ကိုရိုနာဗိုင်းရပ်စ်သစ် ကူးစက်သေဆုံးမှုများ မြင့်တက်နေစဉ်တွင် ရောဂါစတင်ဖြစ်ပွာရာ ဗဟိုချက်ဖြစ်သည့် ဝူဟန်မြို့မှ ရာပေါင်းများစွာသော နိုင်ငံခြားသားများကို သက်ဆိုင်ရာနိုင်ငံများက ကယ်ထုတ်သွားကြသည်။
သြစတြေးလျနိုင်ငံသည် ဝူဟန်မြို့မှပြန်ခေါ်လာသည့်နိုင်ငံသား ၆၀၀ ကို ပြည်မကြီးမှ မိုင် ၁၂၀၀ အကွာတွင်ရှိသော ခရစ်စမတ်ကျွန်းတွင် သီတင်းနှစ်ပတ်ကြာ ထားရှိသွားရန် စီစဉ်နေသည်။
ဂျပန်၊ အမေရိကန်နှင့် အီးယူနိုင်ငံများကလည်း ဝူဟန်မြို့၌ ရောက်ရှိနေသော ၎င်းတို့၏နိုင်ငံသားများကို ပြန်လည်ခေါ်ဆောင်နေကြသည်။
ကိုရိုနာဗိုင်းရပ်စ်သစ်သည် မကောင်းဆိုးရွားမိစ္ဆာတစ်ကောင်ကဲ့သို့ဖြစ်ကြောင်း တရုတ်သမ္မတရှီကျင်းပင်က ထုတ်ဖော်ပြောဆိုထားသော်လည်း တရုတ်နိုင်ငံအနေဖြင့် ယင်းရောဂါကို ခြေမှုန်းအနိုင်ယူသွားမည်ဖြစ်ကြောင်း ၎င်းကပြောသည်။
ရောဂါအမြင့်ဆုံးဆက်လက်ဖြစ်ပွားမှုသည် ၁၀ ရက်ကျော် ကြာမြင့်နိုင်ကြောင်း တရုတ်အမျိုးသား ကျန်းမာရေးကော်မရှင်မှ ကျွမ်းကျင်သူတစ်ဦးကဆိုသည်။
တရုတ်နိုင်ငံအတွင်း အဆိုပါကူးစက်ရောဂါကြောင့် သေဆုံးသူဦးရေသည် ၁၃၂ဦးထိရှိလာပြီဖြစ်သလို ရောဂါကူးစက်ခံရသူမှာလည်း ၅၉၇၄ဦး ရှိနေပြီဟု နိုင်ငံ၏ အမျိုးသားကျန်းမာရေးကော်မရှင်က အတည်ပြုထားသည်။
ကမ္ဘာတစ်ဝန်းနိုင်ငံပေါင်း၁၆နိုင်ငံထက်မနည်းတွင် ယင်းရောဂါ ကူးစက်ခံရသူများရှိကြောင်း သတင်းထုတ်ပြန်သော်လည်း ယခုအချိန်အထိ သေဆုံးသူမရှိသေးကြောင်း သိရသည်။
Ref : Coronavirus: Australia plans island quarantine as foreigners leave Wuhan
Myitphyar Irra - မြစ်ဖျားဧရာ
No comments:
Post a Comment