ကိုယ်လုံးတီးအလှကို ခံစားဖို့ ယဉ်ကျေးမှုရှော့ခ်တစ်ခုတည်း ရှိနေတာလား

လူ့ခန္ဓာကိုယ်ရဲ့ မိမွေးတိုင်းဖမွေးတိုင်း ကိုယ်လုံးတီးအလှကို အနုပညာမျက်လုံးနဲ့ ကြည့်နေတဲ့ ယဉ်ကျေးမှု ဟာ မြန်မာပြည်မှာတော့ ယဉ်ကျေးမှုတံတိုင်းရဲ့ စည်းအပြင်ဖက်မှာပဲ ရှိနေပါသေးတယ်။ Nude Art ကို ခံစားဖို့၊ လက်ခံဖို့ စောနေတာဟာ ယဉ်ကျေးမှုပိုင်းမှာတင် ရှော့ခ်ရနေတာမဟုတ်ဘဲ အခြားသော ကဏ္ဍ အားလုံးမှာ ရှော့ခ်ရှိနေပြီလား။

နိုင်ငံတကာအတွေ့အကြုံတွေနဲ့ မြန်မာ့လူမှုဘဝ၊ အမြင်တွေ တိုးတက်ပြောင်းလဲဖို့ ကြိုးစားနေတဲ့ အကယ် ဒမီ ဆွေဇင်ထိုက်ကတော့ နိုင်ငံရေး၊ စီးပွားရေး၊ လူမှုရေးကဏ္ဍတွေမှာလည်း မြန်မာပြည်သူတွေ ရှော့ခ်ရနေတာကြောင့် အခုလို ယဉ်ကျေးမှုရှော့ခ်ကိုလည်း လက်မခံနိုင်ကြသေးတာပါလို့ ရှင်းပြပါတယ်။ 

အတွေးအခေါ်တွေ ထိန်းချုပ်ခံခဲ့ရလို့ Nude Art ကို လက်ခံဖို့လည်း စောနေတာဖြစ်မှာပါလို့ သူက ဆိုပါ တယ်။ ဒါပေမယ့် လူတိုင်းက ရွေးချယ်ခွင့်ရှိတာကြောင့် လူမှုကွန်ရက်တွေမှာခေတ်စားလာနေတဲ့ Nude Artနဲ့ပတ်သက်လို့ ကာယကံရှင်တွေ ဝေဖန်တုံ့ပြန်တာကိုခံရမှာမို့ ရွေးချယ်တဲ့သူအပေါ် မူတည်ပါတယ်လို့ ပြောပါတယ်။

မြန်မာ့ယဉ်ကျေးမှုအရ Nudity ဖြစ်တဲ့အရာကို အနုပညာလို့ လက်မခံနိုင်ကြသေးတာလို့ ပြောလာသူက ပန်းချီ ငြိမ်းချမ်းစုပါ။ သူက ကိုယ်ဗလာကျင်းလုနီးနီး ဓာတ်ပုံတွေ မြန်မာတွေရဲ့ လူမှုကွန်ရက်တွေမှာ ပြန့်နှံ့နေတာ ပွင့်လင်းမှုတစ်ခုအနေနဲ့ လက်ခံပေမယ့် ဓာတ်ပုံရှင်တွေက ကိုယ့်ဆုံးဖြတ်ချက်ကိုယ် တာဝန်ယူရမယ်လို့ ဆိုပါတယ်။

သံမဏိလိုတင်းမာတဲ့ စစ်အစိုးရရဲ့ ဆင်ဆာစိစစ်ရေးကာလ ရှည်ကြာခဲ့ပြီးနောက်မှာတော့ အနုပညာကို ပြောင်းလဲမခံစားတတ်ကြသေးပေမယ့် Nudeတိုင်းကိုတော့ အနုပညာအဖြစ် လက်ခံမှာ မဟုတ်ဘူးလို့ ဆိုပါတယ်။

မြန်မာလူမှုကွန်ရက်တွေမှာ ပွက်လောရိုက်လောက်အောင် Sexy Model အဖြစ် ရပ်တည်နေသူ ဇွန်သဉ္ဇာက သူ ဒီလိုဓာတ်ပုံတွေ အရိုက်ခံတဲ့အတွက် သူချစ်မြတ်နိုးရသူတွေကို စွန့်လွှတ်ခဲ့ရသလို တစ်ယောက်တည်း အထီးကျန်တဲ့အထိ အပြောအဆိုခံခဲ့ရပြီးမှ အနုပညာလမ်းပေါ် သူလှမ်းတတ်နိုင်ခဲ့ တာပါလို့ ကမာရွတ်မီဒီယာကို သီးသန့်ပြောဆိုခဲ့ပါတယ်။

တက္ကသိုလ်ဘွဲ့ရ ပညာတတ်မြန်မာမိန်းကလေးတစ်ယောက်အနေနဲ့ အနုပညာလောကမှာ လူသိများပြီး ထိုးဖောက်ဖို့အတွက် အဖော်အချွတ်နီးနီး လိင်လှုံ့ဆော်မှုဆန်တဲ့ ဓာတ်ပုံတွေ အရိုက်ခံခဲ့တယ်လို့ ဆိုပါ တယ်။ ဇွန်သဉ္ဇာတစ်ယောက် အောင်မြင်မှုအတွက် စွန့်လွှတ်ပေးဆပ်ရတာတွေ ထိုက်တန်ပါရဲ့လား။

ဘယ်လမ်းကြောင်းကပဲ အနုပညာလောကကို ဝင်လာတာဖြစ်ဖြစ် နောက်ဆုံးတော့ ကိုယ့်သမိုင်းကိုယ် ရေးကြရမှာမို့ အများတန်ဖိုးထားတဲ့ အနုပညာသည်အဖြစ် ရပ်တည်လို့ရသလို နာမည်ကြီးပြီးရောဆိုပြီး ခံယူပြီး ရပ်တည်မယ်ဆိုရင်တော့ အနာဂတ်လမ်းကြောင်းအတွက် စဉ်းစားစေချင်တယ်လို့ ဒေါ်ဆွေ ဇင်ထိုက် က အကြံပေးပါတယ်။ အနုပညာမှာလည်း ကျင့်ဝတ်ရှိပါတယ်လို့ ဆိုပါတယ်။

အနုပညာသမားတစ်ယောက်အနေနဲ့ ပရိသတ်က လက်ခံကြမယ်ဆိုရင်တော့ ဝေဖန်ပြစ်တင် ကဲ့ရဲ့ စကားတွေဟာ နောင်အနှစ် ၂ဝကျရင် ရပ်သွားပါလိမ့်မယ်လို့ ငြိမ်းချမ်းစုက ပြောပါတယ်။

Kamayut Media