Friday, June 19, 2015

“အစွန်းရောက်အုပ်စုတွေဟာ အန်အယ်လ်ဒီကို မိတ်ဆွေအဖြစ်ရှုမြင်မှာ မဟုတ်ဘူး” – ဒေါ်အောင်ဆန်းစုကြည်


မကြာသေးခင်ကမှ တရုတ်နိုင်ငံ ခရီးစဉ်ကပြန်လာခဲ့တဲ့ အမျိုးသားဒီမိုကရေစီအဖွဲ့ချုပ် ခေါင်းဆောင်၊ ငြိမ်း ချမ်းရေးနိုဘယ်လ်ဆုရှင် ဒေါ်အောင်ဆန်းစုကြည်ကို လာမယ့် နိုဝင်ဘာလမှာ ကျင်းပမယ့် ရွေးကောက်ပွဲ ဆိုင်ရာ ကိစ္စတွေနဲ့ အခြားအကြောင်းအရာတွေကို ၀ါရှင်တန်ပို့စ် အယ်ဒီတာ ဖရက်ဒ်ဟိုက်ယက်က တယ်လီဖုန်းကတဆင့် ဆက်သွယ်မေးမြန်းခဲ့တာတွေကို ဒီဗွီဘီက ဘာသာပြန်ဆိုဖော်ပြလိုက်ပါတယ်။

တရုတ်နိုင်ငံခရီးစဉ်ကနေ ဘာတွေသိခဲ့ရပါသလဲ။

“တွေ့ဆုံဆွေးနွေးမှုကောင်းတခုဖြစ်ခဲ့ပါတယ်။ အိမ်နီးချင်းနိုင်ငံတွေ အားလုံးဟာ အချင်းချင်း ငြိမ်းချမ်းညီ ညွတ်အောင် နေထိုင်ရမယ်ဆိုတာ ကျမတို့အားလုံးနားလည်ထားပါတယ်။”

ငြိမ်းချမ်းရေးနိုဘယ်လ်ဆုရှင် လူရှောင်ဘို ထောင်သွင်းအကျဉ်ချခံထား ရတဲ့ကိစ္စကော ဆွေးနွေးခဲ့ပါ သလား။

“ကျမနဲ့ အစိုးရခေါင်းဆောင်တွေ ဒါမှမဟုတ် အဖွဲ့အစည်းခေါင်းဆောင်တွေနဲ့ ဆွေးနွေးခဲ့တာတွေကို ကျမ  ဘယ်တော့မှ အသေးစိတ်မပြောဘူးဆိုတာ ထပ်ပြီးတော့ ရှင်းပြတယ်။  ဒါတွေဟာ ပုံမှန်အားဖြင့် သီးသန့် ပုဂ္ဂလိက ကိစ္စလို့ ယူဆရပါမယ်။”

အကျဉ်းကျခံနေရတဲ့ ကာလတွေအတွင်းမှာ တရုတ်က ဒေါ်အောင်ဆန်းစုကြည်ကို အားပေးထောက်ခံမှု တွေမလုပ်ခဲ့ပါဘူး။ ဒါပေမယ့် ခင်ဗျားအကျဉ်း ကျခံရတဲ့ကိစ္စနဲ့ပတ်သက်ပြီး နိုင်ငံခြားခေါင်းဆောင်တွေ ထုတ်ဖော်ပြောခဲ့ တာတွေကိုတော့  ကြိုဆိုခဲ့တယ်နော်။

“နိုင်ငံတိုင်းမှာရှိတဲ့ လွတ်လပ်မှုနဲ့ ဒီမိုကရေစီဆိုတာ သူတို့ပြည်သူလူထုတွေ လုပ်ရမယ့်အရာတခုဖြစ်ပါလိမ့် မယ်။ ကျမတို့ နိုင်ငံနဲ့ တရုတ်နိုင်ငံကြားက ဆက်နွှယ်မှုက အမြဲတမ်း အမှီအခိုကင်း လွတ်မှုပေါ်ပဲ အခြေခံ တာပါ။ အပြန်အလှန် အချင်းချင်း လေးစားမှုတွေနဲ့ တည်ဆောက်ထားတဲ့ နိုင်ငံ နှစ်နိုင်ငံကြားမှာ မတူတဲ့ အမြင်သဘောထားတွေရှိခဲ့ရင်တောင် ဒီနှစ်နိုင် ငံကြား ရှိနေတဲ့ ဆက်နွှယ်မှုကို ကျမတို့ ထိန်းသိမ်းထားနိုင် မယ်လို့ ယုံကြည် ပါတယ်။”

ဒါဆို “နိုင်ငံတိုင်းရဲ့ လွတ်လပ်မှုနဲ့ဒီမိုကရေစီဆိုတာ သူတို့လူထုတွေလုပ်ရ မယ့် အရာတခု” လို့ ခင်ဗျားပြော တာက အမေရိကန်နိုင်ငံက မြန်မာနိုင်ငံပေါ် ထားတဲ့ သဘောထားမျိုးလား။

“လူတွေအားလုံးဟာ သူတို့နိုင်ငံအတွက်ဖြစ်ချင်တာတွေအတွက် အလုပ်လုပ် ကြတာလို့ ကျမထင်ပါတယ်။ အမှန်တကယ်တော့ ဖြစ်နိုင်ရင်  သူတို့ရဲ့ မိတ်ဆွေတွေက  တတ်အားသရွေ့ ကူညီတာကို မျှော်လင့် တာပဲ။”

ကောင်းပြီ။ ဒါဆိုခင်ဗျားနိုင်ငံအကြောင်းပြောကြရအောင်ပါ။

“ဟုတ်ကဲ့။ ကျမနိုင်ငံအကြောင်းကို ကျမပိုပြောချင်ပါတယ်။”

လာမယ့်ဆောင်းဦးရာသီမှာ ကျင်းပမယ့် ရွေးကောက်ပွဲကနေ ပြည်သူလူထု ကို ကိုယ်စားပြုမယ့် အစိုးရတရပ် ထွက်ပေါ်လာဖို့ ဘယ်လောက်ဖြစ်နိုင်ပါ သလဲ။

“ကောင်းပါပြီ၊  ကျမတို့ အရမ်းကိုစိတ်လှုပ်ရှားစရာကောင်းတဲ့ ကာလကို ချဉ်းနင်းဝင်ရောက်လာခဲ့တာပါ။ လွှတ်တော်မှာ ဖွဲ့စည်းပုံပြင်ဆင်တဲ့ဥပဒေ မူကြမ်းကို ကျမတို့ ပထမဆုံးအကြိမ် စတင်ဆွေးနွေးနေပါပြီ။  ဘယ်လောက် လွတ်လပ်မျှတတဲ့ ရွေးကောက်ပွဲ ဖြစ်လာမလဲ ဆိုတာကတော့ သာတူညီမျှ တဲ့နိုင်ငံရေး အခင်းအကျင်းတခုဖြစ်အောင် ဖွဲ့စည်းပုံကို ပြင်နိုင်မလားဆို တာနဲ့   ချိတ်ဆက်နေပါလိမ့်မယ့်။

ဒါဆိုရွေးကောက်ပွဲမတိုင်ခင် ဖွဲ့စည်းအုပ်ချုပ်ပုံအခြေခံဥပဒေကို ပြန်လည်ပြင်ဆင်ဖို့ အခွင့်အလမ်းရှိသေး တယ်ပေါ့။

“ဒါပေါ့ရှင်။ အခွင့်အရေးတခုကအမြဲတမ်းရှိပါတယ်။ ကျမ ဒါတွေကို ထည့်မတွက်ပါဘူး။ ဖွဲ့စည်းပုံပြင်လိမ့် မယ်လို့ ယူဆပြီး ကျမတို့ ရွေးကောက်ပွဲအတွက် မဲဆွယ်နေတာမဟုတ်ပါဘူး။  ဒါပေမယ့်  ဖြစ်နိုင်ချေတွေ အားလုံးကို ကျမတို့ လုံးဝပိတ်ပင်မထားပါဘူး။”

အဲဒီလိုဖြစ်မလာဘူးဆိုရင် ရွေးကောက်တင်မြှောက်ခံသမ္မတနဲ့ လွှတ်တော်ဟာ  ပြည်သူ့ဆန္ဒကို ထင်ဟပ် နိုင်ပါ့မလား။

“လွတ်လပ်ပြီး တရားမျှတတဲ့ ရွေးကောက်ပွဲတွေ ဖြစ်လာခဲ့ရင်တော့ ဥပဒေပြု အမတ်တွေဟာ  ပြည်သူ လူထုဆန္ဒကို ထင်ဟပ်ပါလိမ့်မယ်။ သမ္မတရွေးတာနဲ့ ပတ်သက်လို့တော့  ဖွဲ့စည်းပုံ ပြင်ဆင်မလားဆိုတဲ့ အပေါ် မူတည်မှာပါ။”

နောက်ပြီး လွှတ်တော်ပါလီမန်ထဲမှာ စစ်တပ်က ၂၅ ရာခိုင်နှုန်းနေရာယူ ထားတာနဲ့ ပတ်သက်လို့ရော ဘယ်လိုလဲ။

“၂၅ ရာခိုင်နှုန်း သတ်မှတ်ချက်ကို ကျမတို့အားလုံး သိကြတာပဲ။ ရှင်လည်းသိပါတယ်။ ဒါပေမယ့် ဒါဟာ အမြဲတမ်းတော့မဖြစ်နိုင်ပါဘူး။ ဖြစ်ဖို့လည်းမရှိပါဘူး။  ပြီးတော့ အဲဒီစည်းမျဉ်းဥပဒေသတ်မှတ်ချက်ကို မချိုးဖျက်ဖူးလို့ လူထုတွေက မပြောကြပါဘူး”

ဒါဆိုရင် အဲဒီအခြေအနေက ရွေးကောက်ပွဲမတိုင်ခင် ပြောင်းလဲမလာဘူး ဆိုရင် ဒီဟာကို ပြောင်းလဲပစ်ဖို့ အန်အယ်လ်ဒီပါတီမှာ နိုင်ငံရေးစွမ်းရည်ရှိပါ့ မလား။

“ရွေးကောက်တင်မြှောက်ထားတာမဟုတ်တဲ့ ကိုယ်စားလှယ်တွေဟာ ဒီမိုကရေစီနည်း မကျဘူး၊ ဒီဟာကို ပြောင်းလဲရမယ်လို့ အန်အယ်လ်ဒီက ရှင်းရှင်းပြောခဲ့ပြီးသားပါ။ ဒါပေမယ့် ဒါဟာ အမျိုးသားပြန်လည် သင့်မြတ်ရေး နဲ့ပတ်သက်ပြီး တဆင့်ချင်း တလှမ်းချင်း ညှိနှိုင်း လုပ်ဆောင်သွားဖို့လည်း ကျမတို့ပြောခဲ့ပြီး ပါပြီ။ ရွေးကောက်ခံမဟုတ်တဲ့ အမတ်တွေအားလုံး လွှတ်တော်ထဲကနေ ထွက်သွားဖို့ ကျမတတို့ မရအရ အပြင်းအထန် တောင်းဆိုနေတာ မဟုတ်ပါဘူး”

ယေဘုယျအားဖြင့်ဆိုရင် ခင်ဗျားအနေနဲ့ နိုင်ငံရေးပြုပြင်ပြောင်းလဲမှု အခြေအနေအပေါ် ဘယ်လိုမြင်သလဲ။

“ကျမတို့ ဘာကိုမျှော်လင့်ထားလဲဆိုတော့ အစိုးရအနေနဲ့  စစ်မှန်တဲ့ ဒီမိုကရေစီ ပြုပြင်ပြောင်းလဲရေးဖြစ်စဉ် ဆီ မှန်မှန်ကန်ကန် ညှိနှိုင်းဆောင် ရွက်ပြီး ၀င်ရောက်လာစေဖို့ပါပဲ။ ဒါပေမယ့် သိသာထင်ရှားနေတာက တော့ အစိုးရအနေနဲ့ ညှိနှိုင်းဆွေးနွေးမှုကို သိပ်စိတ်ဝင်တစား မရှိလှတာပါပဲ။ အခြားတဖက်ကကြည့်ရင် ကျမတို့ နည်းလမ်းအားလုံး အဆင်ပြေချောမွေ့နေ ဖို့ လည်း မျှော်လင့်မထားခဲ့ကြပါဘူး။”

အစိုးရအနေနဲ့ ဒီဖြစ်စဉ်ကို အခုရပ်တန့်နေတဲ့နေရာကနေ အောင်မြင်အောင် ဆက်လုပ်နိုင်ပါ့လား။ ဒါမှ မဟုတ် ကမ္ဘောဒီးယားလို  အပေါ်ယံရွှေမှုန်ကြဲ ဒီမိုကရေစီပေါ့။ အစိုးရနဲ့စစ်ဗိုလ်ချုပ်ဟောင်းတွေက စီးပွား ရေးနဲ့ နိုင်ငံရေး အာဏာ အများစုကို ထိန်းချုပ်ထားတုန်းပဲမလား။

“ကျမတို့ တော်တော်စိုးရိမ်မိတာက ပြုပြင်ပြောင်းလဲမှုတွေ တခုလုံး ထင်ယောင်ထင်မှားလှည့်ကွက်တခုလို့ ဖြစ်သွားမှာကိုပါပဲ။ ဒီမိုကရေစီ ပြုပြင်ပြောင်းလဲရေးဖြစ်စဉ် သေချာစေဖို့ ကျမတို့ အခိုင်အမာသွားရမယ့် အဆင့်တွေ ပိုလိုအပ်လာပြီလို့ ထင်ပါတယ်။ ဒါပေမယ့် ကျမတို့နဲ့ ကမ္ဘော ဒီးယားက အခြေအနေချင်း တော်တော်ကွာခြားပါတယ်။ ဖြေရှင်းရမယ့် ပြဿနာတွေဟာ ကမ္ဘောဒီးယားထက် ပိုပြီးခက်ခဲတယ်လို့ ကျမထင်ပါ တယ်။ နိုင်ငံအရွယ်အစား၊ လူဦးရေအရွယ်အစား၊ ကာလရှည်ကြာ ပြည်တွင်း မှာဖြစ်ပွားနေတဲ့ စစ်ပွဲတွေနဲ့ တိုက်ပွဲတွေပေါ့။”

ဗုဒ္ဓဘာသာ အမျိုးသားဝါဒ  မြင့်တက်လာတာကရော ဘာကြောင့်လို့ ထင်ပါသလဲ။

“အမျိုးသားရေးနဲ့ အစွန်းရောက်ဝါဒဆိုတာကို ကွဲပြားခြားနားအောင် အရင်လုပ်ရပါမယ်လို့ ကျမထင်ပါ တယ်။ ပြီးတော့ ကျမတို့ အစွန်းရောက် တာကို စိုးရိမ်မိပါတယ်။ အမျိုးသားရေးဆိုတာကတော့ ဘယ် အချိန်မှာ ဒါကို ထိန်းချုပ်ထားမယ်၊ ဘယ်အချိန်မှာ ဒါကို မှန်ကန်တဲ့နည်းလမ်းနဲ့ အသုံးချမယ် ဆိုတာပါပဲ။ ဒါက ဆိုးတဲ့အရာတခုတော့မဟုတ်ပါဘူး။ အစွန်းရောက် ယုံကြည်မှုကကျတော့ ပြဿနာတခုပါ။”

အဲဒီတော့ ခုအချိန်  မြန်မာပြည်မှာ ဒါဟာ  ပြဿနာတတခု ဖြစ်နေသလား။

“အစွန်းရောက်ယုံကြည်မှုဟာ မြန်မာနိုင်ငံမှတင်မဟုတ်ပါဘူး။ တကမ္ဘာလုံးမှာ ဖြစ်နေတာလို့ ကျမထင်ပါ တယ်။ လူ့အဖွဲ့အစည်းတိုင်းမှာ အစွန်းရောက်မှုက ပြဿနာတခုပါ။”

ခင်ဗျားတို့နိုင်ငံမှာ အဲဒီပြဿနာရဲ့ရင်းမြစ်က ဘာဖြစ်မလဲ။ ခုလက်ရှိ ဒါကိုကျနော်တို့ မြင်နေရတာ ဘာကြောင့်လဲ။

“ဟုတ်ပါတယ်။ ကျမလည်း အံ့သြမိပါတယ်။ ရှင်ကမြန်မာနိုင်ငံအနောက်ပိုင်း ရခိုင်ပြည်နယ်ကအကြောင်း အရာကို ပြောတာဆိုရင်တော့ ဒါဟာ ဟိုးလွန်ခဲ့ တဲ့ ဆယ်စုနှစ်များစွာတည်းက ဖြစ်လာခဲ့တဲ့ပြဿနာတွေပါ။ သူတို့ဟာ အချိန်အတန်ကြာကတည်းက ပြဿနာတွေ တအုံနွေးနွေးရှိနေခဲ့တာဖြစ်ပြီး အစိုးရအနေနဲ့ ပဋိပက္ခတွေဖြစ်ပွားရတဲ့ အကြောင်းရင်းခံတွေကို မဖယ်ရှားပေးနိုင်ခဲ့တဲ့အပြင် အခြေအနေတင်းမာမှုတွေ ကိုလည်း လျော့နည်းအောင် ဖြေလျှော့မပေးနိုင်ခဲ့ပါဘူး”

ရိုဟင်ဂျာတွေဟာ နိုင်ငံသားဖြစ်သင့်တယ်လို့ ခင်ဗျားထင်ပါသလား။

“အစိုးရကတော့ ၁၉၈၂ ခုနှစ် နိုင်ငံသားဖြစ်မှုဥပဒေနဲ့အညီ  နိုင်ငံသားဖြစ်မှု အခြေအနေကို စိစစ်လုပ် ဆောင်နေပါတယ်။  ကျမအထင်ပြောရရင်တော့ သူတို့အခြေအနေကို ဒီ့ထက်ပိုပြီး ပွင့်လင်းမြင်သာမှုရှိရှိနဲ့ မြန်မြန်ဆန်ဆန် ကိုင်တွယ်သင့်ပါတယ်။ ပြီးတော့မှ နောက်လုပ်ဆောင်ရမယ့်အဆင့်တွေမှာ ဘာတွေဖြစ် သင့်တယ်ဆိုတာ ဆုံးဖြတ်သင့်တယ်လို့ ထင်ပါတယ်။”

ပြည်ပက မိတ်ဆွေတွေက ခင်ဗျားအနေနဲ့ နိုင်ငံတွင်းမှာရှိတဲ့ ရိုဟင်ဂျာတွေနဲ့ တခြားလူနည်းစုတွေရဲ့ ဒုက္ခ တွေအကြောင်း ပိုပြီးပြောဆိုလုပ်သင့်တယ်လို့ ပြောကြတဲ့အပေါ် ခင်ဗျားဘာများပြောချင်ပါသလဲ။

“ကျမတို့နိုင်ငံမှာ လူနည်းစုတွေက အများကြီးရှိနေတာပါ။ ကျမအမြဲတမ်း လူနည်းစုတွေရဲ့ လူ့အခွင့်အရေး၊ ငြိမ်းချမ်းစွာ အတူယှဉ်တွဲနေထိုင်ရေး၊ တန်းတူညီမျှရေး စတာတွေအတွက် အမြဲတမ်းပြောခဲ့ပါတယ်။ အန်အယ်လ်ဒီ ပါတီနဲ့ တခြားသူတွေ အနေနဲ့ ဒီမိုကရေစီတန်ဖိုးတွေအားလုံး အတွက် တိုက်ပွဲဝင်ပေးခဲ့တာ ခုဆိုရင် ဆယ်စုနှစ်သုံး ခုလောက်ရှိနေပါပြီ။ အဲဒီနှစ်တွေ ထဲမှာဖြစ်ခဲ့တဲ့ လူ့အခွင့်ရေးချိုးဖောက်မှုတွေ တပုံတခေါင်း ကျမတို့ကြုံတွေ့ခဲ့ ရပါတယ်။ နောက်ပြီး ကျမတို့ နိုင်ငံထဲမှာရှိတဲ့ များစွာသော လူနည်းစုတွေ ဟာ သူတို့ရဲ့ အခွင့်အရေး အပြည့်အ၀ အကာအကွယ်မရတဲ့အတွက် လက်နက်နက်ကိုင်ခဲ့ကြတယ်။ လူနည်းစုတွေရဲ့ လူ့အခွင့်အရေးကို ကာကွယ် နိုင်ဖို့ဟာ အခုအချိန်မှာ အလွန့်အလွန် အရေးတယူ ဂရုစိုက် ဆောင်ရွက်ရ မယ့်ကိစ္စ တရပ်ဖြစ်ပြီး လျင်လျင်မြန်မြန် ထိထိရောက်ရောက် ဆောင်ရွက် သင့်နေပါပြီ။ အစိုးရအနေနဲ့ ဒါကိုအပြည့်အ၀ လုပ်နိုင်မလုပ်နိုင်ကိုတော့ ကျမပြောနိုင်ပါဘူး။ တကယ်တမ်းပြောရရင် တော့ သူတို့ ထိထိရောက်ရောက် ကိုင် တွယ်နိုင်တယ်လို့ ကျမ မထင်ပါဘူး။”

အလွန့်အလွန် ဂရုတစိုက် လုပ်ဆောင်ရမယ်ဆိုတာ ဘာကိုဆိုလိုတာပါလဲ။

“ဒါက ဘာကိုဆိုလိုတာလဲဆိုတော့ ဒါကထိရှလွယ်တဲ့ ကိစ္စတခုပါ။ မြန်မာနိုင်ငံမှာ တိုင်းရင်းသားမျိုးနွယ်စု တွေ၊ ဘာသာရေးအုပ်စုတွေ များစွာရှိပါတယ်။ ကျမတို့ အုပ်စုတခုအတွက် ဘာကိုပဲ လုပ်သည်ဖြစ်စေ တခြားအုပ်စုတွေကိုသွားပြီး  သွားပြီးသက်ရောက်မှုရှိလို့ပါပဲ။ ဒါကြောင့် ဒီဟာက တော်တော်ကြီးကို ရှုပ်ထွေးတဲ့ အခြေအနေတခုဖြစ်ပြီး တညတည်းနဲ့ အပြီး ကိုယ်တွယ်ဖြေရှင်းလို့ မရနိုင်ပါဘူး။”

အစွန်းရောက်အဖွဲ့အစည်းတွေက အန်အယ်လ်ဒီပါတီကို နိုင်ငံရေးအရ ခြိမ်းခြောက်မှု ဖြစ်နေပါသလား။ ဒါဟာ သွေးထိုးလှုံ့ဆော်ပေးတဲ့ အကြောင်းပြချက်တခု ဖြစ်နိုင်သလား။

“ဒါဖြစ်နိုင်ပါတယ်။ ဘာလို့လဲဆိုတော့ အန်အယ်လ်ဒီအနေနဲ့ ဘယ်အစွန်း ရောက်အဖွဲ့အစည်းကိုမှ ဘယ်လို ထောက်ပံ့ကူညီပေးမှုမျိုး မလုပ်ခဲ့ပါဘူး။ အဲဒီတော့ အစွန်းရောက်အုပ်စုတွေဟာ အန်အယ်လ်ဒီကို သူတို့ မိတ်ဆွေ အဖြစ် ရှုမြင်မှာမဟုတ်ဘူး။  ဘာသာရေးလှုပ်ရှားမှု အမည်ခံ နောက်ကွယ်က နိုင်ငံရေးရည်ရွယ် ချက်တခုရှိတယ်ဆိုတာ တော်တော့်ကိုဖြစ်နိုင်ပါတယ်။”

ရွေးကောက်ပွဲ မဲဆန္ဒရှင်စာရင်း ပြသနာရဲ့အကျိုးသက်ရောက်မှုကရော ဘယ်လောက်များရှိပါသလဲ။

“ကျမတို့ ရန်ကုန်တိုင်းထဲက မြို့နယ် ၁၀ ခုကို လေ့လာခဲ့တော့ တချို့မြို့နယ် တွေမှာ ၈၀ ရာခိုင်နှုန်းထိ အမှားတွေ မြင့်တက်နေတာ တွေ့ရတယ်။ ဒါတော် တော်ဆိုးပါတယ်။ တချို့နေရာတွေမှာတော့ အမှား ၃၀ ရာခိုင်နှုန်းလောက် နည်းပါတယ်။ ကျမတို့ ဒီမဲစာရင်းတွေကို ရွေးကောက်ပွဲမကျင်းပခင် အချိန်မီ ဘယ်လို ပြန်ပြင်ကြမလဲ။ ပြီးတော့ ဒါဟာ ရန်ကုန်မှာ တောင် ဒီလောက် ဆိုးဆိုးဝါးဝါးဖြစ်နေတာဆိုရင် ဥပမာ- နယ်စပ်ဒေသတွေမှာဆိုရင်ရော ဘယ်လိုရှိနိုင်မလဲ။ ရွေးကောက်ပွဲကော်မရှင်ဥက္ကဋ္ဌကတော့ ဒီမဲစာရင်း အမှား တွေကို အကုန်လုံးပြန်ပြင်နိုင်ဖို့ ကိစ္စနဲ့ပတ်သက်ပြီးအရမ်းအလေးထားပါ တယ်။  ဒါပေမယ့် သူတို့မှာ အချိန်နဲ့ ကျွမ်းကျင်ပညာရှင်လုံလုံလောက် လောက်မရှိပဲ ဒါကို အချိန် မီပြင်ဆင်နိုင်ပါ့မလားဆိုတာ ကျမ သိချင်ပါတယ်။”

နိုင်ငံရေးပြုပြင်ပြောင်းလဲရေး အစောပိုင်း ကာလကတည်းက အခြေခံလွတ် လပ်မှုတွေ လျော့သွားနည်းပါး သွားတာရှိပါသလား။

‘အစိုးရအနေနဲ့ မီဒီယာလွတ်လပ်ခွင့်ကို ဖိနှိပ်ဖို့စတင်နေတာကို ကျမတို့ စသတိပြုမိတာ ၁နှစ်ကျော်လောက် ရှိပါပြီ။ ရှင်တို့လည်း အဲဒီအကြောင်းတွေ သိပြီးဖြစ်မှာပါ။ သတင်းသမားတချို့ ဖမ်းဆီးခံရတယ်။ တချို့ကို ထောင်ထဲမှာ နှစ်ရှည်လများ ဖမ်းဆီးခံရတယ်။ ပြုပြင်ပြောင်းလဲရေးဖြစ်စဉ်က ရပ်တန့်နေရုံ သာမကပဲ နောက်ကိုပြန်သွားနေတာ ဖြစ်ကောင်းဖြစ်နိုင်တယ်လို့ ကျမတို့ ခံစားရတယ်။”

ပြုပြင်ပြောင်းလဲမှုတွေက ခုချိန်ထိ နောက်ပြန်သွားနေတုန်းလား။

“ဖွဲ့စည်းအုပ်ချုပ်ပုံအခြေခံဥပဒေဆိုင်ရာ ကိစ္စတွေကလွဲပြီး ရွေးကောက်ပွဲ မတိုင်ခင်  ဘာမှဖြစ်လာလိမ့်မယ် လို့ ကျမ မထင်ပါဘူး။ ကျမအမြင်ပြောရ ရင်တော့ အစိုးရက ဖွဲ့စည်းအုပ်ချုပ်ပုံ အခြေခံဥပဒေပြင်ဆင်ရေး နဲ့ပတ်သက် ပြီး လုံးဝဆန့်ကျင်နေတယ်လို့ ထင်ပါတယ်။ ဒါက နောက်ကြောင်းပြန်သွား နေတယ်လို့ ပြောဖို့ လုံလောက်တယ်လို့ ရှင်တို့ရော မထင်ဘူးလား။

အသက် ၇၀ ရောက်လာတဲ့အချိန်မှာ ဘယ်လိုခံစားရပါသလဲ။

“သိပ်ထူးခြားသွားတယ်လို့တော့ ကျမ မခံစားရပါဘူး။ ဒါပေမယ့် ဒီလောက် ကြာနေခဲ့ပြီဆိုတာက စိတ်ဝင် စားစရာကောင်းပါတယ်။”

DVB


No comments:

Post a Comment

My Blog List