ဗစ်တိုရီးယားအမည်ရင်းထုတ်ဖော်ခဲ့သူများကိုတရားစွဲဆိုရန် ယခုလဒုတိယအပတ်အတွင်း နို့တစ်စာ ပေးပို့ပေးသွားမည်

ဗစ်တိုရီးယားအမည်နှင့်နေရပ်တို့ထုတ်ဖော်ခဲ့သူများကိုတရားစွဲဆိုရန် ယခုဇန်နဝါရီလဒုတိယအပတ်အတွင်း နို့တစ်စာများပေးပို့မည်ဖြစ်ကြောင်း လွတ်လပ်သောရှေ့နေများအသင်းမှ တရားလွှတ်တော်ရှေ့နေ ဦးသိန်းသန်းဦးက ပြောသည်။

အဆိုပါအကြောင်းအရာနှင့်ပတ်သက်၍ အကုန်သိသတင်းဌာနမှ ဇန်နဝါရီလ ၇ ရက်၌ ဆက်သွယ်မေးမြန်းရာတွင် ယခုကဲ့သို့ပြောခြင်းဖြစ်သည်။

“နို့တစ်စာကို ဇန်နဝါရီလ ဒုတိယပတ်မတိုင်မီ၊ ဒုတိယပတ်အတွင်းပေးပို့မှာပါ။ နောက်တစ်ခါ ရာဇသတ်ကြီးပုဒ်မ- ၂၂ အရ ပြည်သူ့ဝန်ထမ်းပါရင် သမ္မတတို့၊ ဝန်ကြီးဌာနတို့ကိုအကြောင်းကြားရတယ်လေ။ နောက်တစ်ခါတရားမကြောင်းစွဲရင်လည်း တရားမဥပဒေပုဒ်မ- ၈၀ အရ ကျွန်တော်တို့ကနို့တစ်စာပေးရတယ်။ ခင်ဗျားတို့ကိုတရားစွဲတော့မယ်ဆိုတာ။ အဲဒါပါရင်ဆောင်ရွက်ဖို့ရှိတာလေးတွေကြိုလုပ်ဖို့ပါ။ အခုကတရားစွဲမယ့်အထဲ နိုင်ငံဝန်ထမ်းပါနေတယ်’’ဟု လွတ်လပ်သောရှေ့နေများအသင်းမှ တရားလွှတ်တော်ရှေ့နေ ဦးသိန်းသန်းဦးက ပြောသည်။

ဖြစ်စဉ်မှာ နေပြည်တော်ရှိ Wisdom Hill ပုဂ္ဂလိကမူကြိုကျောင်းတွင်တက်ရောက်နေသည့် ၃ နှစ်အရွယ် မိန်းကလေး လိင်ပိုင်းဆိုင်ရာအကြမ်းဖက်ခံရခြင်းနှင့်ပတ်သက်၍ ရဲတပ်ဖွဲ့က ကျောင်းမှ ဒရိုင်ဘာအောင်ကြီးအားပုဒ်မ- ၃၇၆ ဖြင့် နေပြည်တော်၊ ဒက္ခိဏခရိုင်တရားရုံးသို့တရားစွဲဆိုတင်ပို့ခဲ့သည်။

သက်သေ ၁၉ ဦးအားစစ်ဆေးပြီးနောက်ပိုင်း ၂၀၁၉ ခုနှစ်၊ ဒီဇင်ဘာလ ၁၈ ရက်တွင် နေပြည်တော်၊ ဒက္ခိဏခရိုင်တရားရုံးက ဒရိုင်ဘာအောင်ကြီးအား ရာဇဝတ်ကျင့်ထုံးဥပဒေပုဒ်မ ၂၅၃(၂) အရ တရားရှင်လွှတ်ပေးခဲ့သည်။

ထို့နောက် ဒရိုင်ဘာအောင်ကြီးအားလွှတ်ပေးခြင်းမှာ စောလွန်းကြောင်း မြန်မာနိုင်ငံရဲတပ်ဖွဲ့မှ သတင်းစာရှင်းလင်းပွဲကျင်းပရာတွင် ရဲအရာရှိများက ဗစ်တိုရီးယားအပါအဝင် ၎င်းမိဘများ၏အမည်ရင်း၊ နေရပ်၊ အလုပ်အကိုင်များကိုထုတ်ဖော်ပြောကြားခဲ့ခြင်းဖြစ်သည်။

မင်းသီဟန် ( အကုန်သိ သတင်းဌာန )

<<< Unicode Version >>>

ဗစ်တိုရီးယားအမည်ရင်းထုတ်ဖော်ခဲ့သူများကိုတရားစွဲဆိုရန် ယခုလဒုတိယအပတ်အတွင်း နို့တစ်စာ ပေးပို့ပေးသွားမည်

-------- မင်းသီဟန် ( အကုန်သိ သတင်းဌာန ) --------

ဗစ်တိုရီးယားအမည်နှင့်နေရပ်တို့ထုတ်ဖော်ခဲ့သူများကိုတရားစွဲဆိုရန် ယခုဇန်နဝါရီလဒုတိယအပတ်အတွင်း နို့တစ်စာများပေးပို့မည်ဖြစ်ကြောင်း လွတ်လပ်သောရှေ့နေများအသင်းမှ တရားလွှတ်တော်ရှေ့နေ ဦးသိန်းသန်းဦးက ပြောသည်။

အဆိုပါအကြောင်းအရာနှင့်ပတ်သက်၍ အကုန်သိသတင်းဌာနမှ ဇန်နဝါရီလ ၇ ရက်၌ ဆက်သွယ်မေးမြန်းရာတွင် ယခုကဲ့သို့ပြောခြင်းဖြစ်သည်။

“နို့တစ်စာကို ဇန်နဝါရီလ ဒုတိယပတ်မတိုင်မီ၊ ဒုတိယပတ်အတွင်းပေးပို့မှာပါ။ နောက်တစ်ခါ ရာဇသတ်ကြီးပုဒ်မ- ၂၂ အရ ပြည်သူ့ဝန်ထမ်းပါရင် သမ္မတတို့၊ ဝန်ကြီးဌာနတို့ကိုအကြောင်းကြားရတယ်လေ။ နောက်တစ်ခါတရားမကြောင်းစွဲရင်လည်း တရားမဥပဒေပုဒ်မ- ၈၀ အရ ကျွန်တော်တို့ကနို့တစ်စာပေးရတယ်။ ခင်ဗျားတို့ကိုတရားစွဲတော့မယ်ဆိုတာ။ အဲဒါပါရင်ဆောင်ရွက်ဖို့ရှိတာလေးတွေကြိုလုပ်ဖို့ပါ။ အခုကတရားစွဲမယ့်အထဲ နိုင်ငံဝန်ထမ်းပါနေတယ်’’ဟု လွတ်လပ်သောရှေ့နေများအသင်းမှ တရားလွှတ်တော်ရှေ့နေ ဦးသိန်းသန်းဦးက ပြောသည်။

ဖြစ်စဉ်မှာ နေပြည်တော်ရှိ Wisdom Hill ပုဂ္ဂလိကမူကြိုကျောင်းတွင်တက်ရောက်နေသည့် ၃ နှစ်အရွယ် မိန်းကလေး လိင်ပိုင်းဆိုင်ရာအကြမ်းဖက်ခံရခြင်းနှင့်ပတ်သက်၍ ရဲတပ်ဖွဲ့က ကျောင်းမှ ဒရိုင်ဘာအောင်ကြီးအားပုဒ်မ- ၃၇၆ ဖြင့် နေပြည်တော်၊ ဒက္ခိဏခရိုင်တရားရုံးသို့တရားစွဲဆိုတင်ပို့ခဲ့သည်။

သက်သေ ၁၉ ဦးအားစစ်ဆေးပြီးနောက်ပိုင်း ၂၀၁၉ ခုနှစ်၊ ဒီဇင်ဘာလ ၁၈ ရက်တွင် နေပြည်တော်၊ ဒက္ခိဏခရိုင်တရားရုံးက ဒရိုင်ဘာအောင်ကြီးအား ရာဇဝတ်ကျင့်ထုံးဥပဒေပုဒ်မ ၂၅၃(၂) အရ တရားရှင်လွှတ်ပေးခဲ့သည်။

ထို့နောက် ဒရိုင်ဘာအောင်ကြီးအားလွှတ်ပေးခြင်းမှာ စောလွန်းကြောင်း မြန်မာနိုင်ငံရဲတပ်ဖွဲ့မှ သတင်းစာရှင်းလင်းပွဲကျင်းပရာတွင် ရဲအရာရှိများက ဗစ်တိုရီးယားအပါအဝင် ၎င်းမိဘများ၏အမည်ရင်း၊ နေရပ်၊ အလုပ်အကိုင်များကိုထုတ်ဖော်ပြောကြားခဲ့ခြင်းဖြစ်သည်။