ပြည်သူ့လွှတ်တော်က အတည်ပြုလိုက်သည့် အမျိုးသားပညာရေး ဥပဒေကြမ်းတွင် ကျောင်းသားသမဂ္ဂ ဖွဲ့စည်းခွင့်ကို တရားဝင်ဖွဲ့စည်းခွင့် ပြုလိုက်သော်လည်း လုပ်ပိုင်ခွင့်တာဝန်များကို ပယ်ဖျက်သည့်အ တွက် ကျောင်းသားသမဂ္ဂ အမှိုက်ကောက် ဂိတ်စောင့် လုပ်ရမည်လားဟု အမျိုးသားလွှတ်တော်ကိုယ် စားလှယ် ဦးဖုန်းမြင့်အောင်က မေးခွန်းထုတ်လိုက်သည်။
ပြည်သူ့လွှတ်တော်က ပြင်ဆင်အတည်ပြုချက်များဖြင့် ပြန်လည်ပေးပို့လာသည့် အမျိုးသားပညာရေး ဥပဒေကြမ်းကို ယနေ့ အမျိုးသားလွှတ်တော်တွင် ကိုယ်စားလှယ် ခြောက်ဦးက ပြန်လည်ဆွေးနွေးရာတွင် အထက်ပါအတိုင်း ဆွေးနွေးလိုက်ခြင်း ဖြစ်သည်။
ပြည်သူ့လွှတ်တော်က ပြန်လည်ပေးပို့သော ပြင်ဆင်အတည်ပြုချက်များသည် မူလအမျိုးသား လွှတ်တော် က ပေးပို့လိုက်သော ပြင်ဆင်အတည်ပြုချက်များနှင့် သဘောထားကွဲလွဲမှုများ ရှိသည်။
အထူးသဖြင့် အမျိုးသားပညာရေး မူဝါဒကော်မတီဖွဲ့စည်းခြင်း တာဝန်နှင့် လုပ်ပိုင်ခွင့်များတွင် ဆရာသမဂ္ဂ များ ညှိနှိုင်းရွေးချယ်သော နိုင်ငံဝန်ထမ်း မဟုတ်သည့် ပညာရှင်နှစ်ဦး၊ ကျောင်းသားသမဂ္ဂများက ညှိနှိုင်းရွေး ချယ်သော နိုင်ငံဝန်ထမ်းမဟုတ်သည့် ပညာရှင်နှစ်ဦးကို ပြည်သူ့လွှတ်တော်က ပယ်ဖျက် လိုက်သည်။
တိုင်းဒေသကြီး သို့မဟုတ် ပြည်နယ်များတွင် တိုင်းရင်းသားစာပေစကား သင်ကြားယူမှုကို သက်ဆိုင်ရာ တိုင်းဒေသကြီး၊ သို့မဟုတ် ပြည်နယ်အစိုးရအဖွဲ့၏ အစီအစဉ်ဖြင့် အခြေခံ ပညာမူလတန်းအဆင့်မှ စတင်၍ အကောင်အထည်ဖော်ပြီး အဆင့်ဆင့်တိုးချဲ့ဆောင်ရွက်နိုင်သည် ဆိုသည့်အချက်ကို ပြည်သူ့ လွှတ်တော်က ပယ်ဖျက်လိုက်သည်။
အမျိုးသားပညာရေး ရည်မှန်းချက်များနှင့်အညီ သင်ရိုးညွှန်းတမ်းဆိုင်ရာ ကိစ္စရပ်များ ဆောင်ရွက်နိုင် ရန် သက်ဆိုင်ရာ ပညာရေးဥပဒေနှင့်အညီ လိုအပ်သောအဖွဲ့များကို ဖွဲ့စည်း တာဝန်ပေးအပ်ခြင်း ဆိုသည့် အပိုဒ်ကိုလည်း ပြည်သူ့လွှတ်တော်က ပယ်ဖျက်လိုက်သည်။
“ပညာရေးဥပဒေကို အကောင်အထည်ဖော်ရေးဆွဲရာတွင် ကောင်းမွန်ပြီး လက်တွေ့အချက်ပေါ် မူတည် ပြီး ကျောင်းသားများကို ချွေးသိပ်ဖို့သက်သက်မဟုတ်ဘ NNER နဲ့ ပြဿနာ ပြေလည်ရင်ပြီးရော သဘော မဆောင်ဘဲ အစိုးရငြိုငြင်ခံရမှာကို မတွေးဘဲ နိုင်ငံတော်နိုင်ငံသား အကျိုးစီးပွား နောင် မျိုးဆက်သစ်တို့၏ အကျိုးစီးပွားကိုသာ မျှော်တွေးဆောင်ရွက်ဖို့ အကြံပြုဆွေးနွေးလိုပါတယ်”ဟု အမျိုးသားလွှတ်တော် ကိုယ်စားလှယ်ဦးမင်းဦးက ဆွေးနွေးသည်။
အမျိုးသားပညာရေးဥပဒေကြမ်း၏ ယနေ့ အမျိုးသားလွှတ်တော်တွင် လွှတ်တော်ကိုယ်စားလှယ်များ ၏ ဆွေးနွေးချက်များကို ဥပဒေကြမ်းကော် မတီက ပြန်လည်ကြားနာရန် လွှတ်တော်ဥက္ကဋ္ဌက ဆုံးဖြတ်ချက် ချမှတ်လိုက်သည်။
Mizzima - News in Burmese
No comments:
Post a Comment