Thursday, April 02, 2015

တရားမဝင်မြန်မာလုပ်သားများ၏ ပန်းရောင်ကတ်များ သက်တမ်းတိုးရန် စင်တာဖွင့်လှစ်


ယာယီနေထိုင်ခွင့်သက် တမ်းကုန်ဆုံးသွားသည့် တရားမဝင်မြန်မာလုပ်သားခြောက်သိန်း ကျော်ကိုင်ဆောင် ထားသော ပန်း ရောင်ကတ်များထပ်မံ သက်တမ်းတိုးရန် ထိုင်းအစိုးရက ဧပြီ ၁ ရက်တွင် One Stop Service စင်တာများ ဖွင့်လှစ်ပေးခဲ့ကြောင်း သတင်းရရှိသည်။
ထိုင်းရောက် တရားမဝင် မြန်မာလုပ်သားများ ယာယီနေ ထိုင်ခွင့်ရရှိရန် ၂၀၁၄ ဇွန်လ ၃၀ ရက်က စတင်ပြု လုပ်ခဲ့သော ခြောက်လသက်တမ်းရှိ ပန်းရောင် ကတ်များသည် ၂၀၁၅ မတ်လ ၃၁ ရက်တွင် သက်တမ်းကုန် ဆုံးခဲ့သည်။

ခြောက်လကြာ သက်တမ်းအတွင်း ပန်းရောင်ကတ်ကိုင် ဆောင်သူများအား မြန်မာအစိုးရက ယာယီနိုင်ငံ ကူးလက်မှတ်ပြု လုပ်ပေးရန် ပြောဆိုထားသော်လည်း အဆင်သင့်မဖြစ်သေး သောကြောင့် ထိုင်းအစိုးရက ပန်း ရောင်ကတ် ထပ်မံ၍ သက်တမ်း တိုးပေးရခြင်းဖြစ်သည်။

သက်တမ်းတိုးသော ပန်း ရောင်ကတ်သည် ၂၀၁၅ ဧပြီ ၁ ရက်မှ ၂၀၁၆ မတ်လ ၃၁ ရက်အထိ  တစ်နှစ်တိ တိ အကျုံးဝင်မည်ဖြစ်သည်။

သက်တမ်းတိုးပေးမည့် ကာလကို ဧပြီ ၁ ရက်မှ ဇွန်လ ၂၉ ရက်အထိ သတ်မှတ်ထားပြီး ထိုရက်အတွင်း သက်တမ်းမတိုးပါက ဖမ်းဆီးခံရမည်ဟု ထိုင်းအစိုးရက ပြောထားသည်။

မှတ်ပုံတင်ကြေး၊ ဆေးစစ်ခ၊ ကျန်းမာရေးစောင့်ရှောက်ခများ အပါအဝင် တစ်ဦးလျှင် ထိုင်း ဘတ်ငွေ ၃,၁၆၀ ကုန်ကျမည်ဖြစ်ပြီး (၁၅)နှစ်အောက် ကလေးငယ် တစ်ဦးလျှင် ၁,၁၂၀ ဘတ် ကုန်ကျမည်ဖြစ်သည်။ ပန်းရောင်ကတ်များကို မြန်မာလုပ်သား ၆၄၅,၅၆၇ ဦး  ကိုင်ဆောင်ထား ကြောင်း ထိုင်းနိုင်ငံဆိုင်ရာ မြန်မာ သံရုံးမှ အလုပ်သမားရေးရာ သံအရာရှိ ဦးသိန်းနိုင်က ပြော သည်။

‘‘သက်တမ်းတိုးတဲ့စင်တာ တွေ ဒီနေ့ပဲဖွင့်ပေးလိုက်ပါတယ်။ မနေ့က သက်တမ်းကုန်ဆုံးသွား တာပေါ့။ အစက ယာယီနိုင်ငံကူး လက်မှတ်လို့ခေါ်တဲ့ အစိမ်းရောင် စာအုပ်တွေလုပ်ပေးမယ်လို့ ထင် နေတာ။ မလုပ်ပေးသေးလို့ ပန်း ရောင်ကတ်တွေပဲ သက်တမ်းတိုး ပေးလိုက်တာ။ မြန်မာလုပ်သား တွေ အတွက် ပိုက်ဆံပိုကုန်တာ ပေါ့’’ဟု ထိုင်းနိုင်ငံရောက် မြန်မာ နိုင်ငံသားများ အဖွဲ့ (MAT)မှ ကိုစောမောင်က ပြော သည်။

ထိုင်းနိုင်ငံတွင် တရားမဝင် နေထိုင်ပြီး ပန်းရောင်ကတ်ပြုလုပ် ထားခြင်း မရှိသေးသော မြန်မာ လုပ်သားတစ် သန်းကျော်ရှိ ကြောင်း ထိုင်းနိုင်ငံရောက်မြန်မာလုပ်သားများအား ကူညီစောင့် ရှောက်ပေးနေသည့် အလုပ် သမားအဖွဲ့အစည်းများက ခန့် မှန်းသည်။

7Day News Journal

No comments:

Post a Comment

My Blog List