အမေရိကန်ပြည်သူတွေအနေနဲ့ ဆင်းရဲမှုကျဆင်းရေးကို အခုထက်ပိုပြီး လုပ်ဆောင်ကြဖို့နဲ့ လူချမ်းသာတွေနဲ့ လူလတ်တန်းစားကြား ဆင်းရဲ - ချမ်းသာ ကွာဟမှု ကြီးနေတာကို ပိုနည်းသွားအောင် လုပ်ဖို့ သမ္မတ အိုဘားမားက အမေရိကန် ပြည်သူလူထုကို အင်္ဂါနေ့မှာ တိုက်တွန်းလိုက်ပါတယ်။
အမေရိကန်တွေအနေနဲ့ တကယ်လုပ်မယ်လို့သာ ဆုံးဖြတ်ရင် ဆင်းရဲမှုကို လျှော့ချနိုင်မှာ ဖြစ်တယ်လို့ အိုဘားမားက ပြောပါတယ်။ ဒီပြဿနာဖြေ ရှင်းရေးကို ဘယ်လောက်ထိ လုပ်သွားကြမလဲ ဆိုတာက အမေရိကန်တွေ အဓိက ရင်ဆိုင်နေရတဲ့ မေးခွန်းပဲ ဖြစ်တယ်လို့လည်း သူက ပြောသွား ပါတယ်။
ကျေးလက်ဒေသက ဆင်းရဲတဲ့ အမေရိကန် ကလေးငယ်တွေကို ချမ်းသာသူတွေက ဘယ်အတိုင်းအတာထိ ကူညီမလဲဆိုတာ ဆန္ဒရှိကြဖို့နဲ့ အဲဒီကလေးတွေ လိုအပ်နေတဲ့ စာအုပ်စာတမ်း ကွန်ပျူတာ စတာတွေနဲ့အတူ လူ့အဖွဲ့အစည်းအတွင်း စိတ်ပိုင်းဆိုင်ရာတွေကိုပါ အားပေး ကူညီသွားဖို့ လိုကြောင်း၊ လက်ရှိအခြေအနေရ အဲဒီကလေးတွေမှာ အခုပြောခဲ့တဲ့ အရာတွေ မရှိတာတွေ့ရကြောင်းသမ္မတအိုဘားမားက ထောက်ပြပြော ဆို သွားပါတယ်။ ဆင်းရဲနေတာက စိတ်ဖိစီးမှုကို ဖြစ်စေကြောင်း၊ ဆင်းရဲတာကို ဘယ်သူမှ မကြိုက်ကြောင်း သမ္မတ အိုဘားမားက ပြောပါတယ်။
VOA
No comments:
Post a Comment