တရုတ်နိုင်ငံက မြန်မာလွှတ်တော်အမတ် ၅ ဦးကို ဖိတ်ခေါ်ပြီး မြန်မာနိုင်ငံမှာ တရုတ်နိုင်ငံက ရင်းနှီးမြှုပ်နှံ ထားတဲ့ စီမံကိန်းတွေအပေါ် အကြံပြုချက်တောင်းခဲ့ပါတယ်။ တရုတ်ပြည် နိုင်ငံတကာ ချစ်ကြည်ရေး အသင်းက ခေါ်ယူ မှုနဲ့မြန် မာနိုင်ငံ က လွှတ်တော်အမတ် ၅ ဦး ဇွန်လ ၂၂ ရက်နေ့ကနေ ၂၉ ရက်နေ့အထိ သွားရောက်ခဲ့တာပါ။
ဒီခရီးစဉ်ကို မြန်မာဘက်က ခေါင်းဆောင်အဖြစ် သွားရောက်ခဲ့တဲ့ ပြည်သူ့ လွှတ်တော်အမတ် ဦးရဲထွန်း (သီပေါ)က မြန်မာပြည်မှာ လာရောက်ရင်းနှီး မြှုပ်နှံတဲ့ တရုတ်လုပ်ငန်းရှင် ကုမ္ပဏီတွေအနေနဲ့ ပွင်းလင်းမူ ရှိဖို့ လိုအပ်ကြောင်း နဲ့ ပတ်ဝန်းကျင်မထိခိုက်အောင် ပြုလုပ်ဖို့ လိုအပ်ကြောင်း တရုတ်ဘက်က ဖိတ်ခေါ်တဲ့ သူတွေကို သတိပေးခဲ့တယ်လို့ ဒီဗွီဘီကို ပြောပါတယ်။
တရုတ်နိုင်ငံက အခုလို မြန်မာပြည်က လွှတ်တော်အမတ်တွေကို ဖိတ်ကြား ခဲ့သလို နိုင်ငံရေးပါတီတွေ၊ လူမှုအဖွဲ့အစည်းတွေနဲ့ သတင်းမီဒီယာတွေကိုလည်း မကြာခဏဖိတ်ခေါ်နေပါတယ်။
လက်ရှိအချိန်မှာ တရုတ်နိုင်ငံက မြန်မာနိုင်ငံမှာ လက်ပံတောင်းတောင်ကြေးနီ စီမံကိန်း၊ ရွှေသဘာဝ ဓာတ်ငွေ့စီမံကိန်းကို လုပ်ကိုင်နေပြီး ဒေသခံတွေ ဒီနေ့အထိ ကန့်ကွက်နေကြပါတယ်။
ကချင်ပြည်နယ် မြစ်ဆုံဆည်စီမံကိန်းကိုလည်း ဒေသခံတွေအပါအ၀င် ပြည်သူတွေရဲ့ ကန့်ကွက်မှုကြောင့် ၂၀၁၁ မှာ သမ္မတအမိန့်နဲ့ ရပ်ဆိုင်းထားပြီး အလားတူစီမံကိန်းတွေကိုလည်း ဆောင်ရွက်ဖို့အတွက် အစိုးရနဲ့ ညှိနှိုင်းနေပါတယ်။
DVB
No comments:
Post a Comment