ကရင်ပြည်နယ်၊ ဘားအံမြို့နယ်၊ ကော့ကသောင်ကျေးရွာရှိ ပေ(၇၀၀) ခန့်မြင့်တဲ့ တောင်ဝိုင်းတောင်က ဘုရားကို ဇန်နဝါရီ ၂၉ ရက် နေလယ်ပိုင်းက ဂျာမနီနိုင်ငံသား အမျိုးသား တစ်ဦးနဲ့ အမျိုးသမီး တစ်ဦးတို့ တက်ရောက်ဖူးမျှော်ဖို့ တောင်ပေါ်တက်ရောက်စဉ် ခြေချော် ပြုတ်ကျ ခဲ့တယ်လို့ မြန်မာနိုင်ငံ မီးသတ်တပ်ဖွဲ့ရဲ့ ထုတ်ချက်အရ သိရပါတယ်။
အဲဒီ အမျိုးသမီဟာ တောင်လှေကားထစ်ကနေ ခြေချော်ပြီးတောင်အောက်(၁၀)ပေခန့်ထိပြုတ်ကျခဲ့တာဖြစ်တယ်လို့လည်း သိရပါတယ်။
အဲလို ပြုတ်ကျခဲ့တာကြောင့် ညာခြေထောက်၊ ခြေသလုံးရိုး(ကျိုး) ထိခိုက်ဒဏ်ရာရရှိခဲ့ပြီး 191 Report Application အသုံးပြု သတင်းပေးပို့လာသည့်အတွက် ဘားအံမြို့နယ်မီးသတ်စခန်းက သန္ဓေမီးသတ်တပ်ဖွဲ့ဝင်(၈)ဦး သွားရောက်ကူညီဆောင်ရွက်ခဲ့တယ်လို့ လည်း သိရပါတယ်။
ဒဏ်ရာရရှိသူ အမျိုးသမီးကို တောင်ခြေအထိ ထမ်းစင်ဖြင့်သယ်ဆောင်ကာ ဘားအံမြို့နယ်ပြည်သူ့ဆေးရုံသို့ ပို့ဆောင်ပေးခဲ့တယ်လို့ မြန်မာနိုင်ငံ မီးသတ်တပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။
No comments:
Post a Comment