တိုင်းပြည်ကို မည်သည့်အဖွဲ့အစည်း တစ်ခုတည်းက အုပ်ချုပ်၍ မရကြောင်း ပြည်သူလူထု၏ ထောက်ခံ မှု ၊ ပြည်သူလူထု၏ ယုံကြည်မှု ရှိမှ သာလျှင် မှန်မှန်ကန်ကန် အုပ်ချုပ်၍ရကြောင်း ဒေါ်အောင်ဆန်းစုကြည်က RFA သတင်းဌာနနှင့် အပတ်စဉ်တွေ့ဆုံခန်းတွင် ပြောဆိုလိုက်သည်။
ထို့အတူ တိုင်းပြည်အုပ်ချုပ်ရန် ပထမအရေးကြီးဆုံး သည် ပြည်သူ လူထုနှင့် ဖြောင့်ဖြောင့်မတ်မတ် ဆက် ဆံရန်လိုအပ်သည်။ သို့မှသာ ပြည်သူ ၏ ထောက်ခံမှုနှင့် ယုံကြည်မှုကို ရရှိမည်ဖြစ်သည်။ ပြည်သူလူထု ၏ ထောက်ခံမှုနှင့် ယုံကြည်မှုမရရှိပါက မည်သည့်အစိုးရမျှ ထိထိရောက်ရောက် လုပ်ဆောင်နိုင်မည် မဟုတ်ဟု ဒေါ်အောင်ဆန်းစုကြည် က ဆက်လက်ပြောဆိုခဲ့သည်။
လာမည့်ရွေးကောက်ပွဲတွင် ဥရောပသမဂ္ဂ (EU) နှင့် အမေရိကန် သမ္မတဟောင်း ဂျင်မီကာတာ၏ ကာတာ ရန်ပုံငွေ လေ့လာရေးအဖွဲ့တို့အား လာရောက် လေ့လာခွင့်ပြုထားပြီး လွတ်လပ်မျှတသည့် ရွေးကောက်ပွဲ တစ်ခု ဖြစ်ရမည်ဟု အစိုးရခေါင်းဆောင်များက ပြောဆိုထားမှုနှင့် ပတ်သက်၍ ဒေါ်အောင်ဆန်းစုကြည်က “လွတ်လပ် မျှတတယ်ဆိုတာကို ဘယ်လို အဓိပ္ပာယ်ဖော်လဲတော့ မသိပါဘူး။ တကယ်ပဲ မျှတရမယ် ဆို ရင်တော့ ဖွဲ့စည်းပုံ အခြေခံဥပဒေကို ပြင် ရပါလိမ့်မယ်” ဟု ပြောဆို ခဲ့သည်။
ဇော်မင်းထွန်း
The Ladies News Journal
No comments:
Post a Comment