နေ့ ညက ကိုဗစ်လူနာသစ် ၂ ဦးတွေ့ရှိကြောင်း ထုတ်ပြန်ခဲ့ရာတွင် တစ်ဦးမှာ ရန်ကုန်၊ ဒဂုံမြို့သစ်အရှေ့ပိုင်းမှဖြစ်ပြီး မြန်မာပလာဇာမှ MPT အရောင်းစာရေး အမျိုးသမီး ဖြစ်ကြောင်း သိရှိရသည်။

မြန်မာနဲ့ အိမ်နီးချင်းနိုင်ငံများ COVID-19 ကူးစက်ခံရမှု နောက်ဆုံးအခြေအနေ

ကိုရိုနာဗိုင်းရပ်စ်ကူးစက် ရောဂါကာကွယ်ရေး စစ်ဆေးဆောင်ရွက်စဉ် ဆိုင်ကယ် မရပ်တန့်ခဲ့သူကို သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေဖြင့် အရေးယူ

ကိုရိုနာဗိုင်းရပ်စ်ကူးစက် ရောဂါကာကွယ်ရေးစစ်ဆေးဆောင်ရွက်စဉ် ဆိုင်ကယ်မရပ်တန့်ခဲ့သူကို သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေဖြင့် အရေးယူထားကြောင်း ပြည်ထဲရေးဝန်ကြီးဌာနက သတင်းထုတ်ပြန်သည်။

ကိုရိုနာဗိုင်းရပ်စ် နောက်ဆုံးအခြေအနေ

မုံရွာတွင် Mask တပ်ခိုင်းခြင်းကြောင့် မကျေနပ်၍ တာဝန်ရှိသူကို ဓါးဖြင့်ခုတ်ခဲ့သူအား ဖမ်းဆီးရမိ

ယနေ့ ဧပြီ ၂၀ တွင်စစ်ကိုင်းတိုင်းဒေသကြီး၊ မုံရွာမြို့ ၊ ပြည်တော်သာ ရပ်ကွက် စစ်ဆေးရေးဂိတ်တွင် တာဝန်ထမ်းဆောင်နေသော ယာဉ်ထိန်းရဲတစ်ဦးကို ဓါးဖြင့်ခုတ်သွားသူကို ဖမ်းဆီးရမိပြီဖြစ်သည်။

မြန်မာ-ဘင်္ဂလားဒေ့ရှ်နယ်စပ်မှ ပြန်ခိုးဝင်လာသူများကို ထိန်းချုပ်ရန်မလွယ်ဟု မောင်တောခရိုင် အုပ်ချုပ်ရေးမှူးပြော

မြန်မာ-ဘင်္ဂလားဒေ့ရှ်နယ်စပ် ရှည်လျားတဲ့ နယ်စပ်ခြံစည်းရိုးတွေကနေ ရခိုင်ပြည်နယ်ထဲ ပြန်လည်ခိုးဝင်လာတဲ့သူတွေကို ထိန်းချုပ်ဖို့ မလွယ်ဘူးလို့ မောင်တောခရိုင်အုပ်ချုပ်ရေးမှူးက ပြောပါတယ်။

ဗိုင်းရပ်စ်သတ်ဆေး remdesivir ဖြင့် မျောက်များကို စမ်းသပ်ကုသမှု အောင်မြင်

Gilead Sciences ဆေးသုတေသနကုမ္ပဏီက စမ်းသပ်နေတဲ့ ဗိုင်းရပ်စ်သတ်ဆေး ရမ်ဒီစီဗာ remdesivir ကို မျောက်တွေနဲ့ စမ်းသပ်ခဲ့ရာမှာ ကိုရိုနာဗိုင်းရပ်စ်ကူးစက်မှုကို တားဆီးနိုင်တယ်လို့ အမေရိကန် ကူးစက်ရောဂါများဆိုင်ရာ အမျိုးသားအင်စတီကျု NIAID က ဧပြီ ၁၇ က ထုတ်ပြန်ခဲ့ပါတယ်။

ယနေ့နံနက်ပိုင်း မြန်မာနိုင်ငံတွင် COVID-19 အတည်ပြုလူနာ (၁၁၁) ဦး၊ သေဆုံး (၅) ဦးနှင့်သက်သာ (၂) ဦးရှိပြီး ထပ်တိုးလူနာမရှိ

၁။ အမျိုးသားကျန်းမာရေးဓာတ်ခွဲမှုဆိုင်ရာဌာန(ရန်ကုန်)သည် (၁၉-၄-၂၀၂၀) ရက်နေ့တွင် တိုင်းဒေသကြီး/ပြည်နယ်အသီးသီးမှ ပေးပို့လာသော စောင့်ကြည့်လူနာနှင့် အသွားအလာကန့်သတ်ခြင်း/ တားမြစ်ခြင်း ဆောင်ရွက်ထားရှိသူ စုစုပေါင်း (၃၆၉) ဦးတို့၏ ဓာတ်ခွဲနမူနာများအား စစ်ဆေးခဲ့ရာ (၄)ဦး၏ ဓာတ်ခွဲနမူနာများတွင် COVID-19 ရောဂါပိုးတွေ့ရှိရပြီး ကျန် (၃၆၅)ဦးတွင် COVID-19 ရောဂါပိုးမတွေ့ရှိကြောင်း (၁၉-၄- ၂၀၂၀)ရက်နေ့၊ ည (၁၁:၁၅) သတင်းတွင် ထုတ်ပြန်ခဲ့ပါသည်။

ကိုရိုနာဗိုင်းရပ်စ်ကြောင့် ကမ္ဘာတဝန်းမှာ ကူးစက်သူပေါင်း (၂)သန်း(၄)သိန်းကျော်၊ သေဆုံးသူ (၁)သိန်း(၆)သောင်းခွဲရှိလာ

ကိုရိုနာဗိုင်းရပ်စ်ကြောင့် ကမ္ဘာတစ်ဝန်းမှာ သေဆုံးသူ (၁)သိန်း(၆)သောင်းခွဲရှိလာပြီး။ ကူးစက်သူ (၂)သိန်း(၄) သိန်းကျော်ရှိလာပြီ လို့ ဒီမနက် worldometer ဝက်ဘ်ဆိုက်က ဖော်ပြထားပါတယ်။

မြန်မာနိုင်ငံ ကိုရိုနာဗိုင်းရပ်စ် ကူးစက်မှု

ဧပြီ ၂၀၊ ၂၀၂၀ (မနက် ၁၀ နာရီ)

လားရှိုးမြို့ကို လေကြောင်းလိုင်းဖြင့်ရောက်ရှိလာသူ(၁၂)ဦး Facility Quarantine Center သို့ ဝင်ရောက်

လားရှိုး လဆေိပျကို ဧပွီ(၁၉)ရကျက Air KamBawZa လကွေောငျးလိုငျးဖွငျ့ ခရီးသညျ ၁၂ ဦး ရောကျရှိလာတယျလို့ လူမှုကယျဆယျရေး အသငျးဝငျတှကေ ပွောပါတယျ။ 

Covid- 19 ကူးစက်ရောဂါနဲ့ ပတ်သက်ပြီး နိုင်ငံတော်အတိုင်ပင်ခံရဲ့ ကျေးဇူးတင်စကား

ကရုဏာနဲ့ တာဝန် ထမ်းဆောင် နေကြတဲ့ ကျန်းမာရေးဝန်ထမ်းများ၊ စေတနာ့ ဝန်ထမ်းများကို ကျေးဇူးတင်ပါတယ်။ နိုင်ငံ့ စက်ယန္တရားကြီး လည်ပတ်နိုင်ဖို့ နေ့စဉ်တာဝန်ကိုယ်စီ ထမ်းရွက်နေကြတဲ့ နိုင်ငံ့ဝန်ထမ်းများကို ကျေးဇူးတင်ပါတယ်။

ပိုးတွေ့လူနာအသစ် ၃ ဦးထပ်မံတွေ့ရှိ၊ စုစုပေါင်း ၁၁၁ ဦးရှိလာ

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)၏ ယနေ့ (ဧပြီ ၁၉ ရက်)တွင် (ဒုတိယအသုတ်)အဖြစ် စစ်ဆေးခဲ့သော ဓာတ်ခွဲနမူနာ (၁၈၁) ခုအနက် (၃) ဦးတွင် ကိုဗစ်-၁၉ ရောဂါပိုးတွေ့ရှိကြောင်း ကျန်းမာရေးနှင့်အားကစားဝန်ကြီးဌာနမှ ည ၁၁ နာရီ ၁၅ မိနစ်တွင် ထုတ်ပြန်သည်။

ကိုဗစ်ကပ်ရောဂါအတွက် တရုတ်တွင် တာဝန်ရှိ၍ အကျိုးဆက်များ ရင်ဆိုင်ရနိုင်ဟု အမေရိကန်သမ္မတထရမ့် သတိပေး

အမေရိကန်သမ္မတ ထရမ့်က တရုတ်နိုင်ငံအနေဖြင့် ကိုဗစ်ရောဂါဖြစ်ပွားမှုအတွက် တာဝန်ရှိသဖြင့် အကျိုးဆက်များကို ရင်ဆိုင်ရနိုင်ဟု သတိပေးပြောဆိုလိုက်ကြောင်း နိုင်ငံတကာသတင်းများတွင် ရေးသားဖော်ပြထားသည်။

နိုင်ငံတော်၏အတိုင်ပင်ခံနှင့် ဧရာဝတီတိုင်းဒေသကြီးရှိ ပြည်သူများဆွေးနွေးခြင်းအား နိုင်ငံတော်၏အတိုင်ပင်ခံ Facebook Account မှ တိုက်ရိုက်ထုတ်လွှင့်မည်

လူတိုင်းကချစ်ပါတယ်

Covid-19 ရဲ့ အရေးပေါ်လက္ခဏာများ

မြန်မာနိုင်ငံတွင်Covid-19 အတည်ပြုလူနာ (၁၁၁)ဦးအထိရှိလာပြီး တစ်ကမ္ဘာလုံးတွင် ဗိုင်းရပ်စ်ကြောင့် သေဆုံးသူ ၁သိန်း၆သောင်း ကျော်ရှိလာပြီး ရောဂါကူးစက်ခံရသူ (၂.၄) သန်းကျော်အထိမြင့်တက်လာ

တစ်ကမ္ဘာလုံးတွင် ဝူဟန်ကိုရိုနာဗိုင်းရပ်စ်ကြောင့် သေဆုံးသူအရေအတွက်မှာ ဧပြီလ ၂၀ ရက်နေ့ နံနက် ၇:၃၀ အချိန်အထိ သေဆုံးသူ စုစုပေါင်း(၁၆၅,၀၄၆) ဦးရှိလာပြီဖြစ်ကြောင်း တရုတ်ဆေးဘက်ဆိုင်ရာ အရာရှိများ၏ပြောကြားချက် သတင်းထုတ်ပြန်ချက်များအရသိရှိရပြီး ရောဂါကူးစက်ခံရသူ အရေအတွက်မှာလည်း စုစုပေါင်း (၂,၄၀၇,၂၁၁) ဦး ကူးစက်ခံထားကြောင်း သိရသည်။