မြန်မာစာ သင်ရန် ဖြစ်လာသည့် ‘၀’

‘၀’ကိုယ်ပိုင်အုပ်ချုပ်ခွင့်ရ ဒေသတွင် တရုတ်စာ၊ တရုတ်စကားလွှမ်းမိုးမှုကို လျှော့ချရန် ကြိုးစားနေ ကြောင်း ပြောကြားမှု  ထွက်ပေါ်လာသည့်  မရှေးမနှောင်းပင် အဆိုပါဒေသမှ ကျောင်းသား ၅၀ ကို မြန်မာပြည်မရှိ အစိုးရကျောင်းများတွင် လက်ရှိ ပညာသင်နှစ်မှစ၍ နှစ်စဉ်သင် ကြားခွင့်ကို ဦးသိန်းစိန် အစိုးရနှင့် ‘၀’ ပြည်သွေးစည်းညီညွတ်ရေး တပ်မတော် (UWSA) ကြား သြဂုတ်လကုန်ပိုင်းက သဘောတူ ညီခဲ့သည်။

ပြည်တွင်းငြိမ်းချမ်းရေး လုပ်ငန်းစဉ်တွင် မြန်မာနိုင်ငံရှိ အခြားတိုင်းရင်းသားများနှင့်မတူ သီးခြား ဆန်ဆန် ရပ်တည်နေသလို လွန်ခဲ့သည့် ဆယ်စုနှစ်များစွာ တစ် လျှောက် ရုံးသုံးဘာသာစကားအ ဖြစ် တရုတ်စာ၊ တရုတ်ဘာသာ စကားကိုသာ သုံးခဲ့ပြီး တရုတ် ယဉ်ကျေးမှုနှင့် ကျယ်ကျယ်ပြန့် ပြန့် ယဉ်ပါးထား သည့် ‘၀’ ဒေသ တွင် ယခုကဲ့သို့ ပထမဆုံးအကြိမ် လုပ်ဆောင်လာခြင်းဖြစ် သည်။

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မ တီ (UPWC) နှင့် တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိ နှိုင်းရေးအဖွဲ့ (NCCT) တို့ကြား ဆွေးနွေးပွဲများအပါအ၀င် ငြိမ်း ချမ်းရေးလုပ်ငန်းစဉ် တွင် ပေါ် ပေါက်နေသည့် သဘောတူညီ ချက်များ၊ မူကြမ်းများ အစရှိသည် တို့ကို ‘၀’ ဘာသာ၊ တရုတ်ဘာ သာသို့ ပြန်ဆိုပြီးမှ လေ့လာနေရ ကြောင်း ‘၀’ ပြည်သွေးစည်းညီ ညွတ်ရေးပါတီ (UWSP) ပေါ်လစ် ဗျူရိုဝင် နံပါတ် (၁၀) ခေါင်း ဆောင်လည်းဖြစ်၊ ပြောရေးဆို ခွင့် ရှိသူလည်းဖြစ်သည့် ဦးအောင်မြင့် က ပြောကြား လာပြီး ‘၀’ အကြီး အကဲ များအနေဖြင့် မြန်မာစာ၊ မြန်မာစကား အခက်အခဲရှိ ကြောင်းကိုလည်း ၀န်ခံထား သည်။

‘၀’ သည် အစိုးရက တရား ၀င်သတ်မှတ်ထားခဲ့သည့် မြန်မာ တိုင်းရင်းသား ၁၃၅ မျိုးထဲတွင် ပါ ၀င်သည်။ တစ်ချိန်တည်းမှာပင် တရုတ်တိုင်းရင်းသား ၅၆ မျိုးထဲမှ  တစ်ခုဖြစ်သော တောင်ပေါ်သားလူမျိုးနွယ်စု တစ်ခုလည်း ဖြစ်နေသည်။ တရုတ်နိုင်ငံ (ယူနန်)၊ မြန်မာနိုင်ငံ (ရှမ်း၊ ကချင်) နှင့် ထိုင်းနိုင်ငံ (ချင်းရိုင်) တို့တွင် ပျံ့နှံ့နေထိုင်ကြသည်။ ၂၀၁၀ ရွေး ကောက်ပွဲကော်မရှင်စာရင်းအရ မြန်မာနိုင်ငံတွင်  ‘၀’ လူဦးရေ ခြောက်သိန်းခန့်ရှိသည်ဟု ဆိုသည်။

တရုတ်နိုင်ငံနှင့် နယ်စပ် ၈၂ မိုင် (၁၃၃ ကီလိုမီတာ) ထိစပ်နေ သော ‘၀’ ဒေသတွင် တရားဝင်ရုံး သုံး၊ လုပ်ငန်းသုံးစာပေနှင့် ဘာသာစကားမှာ တရုတ်ဖြစ်သည်။ ‘၀’ စကားနှင့် အနောက်တောင် ပိုင်း မန်ဒရင်း တရုတ်စကားကို ပြောကြသည်။ ငွေကြေးအဖြစ် တရုတ်ယွမ်ငွေကို အသုံးပြုကြသည်။ ရုပ်မြင် သံကြားတွင်လည်း တရုတ်ချန်နယ်ကိုကြည့်၍ တယ်လီဖုန်းကွန်ရက်တွင်လည်း ချိုင်းနားမိုဘိုင်းကို သုံးကြ ၏။ လူသုံးကုန်ပစ္စည်းများကို တရုတ်နိုင်ငံမှ တင်သွင်းသုံးစွဲကြသည်။

ငွေကြေးတတ်နိုင်သည့် ‘၀’ တို့သည် ကလေးများကို တရုတ် စာ သင်ကြားပေးပြီး ပြည်ပ ကျောင်းများသို့ ပညာသင်ပို့လေ့ ရှိသည်ဟု ‘၀’ ဒေသတွင်းသို့ ဥရော ပ အိုင်အင်န်ဂျီအိုအဖွဲ့တစ်ခုဖြစ် သည့် Aide Medicale Inter-national (AMI) နှင့်အတူ ကျန်း မာရေး၊ ပညာရေး ဖွံ့ဖြိုးတိုး တက်ရေး အသိပညာပေး လုပ်ငန်းများ ၂၀၀၉ ခုနှစ်ကတည်းက ‘၀’ ဒေသတွင် ဆောင်ရွက်နေခဲ့သည့် ရှမ်းတိုင်းရင်းသား ကိုစိုင်းဦးက ဆိုသည်။ ဗမာစကားပြောသူ အနည်းအကျဉ်းမျှသာရှိပြီး မြို့ တော်ပန်ဆိုင်းတွင် တရုတ်-မြန်မာ နှစ်ဘာသာဖြင့် ရေးထိုးထားသည့် ဆိုင်အမည် အနည်းငယ်ကို တွေ့ရသည့်အခါတွင်လည်း မြန်မာစာလုံးပေါင်း အမှားအ ယွင်းများ တွေ့ရတတ်သည်ဟု ၎င်းကပြောပြသည်။

‘‘ပညာရေးပိုင်း မတတ်နိုင် တဲ့ရွာတွေ အများကြီးရှိတယ်။ တစ် ရွာနဲ့တစ်ရွာက တော်တော်ဝေး တယ်။ လေး၊ ငါးရွာလောက်မှ စာသင်ကျောင်းတစ်ကျောင်းရှိ တယ်။ တစ်ကျောင်းကို ကျောင်း သား ၁၂ ယောက်၊ ၁၃ ယောက် လောက်ပဲ ရှိတယ်။ ‘၀’ ရွာတွေက ဗမာကျောင်းကို လုံးဝ လာမတက် ဘူး။ ကျောင်းတက်ရင် ဆန်ပေးမယ်ဆိုမှ လာတက်တာမျိုး ရှိတယ်’’ဟု ကုလသမဂ္ဂအဖွဲ့အစည်း များဖြစ်သည့် UNFPA ၊ UNODC  တို့နှင့်အတူ ‘၀’ ဒေသဖွံ့ဖြိုးရေး  အသိပညာ ပေးလုပ်ငန်းများ ၀င်ရောက်လုပ်ကိုင်ခဲ့သူ ကိုစိုင်းဦးက သူ့အတွေ့အ ကြုံကို ပြောပြသည်။

ယခုလအနည်းငယ်အတွင်း ‘၀’ ၏ ပညာရေးနှင့် ပတ်သက်သည့် ပြောင်းလဲမှု အချို့အပေါ် ထောက်၍ ၎င်းတို့အနေဖြင့် မြန်မာဘက်သို့ ယခင်ကထက် ပိုအ လေးသာပုံပြလာကြောင်း မြန်မာ့ နိုင်ငံရေး စောင့်ကြည့်သူအချို့ က သုံးသပ်ကြသည်။

‘‘သူတို့ မြန်မာ (ဗမာ) ဘာ သာကို သင်ချင်ရင် အဲဒါက အပြု သဘောဆောင်တဲ့ တိုးတက်မှု တစ်ခုလို့ ကျွန်တော်ထင်ပါတယ်။ ဒါပေမဲ့ တစ်ခု သတိရရမှာက UWSA ထိန်းချုပ်နယ်မြေ (မြောက်ပိုင်းမှာ ကိုးကန့် လိုမျိုးနဲ့ UWSA ဧရိယာရဲ့ အရှေ့ဘက်က မိုင်းလားအဖွဲ့ရဲ့ နယ်မြေ) တွေက တရုတ်နဲ့ လုံးဝပေါင်းစပ် လုနီးပါး နယ်မြေတွေဆိုတာပါပဲ။ အဲဒီမှာ ရောင်းချတဲ့ ကုန်စည်အများစုက တရုတ်ပြည်က လာတယ်။ မြန်မာ ပြည်နဲ့ အချိတ်အဆက်က နည်း နည်းလေးပဲ။ မရှိသလောက်ပေါ့’’ ဟု မြန်မာ့အရေးကျွမ်းကျင်သူ မစ္စတာ ဘာတေးလင့်တနာက သုံးသပ်ပြောဆိုသည်။

သြဂုတ်လကုန်ပိုင်းက သမ္မ တ ဦးသိန်းစိန်နှင့် နေပြည်တော်တွင် တွေ့ဆုံစဉ် ၎င်းတို့ဒေသမှ အလယ် တန်းနှင့် အထက်တန်း ၀င်ခွင့်ရ ကျောင်းသား ၅၀ ကို မြန် မာပြည်မရှိ အစိုးရကျောင်းများတွင် ပညာသင် ခွင့်ပြုရန် တောင်းဆိုခဲ့ရာ သမ္မတက သဘောတူခဲ့ ခြင်းဖြစ်သည်။

‘‘၀, ဒေသက ပညာရေးမှာ ပြည်မနဲ့ယှဉ်ရင် တော်တော်နိမ့် ကျပါတယ်။ ပညာတတ်တဲ့ က လေးက နည်း တယ်။ မြန်မာစာနဲ့ စကားလည်း သေချာမတတ်ကြ ဘူး။ ဒါကြောင့် ‘၀’ ဒေသက ကျောင်းသားတွေ မြန်မာကို ကျောင်းလာတက်လို့ရအောင် ဒီ နှစ်တောင်းဆိုထားတော့ အစိုးရ ကလည်း အားပေးပါတယ်။ အခု တစ်နှစ် ကို အယောက်ငါးဆယ်ပို့ ဖို့ သဘောတူလိုက် တယ်’’ ဟု UWSP ပေါ်လစ်ဗျူရိုဝင် နံပါတ် (၁၀) ခေါင်းဆောင် ဦးအောင်မြင့် က ပြောသည်။

‘‘ထုံးစံအားဖြင့် သူတို့ကိုယ် ပိုင်ဘာသာစကားထက် တခြားဘာသာစကား ကိုပြောတဲ့ ‘၀’ တွေ ဟာ ရှမ်း ဒါမှမဟုတ် တရုတ်ဘာသာစကား တစ်ခုခုကို ပြောကြတယ်။ လွန်ခဲ့တဲ့ ဆယ်စုနှစ် အနည်းငယ်မှာတော့ တရုတ်ဘာ သာစကားပြောတာက မြင့်တက်လာခဲ့တယ်’’ ဟု ဘာတေးလင့် တနာက ပြောသည်။

မြန်မာစာနှင့် စကားတတ် မြောက်သင်ကြားသည့် ကျောင်း နည်းပါးသည့်အတွက် ပြည်မနှင့် ဆက်ဆံရေး တိုးတက်စေရန်၊ ပညာရေးနိမ့်ကျမှုကို မြှင့်တင်ရန် ရည်ရွယ်သည်ဟု ‘၀’ တို့ဘက်က ဆိုသည်။ ယင်းအလယ်တန်း၊ အထက်တန်းကျောင်းသား ၅၀ ပညာသင်ခွင့်နှင့်ပတ်သက်၍ သမ္မတက ပညာရေး ၀န်ကြီးဌာနထံ အ ကြောင်းကြားထားပြီး မြန်မာစကား ပြောဆိုတတ်သူများသာ ရွေးချယ်ပေးရန် ပညာရေးဝန်ကြီးဌာနက ‘၀’ အဖွဲ့ထံ တောင်းဆိုထားသည်ဟု သိရသည်။

‘‘ကျွန်တော် ‘၀’ ဒေသထဲ နှစ် ကြိမ်ရောက်ဖူးပါတယ်။ နယ်စပ် ဒေသဖြစ်တဲ့အတွက် တရုတ်စာ လွှမ်းမိုးတာ အကျိုးတော့ မယုတ်ပါဘူး။ အသုံးချဖို့ လိုအပ်ချက်အ ရ ဖြစ်လာတာ။ သူတို့ဒေသမှာပဲ ပထမ ‘၀’ ဒေသခံ စကား ဖွံ့ဖြိုး အောင်လုပ်။ ဒုတိယ ဗမာစကား ကျွမ်းကျင်အောင် လုပ်သင့်တယ်။ နောက်ပြီး အင်္ဂလိပ်စကား နဲ့ တရုတ်စကားတတ်ရင် ပိုအကျိုးရှိတယ်။ သူတို့ တရုတ်ဘက်မှာ အလုပ်ရဖို့ ပိုအဆင်ပြေလိမ့်မယ်’’ဟု နယ်စပ်ဒေသ ပညာရေးအ တွေ့အကြုံရှိသူဖြစ်ပြီး နိုင်ငံလုံးဆိုင်ရာ ပညာရေးကွန်ရက် (NNER) မှ တာဝန် ရှိသူလည်းဖြစ်သည့် ဒေါက်တာသိန်းလွင်က ပြောသည်။

‘‘ဒီဘက်မှာ ကလေးတွေ လာသင်တာကတော့ ပညာရေး ဖွံ့ဖြိုးတိုးတက်ဖို့ အတွက်ဆိုရင် မကောင်းဘူး။ ကိုယ့်ဒေသကနေ ခွဲလာရတဲ့ ကလေးတွေရဲ့ စိတ် ပိုင်းဆိုင်ရာအရ အခက်အခဲရှိနိုင် တယ်။ မထိရောက်၊ မအောင်မြင် နိုင်ဘူး။ ပညာရေးမျက်စိအရ ပြောရရင် ဒေသခံကလေးတွေမှာက နားလည်တဲ့ ဘာသာစကားကို သူတို့ဒေသက အစိုးရကျောင်း တွေမှာပဲ သင်ခွင့်ရရင် ကောင်းမယ်’’ဟု ၎င်းက ဆက်လက်ပြော သည်။

‘၀’ ဒေသတွင် ပြည်မမှ မြန် မာများကို ၀င်ခွင့်ပြုလေ့မရှိဘဲ အ စိုးရရုံးဝန်ထမ်း အချို့သာ ပန်ဆိုင်းအထိ ၀င်နိုင်ပြီး အခြားနေရာများသို့ သွားခွင့်မရှိပေ။

‘‘ကျွန်တော် အဲဒီဒေသထဲ စ၀င်တုန်းက ရှမ်းလိုပြောတော့ ယုံကြည်မှု ရလာတယ်။ ရှမ်းဖြစ်ရင် ၀င်လို့ရ တယ်။ အဓိကက ဗမာ မဖြစ်ဖို့ဘဲ။ ဗမာဆိုရင် အ ခက်အခဲရှိတယ်။ ပေးမ၀င်ဘူး’’

‘၀’ လူမျိုးတို့တွင် မူလက စာပေမရှိခဲ့ပေ။ ၂၀ ရာစုအစ တွင် Nebrask မှ ၀ီလီယံ မားကပ်စ်ယန်း ဦးဆောင် သည့် ခရစ် ယာန်မစ်ရှင်က ‘၀’ တို့ကြား ၀င် ရောက်ခဲ့ရာမှ ပထမဆုံး ‘၀’ ဘာသာကျမ်း စာအုပ်ကို ၁၉၃၁ ခုနှစ်တွင် ယန်းနှင့် ဆာရာယောရှုချင်းက ပြုစုခဲ့သည်။ ၎င်းတို့၏ ရည်ရွယ်ချက်မှာ သမ္မာကျမ်းစာကို ဘာသာ ပြန်ရန်ဟု ဆိုသည်။

‘၀’ ဓမ္မသီချင်းများကို စုစည်း ထားသည့် ယင်းစာအုပ်ကို ၁၉၃၃ ခုနှစ်တွင် ပထမဆုံး ဖြန့်ချိခဲ့သည်။ ‘၀’ သမ္မာကျမ်းစာ (ဓမ္မ သစ်) ကို ၁၉၃၈ ခုနှစ်တွင် ပြီးစီးခဲ့ သည်။ ထို့နောက် ပြန်လည်စိစစ်ထားသည့် သမ္မာကျမ်းစာ စာလုံး ပေါင်းသတ်ပုံကျမ်းကို လက်ရှိ ‘၀’ အထူးဒေသ (၂) ၏ အာဏာပိုင် များက တရားဝင် ‘၀’ စာလုံးပေါင်း အဖြစ် မွေးစားထားပြီးဖြစ်သည်။ ၂၀၁၀ နှောင်းပိုင်းနှစ်များတွင် ဖေ့စ်ဘွတ်ခ်ကဲ့သို့ လူမှုကွန်ရက် အပါအ၀င် အွန်လိုင်းအသုံးပြုသူ ‘၀’ လူမျိုးများသည် ယင်းစာလုံး ပေါင်းအတိုင်း အသုံးပြုနေ ပြီဖြစ် ကြောင်း သိရသည်။

UWSA ဆိုသည်မှာ

၂၀၀၈ ဖွဲ့စည်းပုံအခြေခံ ဥပဒေ၊ အခန်း (၂) နိုင်ငံတော် ဖွဲ့ စည်းတည်ဆောက် ပုံ၊ အပိုဒ် ၅၆ (စ) အရ ရှမ်းပြည်နယ်ရှိ ဟိုပန်၊ မိုင်းမော၊ ပန်ဝိုင်၊ နားဖန်း၊ မက် မန်းနှင့် ပန်ဆန်း (ပန်းခမ်း) မြို့ နယ် ခြောက်မြို့နယ် ကို ခရိုင်နှစ်ခု ခွဲပြီး ‘၀’ ကိုယ်ပိုင်အုပ်ချုပ်ခွင့်ရ တိုင်း သတ်မှတ်ထားသည်။ မြို့ တော်မှာ ပန်ဆန်း (ပန်းခမ်း) ဖြစ် ပြီး ဌာနချုပ် အခြေစိုက်ထား သည်။ ကိုယ်ပိုင်ထောင်နှင့် လက် နက်စက်ရုံရှိသည်ဟု သတင်းများ ထွက်ပေါ်ခဲ့သည်။ ထို့အတူ ကိုယ် ပိုင်တရားစီရင်မှုစနစ်လည်း ရှိ သည်။ အစိုးရအခေါ် အထူးဒေသ (၂)ဖြစ်၍ ‘၀’ ပြည်သွေးစည်းညီ ညွတ်ရေးပါတီ (UWSP) နှင့် ‘၀’ ပြည်သွေးစည်းညီညွတ်ရေး တပ် မတော် (UWSA) တို့က ဒေသ၏ အုပ်ချုပ်ရေးယန္တရားကို အပြည့် အ၀ ထိန်းချုပ်ထား၏။

UWSA ကို မြန်မာနိုင်ငံရှိ အကြီးဆုံးနှင့် အင်အားအတောင့် တင်းဆုံး တိုင်းရင်းသားလက်နက်ကိုင်အဖွဲ့ အဖြစ် သတ်မှတ်ထား ကြသည်။ မြန်မာ့ငြိမ်းချမ်းရေး ဖြစ်စဉ်ကို လေ့လာစောင့်ကြည့် သော Myanmar Peace Moni-tor ၏ ခန့်မှန်းခြေစာရင်းအရ ‘၀’ စစ်အင်အား ၂၀,၀၀၀ မှ ၂၅,၀၀၀ ကြား ရှိသည်။ အခြား စစ်တမ်းများကမူ အင်အားသုံး သောင်းခန့်ရှိသည်ဟု ခန့်မှန်းထား ကြသည်။

၎င်း၏ ၀န်ထမ်းအင်အား သုံးသောင်းကို ထောက်၍ အရှေ့ တောင်အာရှတွင် အကြီးဆုံး စိတ်ကိုပြောင်း လဲစေသော မူးယစ် ဆေးဝါး ကုန်ကူးအဖွဲ့အစည်းအ ဖြစ် ကုလသမဂ္ဂက သတ်မှတ်ထားသည်။ UWSP ကမူ ယင်း ဒေသကို မူးယစ်ကင်းစင်နယ်မြေ အဖြစ် ၂၀၀၅ ခုနှစ်တွင် ကြေညာ ခဲ့သည်။ ဥက္ကဋ္ဌ ပေါက်ယူချန်းအပါအ၀င် ခေါင်းဆောင်များကို အမေရိကန်အစိုးရက ဆုကြေးထုတ် ဖမ်းဝရမ်းထုတ်ထား သည်မှာ ဆယ်စုနှစ် တစ်ခုနီးပါး ကြာ မြင့်လာပြီဖြစ်သည်။

UWSA သည် ဗမာပြည်ကွန်မြူနစ်ပါတီ(ဗကပ) ပြိုကွဲ ပြီးနောက် ပေါ်ပေါက်လာခဲ့သော အဖွဲ့ဖြစ်သည်ဟု စစ်တမ်းများက ဆိုသည်။ UWSA လက်ရှိခေါင်း ဆောင် ပေါက်ယူချန်းသည် ၁၉၆၀ ပြည့်နှစ်များဆီက အင်အား တောင့်တင်းသော ဗကပသို့ ၀င် ရောက်ခဲ့ဖူးပြီး (မြန်မာစစ်အစိုးရ) ကို တိုက်ခိုက်ခဲ့သည်။ ၁၉၈၉ ခုနှစ်တွင် အခြေအနေမကောင်း တော့သည့် ဗကပမှ ခွဲထွက် ကြောင်း ကြေညာပြီး ကိုယ်ပိုင်စစ် တပ်ထောင် ခဲ့သည်။ ၁၉၈၉ ခုနှစ်၊ မေလ ၉ ရက်က မြန်မာစစ်အစိုးရ နှင့် အပစ်အခတ်ရပ်စဲရေး လက် မှတ်ရေးထိုးခဲ့သည်။ ၁၉၉၆-၉၇ ခုနှစ် အစိုးရတပ်က ရှမ်းပြည်နယ် တောင်ပိုင်းတွင် ရှမ်းပြည်တပ်မ တော်နှင့် တိုက်ရာ၌ အစိုးရတပ်ကို UWSA က ကူညီခဲ့သည်။ ထို့ နောက် ရွှေတြိဂံဘုရင် ခွန်ဆာကို  အစိုးရတပ်က တိုက်ရာ၌လည်း အစိုးရတပ်ဘက်က ကူညီခဲ့ပြီး ၂၀၀၆ ခုနှစ်တွင် ခွန်ဆာနှင့် သူ ၏ မော်ထိုင်းတပ်မတော်ကို ဖြို ခွင်းခဲ့သည်။

၁၉၉၃ ခုနှစ်မှ ၂၀၀၇ ခုနှစ် ကြား ၁၄ နှစ်ကြာ လုပ်ငန်းစဉ်ဖြစ် သည့် စစ်အစိုးရ၏ အမျိုးသားညီ လာခံကို ‘၀’ က တက်ရောက်ခဲ့ ပြီး ၂၀၀၈ ဖွဲ့စည်းပုံအခြေခံဥပ ဒေ ထွက်ပေါ်လာသည့်အခါ ၎င်းတို့အတွက် ကိုယ်ပိုင် အုပ်ချုပ်ခွင့်ရတိုင်းကို အစိုးရက ထည့်သွင်း ရေးဆွဲထားခဲ့သည်။ ၂၀၀၉ တွင် အစိုးရက နယ်ခြားစောင့်တပ် အ ဖြစ် အသွင်ပြောင်းဖွဲ့စည်းခိုင်း သည့်အခါ ဆက်ဆံရေး တင်းမာခဲ့သည်။ 

ယင်းနောက် သမ္မတ ဦးသိန်းစိန် လက်ထက်တွင် အပစ်အခတ်ရပ်စဲရေး လက်မှတ် ပထမဆုံး ရေးထိုးသည့် တိုင်းရင်းသားလက်နက်ကိုင် အဖွဲ့အဖြစ် ၂၀၁၁ ခုနှစ် စက်တင်ဘာ ၆ ရက်တွင် ရေးထိုးခဲ့သည်။ အချက် ခြောက်ချက်ပါသည့် ပြည်ထောင်စုအဆင့် သဘောတူညီချက်ကို ၂၀၁၁ ခုနှစ် ဒီဇင်ဘာ ၂၆ ရက်က သဘောတူခဲ့သည်။ ပြည်ထောင်စုအဆင့် ငြိမ်းချမ်းရေးဆွေးနွေးပွဲများ ကျင်းပ သည့်အဆင့်သို့ ရောက်ရှိ ထားသည်။

‘၀’ ဒေသကို ပြည်နယ်အ ဆင့်သတ်မှတ်ရန် ‘၀’ ခေါင်း ဆောင်များက တောင်းဆိုနေခဲ့ပြီး အစိုးရဘက်က လက်ခံခြင်း မရှိ ပေ။

ဥရောပတိုက် အရှေ့ပိုင်း နိုင်ငံတစ်ခုဖြစ်သည့် ယူကရိန်း နိုင်ငံတွင် ပြည်တွင်းရေး ပဋိပက္ခ ပေါ်ပေါက်ပြီး နောက် ပြီးခဲ့သည့် မတ်လတွင် ရုရှားက ၎င်းနယ်စပ်တွင်ရှိသော ခရိုင်းမီးယားကျွန်းဆွယ်ကို သိမ်းယူ လိုက်သည့်အခါ မြန်မာနိုင်ငံရှိ ‘၀’ ဒေသကိုလည်း ခရိုင်းမီးယားနှင့် ယှဉ်ထိုး၍ သုံးသပ်မှုများ ထွက်ပေါ် ခဲ့သည်။

UWSA အနေဖြင့် တိုင်းရင်း သားလက်နက်ကိုင်အဖွဲ့များ ပူး ပေါင်းဖွဲ့စည်း ထားသည့် တပ် ပေါင်းစုဖြစ် သော ညီညွတ်သောတိုင်းရင်းသားလူမျိုးများ ဖက်ဒ ရယ်ကောင်စီ (UNFC) တွင် အဖွဲ့ဝင်အဖြစ် ပါဝင်ခြင်း မရှိပေ။ တိုင်းရင်းသား လက်နက်ကိုင်အ ဖွဲ့များကို ကိုယ်စားပြုသည့် တစ် နိုင်ငံလုံး အပစ်အခတ်ရပ် စဲရေး ဆိုင်ရာ ညှိနှိုင်းရေးအဖွဲ့ (NCCT) အဖွဲ့ဝင်လည်း မဟုတ်ပေ။

၎င်း၏ သီးခြားရပ်တည်နေမှု နှင့် ဒေသတွင်း တရုတ်စာဘာ သာစကား လွှမ်းမိုးနေမှုကို ထောက်၍ ခရိုင်း မီးယားကဲ့သို့ ခွဲထွက်မည် လားဆိုသည့် မေးခွန်းများနှင့် ပတ်သက်၍ UWSP ပေါ်လစ်ဗျူ ရိုဝင် နံပါတ် (၁၀) ခေါင်းဆောင် ဦးအောင်မြင့်က   ‘‘တိုင်းပြည်က ခွဲ ထွက်ဖို့၊ ခရိုင်းမီးယားလိုဖြစ်ဖို့ ဆန္ဒကို မရှိတာ’’ ဟု သြဂုတ်လကုန်ပိုင်းက ရန်ကုန်မြို့တွင် သတင်းထောက်များနှင့် တွေ့ဆုံစဉ် ငြင်းဆိုခဲ့သည်။

7Day News Journal