ရခိုင်ပြည်နယ် သံတွဲမြို့နယ်အတွင်း ပဋိပက္ခများ ဖြစ်ပွားနေစဉ် ကာလအတွင်း သံတွဲမြို့သို့ ရောက်ရှိနေသော နိုင်ငံတော် သမ္မတ ဦးသိန်းစိန်သည် အောက်တိုဘာ ၃ ရက် နံနက် ၈ နာရီခန့်တွင် သံတွဲမြို့ရှိ အဏ္ဏ၀ါ ဧည့်ရိပ်သာတွင် ရခိုင်တိုင်းရင်း သား မြို့မိမြို့ဖများ၊ မြို့နယ်စည်ပင်မှ ၁၀ ဦး၊ ကမန်တိုင်းရင်းသား ခုနစ်ဦးတို့နှင့် တွေ့ဆုံခဲ့ကြောင်း သိရသည်။
 |
| အောက်တိုဘာ ၃ ရက်တွင် သံတွဲမြို့၌ သမ္မတဦးသိန်းစိန်နှင့် ဒေသခံများ တွေ့ဆုံစဉ် (Photo: AFP) |
နိုင်ငံတော် သမ္မတ ဦးသိန်းစိန်သည် ရခိုင်ပြည်နယ် စစ်တွေမြို့သို့ အောက်တိုဘာ ၁ ရက် နံနက် ၉ နာရီ ၁၅ မိနစ်တွင် မြန်မာ့လေကြောင်းဖြင့် ရောက်ရှိခဲ့ပြီး ၉ နာရီ မိနစ် ၄၀ တွင် ရဟတ်ယာဉ်ဖြင့် မြောက်ဦးမြို့သို့ ထွက်ခွာခဲ့သည်။ မြောက်ဦးမြို့သို့ နံနက် ၁၀ နာရီ ၁၅ မိနစ်တွင် ရောက်ရှိကာ န၀ရတ်ဟိုတယ်တွင် ဒေသခံများနှင့် တွေ့ဆုံခဲ့ကြောင်း သိရသည်။ ယင်းနောက် မြောက်ဦးမြို့မှ တစ်ဆင့် မဟာမြတ်မုနိဘုရားကို သွားရောက် ဖူးမြော်ခဲ့ပြီး ကျောက်တော်မြို့သို့ ရောက်ရှိကာ ကျောက်တော်ရှိ မြို့မိမြို့ဖများနှင့် တွေ့ဆုံခဲ့ကြောင်း သိရသည်။ ထို့နောက် မောင်တောမှ စစ်တွေသို့ ညနေ ၃ နာရီ မိနစ် ၅၀ ခန့်တွင် ပြန်လည်ရောက်ရှိပြီး အောက်တို ဘာ ၂ ရက် နံနက် ၈ နာရီတွင် စစ်တွေမြို့၊ အစိုးရအဖွဲ့ရုံးတွင် ဒေသခံ မြို့မိမြို့ဖများနှင့် တွေ့ဆုံခဲ့ကြောင်း သိရသည်။
No comments:
Post a Comment