ICJ လျှောက်လဲမှုအပြည့်အစုံကို အများပြည်သူသိရှိနိုင်ရန် ဘာသာပြန်၍ထုတ်ပြန်ပေးသွားမည်ဟု ဒေါ်အောင်ဆန်းစုကြည်က ပြောကြားထားခဲ့သော်လည်း ဆုံးဖြတ်ချက်ချရန် ရက်နီးကပ်လာချိန်အထိ ထုတ်ပြန်နိုင်ခြင်းမရှိသေး

အပြည်ပြည်ဆိုင်ရာတရားရုံး (ICJ) ၌ မြန်မာဘက်မှရှေ့နေများ၏ လျှောက်လဲချက်များအပါအဝင် လျှောက်လဲမှုအပြည့်အစုံကိုဘာသာပြန်၍ အများပြည်သူသိရှိနိုင်ရန် ထုတ်ပြန်ပေးသွားမည်ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားထားခဲ့သော်လည်း ICJ က အမိန့်ချမှတ်ရန် ရက်နီးကပ်လာသည်အထိ ထုတ်ပြန်နိုင်ခြင်းမရှိသေးသည်ကို တွေ့ရသည်။

ICJ ၌ ကြားနာမှုဆိုင်ရာ အတွေ့အကြုံများနှင့်ပတ်သက်၍ ပြည်သူလူထုသို့ အစီရင်ခံတင်ပြသည့် မိန့်ခွန်းတရပ်ကို ဒေါ်အောင်ဆန်းစုကြည်က ၂ဝ၁၉ ခုနှစ် ဒီဇင်ဘာ ၁၈ ရက်နေ့တွင် ပြောကြားခဲ့ရာ လျှောက်လဲမှုဖြစ်စဉ်အပြည့်အစုံကိုဘာသာပြန်၍ အများပြည်သူသိရှိနိုင်ရန်ထုတ်ပြန်ပေးသွားမည်ဖြစ်ကြောင်း ထည့် သွင်းပြောကြားထားခဲ့သည်။

''ကျွန်မတို့အနေနဲ့ ရုံးတော်ကိုတင်ပြခဲ့ချိန်မှာ မြန်မာနိုင်ငံတဝန်းလုံးနဲ့ သည်ဟိတ်မြို့သာမက ကမ္ဘာအနှံ့အပြား မှာရှိနေကြတဲ့ ကျွန်မတို့ပြည်သူတွေရဲ့ ရက်ရက်ရောရော၊ စောဒကမတက်စတမ်း တခဲနက် အားပေး ထောက်ခံမှုတွေဟာ ကျွန်မတို့ မြန်မာကိုယ်စားလှယ်အဖွဲ့အတွက် နိုင်ငံတကာတရားရုံးတော်မှာ လျှောက်လဲစဉ် တကယ်ကိုပဲ ခွန်အားတွေဖြစ်စေခဲ့ရပါတယ်။ ဒါပေမဲ့လည်း ရုံးတော်အတွင်းမှာ အမှုဆိုင်ရာလျှောက်လဲမှုဖြစ် စဉ်တွေ၊ ဥပဒေကြောင်းနဲ့ နိုင်ငံရေးရာအကျိုးသက်ရောက်မှုတွေနဲ့ ပတ်သက်ပြီးတော့ အသေးစိတ်ကို နားလည်သဘောပေါက်သိရှိလိုသူတွေ အများအပြားရှိနေကြဦးမှာပါ။ ဒီအချက်အလက်တွေကိုလည်း တတ်နိုင်သမျှ ပြည့်ပြည့်စုံစုံ ဝေမျှရှင်းလင်းပြပေးဖို့ ကျွန်မတို့မှာ တာဝန်ရှိပါတယ်။ ဒီဖြစ်စဉ်နဲ့ပတ်သက်ပြီး နှလုံးသားနဲ့သာမက ဦးနှောက်နဲ့ပါ ခိုင်ခိုင်မာမာရှင်းရှင်းလင်းလင်း သိမြင်နားလည်မှုကြောင့် ပြည်သူတွေဟာ ကျွန်မတို့နဲ့တသွေးတည်း တသားတည်ရှိနေမယ်ဆိုရင် ကျွန်မတို့နိုင်ငံအတွက် တန်ဖိုးကြီးခွန်အားတွေဖြစ် လာမှာပါ။ လက်ရှိအချိန်မှာကျွန်မတို့အနေနဲ့ တရားရုံးတော်အတွင်းက လျှောက်လဲမှုဖြစ်စဉ်အပြည့်အစုံကို အများပြည်သူသိရှိ နိုင်စေဖို့အတွက် မြန်မာဘာသာပြန်ဆိုမှုတွေဆောင်ရွက်နေပါပြီ''ဟု ဒေါ်အောင်ဆန်းစုကြည်က ပြောကြားခဲ့သည်။

ဂမ်ဘီယာနိုင်ငံက မြန်မာနိုင်ငံတွင် လူမျိုးတုံးသတ်ဖြတ်မှုများရှိနေခြင်းကြောင့် အရေးပေါ်ကြားဖြတ် အမိန့်ချမှတ်၍တားဆီးပေးရန် ICJ ၌ တရားစွဲဆိုခဲ့သည့်အမှုနှင့်ပတ်သက်၍ နှစ်ဖက်လျှောက်လဲချက်များကို ၂၀၁၉ ခုနှစ် ဒီဇင်ဘာ ၁၁ ရက်မှ ၁၃ ရက်အထိ တရားရုံးက ကြားနာခဲ့သည်။

ယင်းလျှောက်ထားမှုများနှင့်ပတ်သက်၍ ICJ က လာမည့် ဇန်နဝါရီ ၂၃ ရက်နေ့တွင် အမိန့်ချမှတ်သွားမည်ဖြစ်ကြောင်း သိရသည်။

ဘာသာပြန်ထုတ်ပြန်ပေးမည့်ကိစ္စနှင့်ပတ်သက်၍ ဆောင်ရွက်နေမှုအခြေအနေများကိုမေးမြန်းနိုင်ရန် နိုင်ငံခြားရေးဝန်ကြီးဌာနမှ ပြောရေးဆိုခွင့်ရပုဂ္ဂိုလ်များထံ အကြိမ်ကြိမ်အခါခါ ဆက်သွယ်ခဲ့သော်လည်း ဖုန်းလက်ခံဖြေကြားခြင်း မရှိခဲ့ပေ။

ICJ က ဘယ်လိုပဲအမိန့်ချမှတ်သည်ဖြစ်စေ ပြည်သူနှင့်အတူ ညီညီညွတ်ညွတ် လက်တွဲရင်ဆိုင်သွားမည်ဖြစ်ကြောင်းလည်း ဒေါ်အောင်ဆန်းစုကြည်က ဒီဇင်ဘာ ၁၈ ရက် ပြည်သူလူထုထံအစီရင်ခံတင်ပြသည့်မိန့်ခွန်းတွင် ပြောကြားခဲ့သည်။

မင်းထင်

News Watch

ICJ လျှောက်လဲမှုအပြည့်အစုံကို အများပြည်သူသိရှိနိုင်ရန် ဘာသာပြန်၍ထုတ်ပြန်ပေးသွားမည်ဟု ဒေါ်အောင်ဆန်းစုကြည်က ပြောကြားထားခဲ့သော်လည်း ဆုံးဖြတ်ချက်ချရန် ရက်နီးကပ်လာချိန်အထိ ထုတ်ပြန်နိုင်ခြင်းမရှိသေး

------ ------ ------ ----- -----

အပြည်ပြည်ဆိုင်ရာတရားရုံး (ICJ) ၌ မြန်မာဘက်မှရှေ့နေများ၏ လျှောက်လဲချက်များအပါအဝင် လျှောက်လဲမှုအပြည့်အစုံကိုဘာသာပြန်၍ အများပြည်သူသိရှိနိုင်ရန် ထုတ်ပြန်ပေးသွားမည်ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားထားခဲ့သော်လည်း ICJ က အမိန့်ချမှတ်ရန် ရက်နီးကပ်လာသည်အထိ ထုတ်ပြန်နိုင်ခြင်းမရှိသေးသည်ကို တွေ့ရသည်။

ICJ ၌ ကြားနာမှုဆိုင်ရာ အတွေ့အကြုံများနှင့်ပတ်သက်၍ ပြည်သူလူထုသို့ အစီရင်ခံတင်ပြသည့် မိန့်ခွန်းတရပ်ကို ဒေါ်အောင်ဆန်းစုကြည်က ၂ဝ၁၉ ခုနှစ် ဒီဇင်ဘာ ၁၈ ရက်နေ့တွင် ပြောကြားခဲ့ရာ လျှောက်လဲမှုဖြစ်စဉ်အပြည့်အစုံကိုဘာသာပြန်၍ အများပြည်သူသိရှိနိုင်ရန်ထုတ်ပြန်ပေးသွားမည်ဖြစ်ကြောင်း ထည့် သွင်းပြောကြားထားခဲ့သည်။

''ကျွန်မတို့အနေနဲ့ ရုံးတော်ကိုတင်ပြခဲ့ချိန်မှာ မြန်မာနိုင်ငံတဝန်းလုံးနဲ့ သည်ဟိတ်မြို့သာမက ကမ္ဘာအနှံ့အပြား မှာရှိနေကြတဲ့ ကျွန်မတို့ပြည်သူတွေရဲ့ ရက်ရက်ရောရော၊ စောဒကမတက်စတမ်း တခဲနက် အားပေး ထောက်ခံမှုတွေဟာ ကျွန်မတို့ မြန်မာကိုယ်စားလှယ်အဖွဲ့အတွက် နိုင်ငံတကာတရားရုံးတော်မှာ လျှောက်လဲစဉ် တကယ်ကိုပဲ ခွန်အားတွေဖြစ်စေခဲ့ရပါတယ်။ ဒါပေမဲ့လည်း ရုံးတော်အတွင်းမှာ အမှုဆိုင်ရာလျှောက်လဲမှုဖြစ် စဉ်တွေ၊ ဥပဒေကြောင်းနဲ့ နိုင်ငံရေးရာအကျိုးသက်ရောက်မှုတွေနဲ့ ပတ်သက်ပြီးတော့ အသေးစိတ်ကို နားလည်သဘောပေါက်သိရှိလိုသူေတွ အများအပြားရှိနေကြဦးမှာပါ။ ဒီအချက်အလက်တွေကိုလည်း တတ်နိုင်သမျှ ပြည့်ပြည့်စုံစုံ ဝေမျှရှင်းလင်းပြပေးဖို့ ကျွန်မတို့မှာ တာဝန်ရှိပါတယ်။ ဒီဖြစ်စဉ်နဲ့ပတ်သက်ပြီး နှလုံးသားနဲ့သာမက ဦးနှောက်နဲ့ပါ ခိုင်ခိုင်မာမာရှင်းရှင်းလင်းလင်း သိမြင်နားလည်မှုကြောင့် ပြည်သူတွေဟာ ကျွန်မတို့နဲ့တသွေးတည်း တသားတည်ရှိနေမယ်ဆိုရင် ကျွန်မတို့နိုင်ငံအတွက် တန်ဖိုးကြီးခွန်အားတွေဖြစ် လာမှာပါ။ လက်ရှိအချိန်မှာကျွန်မတို့အနေနဲ့ တရားရုံးတော်အတွင်းက လျှောက်လဲမှုဖြစ်စဉ်အပြည့်အစုံကို အများပြည်သူသိရှိ နိုင်စေဖို့အတွက် မြန်မာဘာသာပြန်ဆိုမှုတွေဆောင်ရွက်နေပါပြီ''ဟု ဒေါ်အောင်ဆန်းစုကြည်က ပြောကြားခဲ့သည်။

ဂမ်ဘီယာနိုင်ငံက မြန်မာနိုင်ငံတွင် လူမျိုးတုံးသတ်ဖြတ်မှုများရှိနေခြင်းကြောင့် အရေးပေါ်ကြားဖြတ် အမိန့်ချမှတ်၍တားဆီးပေးရန် ICJ ၌ တရားစွဲဆိုခဲ့သည့်အမှုနှင့်ပတ်သက်၍ နှစ်ဖက်လျှောက်လဲချက်များကို ၂၀၁၉ ခုနှစ် ဒီဇင်ဘာ ၁၁ ရက်မှ ၁၃ ရက်အထိ တရားရုံးက ကြားနာခဲ့သည်။

ယင်းလျှောက်ထားမှုများနှင့်ပတ်သက်၍ ICJ က လာမည့် ဇန်နဝါရီ ၂၃ ရက်နေ့တွင် အမိန့်ချမှတ်သွားမည်ဖြစ်ကြောင်း သိရသည်။

ဘာသာပြန်ထုတ်ပြန်ပေးမည့်ကိစ္စနှင့်ပတ်သက်၍ ဆောင်ရွက်နေမှုအခြေအနေများကိုမေးမြန်းနိုင်ရန် နိုင်ငံခြားရေးဝန်ကြီးဌာနမှ ပြောရေးဆိုခွင့်ရပုဂ္ဂိုလ်များထံ အကြိမ်ကြိမ်အခါခါ ဆက်သွယ်ခဲ့သော်လည်း ဖုန်းလက်ခံဖြေကြားခြင်း မရှိခဲ့ပေ။

ICJ က ဘယ်လိုပဲအမိန့်ချမှတ်သည်ဖြစ်စေ ပြည်သူနှင့်အတူ ညီညီညွတ်ညွတ် လက်တွဲရင်ဆိုင်သွားမည်ဖြစ်ေကြာင်းလည်း ဒေါ်အောင်ဆန်းစုကြည်က ဒီဇင်ဘာ ၁၈ ရက် ပြည်သူလူထုထံအစီရင်ခံတင်ပြသည့်မိန့်ခွန်းတွင် ပြောကြားခဲ့သည်။

မင်းထင်