ရန်ကုန်မိုးပျံအမြန်လမ်းစီမံကိန်းအပိုင်း(၁)စီမံကိန်းအဆိုပြုလွှာကို မတ်လ (၃၁) နောက်ဆုံးထားပြီး တင်ပြရမည်

ရန်ကုန်မိုးပျံအမြန်လမ်း Yangon Elevated Expressway စီမံကိန်းအဆိုပြုလွှာခေါ်ယူစာ Request For Proposal (RFP)ကို ၂၀၂၀ ခုနှစ်၊ မတ်လ (၃၁)ရက်နောက်ဆုံးထား၍ စီမံကိန်းအဆိုပြုလွှာကို တင်သွင်းရမည်ဖြစ်ကြောင်းဆောက်လုပ်ရေးဝန်ကြီးဌာန၏ထုတ်ပြန်ကြေညာချက်အရ သိရသည်။

ရန်ကုန်မိုးပျံအမြန်လမ်းစီမံကိန်းအပိုင်း(၁)၏စီမံကိန်းအဆိုပြုလွှာကို ၂၀၂၀ ခုနှစ်၊ ဇန်နဝါရီလ ၁၃ ရက်တွင်စတင်ထုတ်ပေးခဲ့ခြင်းဖြစ်သည်။

“ဧပြီပထမအပတ်မှာ ရတဲ့သူကိုကြေညာပေးသွားမယ်။ သင်္ကြန်မတိုင်ခင်ပေါ့။ ရွေးတာကခဏပဲ။ ရွေးပြီးတဲ့အခါကျတော့အတည်ပြုတဲ့ Process တွေလိုသေးတယ်။ ဇူလိုင်၊ သြဂုတ်လတော့ လုပ်ငန်းစမယ်။ ၃ နှစ်ခွဲလောက်တော့ မှန်းထားတယ်။ ခရေပင်လမ်းခွဲပါတော့ လမ်းကြောကနည်းနည်းရှည်တယ်။ ကုန်ကျမယ့်စရိတ်ကတော့ မပြောတတ်ဘူး။ သူတို့ကိုရင်းနှီးမြှုပ်နှံမှုပြိုင်ခိုင်းတာဆိုတော့ ကြည့်ရဦးမယ်”ဟု ဆောက်လုပ်ရေးဝန်ကြီးဌာန၊ ဒုတိယညွှန်ကြားရေးမှူးချုပ် ဦးကြည်ဇော်မြင့်က ပြောသည်။

နည်းပညာပိုင်းဆိုင်ရာအဆိုပြုတင်သွင်းလွှာများကိုကနဦးစစ်ဆေးမည်ဖြစ်ပြီး အောင်မြင်သူများကိုသာ ဘဏ္ဍာရေးဆိုင်ရာအဆိုပြုလွှာများဖွင့်ဖောက်စစ်ဆေးခြင်းအတွက်ဖိတ်ကြားသွားမည်ဖြစ်ကြောင်းသိရသည်။

အရှည် (၂၇.၅)ကီလိုမီတာခန့်ရှိသောရန်ကုန်မိုးပျံအမြန်လမ်းစီမံကိန်းအပိုင်း(၁)သည် အစိုးရ၏ ဦးစားပေးစီမံကိန်းတစ်ခုအဖြစ်ပါဝင်ပြီး စီမံကိန်း၏အဓိကရည်ရွယ်ချက်မှာ ရန်ကုန်မြို့၏ ယာဉ်ကြောပိတ်ဆို့မှုများကို လျော့ချနိုင်ရန်ဖြစ်ကြောင်း သိရသည်။

ယင်းစီမံကိန်းသည် (PPP)အစီအစဉ်ဖြင့် ဆောင်ရွက်သည့်လမ်းပန်းဆက်သွယ်ရေးဆိုင်ရာ ပထမဆုံးစီမံကိန်းဖြစ်ပြီးနိုင်ငံတကာမှရင်းနှီး မြုပ်နှံသူများအနေဖြင့်စံနမူနာစီမံကိန်းတစ်ခုအဖြစ် သတ်မှတ်စောင့်ကြည့်နိုင်မည်ဖြစ်ကာ ရန်ကုန်မိုးပျံအမြန်လမ်းစီမံကိန်းအပိုင်း(၂)အတွက် စိတ်ဝင်စားမှု အဆိုပြုလွှာ Request for Expression of Interest REOI ကို ၂၀၂၀ ခုနှစ်၊ နှစ်ကုန်ပိုင်းတွင်ခေါ်ယူနိုင်ရန် မျှော်မှန်းထားကြောင်း သိရသည်။

စုသက်နှင်း ( အကုန်သိ သတင်းဌာန )

<<< Unicode Version >>>

ရန်ကုန်မိုးပျံအမြန်လမ်းစီမံကိန်းအပိုင်း(၁)စီမံကိန်းအဆိုပြုလွှာကို မတ်လ (၃၁) နောက်ဆုံးထားပြီး တင်ပြရမည်

-------- စုသက်နှင်း ( အကုန်သိ သတင်းဌာန ) --------

ရန်ကုန်မိုးပျံအမြန်လမ်း Yangon Elevated Expressway စီမံကိန်းအဆိုပြုလွှာခေါ်ယူစာ Request For Proposal (RFP)ကို ၂၀၂၀ ခုနှစ်၊ မတ်လ (၃၁)ရက်နောက်ဆုံးထား၍ စီမံကိန်းအဆိုပြုလွှာကို တင်သွင်းရမည်ဖြစ်ကြောင်းဆောက်လုပ်ရေးဝန်ကြီးဌာန၏ထုတ်ပြန်ကြေညာချက်အရ သိရသည်။

ရန်ကုန်မိုးပျံအမြန်လမ်းစီမံကိန်းအပိုင်း(၁)၏စီမံကိန်းအဆိုပြုလွှာကို ၂၀၂၀ ခုနှစ်၊ ဇန်နဝါရီလ ၁၃ ရက်တွင်စတင်ထုတ်ပေးခဲ့ခြင်းဖြစ်သည်။

“ဧပြီပထမအပတ်မှာ ရတဲ့သူကိုကြေညာပေးသွားမယ်။ သင်္ကြန်မတိုင်ခင်ပေါ့။ ရွေးတာကခဏပဲ။ ရွေးပြီးတဲ့အခါကျတော့အတည်ပြုတဲ့ Process တွေလိုသေးတယ်။ ဇူလိုင်၊ သြဂုတ်လတော့ လုပ်ငန်းစမယ်။ ၃ နှစ်ခွဲလောက်တော့ မှန်းထားတယ်။ ခရေပင်လမ်းခွဲပါတော့ လမ်းကြောကနည်းနည်းရှည်တယ်။ ကုန်ကျမယ့်စရိတ်ကတော့ မပြောတတ်ဘူး။ သူတို့ကိုရင်းနှီးမြှုပ်နှံမှုပြိုင်ခိုင်းတာဆိုတော့ ကြည့်ရဦးမယ်”ဟု ဆောက်လုပ်ရေးဝန်ကြီးဌာန၊ ဒုတိယညွှန်ကြားရေးမှူးချုပ် ဦးကြည်ဇော်မြင့်က ပြောသည်။

နည်းပညာပိုင်းဆိုင်ရာအဆိုပြုတင်သွင်းလွှာများကိုကနဦးစစ်ဆေးမည်ဖြစ်ပြီး အောင်မြင်သူများကိုသာ ဘဏ္ဍာရေးဆိုင်ရာအဆိုပြုလွှာများဖွင့်ဖောက်စစ်ဆေးခြင်းအတွက်ဖိတ်ကြားသွားမည်ဖြစ်ကြောင်းသိရသည်။

အရှည် (၂၇.၅)ကီလိုမီတာခန့်ရှိသောရန်ကုန်မိုးပျံအမြန်လမ်းစီမံကိန်းအပိုင်း(၁)သည် အစိုးရ၏ ဦးစားပေးစီမံကိန်းတစ်ခုအဖြစ်ပါဝင်ပြီး စီမံကိန်း၏အဓိကရည်ရွယ်ချက်မှာ ရန်ကုန်မြို့၏ ယာဉ်ကြောပိတ်ဆို့မှုများကို လျော့ချနိုင်ရန်ဖြစ်ကြောင်း သိရသည်။

ယင်းစီမံကိန်းသည် (PPP)အစီအစဉ်ဖြင့် ဆောင်ရွက်သည့်လမ်းပန်းဆက်သွယ်ရေးဆိုင်ရာ ပထမဆုံးစီမံကိန်းဖြစ်ပြီးနိုင်ငံတကာမှရင်းနှီး မြုပ်နှံသူများအနေဖြင့်စံနမူနာစီမံကိန်းတစ်ခုအဖြစ် သတ်မှတ်စောင့်ကြည့်နိုင်မည်ဖြစ်ကာ ရန်ကုန်မိုးပျံအမြန်လမ်းစီမံကိန်းအပိုင်း(၂)အတွက် စိတ်ဝင်စားမှု အဆိုပြုလွှာ Request for Expression of Interest REOI ကို ၂၀၂၀ ခုနှစ်၊ နှစ်ကုန်ပိုင်းတွင်ခေါ်ယူနိုင်ရန် မျှော်မှန်းထားကြောင်း သိရသည်။