Wednesday, April 01, 2015

သမ္မတအိမ်တော် သတင်းယူခွင့် သတင်းထောက် ၄၅ ဦးကို ခွင့်ပြု


နိုင်ငံတော်သမ္မတအိမ်တော်မှာ မနက်ဖြန် ဧပြီလ ၁ ရက်နေ့ကစပြီး ပြည် တွင်း၊ ပြည်ပ သတင်းထောက် ၄၅ ဦး သတင်းရယူခွင့်ရှိမှာဖြစ်ပါတယ်။ သမ္မတအိမ်တော်မှာ သတင်းယူဖို့အတွက် လျှောက်ထားသူ ၅၄ ဦးထဲ က ၄၅ ဦးကို စိစစ်ပြီး လက်ခံလိုက်တာဖြစ်တယ်လို့ နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေး က ပြောပါတယ်။
"သတင်းယူချင်တယ်ဆိုရင် ဘယ်သူ့ကိုမှ ကန့်သတ် ချက်မထားပါဘူး၊ စည်းမျဉ်းစည်းကမ်းချက်နဲ့ ညီတယ် ဆိုရင် ပေးလိုက်တယ်၊ အဲ့မှာစိတ်ဝင် စားတဲ့ မီဒီယာက ၅၄ ခုရှိတယ်၊ ပြည်တွင်းပြည်ပ ရုပ်သံရေဒီ ယိုပေါ့နော်၊ အဲ့ကနေပြီးတော့လျှောက်တယ်၊ ၉ ယောက် ၁ဝ ယောက်လောက်က အဲ့အချက်အလက်နဲ့ မပြည့်စုံလို့ ပြန်ပြီးတော့လျှောက်ထားရမယ်"

အဲဒီသတင်းထောက် ၄၅ ဦးဟာ သမ္မတအိမ်တော်မှာကျင်းပမယ့် အခမ်းအနားတွေမှာ တက်ရောက်သတင်း ယူရမှာဖြစ်တယ်လို့ သိရပါတယ်။

နိုင်ငံခြားသတင်းထောက် ၂၂ ဦး၊ ပြည်တွင်း သတင်းထောက် ၂၇ ဦး၊ Sky Net နဲ့ MRTV က သတင်းထောက် ၅ ဦး စုစုပေါင်း ၅၄ ဦးက လျှောက်ထား ခဲ့တာဖြစ်ပါတယ်။

RFA Burmese

No comments:

Post a Comment

My Blog List