ရခိုင်ပြည်နယ် တည်ငြိမ်အေးချမ်းရေးအတွက် ရခိုင်တိုင်းရင်းသားအားလုံး ပါဝင်ပူးပေါင်း ဆောင်ရွက်သွားဖို့ အရေးကြီးကြောင်း ရခိုင်ပြည်နယ်ဝန်ကြီးချုပ်အဖြစ် ဒီနေ့စတင်တာဝန်ယူလိုက်တဲ့ ဗိုလ်ချုပ် မောင်မောင်အုန်း က ဒီနေ့ ပြောပါတယ်။
ဒီကနေ့ ကျင်းပတဲ့ အရေးပေါ် ရခိုင်ပြည်နယ်လွှတ်တော် အစည်းအဝေးမှာ ပြည်နယ်ဝန်ကြီးချုပ်အဖြစ် ပထမဆုံးပြောကြားတဲ့ မိန့်ခွန်းမှာ ပြည်နယ်ဝန်ကြီးချုပ် ဗိုလ်ချုပ်မောင်မောင်အုန်းက ထည့်သွင်းပြောခဲ့ တာဖြစ်ပါတယ်။
"ရခိုင်ပြည်နယ်ဟာ စီးပွားရေး တိုးတက်ဖို့ရာ အလားအလာအကောင်းဆုံး ပြည်နယ်ဆိုတာကို သိရပါတယ်၊ ပြီးတော့ ရခိုင်ပြည်နယ်ကြီးမှာ ဒီလောက် အလားအလာ ကောင်းပေသော်ငြားလည်း တည်ငြိမ်မှုမရှိဘူး ဆိုရင်တော့ ယနေ့တာ ကျနော်တို့ ရခိုင်ပြည်နယ်မှာ ဒုတိယ အနိမ့်ကျဆုံး ပြည်နယ်အဖြစ် မျက်ဝါးထင် ထင်တွေ့ရမှာ ဖြစ်ပါတယ်၊ ပြီးတော့ ကျနော်တို့ နယ်မြေဒေသ တည်ငြိမ်မှုဆိုတာသည် ရခိုင်တိုင်းရင်းသား များ အပါအဝင် အားလုံး ပူးပေါင်းဆောင်ရွက်ရမဲ့ ကိစ္စဖြစ်တယ်လို့ ကျနော့် အနေနဲ့ ပြောကြားလိုပါတယ်"
ပြီးခဲ့တဲ့ ဇွန်လ ၃၀ ရက်နေ့က ရခိုင်ပြည်နယ်လွှတ်တော်မှာ ရခိုင်ပြည်နယ် ဝန်ကြီးချုပ်အဖြစ် ဗိုလ်ချုပ် မောင်မောင်အုန်းကို အတည်ပြုခဲ့ပြီး ဒီကနေ့ ကျမ်းသစ္စာဆိုခဲ့တာ ဖြစ်ပါတယ်။
ရခိုင်ပြည်နယ်ဝန်ကြီးချုပ်အဖြစ် ပြည်နယ်လုံခြုံရေး၊ ၁၉၈၂ ခုနှစ် မြန်မာနိုင်ငံ သားဖြစ်မှု ဥပဒေကို အကောင်အထည်ဖော်ရေးနဲ့ ပြည်နယ်ဖွံ့ဖြိုးရေးကိစ္စတွေကို ကျန်သေးတဲ့အစိုးရသက်တမ်းတစ်နှစ် ခွဲကျော်ကာလမှာ ဖြေရှင်းဆောင်ရွက် သွားမှာဖြစ်ကြောင်းလည်း ပြောခဲ့ပါတယ်။
ရခိုင်ပြည်နယ် ဖွံ့ဖြိုးတိုးတက်ရေးစီမံကိန်းတွေအတွက် ပြည်ထောင်စုအစိုးရက ကျပ်ငွေ ၁၅ ဘီလီယံ ချပေးထားကြောင်းလည်း သိရပါတယ်။
RFA Burmese
No comments:
Post a Comment