ဝမ်ပေါင်ကုမ္ပဏီ မြန်မာနိုင်ငံမှ ထွက်ခွာသွားရန် တရုတ်သံရုံးရှေ့တွင် ဆန္ဒပြတောင်းဆိုနေစဉ် (ဓာတ်ပုံ−နစ်ကီ)
လက်ပံတောင်းတောင်တွင် ကြေးနီစီမံကိန်းကို ကန့်ကွက်သော ဒေသခံများနှင့် ရဲတပ်ဖွဲ့ဝင်များကြား ပဋိပက္ခများ ဖြစ်ပွားပြီး ဒေသခံတစ်ဦးသေဆုံးခဲ့ခြင်းကြောင့် လက်ပံတောင်းတောင်အရေး လှုပ်ရှားသူများကရန်ကုန်မြို့ တရုတ်သံရုံးရှေ့သို့ သွားရောက်၍ တရုတ်လူမျိုးများ အသုံးပြုလေ့ရှိသော ရွှေစက္ကူ၊ ငွေစက္ကူများအား မီးရှို့ဆန္ဒပြခဲ့ပြီး ၀မ်ပေါင်ကုမ္ပဏီ မြန်မာနိုင်ငံမှ ထွက်ခွာသွားရန် တောင်းဆိုဆန္ဒပြခဲ့ကြသည်။
ဒီဇင်ဘာ ၂၃ ရက် ညနေ ၅ နာရီခွဲတွင် လက်ပံတောင်း တောင်အရေး လှုပ်ရှားသူများ သည် တရုတ်သံရုံးရှေ့သို့ လာ ရောက်၍ ‘‘လက်ပံတောင်းတောင် ဒေသခံပြည်သူများအပေါ် အ ကြမ်းဖက်အင်အားသုံး သတ်ဖြတ် နေသော အာဏာရှင်စစ်အစိုးရ နှင့် ပေါင်းပြီး ကုပ်သွေးစုပ် အ မြတ်ထုတ်နေသော တရုတ်စီးပွား ရေးလုပ်ငန်းရှင်များအား ရှုတ်ချသည်’’စာတန်းပါ ဆိုင်းဘုတ်ကို ကိုင်ဆောင်ပြီး ၀မ်ပေါင်ကုမ္ပဏီ ကို မြန်မာနိုင်ငံမှ ထွက်ခွာသွား ရန် အော်ဟစ်ဆန္ဒ ပြခဲ့ခြင်း ဖြစ်သည်။‘‘လက်ပံတောင်းတောင် စီမံ ကိန်းလုပ်လို့ လက်ပံတောင်းမှာရှိ တဲ့ ဒေသခံတွေ သေကျေနေရ တာပါ။ ဒါကြောင့် စီမံကိန်းလုပ် တဲ့ တရုတ်လူမျိုးတွေ မြန်မာပြည် ကနေ ထွက်သွားအောင် ဆန္ဒပြ တောင်းဆိုတာပါ’’ဟု ကိုဗထူးက ပြောသည်။
ရွှေ စက္ကူ၊ ငွေစက္ကူများကို မီးရှို့ဆန္ဒ ပြခဲ့သော ကိုဗထူးသည် လက်ပံ တောင်းတောင်တွင် လုပ်ကိုင်နေသော တရုတ်လူမျိုးများနှင့် အကြမ်းဖက်အင်အားသုံး ဖြေရှင်းခဲ့ သော ရဲတပ်ဖွဲ့ကိုလည်း ကန့်ကွက်ကြောင်း ပြောဆို ဆန္ဒ ပြခဲ့ခြင်း ဖြစ်သည်။
ကိုဗထူးနှင့် အတူပါလာ သော ယခင်က လက်ပံတောင်း တောင် အရေးနှင့်ပတ်သက်၍ တရုတ်အလံကို မီးရှို့ဆန္ဒပြသူ ကို တင်ထွဋ်ပိုင်တို့သည် ငါးမိနစ်ခန့် ဆန္ဒပြပြီးနောက် ချက်ချင်း ထွက် ပြေးသွားခဲ့သည်။
တရုတ်သံရုံးရှေ့တွင် ဆန္ဒ ပြမှုပြုလုပ်မည်ဖြစ်သောကြောင့် ရဲတပ်ဖွဲ့က အင်အားတစ်ရာခန့်သံရုံးရှေ့တွင် လုံခြုံရေးတာဝန်ယူဆောင်ရွက်ထားသည်ကို တွေ့ရသည်။
‘‘ဆန္ဒပြတာ ခွင့်ပြုမိန့်လည်း မတင်ဘူးဆိုတော့ စီတန်းပုဒ်မနဲ့ အရေးယူသွားမှာပါ’’ ဟု အနောက်ပိုင်း ခရိုင်ရဲတပ်ဖွဲ့ ဒုရဲမှူး ကြီးဝင်းကြည်က ပြောသည်။
7Day Daily
No comments:
Post a Comment