လူဦးရေကိစ္စ မြန်မာခေါင်းဆောင်များ ဘာကြောင့် ကမ္ဘာကိုလှည့်ဖြားခဲ့သလဲ

နှစ် ၃၀ အတွင်း ပထမဆုံးထွက်ပေါ်လာသည့် မြန်မာနိုင်ငံ၏ သန်းခေါင်စာရင်း အကြိုရလဒ်က အတော်ပင်အံ့ဩစရာဖြစ်ခဲ့ရ သည်။ အစိုးရက အချိန်ကြာမြင့်စွာကတည်းက ခန့်မှန်းထားခဲ့သည့် သန်း ၆၀ သောလူထုရှိရမည့် တိုင်း ပြည်တွင် ဩဂုတ် ၂၉ ရက်က ထုတ်ပြန်လိုက်သည့် စာရင်းအရ ၅၁ သန်းခန့် သာရှိနေသည်။

‘‘မြန်မာ့သန်းခေါင်စာရင်းခန့် မှန်းသည်ထက် ကိုးသန်းလျော့ နည်းနေ’’ဟု ဘီဘီစီက သတင်း ပေးပို့သလို အေပီကလည်း ‘‘လူ ၅၁ သန်းသာ သူ့မှာ ရှိကြောင်း မြန်မာတွေ့ရှိ’’ဟု ဆိုသည်။

ခေါင်းစဉ်ကြီးများက ယင်း သို့ဆိုနေသော်လည်း ကျွမ်းကျင်သူ အများစုကတော့ တအံ့တဩမရှိ ကြပါ။ လူဦးရေစာရင်းလေ့လာ သူများက သန်း ၆၀ ဆိုသည့်နံပါတ် ကိုချဲ့ကားထားသည်ဟုဆိုနေခဲ့သည်မှာ ကြာနေပြီဖြစ်သည်။ မြန်မာအစိုးရလည်း ယင်းအချက်ကို သိပြီးဖြစ်နေသည်ဟုပင် သူတို့ က ပြောဆိုနေကြသည်။

လွတ်လပ်ရေးရခဲ့သည့် ၁၉၄၈ ခုနှစ်နှင့် ယခုသန်းခေါင် စာရင်းကောက်သည့်နှစ်အကြား မြန်မာနိုင်ငံ၌ သန်းခေါင်စာရင်း နှစ်ကြိမ်သာကောက်ခံခဲ့သည်။ ၁၉၇၃ နှင့် ၁၉၈၃ ခုနှစ်များတွင် ဖြစ်သည်။ ၂၀၁၁ ခုနှစ်အထိ တံခါးပိတ်ဝါဒဖြင့် စစ်တပ်အုပ် ချုပ်မှုအောက်ရောက်ခဲ့သည့် နိုင်ငံ တစ်ခုတွင် မှန်ကန်သောလူဦးရေ စာရင်းကောက်ယူရရှိရန်လည်း မလွယ်ကူခဲ့ပါ။

ခိုင်လုံသောအကြောင်းများကရှိနေပါသည်။ ဖိနှိပ်မှုအောက်တွင် အစိုးရ၏ညံ့ဖျင်းမှုများ ကြောင့် လူပေါင်းသန်းနှင့်ချီ၍ မြန်မာနိုင်ငံ မှ ထွက်ပြေးနေခဲ့ပြီး လူဦးရေဖွံ့ဖြိုးမှုနှေးကွေးစေခဲ့သည်။ ယင်းအချက်ကို အစိုးရက ထုတ်ဖော်ပြောဆိုရန် နှောင့်နှေးခဲ့သည်။ 

ယခုအခါ မြန်မာနိုင်ငံက ကမ္ဘာကို တဖြည်းဖြည်းလက် ကမ်းကြိုလာနေသဖြင့် နိုင်ငံ၏ လူဦးရေတိုးနှုန်းနှေးကွေးနေသည့် အဖြစ်က အများမြင်ကွင်းသို့ ရောက်လာတော့သည်။

ထပ်မံဖြည့်စွက်သည့် နောက်ဆုံးအချက်အလက်များ မပါရှိချိန်တွင် သန်း ၆၀ ဆိုသည့် အရေအတွက်ကို အများအားဖြင့် လက်ခံခဲ့ကြကြောင်း အေပီက ဆိုသည်။ ၁၉၇၃ နှင့် ၁၉၈၃ ခုနှစ် များအကြား တိုးတက်နေသော လူဦးရေကို အခြေပြုပြီး သန်း ၆၀ ဆိုသည့် အရေအတွက်ကို မြန်မာ အစိုးရက ခန့်မှန်းခဲ့ခြင်းဖြစ်သည်။

သို့သော် ယင်းခန့်မှန်းချက် မှားယွင်းနေသည်မှာ အသေအချာ ဖြစ်ကြောင်း ကုလသမဂ္ဂစာရင်း အင်းအရေအတွက်ဆိုင်ရာဌာနခွဲ ၏ ယခင်ဒါရိုက်တာနှင့် သန်းခေါင် စာရင်း၏ အပြည်ပြည်ဆိုင်ရာ နည်းပညာအကြံပေးဘုတ်အဖွဲ့ ပူးတွဲဥက္ကဋ္ဌဖြစ်သူ မစ္စတာပေါလ် ချောင်းက Foreign Policy အား ပြောဆိုသည်။

ပြီးခဲ့သည့်နှစ်ကတည်းကပင် နိုင်ငံတကာကျွမ်းကျင်သူအချို့က မစ္စတာချောင်းနှင့် သဘောထား တူညီခဲ့သည်ကို တွေ့ရသည်။ ကုလသမဂ္ဂမှ ဒေသအလိုက် မွေးသေနှုန်းလေ့လာသူ မစ္စတာ သောမတ်စပူရင်ဘက်က ယင်း အရေအတွက်ထက်များစွာလျှော့ ပေါ့ခန့်မှန်းသင့်ကြောင်း ပြောဆိုခဲ့ သည်။ အချက်အလက်များကို အကန့်အသတ်များနှင့်သာရရှိနေ သော်လည်း ယင်းအချက် များက လူအိုများဦးရေကို ဖော်ပြနေခဲ့ပြီး မွေးဖွားနှုန်းကျဆင်းခြင်းကို တရား ဝင်ထည့်သွင်းတွက်ချက်ခြင်းမရှိ ဟု ဆိုသည်။

သုတေသနပြုချက်များက လည်း အလုပ်သမားများစွာ မြန်မာ နိုင်ငံမှထွက်ခွာပြီး ထိုင်းနိုင်ငံသို့ သွားရောက်လုပ်ကိုင်နေကြ ကြောင်းနှင့် ၂၀၀၉ ခုနှစ်ကစပြီး ထိုင်းနိုင်ငံတွင် မှတ်ပုံတင်ထားသူ မြန်မာတစ်သန်းကျော်ရှိကြောင်း ပြဆိုခဲ့သည်။ မှတ်ပုံမတင် ထားသူ ရွှေ့ပြောင်းအလုပ်သမားများနှင့် ကမ္ဘာအနှံ့ ပျံ့နှံ့နေသည့် မြန်မာ ဒုက္ခသည် ၄၁၅,၀၀၀ (လေးသိန်း ကျော်)ကို ထည့်တွက်မည်ဆိုလျှင် မြန်မာနိုင်ငံပြင်ပတွင် နေထိုင်နေ ကြသူ မြန်မာများသုံးသန်းခန့်ရှိနေ သည်ဟု မစ္စတာစပူရင်ဘက်က တွက်ပြခဲ့သည်။ မြန်မာအစိုးရခန့် မှန်းထားသော ပြည်တွင်းနေ သန်း ၆၀ လူထုတွင် ယင်းသို့ပြည်ပထွက် ခွာသူများကို ထည့်တွက်ခဲ့ခြင်းမရှိ ပါ။

‘‘တကယ်မေးရမယ့် မေးခွန်း က ဘာကြောင့် မြန်မာအစိုးရက လူဦးရေသန်း ၆၀ ဆိုတာကို တစိုက်မတ်မတ်ပြောနေခဲ့ရသလဲ ဆိုတာပါပဲ’’ဟု မစ္စတာချောင်းက ပြောဆိုသည်။

‘‘၁၉၉၀ အစောပိုင်းနှစ်တွေ က လူဦးရေနဲ့ပတ်သက်ပြီးချထား တဲ့မူတစ်ခုရှိခဲ့တယ်။ ဒါက မူ အသစ်ချမှတ်တဲ့အချိန်မတိုင်မီ အထိပါ။ မြန်မာက သားသမီးဦး ရေတိုးမြှင့်ဖို့ဆိုတဲ့ မူရှိခဲ့ပါတယ်။ အဲဒီတုန်းက မြန်မာကလူဦးရေ နည်းနေတယ်လို့ ယူဆထားတယ်။ တိုင်းပြည်ရဲ့ကြွယ်ဝတဲ့ သယံဇာ တတွေကို ပြည့်ပြည့်ဝဝအသုံးချ နိုင်ဖို့အတွက် လူဦးရေတိုးဖို့လို တယ်လို့ လက်ခံထားခဲ့တယ်။ အခုလို(လူဦးရေအရေအတွက်နဲ့ ပတ်သက်ပြီး) တင်းခံနေတာက အဲဒီတုန်းကအကြောင်းတွေကို အခြေခံနေခဲ့တာပါ’’ဟု မစ္စတာ စပူရင်ဘက်က ဆိုသည်။

မြန်မာနိုင်ငံတွင် သယံဇာတ ပေါကြွယ်ဝလှသော်လည်း လူထု ၏ ဆင်းရဲမွဲတေမှုဆက်လက်ဖြစ် ပေါ်နေမှုအပေါ် သုံးသပ်သူ များက စစ်အုပ်ချုပ်မှု၏ ရိုက်ခတ်မှုများ အဖြစ် အမြဲလိုဝေဖန်ပြောဆိုခဲ့သည်။ အစိုးရက လူဦးရေအရေ အတွက်ကိုချဲ့ကားလိုသည့် အချက်နောက်ကွယ်တွင် ပို၍ကျယ်ပြန့်သော နိုင်ငံရေး အကြောင်းခံများ ရှိနိုင်သည်။

‘‘ဗိုလ်ချုပ်နေဝင်းအာဏာ သိမ်းခဲ့တဲ့ ၁၉၆၂ ခုနှစ်ကစပြီး မြန်မာလူထုတွေမှာ ပြည်တွင်းစစ် ကထွက်ပြေးရတာနဲ့။ ငတ်မွတ် ခေါင်းပါးမှုတွေ၊ ဆင်းရဲမွဲတေမှု တွေ၊ အလုပ်လက်မဲ့ပြဿနာတွေ နဲ့ နိုင်ငံရေးဖိနှိပ်မှုတွေကြောင့် နိုင်ငံကနေထွက်ခွာလာခဲ့ကြတာ တွေရှိတယ်။ ၁၉၈၈ ခုနှစ် သွေး ထွက်သံယိုဖြစ်ခဲ့တဲ့ လူထုအုံကြွမှု နဲ့ ၂၀၀၇ အကြမ်းမဖက်လူထုဆန္ဒ ပြုမှုတွေ နောက်ပိုင်းမှာ လည်း လူ တွေထောင်ပေါင်းများစွာတိုင်း ပြည်ကို စွန့်ခွာသွားခဲ့တယ်’’ဟု စပူရင်ဘက်က ရေးသားခဲ့သည်။

၂၀၀၈ ခုနှစ် ဆိုင်ကလုံး နာဂစ်၏ ရိုက်ခတ်မှုကလည်း အထီးကျန်အစိုးရ၏ နိုင်ငံတကာ အကူအညီကို ငြင်းပယ်မှုကြောင့် များစွာဆိုးရွားခဲ့ရပြန်သည်။ နာဂစ် မုန်တိုင်းကြောင့် လူပေါင်းတစ် သိန်းလေးသောင်းကျော် သေဆုံးခဲ့ ရပြီး ယင်းအကျိုး ဆက်ကြောင့် လူပေါင်းသိန်းချီ၍ မြန်မာနိုင်ငံကို စွန့်ခွာသွားခဲ့ပုံရသည်။

ယခုအခါ ခန့်မှန်းထားသည် ထက် များစွာနည်းပါးသော လူဦး ရေကို အခြေပြုလာသည့်ကိစ္စရပ် များကို မြန်မာက ရင်ဆိုင်ရတော့ မည်ဖြစ်သည်။ ယင်းတို့ထဲတွင် ပို၍နည်းပါးသောစားသုံးသူ၊ ပို၍ နည်းပါးသော အလုပ်သမားအင် အားတို့ပါဝင်ပြီး ၎င်းတို့က နိုင်ငံ တကာရင်းနှီးမြှုပ်နှံမှုအပေါ် ရိုက် ခတ်မှုရှိလာနိုင်သည်။ ဒီမိုကရေစီ ကျသော ပြုပြင်ပြောင်းလဲမှုများကို စတင်လက်ခံလိုက် ချိန် လွန်ခဲ့ သည့် သုံးနှစ်ကစပြီး နိုင်ငံတကာ ရင်းနှီးမြှုပ်နှံမှုများကို ဆွဲဆောင် နိုင်ရန် မြန်မာက ကြိုးစားနေခဲ့ရသည်။

တိုင်းရင်းသားလူမျိုးများနှင့် ဖြစ်ပေါ်နေဆဲ၊ ဆိုးရွားနေဆဲတိုက် ပွဲများကလည်း တိုင်းပြည်၏ သန်း ခေါင်စာရင်းကောက်ယူမှုကို နှေး ကွေးစေခဲ့သည်။ ရခိုင်ပြည်နယ် တွင် ဘင်္ဂါလီများကို တိုင်းရင်းသား စာရင်းတွင် ထည့်သွင်းကောက်ခံ မည်ကိုစိုးရိမ်ပြီး ရခိုင်ပြည်နယ်၌ ဆန္ဒပြမှုများရှိခဲ့သည်။ နောက်ဆုံး တွင် အစိုးရကရိုဟင်ဂျာဟူ၍ ၎င်း တို့၏ လူမျိုးကိုဖော်ပြခြင်းပိတ်ပင် ထားလိုက်သည်။ တစ်ချိန်တည်း မှာပင် ကချင်လွတ်မြောက်ရေး တပ်မတော်နှင့် မြန်မာအစိုးရတပ်များအကြား စစ်ပွဲများ ဆက်လက် ဖြစ်ပွားနေဆဲ ကချင်ပြည်နယ်တွင် သန်းခေါင်စာရင်းကောက်ယူမှု များပြုလုပ်ရန် အတားအဆီးများ ဖြစ်ခဲ့သည်။ စာရင်းကောက်ယူသူ များက ကေအိုင်အိုကချင်တပ်များ ထိန်းချုပ်ရာနယ်မြေသို့ သွား ရောက်ရန် အဆင်မပြေခဲ့။

မြန်မာ့သန်းခေါင်စာရင်း ကောက်ယူမှုဆိုင်ရာနည်းပညာ အကြံပေးသူနောက်တစ်ဦးဖြစ် သည့် မစ္စတာဒန်ကင်ရောင်းက ကောက်ယူရရှိသည့်စာရင်းတွင် မရရှိသည့်ဒေသမှ လူဦးရေကို ထည့်သွင်းပါက လူဦးရေ ၁ ဒသမ ၂ သန်းထပ်တိုးလာမည်ဟု ဆို သည်။ သို့ရာတွင် လူမျိုးသတ်မှတ် မှုကို ယခုလိုသာ ပြဋ္ဌာန်းမည်ဆို လျှင် သန်းခေါင်စာရင်းက လူမျိုး ရေးတင်းမာမှုများကို ပိုဆိုးစေမည် ဖြစ်ပြီး အုပ်စုများအကြား ပို၍နက် ရှိုင်းစွာသွေးကွဲစေမည်ဖြစ်ကြောင်းနိုင်ငံတကာပဋိပက္ခများဆိုင်ရာ အဖွဲ့က သတိပေးလိုက်သည်။

ဤသန်းခေါင်စာရင်းသည် မြန်မာနိုင်ငံ၏ လက်ရှိသမိုင်းကို များစွာထင်ဟပ်နေပေသည်။ သန်းခေါင်စာရင်းအသစ်သည် ပွင့် လင်းမြင်သာမှုတိုးမြင့်လာရေးကို ခြေတစ်လှမ်းတက်လှမ်းနေချိန်မှာ ပင် စစ်အာဏာရှင်အစိုးရက ကာလရှည်ကြာဖိနှိပ်ထားခဲ့ပြီး နိုင်ငံတွင် အမြစ်တွယ်နေသည့် တင်းမာမှုများကို လူမြင်ကွင်းထုတ် ပြရသည့် စိန်ခေါ်မှုကိုလည်း လက် ခံယူနေရတော့သည်။

7Day News Journal