မြောက်ဒဂုံမြို့နယ်ရှိ CB ဘဏ်အတွင်း ဓားပြတိုက်သူတွေ ထောင်ခဲ့သည့် မိုင်းတွေကို ဖယ်ရှားပြီး ဖြစ်တယ်လို့ အခင်းဖြစ်ပွားခဲ့တဲ့နေရာအနီးမှာ လုံခြုံရေးတာဝန်ယူနေတဲ့ ရဲအရာရှိတစ်ဦးက ပြောပါတယ်။
ရန်ကုန်တိုင်းဒေသကြီး၊ မြောက်ဒဂုံမြို့နယ်၊ ၃၅ ရပ်ကွက်၊ ပင်လုံလမ်းပေါ်မှာ ရှိတဲ့ CB ဘဏ်ကို ဖေဖော်ဝါရီ ၇ ရက် နံနက် ၉ နာရီကျော်လောက်က အမျိုးသား နှစ်ဦး ဝင်ရောက်လာပြီး ဘဏ်ဝန်ထမ်းများ ကို သေနတ်နဲ့ချိန်းခြောက်ကာ ငွေတွေကို ယူဆောင်ထွက်ပြေးသွားခဲ့တယ်လို့ ကနဦး စုံစမ်းသိရှိရပါတယ်။
ဓားပြဝင်တိုက်သူ နှစ်ဦးဟာ ဘဏ်အတွင်းမှာ မိုင်းနှစ်လုံးကို ထောင်သွားခဲ့ပြီး ဘဏ်ဘေးရှိ အဏ္ဏဝါလမ်းအတိုင်း ပရိုဘောက်အဖြူရောင်ယာဉ်နဲ့ ထွက်ပြေးသွားတယ်လို့ မျက်မြင်တွေ့ရှိသူတွေကပြောပါတယ်။
အခင်းဖြစ်နေရာကို လတ်တလော သက်ဆိုင်ရာ ရဲတပ်ဖွဲ့မှ ရောက်ရှိနေပြီး လုံခြုံရေးဆီးတားကာ စစ်ဆေးမှုတွေ ပြုလုပ်နေပါတယ်။
သတင်း-ဝေယံထက်ဝင်း၊ သူရမင်းစောဦး
No comments:
Post a Comment