မြန်မာ့အားကစားသမိုင်းတွင် ပထမဆုံးအကြိမ်အဖြစ် ၂၀၁၅ ကမ္ဘာ့ဖလား ပြိုင်ပွဲသို့ ၀င်ရောက်ယှဉ်ပြိုင်ခွင့် ရရှိ ထားသည့် U-20 မြန်မာလူငယ် လက်ရွေးစင်ဘောလုံးအသင်းအနေဖြင့် အားနည်းချက်များ ရှိနေသော် လည်း အကောင်းဆုံးကြိုးစားယှဉ်ပြိုင်သွားမည်ဖြစ်ကြောင်း U-20 နည်းပြချုပ် မစ္စတာ ဂက်ဆီဇီက ပြောဆို သည်။
မြန်မာနိုင်ငံဘောလုံး အဖွဲ့ချုပ် ဥက္ကဋ္ဌ ဦးဇော်ဇော်က ၂၀၁၅ လူငယ် ကမ္ဘာ့ဖလား ပြိုင်ပွဲဝင် U-20 မြန်မာ့ လက်ရွေး စင် အသင်းအနေဖြင့် ပြိုင်ပွဲမတိုင်မီ စည်းလုံးညီညွတ်စွာ ကြိုးစားပေးရန် မေ ၉ ရက်နေ့ ရန်ကုန် Novotal ဟိုတယ်တွင် ပြုလုပ်သော သတင်းစာ ရှင်းလင်းပွဲတွင် တောင်းဆိုခဲ့သည်။
“လေ့ကျင့်မှုတွေမှာ အဆင်မပြေတာတွေ ရှိရင်လည်း မိသားစု စိတ်ဓာတ်နဲ့ နိုင်ငံအတွက် ကြိုးစားကြရမှာပါ၊ ပန်းတိုင်က မရောက်သေးပါဘူး” ဟု ဦးဇော်ဇော်က ပြောဆိုသည်။
U-20 မြန်မာ့လက်ရွေးစင်ဘောလုံး အသင်းသားများ အကြား စည်းကမ်း ပျက်ကွက်မှုနှင့် စိတ်ဝမ်းကွဲမှု တချို့ ရှိခဲ့ပြီး အသင်းအုပ်ချုပ်သူ တာဝန်ရှိသူများက ညှိနှိုင်းထိန်းသိမ်းပေး ခဲ့ရသည်ဟု သတင်းများ ထွက်ပေါ် ခဲ့ ကြောင်း သိရှိရသည်။
U-20 မြန်မာ့လက်ရွေးစင် အသင်းသည် လူငယ်ကမ္ဘာ့ဖလား ပြိုင်ပွဲ အုပ်စု A တွင် အိမ်ရှင် နယူးဇီလန်၊ အမေရိကန်၊ ယူကရိန်း တို့နှင့် တအုပ်စုတည်း ကျရောက်ပါဝင်နေပြီး၊ ပထမပွဲအဖြစ် အမေရိကန် အသင်းနှင့် ယှဉ်ပြိုင်ရမည် ဖြစ် ကြောင်း၊ ဒုတိယပွဲ အဖြစ် ယူကရိန်းနှင့် ယှဉ်ပြိုင်ရမည် ဖြစ်ပြီး အုပ်စုနောက် ဆုံးပွဲအဖြစ် အိမ်ရှင် နယူးဇီလန်နှင့် ယှဉ်ပြိုင်ရမည် ဖြစ်ကြောင်း မြန်မာနိုင်ငံဘောလုံး အဖွဲ့ချုပ်မှ သိရသည်။
ဧရာဝတီ
No comments:
Post a Comment