ဟွာရှိန်အထည်ချုပ် ငွေကျပ် သိန်းပေါင်းတစ်ထောင်ကျော်အား ခိုးယူခဲ့သည့် တရာခံ ၄ ဦး ဖမ်းဆီးရမိ

သာယာဝတီမြို့ "ဟွာရှိန်"အထည်ချုပ်စက်ရုံမှ အလုပ်သမားတစ်ဦးချင်းစီ၏ လစာငွေကျပ်( ၁၂၉၅၉၆ဝ၅ဝိ)အား ခိုးယူခဲ့သည့် တရာခံ ၄ ဦးကို ယနေ့ မတ်လ ၅ရက်နေ့က ဖမ်းဆီးရမိခဲ့ကြောင်း သာယာဝတီမြို့မ ရဲစခန်းမှ သိရသည်။

'''ဖမ်းမိတာ ဟုတ်ပါတယ်။တရားခံ (၄)ဦး လောလောဆယ် ဖမ်းမိထားပါတယ်။အခု သူတို့ကို စစ်ဆေးနေပါတယ်။ (ပ)၈/၂၀၂၀ ၊ ရာဇသတ်ကြီး ပုဒ်မ ၄၅၇ နဲ့ လက်ရှိ အမှုဖွင့်ထားပါတယ်''ဟု သာယာဝတီ မြို့မရဲစခန်း ဒုရဲအုပ် စောမင်းသူ မှ iSee Media သို့ပြောကြားသည် ။

ဖြစ်စဉ်နှင့်မှာ ဟွာရှိန်းအထည်ချုပ်စက်ရုံ၊ငွေစာရင်းကိုင် ဒေါ်နီချူးမိန်သည် အလုပ်သမားတစ်ဦးချင်းစီ၏ လစာငွေများအား စာအိတ်(၁) အိတ်ချင်းစီထည့်၍ စာအိတ်များအား ဌာနစိတ်လိုက်တစ်ထုတ်စီခွဲ၍ ရုံးခန်းအတွင်း ပထမဗီဒိုတွင် (၁၅)ထုတ်၊ ဒုတိယဗီဒိုတွင် (၁၈)ထုတ်ထည့်ထားခဲ့ပြီး ဇန်နဝါရီ ၁ရက်၊နံနက် ၈ နာရီအချိန်တွင် ရုံးခန်းသို့ရောက်ရှိစဉ် ရုံးခန်းတံခါးပွင့် နေသဖြင့် အတွင်းသို့ဝင်ကြည့်ရာ ငွေများထည့်ထားသည့် ပထမဗီဒိုမှာပွင့်နေကိုတွေ့ရှိခဲ့ကြောင်း သိရသည်။

ယင်းဖြစ်စဉ်အား အထွေထွေမန်နေဂျာထံပြောဆိုခဲ့ပြီး ငွေထုတ်များအား စစ်ဆေး ကြည့်ရာငွေစုစုပေါင်း (၁၂၉၅၉၆ဝ၅ဝိ/)(တစ်ထောင့်နှစ်ရာကိုးဆယ့်ကိုးသိန်း ကိုးသောင်းခြောက်ထောင် ငါးဆယ်ကျပ်) ပျောက်ဆုံးနေသည်ကို တွေ့ရှိရသောကြောင့် ငွေထည့်အိတ်များကို ခိုးယူသွားသူအား စုံစမ်းဖော်ထုတ်အရေးယူပေးပါရန် ဒေါ်နီချူးမိန်မှ တိုင်တန်းသဖြင့် သာယာဝတီမြို့မရဲစခန်း (ပ)၈/ ၂ဝ၂ဝ၊ ရာဇသတ်ကြီးပုဒ်မ ၄၅၇ ဖြင့် အမှုဖွင့်ထားရှိခဲ့သည်။

၎င်းဖြစ်စဉ်အပေါ် ရဲတပ်ဖွဲ့ကစုံစမ်းဖော်ထုတ်ခဲ့ရာ စက်ရုံ၌ အလုပ်ဆင်းလျှက်ရှိသည့် မသင်္ကာသူ သန့်ဇင် (ခ)ငယ်ကြီးအား စစ်မေးရာ ပြီးခဲ့သည့် ၂၀၁၉ခုနှစ် ဒီဇင်ဘာ ၃၁ရက် ညပိုင်းက စက်ရုံဒုတိယထပ်ရှိ လစာငွေထားသည့် အခန်းမှ အသင့်ထုတ်ထားသည့် ငွေ(၁၂၉၅၉၆ဝ၅ဝိ/)ကျပ်အား မိုးသူ(ခ)ထွန်းလင်းသူ (၂ဝ)နှစ်၊ ချမ်းသာကုန်းကျေးရွာ၊ သက်ဦးနိုင် (၂၇)နှစ် သဲဖြူကျေးရွာ၊ ဖြိုးလေး (၁၈)နှစ် သဲဖြူးကျေးရွာနေသူတို့နှင့်အတူ ခိုးယူခဲ့ကြောင်း စစ်ဆေး ပေါ်ပေါက်ခဲ့ကြောင်း သိရသည်။

ထို့နောက် သန့်ဇင်(ခ)ငယ်ကြီး၏နေအိမ်အား ရဲတပ်ဖွဲ့မှဝင်ရောက်ရှာဖွေရာ ပျောက်ဆုံးငွေထဲမှ ငွေကျပ် ( ၁၈ဝ၉၁၁၅ဝိ/-)အား ပီနံအိပ်အပြာဖြင့်ထည့်လျှက် ငွေများအား အထုပ်မပျက် ပြန်လည်တွေ့ရှိသိမ်းဆည်းရမိခဲ့သည်။

ထို့အတူ သက်ဦးနိုင် နှင့် ဖြိုးလေး တို့နေအိမ်များသို့ သက်သေများနှင့်အတူ ဝင်ရောက်ရှာဖွေခဲ့ရာ ဖြိုးလေး ၏ နေအိမ်မှ ငွေသား(၄၂၆၃ဝဝိ/-) ကျပ်နှင့် လက်ကိုင်ဖုန်းတစ်လုံးအား လည်းကောင်း၊ သက်ဦးနိုင် နေအိမ်သို့ ဝင်ရောက်ရှာဖွေရာ စုစုပေါင်းငွေစက္ကူရောရာ (၂ဝ၄)သိန်း၊ ရွှေထည်မျိုးစုံ (၁၃)မျိုး၊ ၁၅ ပဲရည်၊ အလေးချိန်(၄)ကျပ်သားခန့် တန်ဖိုးငွေ သိန်း(၄ဝ)ကျပ်တို့အား လည်ကောင်း၊ မိုးသူ၏ နေအိမ်သို့ဝင်ရောက်ရှာဖွေရာ လက်ကိုင်ဖုန်းတစ်လုံး၊ Honda NCX 110 နီ/နက်ရောင် ဆိုင်ကယ်(၁)စီးနှင့် နေအိမ်လှေကားခြေရင်းတွင်မြှုပ်နှံထားသော အဖြူရောင်ဆာလာ အိတ်အတွင်း၌ စုစုပေါင်းငွေစက္ကူရောရာ (၁၈ဝ၅၈ဝဝဝိ/-)ကျပ်တို့အားလည်ကောင်း ရှာဖွေ တွေ့ရှိသိမ်း ဆည်းရမိခဲ့ပြီး အဆိုပါ တရားခံများအား ဥပဒေနှင့်အညီ တရားစွဲတင်နိုင်ရေး စီစဉ်ဆောင်ရွက်လျက်ရှိ ကြောင်း သိရသည်။

အဆိုပါဖြစ်စဉ်နှင့် ပတ်သတ်ပြီး.ဒါ်နီချူးမိန်မှ တိုင်တန်းသဖြင့် သာယာဝတီမြို့မရဲစခန်း (ပ)၈/ ၂ဝ၂ဝ၊ ရာဇသတ်ကြီးပုဒ်မ ၄၅၇ ဖြင့် အမှုဖွင့်ထားသည်။

အဖြူရောင်