ဘင်္ဂါလီလော်ဘီ ရိုနေဆန်းလွင်က မြန်မာမီဒီယာများကို ခြိမ်းခြောက်အကျပ်ကိုင်

ဘင်္ဂါလီအရေးဆောင်ရွက်သူတဦးဖြစ်သည့် ရိုနေဆန်းလွင် (Ro Nay San Lwin) က “ရို”အသုံးအနှုံးကိုရှောင်ကြဉ်သော မြန်မာမီဒီယာများအပေါ် စီးပွားရေးအရ အပြုတ်တိုက်မည်ဟု ၎င်း၏လူမှုကွန်ရက်မှတဆင့် ခြိမ်းခြောက်ပြောဆိုထားသည်။

ခြိမ်းခြောက်ပြောဆိုမှုမှာ လူမျိုးရေး၊ ဘာသာရေးအစွန်းရောက်သူများ၏ လုပ်ရပ်သာဖြစ်ကြောင်း မြန်မာနိုင်ငံသတင်းမီဒီယာကောင်စီ အဖွဲ့ဝင်တဦးဖြစ်သူဦးဇေယျာလှိုင်က ပြောသည်။

ရိုနေစန်းလွင်က “DVB အပါအဝင် ဘင်္ဂါလီသုံးတဲ့ မြန်မာမီဒီယာ အားလုံးကို ပြင်းပြင်းထန်ထန် သတိပေးချင်ပါတယ်။ ခင်ဗျားတို့ ဘင်္ဂါလီသုံးတာရပ်ပြီး ရိုဟင်ဂျာလို့ သုံးမလား၊ ဒါမှမဟုတ် ခင်ဗျားတို့ရဲ့ မီဒီယာစီးပွားရေးကို အပြုတ်တိုက်ရမလား၊ ကြိုက်တဲ့လမ်းကိုရွေးပါ။ ဒီဇင်ဘာလ ၃၁ ရက်နေ့အထိ အချိန်ပေးပါတယ်”ဟု ဒီဇင်ဘာ ၁၅ ရက်တွင် ပို့စ်တင်ထားခဲ့သည်။

မွန်ပြည်နယ်၊ မော်လမြိုင်မြို့နယ်၊ နောင်ခရီရပ်ကွက်တွင် ဘင်္ဂါလီ ၈ ဦးကို ဖမ်းဆီးရမိကြောင်း DVB သတင်းဌာနက သတင်းဖော်ပြခဲ့မှုအပေါ် ရိုနေဆန်းလွင်က ယင်းသို့ ခြိမ်းခြောက်ပြောဆိုခဲ့ခြင်းဖြစ်သည်။

ယင်းခြိမ်းခြောက်မှုအပေါ် မီဒီယာအသိုင်းအဝိုင်းအတွင်း ဝေဖန်မှုများထွက်ပေါ်ခဲ့သည်။

မီဒီယာကောင်စီအဖွဲ့ဝင်ဖြစ်သူ ဦးဇေယျာလှိုင်က“မီဒီယာကို ရန်သူလိုသဘောထားတဲ့၊ အဲဒီလိုမျိုး ခြိမ်းခြောက်တဲ့အလုပ်တွေက အစွန်းရောက်တဲ့သူတွေက လုပ်လေ့လုပ်ထရှိပါတယ်။ နိုင်ငံရေး အစွန်းရောက်တွေ၊ ဘာသာရေး အစွန်းရောက်တွေ၊ လူမျိုးရေး အစွန်းရောက်တွေက မှန်မှန်ကန်ကန်ရေးသားတဲ့ သတင်းဌာနတွေကို အမြဲတမ်းခြိမ်းခြောက်မှုတွေ ရှိပါတယ်။ သူတို့ ရိုဟင်ဂျာပဲခေါ်ခေါ်၊ ဘင်္ဂါလီပဲခေါ်ခေါ် အဲဒီအရေးကိုဆောင်ရွက်နေတဲ့ ပုဂ္ဂိုလ်တွေအနေနဲ့လည်း လူထုကြားထဲမှာ အဲဒီလိုမျိုး ခြိမ်းခြောက်တာတွေ၊ အမုန်းတရားတွေ ပွားများအောင်လုပ်တယ်ဆိုတာ ကောင်းတဲ့အလုပ်တော့ မဟုတ်ဘူးပေါ့လေ။ သူတို့ပြောတဲ့၊ သူတို့ရဲ့ အခွင့်အရေးတောင်းဆိုနေတဲ့ အနေအထားမှာ အဲဒီလိုမျိုး တဖက်ကနေပြီးတော့ ခြိမ်းခြောက်မှုတွေ ဖြစ်လာတာက သူတို့အတွက်ကို ပိုမကောင်းဘူးလို့ ကျွန်တော်က မြင်တယ်”ဟု ပြောကြားသည်။

တိုင်းရင်းသားဖြစ်ရေးဦးတည်သည့် “ရိုဟင်ဂျာ”ဟူသော အသုံးအနှုန်းကို ပြည်တွင်းအခြေစိုက် ပြည်ပမီဒီယာများက အမြဲတမ်းသုံးနှုန်းဖော်ပြလေ့ရှိပြီး ပြည်တွင်းမီဒီယာများက ဘင်္ဂါလီဟူ၍သာ သုံးနှုန်းဖော်ပြလေ့ရှိသည်။

ရိုနေဆန်းလွင်၏ ခြိမ်းခြောက်မှုက ကိုယ်ပိုင်ငွေကြေးဖြင့် ထုတ်ဝေ၊ ထုတ်လွှင့်နေကြသည့် ပြည်တွင်းမီဒီယာများအပေါ် မည်သည့်အကျိုးသက်ရောက်မှုမှ ရှိနိုင်မည်မဟုတ်ကြောင်း သုံးသပ်မှုများ ရှိသည်။

မင်းထင်

(Zawgyi)

ဘင်္ဂါလီလော်ဘီ ရိုနေဆန်းလွင်က မြန်မာမီဒီယာများကို ခြိမ်းခြောက်အကျပ်ကိုင်

------ ------ ------ ----- -----

ဘင်္ဂါလီအရေးဆောင်ရွက်သူတဦးဖြစ်သည့် ရိုနေဆန်းလွင် (Ro Nay San Lwin) က “ရို”အသုံးအနှုံးကိုရှောင်ကြဉ်သော မြန်မာမီဒီယာများအပေါ် စီးပွားရေးအရ အပြုတ်တိုက်မည်ဟု ၎င်း၏လူမှုကွန်ရက်မှတဆင့် ခြိမ်းခြောက်ပြောဆိုထားသည်။

ခြိမ်းခြောက်ပြောဆိုမှုမှာ လူမျိုးရေး၊ ဘာသာရေးအစွန်းရောက်သူများ၏ လုပ်ရပ်သာဖြစ်ကြောင်း မြန်မာနိုင်ငံသတင်းမီဒီယာကောင်စီ အဖွဲ့ဝင်တဦးဖြစ်သူဦးဇေယျာလှိုင်က ပြောသည်။

ရိုနေစန်းလွင်က “DVB အပါအဝင် ဘင်္ဂါလီသုံးတဲ့ မြန်မာမီဒီယာ အားလုံးကို ပြင်းပြင်းထန်ထန် သတိပေးချင်ပါတယ်။ ခင်ဗျားတို့ ဘင်္ဂါလီသုံးတာရပ်ပြီး ရိုဟင်ဂျာလို့ သုံးမလား၊ ဒါမှမဟုတ် ခင်ဗျားတို့ရဲ့ မီဒီယာစီးပွားရေးကို အပြုတ်တိုက်ရမလား၊ ကြိုက်တဲ့လမ်းကိုရွေးပါ။ ဒီဇင်ဘာလ ၃၁ ရက်နေ့အထိ အချိန်ပေးပါတယ်”ဟု ဒီဇင်ဘာ ၁၅ ရက်တွင် ပို့စ်တင်ထားခဲ့သည်။

မွန်ပြည်နယ်၊ မော်လမြိုင်မြို့နယ်၊ နောင်ခရီရပ်ကွက်တွင် ဘင်္ဂါလီ ၈ ဦးကို ဖမ်းဆီးရမိကြောင်း DVB သတင်းဌာနက သတင်းဖော်ပြခဲ့မှုအပေါ် ရိုနေဆန်းလွင်က ယင်းသို့ ခြိမ်းခြောက်ပြောဆိုခဲ့ခြင်းဖြစ်သည်။

ယင်းခြိမ်းခြောက်မှုအပေါ် မီဒီယာအသိုင်းအဝိုင်းအတွင်း ဝေဖန်မှုများထွက်ပေါ်ခဲ့သည်။

မီဒီယာကောင်စီအဖွဲ့ဝင်ဖြစ်သူ ဦးဇေယျာလှိုင်က“မီဒီယာကို ရန်သူလိုသဘောထားတဲ့၊ အဲဒီလိုမျိုး ခြိမ်းခြောက်တဲ့အလုပ်တွေက အစွန်းရောက်တဲ့သူတွေက လုပ်လေ့လုပ်ထရှိပါတယ်။ နိုင်ငံရေး အစွန်းရောက်တွေ၊ ဘာသာရေး အစွန်းရောက်တွေ၊ လူမျိုးရေး အစွန်းရောက်တွေက မှန်မှန်ကန်ကန်ရေးသားတဲ့ သတင်းဌာနတွေကို အမြဲတမ်းခြိမ်းခြောက်မှုတွေ ရှိပါတယ်။ သူတို့ ရိုဟင်ဂျာပဲခေါ်ခေါ်၊ ဘင်္ဂါလီပဲခေါ်ခေါ် အဲဒီအရေးကိုဆောင်ရွက်နေတဲ့ ပုဂ္ဂိုလ်တွေအနေနဲ့လည်း လူထုကြားထဲမှာ အဲဒီလိုမျိုး ခြိမ်းခြောက်တာတွေ၊ အမုန်းတရားတွေ ပွားများအောင်လုပ်တယ်ဆိုတာ ကောင်းတဲ့အလုပ်တော့ မဟုတ်ဘူးပေါ့လေ။ သူတို့ပြောတဲ့၊ သူတို့ရဲ့ အခွင့်အရေးတောင်းဆိုနေတဲ့ အနေအထားမှာ အဲဒီလိုမျိုး တဖက်ကနေပြီးတော့ ခြိမ်းခြောက်မှုတွေ ဖြစ်လာတာက သူတို့အတွက်ကို ပိုမကောင်းဘူးလို့ ကျွန်တော်က မြင်တယ်”ဟု ပြောကြားသည်။

တိုင်းရင်းသားဖြစ်ရေးဦးတည်သည့် “ရိုဟင်ဂျာ”ဟူသော အသုံးအနှုန်းကို ပြည်တွင်းအခြေစိုက် ပြည်ပမီဒီယာများက အမြဲတမ်းသုံးနှုန်းဖော်ပြလေ့ရှိပြီး ပြည်တွင်းမီဒီယာများက ဘင်္ဂါလီဟူ၍သာ သုံးနှုန်းဖော်ပြလေ့ရှိသည်။

ရိုနေဆန်းလွင်၏ ခြိမ်းခြောက်မှုက ကိုယ်ပိုင်ငွေကြေးဖြင့် ထုတ်ဝေ၊ ထုတ်လွှင့်နေကြသည့် ပြည်တွင်းမီဒီယာများအပေါ် မည်သည့်အကျိုးသက်ရောက်မှုမှ ရှိနိုင်မည်မဟုတ်ကြောင်း သုံးသပ်မှုများ ရှိသည်။

မင်းထင်