သြစတြေးလျနိုင်ငံခြားရေးဝန်ကြီး Julie Bishop ဟာ မြန်မာနိုင်ငံကို သုံးရက်ကြာခရီးစဉ်အဖြစ် ဒီကနေ့ ရောက်ရှိမှာဖြစ်ပါတယ်။ ဒီခရီးစဉ်ဟာ မြန်မာနိုင် ငံရဲ့ စီးပွားရေးဖွံ့ဖြိုးတိုးတက်ရေး ပူးပေါင်းဆောင်ရွက်ဖို့၊ ပညာရေး၊ ငြိမ်းချမ်းရေး၊ ဒီမိုကရေစီပြုပြင်ပြောင်းလဲရေးနဲ့ အမျိုးသမီးစွမ်းရည်မြှင့်တင်ရေးတွေမှာ ကူညီ ဆောင်ရွက်ဖို့ဖြစ်တယ်လို့ သြစတြေးလျ နိုင်ငံခြားရေးဝန်ကြီးဌာနရဲ့ ထုတ်ပြန်ကြေညာချက်မှာ ဖေါ်ပြထား တာပါ။
သြစတြေးလျ နိုင်ငံခြားရေးဝန်ကြီး နဲ့အတူ စီးပွားရေး မစ်ရှင် အဖွဲ့တစ်ဖွဲ့လည်းအတူ လိုက်ပါလာမှာဖြစ် ပါတယ်။
HRW အပါအ၀င် လူ့အခွင့်အရေးအဖွဲ့တွေကတော့ ဒီခရီးစဉ်ရဲ့ အဓိကရည်ရွယ်ချက်ဟာ နှစ်နိုင်ငံ ကုန်သွယ်ရေးနဲ့ စီးပွားရေးအပေါ်မှာသာ အလေးပေးနေပြီး၊ မြန်မာ့ဒီမိုကရေစီ အသွင်ကူးပြောင်းရေး အတွက် ပဓာနကျတဲ့ ဖွဲ့စည်းပုံအခြေခံဥပဒေ ပြုပြင်ရေးနဲ့ပတ်သက်ပြီး ပြောဆို ထားတာမရှိတဲ့အတွက် ဝေဖန်ခဲ့ကြပါတယ်။
သြစတြေးလျ နိုင်ငံ၊ ဆစ်ဒနီမြို့အခြေစိုက် မြန်မာ့ရေးရာရုံး တာဝန်ခံ ဒေါက်တာမြင့်ချိုကလည်း အခုလို ပြောပါတယ်။
"ကျနော့်အနေနဲ့ အဓိကမြင်တာက နှစ်နိုင်ငံ ကုန်သွယ်ရေးနဲ့ ရင်းနှီးမြှတ်နှံမှုကိစ္စတွေ သံတမန် ဆက်ဆံရေး တိုးမြှင့်မဲ့ ကိစ္စတွေကို အဓိကထားပြီး လုပ်မယ်လို့ ကျနော်ထင်ပါတယ်၊ ပိုပြီးတော့ ကျနော်တို့ အားမရတာ ကတော့ ဒေါ်အောင်ဆန်းစုကြည်နဲ့ မြန်မာပြည်သူတွေ တောင်းဆိုနေတဲ့ ၂၀၀၈ ဖွဲ့စည်းပုံအခြေခံဥပဒေရဲ့ အဓိကပြဿနာဖြစ်တဲ့ ပုဒ်မ ၄၃၆ ကိုပြုပြင်ရေးနဲ့ ပတ်သက် ပြီးတော့ပေါ့ သဘောထားတစ်ခုမှ မထုတ်ပြန်တာ ကိုတော့ ကျနော်တို့ အားမလို၊ အားမရ ဖြစ် မိပါတယ်ခင်ဗျ"
သြစတြေးလျနိုင်ငံခြားရေးဝန်ကြီး Julie Bishop ဟာ သမ္မတ ဦးသိန်းစိန်၊ အမျိုးသား ဒီမိုကရေစီအဖွဲကချုပ် ဥက္ကဌ ဒေါ်အောင်ဆန်းစုကြည်နဲ့ တွေ့ဆုံမှာဖြစ်ပါတယ်။
မြန်မာနိုင်ငံကို လာရောက်တဲ့ သြစတြေးလျ နိုင်ငံခြားရေးဝန်ကြီးတွေထဲမှာ Ms. Julie Bishop ဟာ စတုတ္ထမြောက် ဖြစ်ပါတယ်။
RFA Burmese
No comments:
Post a Comment