တစ်နှစ်ကျော် တစ်ဆို့နေသည့်ငြိမ်းချမ်းရေးလုပ်ငန်းစဉ်များ ဂျေအိုင်စီအမ်အစည်းအဝေးကနေ လမ်းဖွင့်ပေးလိုက်ပြီဟုဆို

တစ်နှစ်ကျော် တစ်ဆို့နေသည့်ငြိမ်းချမ်းရေးလုပ်ငန်းစဉ်များ ပုံမှန်ပြန်လည်ကျင်းပသွားနိုင်ရန် JICM အစည်းအဝေးက လမ်းဖွင့်ပေးလိုက်ပြီဖြစ်ေြကာင်း NCA အကောင်အထည်ဖော်မှုဆိုင်ရာ မူဘောင်ညှိနှိုင်းရေးအဖွဲ့ခေါင်းဆောင် RCSS မှ ဗိုလ်မှူးကြီး စိုင်းငင်းကဇန်နဝါရီ ၁၃ ရက်တွင် ပြောကြားသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့အစည်းများ (NCA-SEAO) ၏ NCA အကောင်အထည်ဖော်မှုဆိုင်ရာ မူဘောင်ညှိနှိုင်းရေးအဖွဲ့အစည်းအဝေး (စတုတ္ထအကြိမ်)ကိုဇန်နဝါရီ ၁၃ ရက် နံနက်ပိုင်းတွင် ချင်းမိုင်မြို့၌ ကျင်းပခဲ့ရာ အဖွဲ့ခေါင်းဆောင်ဗိုလ်မှူးကြီးစိုင်းငင်းက အဖွင့်အမှာစကားပြောကြားရာတွင် ယင်းကဲ့သို့ ထည့်သွင်းပြောကြားခဲ့ခြင်းြဖစ်သည်။

"တစ်နှစ်ကျော် တစ်ဆို့နေတဲ့ငြိမ်းချမ်းရေးလုပ်ငန်းစဉ်ဟာ ပုံမှန်ပြန်လည်ကျင်းပသွားနိုင်ဖို့ JICM အစည်းအဝေးကနေ လမ်းဖွင့်ပေးလိုက်ပြီဖြစ်လို့ ဒီအစည်းအဝေးမှာ ငြိမ်းချမ်းရေး ရှေ့လုပ်ငန်းစဉ်ကိစ္စရပ်များ၊ ဖက်ဒရယ်ပြည်ထောင်စုအခြေခံမူများ၊ ဖက်ဒရယ်တည်ဆောက်ရေးလုပ်ငန်းစဉ်အဆင့်ဆင့်၊ နိုင်ငံရေးဆွေးနွေးမှုဆိုရင် မူဘောင်ပြင်ဆင်ရေးမှာ NCA Non-Signatories EAO ညီနောင်တွေ ပါဝင်နိုင်ရေး စတဲ့အကြောင်းအရာတွေကို ဆွေးနွေးသွားရမှာဖြစ်ပါတယ်"ဟု ၎င်းက ပြောဆိုသည်။

ပြီးခဲ့သည့် ဇန်နဝါရီ ၈ ရက်တွင် နေပြည်တော်၌ နိုင်ငံတော်၏အတိုင်ပင်ခံပုဂ္ဂိုလ်ဦးဆောင်ပြုလုပ်ခဲ့သည့် JICM အစည်းအဝေးတွင် အစိုရနှင့် NCA လက်မှတ်ရေးထိုးထားသည့်တိုင်းရင်းသားလက်နက်ကိုင်အဖွဲ့ ၁၀ ဖွဲ့ အကြား သဘောတူညီချက် ရှစ်ချက်ရရှိခဲ့ပြီး ယင်းကဲ့သို့ သဘောတူညီချက် ရှစ်ချက်ချမှတ်နိုင်ခြင်းသည် မိမိတို့ JICM အစည်းအဝေးညှိနှိုင်းရေးအဖွဲ့၏ စွမ်းဆောင်မှုများသည် တစ်စိတ်တစ်ပိုင်း အထောက်အကူပြုနိုင်ခဲ့သည့်အတွက် အဖွဲ့ခေါင်းဆောင်အနေဖြင့် ညှိနှိုင်းရေးအဖွဲ့များ၏ တက်ညီလက်ညီ ဝိုင်းဝန်းကြိုးပမ်းဆောင်ရွက်မှုများကို လေးစားဂုဏ်ယူ အသိအမှတ်ပြုကြောင်း ဗိုလ်မှူးကြီးစိုင်းငင်းကပြောဆိုသည်။

"နှစ်ဖက်ထိပ်သီးခေါင်းဆောင်တွေကတော့ ဆွေးနွေးရမယ့်အကြောင်းအရာရှစ်ချက်ကို လမ်းညွှန်ချမှတ်ပေးပြီးဖြစ်လို့ဖော်ပြပါရှစ်ခုကို အောင်မြင်အောင် ညှိနှိုင်းဆွေးနွေးနိုင်ဖို့က မိမိတို့ညှိနှိုင်းရေးအဖွဲ့ဝင်တွေအားလုံးရဲ့ တာဝန်ပဲဖြစ်ပါတယ်။ကြီးလေးတဲ့တာဝန်ကို ထမ်းဆောင်ရမှာဖြစ်လို့ မိမိတို့အားလုံးကအသင့်ပြင်ထားဖို့လိုအပ်ပါတယ်။ ထိပ်သီးခေါင်းဆောင်တွေရဲ့လမ်းညွှန်ချက်တွေ၊ သဘောထားဆန္ဒတွေ အောင်မြင်အောင်၊အကောင်အထည်ေဖာ်နိုင်အောင် မိမိတို့အားလုံးက ဝိုင်းဝန်းဆောင်ရွက်ရမှာဖြစ်သလို ဒီအစည်းအဝေးမှာအားလုံးအတွက်မျှမျှတတဖြစ်စေတဲ့၊ အားလုံးလက်ခံကျေနပ်နိုင်တဲ့ ရလဒ်ကောင်းတွေ၊ အစီအမံတွေရရှိအောင် ညှိနှိုင်းဆွေးနွေးသွားကြဖို့ တိုက်တွန်းလိုပါတယ်"ဟု ၎င်းက ပြောဆိုသည်။

ပြည်သူရွေးကောက်တင်မြှောက်ထားသည့် လက်ရှိအစိုးရလက်ထက်တွင် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံအစည်းအဝေးကို ၂၀၁၆၊၂၀၁၇၊ ၂၀၁၈ ခုနှစ်များတွင်ကျင်းပနိုင်ခဲ့ပြီး ၂၀၁၉ ခုနှစ်တွင် ကျင်းပနိုင်ခြင်းမရှိဘဲ ပြီးခဲ့သည့်ဇန်နဝါရီ ၈ ရက်က ပြုလုပ်သည့် JICM အစည်းအဝေးတွင်၂၀၂၀ ပြည့်နှစ် ပထမလေးလအတွင်း ပြန်လည်ကျင်းပရန်သဘောတူညီခဲ့ကြကြောင်း သိရသည်။

သတင်း - နောင်လေး

The Standard Time Daily

(Unicode Version)

တစ်နှစ်ကျော် တစ်ဆို့နေသည့်ငြိမ်းချမ်းရေးလုပ်ငန်းစဉ်များ ဂျေအိုင်စီအမ်အစည်းအဝေးကနေ လမ်းဖွင့်ပေးလိုက်ပြီဟုဆို

တစ်နှစ်ကျော် တစ်ဆို့နေသည့်ငြိမ်းချမ်းရေးလုပ်ငန်းစဉ်များ ပုံမှန်ပြန်လည်ကျင်းပသွားနိုင်ရန် JICM အစည်းအဝေးက လမ်းဖွင့်ပေးလိုက်ပြီဖြစ်ကြောင်း NCA အကောင်အထည်ဖော်မှုဆိုင်ရာ မူဘောင်ညှိနှိုင်းရေးအဖွဲ့ခေါင်းဆောင် RCSS မှ ဗိုလ်မှူးကြီး စိုင်းငင်းကဇန်နဝါရီ ၁၃ ရက်တွင် ပြောကြားသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့အစည်းများ (NCA-SEAO) ၏ NCA အကောင်အထည်ဖော်မှုဆိုင်ရာ မူဘောင်ညှိနှိုင်းရေးအဖွဲ့အစည်းအဝေး (စတုတ္ထအကြိမ်)ကိုဇန်နဝါရီ ၁၃ ရက် နံနက်ပိုင်းတွင် ချင်းမိုင်မြို့၌ ကျင်းပခဲ့ရာ အဖွဲ့ခေါင်းဆောင်ဗိုလ်မှူးကြီးစိုင်းငင်းက အဖွင့်အမှာစကားပြောကြားရာတွင် ယင်းကဲ့သို့ ထည့်သွင်းပြောကြားခဲ့ခြင်းဖြစ်သည်။

"တစ်နှစ်ကျော် တစ်ဆို့နေတဲ့ငြိမ်းချမ်းရေးလုပ်ငန်းစဉ်ဟာ ပုံမှန်ပြန်လည်ကျင်းပသွားနိုင်ဖို့ JICM အစည်းအဝေးကနေ လမ်းဖွင့်ပေးလိုက်ပြီဖြစ်လို့ ဒီအစည်းအဝေးမှာ ငြိမ်းချမ်းရေး ရှေ့လုပ်ငန်းစဉ်ကိစ္စရပ်များ၊ ဖက်ဒရယ်ပြည်ထောင်စုအခြေခံမူများ၊ ဖက်ဒရယ်တည်ဆောက်ရေးလုပ်ငန်းစဉ်အဆင့်ဆင့်၊ နိုင်ငံရေးဆွေးနွေးမှုဆိုရင် မူဘောင်ပြင်ဆင်ရေးမှာ NCA Non-Signatories EAO ညီနောင်တွေ ပါဝင်နိုင်ရေး စတဲ့အကြောင်းအရာတွေကို ဆွေးနွေးသွားရမှာဖြစ်ပါတယ်"ဟု ၎င်းက ပြောဆိုသည်။

ပြီးခဲ့သည့် ဇန်နဝါရီ ၈ ရက်တွင် နေပြည်တော်၌ နိုင်ငံတော်၏အတိုင်ပင်ခံပုဂ္ဂိုလ်ဦးဆောင်ပြုလုပ်ခဲ့သည့် JICM အစည်းအဝေးတွင် အစိုရနှင့် NCA လက်မှတ်ရေးထိုးထားသည့်တိုင်းရင်းသားလက်နက်ကိုင်အဖွဲ့ ၁၀ ဖွဲ့ အကြား သဘောတူညီချက် ရှစ်ချက်ရရှိခဲ့ပြီး ယင်းကဲ့သို့ သဘောတူညီချက် ရှစ်ချက်ချမှတ်နိုင်ခြင်းသည် မိမိတို့ JICM အစည်းအဝေးညှိနှိုင်းရေးအဖွဲ့၏ စွမ်းဆောင်မှုများသည် တစ်စိတ်တစ်ပိုင်း အထောက်အကူပြုနိုင်ခဲ့သည့်အတွက် အဖွဲ့ခေါင်းဆောင်အနေဖြင့် ညှိနှိုင်းရေးအဖွဲ့များ၏ တက်ညီလက်ညီ ဝိုင်းဝန်းကြိုးပမ်းဆောင်ရွက်မှုများကို လေးစားဂုဏ်ယူ အသိအမှတ်ပြုကြောင်း ဗိုလ်မှူးကြီးစိုင်းငင်းကပြောဆိုသည်။

"နှစ်ဖက်ထိပ်သီးခေါင်းဆောင်တွေကတော့ ဆွေးနွေးရမယ့်အကြောင်းအရာရှစ်ချက်ကို လမ်းညွှန်ချမှတ်ပေးပြီးဖြစ်လို့ဖော်ပြပါရှစ်ခုကို အောင်မြင်အောင် ညှိနှိုင်းဆွေးနွေးနိုင်ဖို့က မိမိတို့ညှိနှိုင်းရေးအဖွဲ့ဝင်တွေအားလုံးရဲ့ တာဝန်ပဲဖြစ်ပါတယ်။ကြီးလေးတဲ့တာဝန်ကို ထမ်းဆောင်ရမှာဖြစ်လို့ မိမိတို့အားလုံးကအသင့်ပြင်ထားဖို့လိုအပ်ပါတယ်။ ထိပ်သီးခေါင်းဆောင်တွေရဲ့လမ်းညွှန်ချက်တွေ၊ သဘောထားဆန္ဒတွေ အောင်မြင်အောင်၊အကောင်အထည်ဖော်နိုင်အောင် မိမိတို့အားလုံးက ဝိုင်းဝန်းဆောင်ရွက်ရမှာဖြစ်သလို ဒီအစည်းအဝေးမှာအားလုံးအတွက်မျှမျှတတဖြစ်စေတဲ့၊ အားလုံးလက်ခံကျေနပ်နိုင်တဲ့ ရလဒ်ကောင်းတွေ၊ အစီအမံတွေရရှိအောင် ညှိနှိုင်းဆွေးနွေးသွားကြဖို့ တိုက်တွန်းလိုပါတယ်"ဟု ၎င်းက ပြောဆိုသည်။

ပြည်သူရွေးကောက်တင်မြှောက်ထားသည့် လက်ရှိအစိုးရလက်ထက်တွင် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံအစည်းအဝေးကို ၂၀၁၆၊၂၀၁၇၊ ၂၀၁၈ ခုနှစ်များတွင်ကျင်းပနိုင်ခဲ့ပြီး ၂၀၁၉ ခုနှစ်တွင် ကျင်းပနိုင်ခြင်းမရှိဘဲ ပြီးခဲ့သည့်ဇန်နဝါရီ ၈ ရက်က ပြုလုပ်သည့် JICM အစည်းအဝေးတွင်၂၀၂၀ ပြည့်နှစ် ပထမလေးလအတွင်း ပြန်လည်ကျင်းပရန်သဘောတူညီခဲ့ကြကြောင်း သိရသည်။

သတင်း - နောင်လေး