ဗိုလ်ချုပ်မောင်မောင်အုန်း အား ရခိုင်ပြည်နယ်ဝန်ကြီးချုပ် တာဝန်ထမ်းဆောင်ချိန်အတွင်း အသုံးပြုရန် ကာကွယ်ရေးဦးစီးချုပ်က ရဟတ်ယာဉ်တစ်စီးပေးထားသည်ဟုသတင်းများထွက်ပေါ်လာခြင်းမှာ မမှန် ကန်ကြောင်း ဗိုလ်ချုပ်မောင်မောင်အုန်းကငြင်းဆိုလိုက်သည်။
စစ်တွေမြို့တွင် ဇွန်လ ၃၀ ရက်နေ့က ပြုလုပ်သောအရေးပေါ်ပြည်နယ်လွှတ်တော်အစည်းအဝေးအပြီးတွင် သတင်းထောက်များ၏မေးမြန်းချက်ကို ဖြေဆိုသွားခြင်းဖြစ်သည်။
"ဝန်ကြီးချုပ်တစ်ယောက်အနေနဲ့ ရဟတ်ယာဉ်ကိုတောင်းလို့မရပါဘူး။ဒီမှာနယ်မြေခံတိုင်းမှူးရှိပါတယ်။ တိုင်းမှူးရဲ့ခရီးစဉ်မှာဝန်ကြီးချုပ်နဲ့ပေါင်းစပ်ပြီးတော့ ဒေသတွေကိုသွားဖို့ပဲ ဖြစ်ပါတယ်။ကိုယ့်အတွက် ရဟတ်ယာဉ်သီးခြား စီစဉ်ပေးမှာ မဟုတ်ဘူးလို့ပြောလိုပါတယ်"ဟုဗိုလ်ချုပ်မောင်မောင်အုန်းက ပြောသည်။
ဗိုလ်ချုပ်မောင်မောင်အုန်း ရခိုင်ပြည်နယ်တွင် ပြည်နယ်ဝန်ကြီးချုပ်ရာထူးထမ်းဆောင်စဉ်ကာလအတွင်း အသုံးပြုနိုင်ရန်အတွက် နိုင်ငံတော်မှ ရဟတ်ယာဉ်တစ်စီးစီစဉ်ထားသည်ဟု သတင်းများထွက်ပေါ် လာခြင်းနှင့် ပတ်သက်၍ တုံ့ပြန်ပြောကြားလိုက်ခြင်း ဖြစ်သည်။
ရခိုင်ပြည်နယ်လွှတ်တော်အစည်းအဝေးတွင် တပ်မတော်သားကိုယ်စားလှယ် ဗိုလ်ချုပ်မောင်မောင်အုန်းအား ရခိုင်ပြည်နယ်ဝန်ကြီးချုပ် အဖြစ်ခန့်အပ်ရန် အဆိုကို ကန့်ကွက်သူမရှိသဖြင့် ပြည်နယ်လွှတ်တော်က အတည်ပြုလိုက်ပြီ ဖြစ်သည်။
" သူ့ရဲ့ တစ်နှစ်ခွဲသက်တမ်းမှာ အပြောင်းအလဲလုပ်မယ်လို့တော့ပြော ထားတယ်။ဒါပေမဲ့ ဘက်စုံနိမ့်ကျနေ တဲ့ ရခိုင်ပြည်နယ်ကို ဘယ်ဟာက အရင်ဆွဲတင်မလဲ။အဲဒါတစ်ချက်။ နောက်တစ်ခုက အခု သူ ရခိုင်ပြည် နယ် ဝန်ကြီးချူပ်ဖြစ်သွားပြီ။အရင်တုန်းက အတိုင်းလိုဘဲ အရပ်သားအစိုးရလို့ ပြောပေမဲ့ စစ်တပ်အုပ်ချုပ် တဲ့ပုံစံလို ဒေသခံတွေ ခံစားမိကြမှာ။ ဒါပေမဲ့ သူရဲ့အယူအဆတွေကိုတော့ အများစုလက်ခံကြတယ်"ဟု စစ်တွေဒေသခံ တစ်ဦးက ပြောသည်။
ဗိုလ်ချုပ်မောင်မောင်အုန်းအား ပြည်နယ်ဝန်ကြီးချုပ်အဖြစ် ရခိုင်ပြည်နယ် လွှတ်တော်က သမ္မတထံ သဝဏ် လွှာ ပို့ပြီးနောက် နိုင်ငံတော်သမ္မတက အမိန့် ပြန်တမ်းစာထုတ်ပြန်မည်ဖြစ်ပြီး ပြည်လည်ခေါ်ယူမည့် ပြည်နယ်လွှတ်တော် အစည်းအဝေးတွင် ရခိုင်ပြည်နယ်ဝန်ကြီးချုပ်အဖြစ် လွှတ်တော်တွင် ကျမ်းသစ္စာ ကျိန်ဆိုမည်ဖြစ်သည်။
Shwe Myitmakha Media Group
No comments:
Post a Comment