Wednesday, April 01, 2015

ထိုင်းမင်းသမီး သီရိဒုံ အသက် ၆၀ပြည့်မွေးနေ့တွင် ထောင်သား ၃၈၀၀၀ ခန့်ကို လွတ်ငြိမ်းချမ်းသာခွင့်ပေး


ထိုင်းမင်းသမီး မဟာချက်ကရီသီရိဒုံ၏ ဧပြီ ၂ရက်နေ့တွင် ကျရောက်သည့် အသက် ၆၀ပြည့် မွေးနေ့အခါ သမယတွင် အကျဉ်းသား ၃၈၀၀၀ ခန့်ကို လွတ်ငြိမ်းချမ်းသာခွင့်ပေးမည်ဖြစ်ပြီး အကျဉ်းသား ၁၄၀၀၀၀ ကို လည်း အပြစ်ဒဏ် လျှော့ပေးမည်ဖြစ်သည်။
တော်ဝင်အမိန့်ပြန်တမ်းကို မတ် ၃၀ရက်က ထုတ်ခဲ့ခြင်းဖြစ်ရာ ယင်းအမိန့်အရ အကျဉ်းသားများကို လွှတ်ပေးခြင်းနှင့် ပြစ်ဒဏ်လျှော့ပေးခြင်းတို့ကိုလုပ်ဆောင် မည်ဖြစ်သည်။

ယင်းအမိန့်အရ ပြစ်ဒဏ်လျှော့ချခံရသူများတွင်၂၀၀၁ခုနှစ်အတွင်းက ပြည်နယ် အုပ်ချုပ်ရေးမှူးကို သတ် မှုဖြင့် ထောင်ကျနေသည့် ယခင်စစ်တပ်အရာရှိ တစ်ဦးလည်း ပြစ်ဒဏ်လျှော့ပေါ့ခံရမည်ဖြစ်ကြောင်း ပြန် လည်ပြုပြင်ရေးဌာန အကြီးအကဲ ဝိတာရာက သတင်းစာရှင်းလင်းပွဲတွင်ပြောခဲ့သည်။

ပြန်လည်လွှတ်ပေးမည့်သူများမှာ ထောင်ဒဏ်တစ်နှစ်သာ ကျန်ရှိသူများ ၊ နှစ်နှစ်အောက်ကျန်ရှိပြီး ထောင် တွင်းကောင်းမွန်စွာနေထိုင်သူ အသက် ၇၀ကျော်သူများနှင့် သုံးနှစ်ထောင်ဒဏ်ကျန်ရှိသေးသည့် အသက် ၆၀ အထက်သူများကို ပြန်လည်လွှတ်ပေးမည်ဖြစ်ကြောင်း ဝိတာရာက ပြောသည်။

ပြင်းပြင်းထန်ထန်နာမကျန်းဖြစ်သူများနှင့် ပထမဆုံးအကြိမ် ထောင်ကျသည့် အသက် ၂၀အောက် အကျဉ်း သူများတွင် အပြစ်ဒဏ်တစ်ဝက်ကျခံပြီးသူများကိုလည်း ပြန်လည်လွှတ်ပေးမည်ဖြစ်ကြောင်းသိရသည်။

Ref: asiaone
Mizzima - News in Burmese

No comments:

Post a Comment

My Blog List