အစ္စလာမ်မစ် ပူးပေါင်း ဆောင်ရွက်ရေးအဖွဲ့(OIC)၏ မြန်မာနိုင်ငံဆိုင်ရာ အထူးကိုယ်စားလှယ် မလေးရှား နိုင်ငံသား တန်စရီ ဆာယိဟာမစ်အယ်ဘာ(Tan Sri Syed Hamid Albar)သည် ရခိုင်ပြည်နယ် စစ်တွေ မြို့သို့ စက်တင်ဘာ ၃ ရက် နေ့လယ်က ရောက်ရှိခဲ့ပြီး၊ စစ်တွေမြို့ရှိ မြို့မိ မြို့ဖများ၊ ရခိုင်ဒုက္ခသည်များနှင့် တွေ့ဆုံခဲ့သည်။ ထို့အပြင် စစ်တွေမြို့နယ်၊ သက္ကယ်ပြင် ဘင်္ဂါလီဒုက္ခသည်စခန်းသို့လည်း သွားရောက် ခဲ့သည်။
စစ်တွေမြို့ရှိ မြို့မိမြို့ဖများနှင့် တွေ့ဆုံ ဆွေးနွေးခဲ့မှုနှင့် ပတ်သက်၍ “၁၉၈၂ နိုင်ငံသား ဖြစ်ခွင့်အရ စိစစ်ပြီးမှ နိုင်ငံသား ဖြစ်ခွင့် ရှိသူတွေနဲ့ ရခိုင် တိုင်းရင်းသားတွေ အတွက်သာ အိုအိုင်စီက ကူညီမယ် ဆိုရင် ကျွန်တော်တို့ဘက်က ချင့်ချင့်ချိန်ချိန် စဉ်းစား ပေးမယ်၊ ဒီဘက်က ပြောလိုက်တယ်”ဟု စစ်တွေ ဒေသခံ တစ်ဦး ဖြစ်သူ ဦး သန်းထွန်းက မဇ္ဈိမကို ပြောသည်။
အိုအိုင်စီ အထူး ကိုယ်စားလှယ်က မှတ်ချက်တစ်စုံတစ်ရာ ပြောကြားခြင်းမရှိဘဲ အလွတ်သဘော တွေ့ဆုံ ခြင်းဖြစ်ကာ ရခိုင်တိုင်းရင်းသားများ၏ တင်ပြချက်များကိုသာ နားထောင်ခဲ့သည်ဟု ၎င်းက ပြောသည်။အိုအိုင်စီက မြန်မာ နိုင်ငံတွင် လာရောက် ရုံးခွဲဖွင့်လှစ်မည်ဟူသော သတင်းများကြောင့် ၂၀၁၂ ခုနှစ်က စစ်တွေ၊ ရန်ကုန်နှင့် မန္တလေးမြို့များတွင် ဒေသခံများက ဆန္ဒပြမှုများ ပြုလုပ်ခဲ့သည်။
အိုအိုင်စီ အဖွဲ့သည် ရခိုင်ပြည်နယ်သို့ ၂၀၁၃ ခုနှစ်၊ နိုဝင်ဘာ အတွင်းက မြန်မာ အစိုးရ၏ ဖိတ်ခေါ်မှုဖြင့် လာရောက်ခဲ့ပြီး စစ်တွေမြို့နှင့် မောင်တော မြို့များသို့ သွား ရောက်ခဲ့သည်။ ၎င်းသည် မလေးရှား နိုင်ငံခြားရေး ၀န်ကြီးဟောင်း ဖြစ်ပြီး ၂၀၁၄ ခုနှစ်၊ မေလက အိုအိုင်စီ၏ မြန်မာနိုင်ငံ ဆိုင်ရာ အထူး ကိုယ်စားလှယ် အဖြစ် ခန့်အပ်ခြင်း ခံရသည်။ တန်စရီဆာယိ ဟာမစ် အယ်ဘာသည် စစ်တွေမြို့မှ စက်တင်ဘာ ၄ ရက်တွင် ပြန်လည် ထွက်ခွာမည် ဖြစ်သည်။
Mizzima - News in Burmese
No comments:
Post a Comment