၂၀၁၄ ခုနှစ် ပြည်လုံးကျွတ် သန်းခေါင်စာရင်းကောက် မှတ်တမ်းယူရာမှာ လူမျိုးပေါင်း ၉၁၇ မျိုး ရှိတယ်လို့ ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေးက ပြောပါတယ်။ ဇွန်လ ၁၇ ရက်က နေပြည် တော်မှာ ပြုလုပ်ခဲ့တဲ့ ရွေးကောက်ပွဲလုပ်ငန်းစဉ် တွေနဲ့ မဲပေးရေး အစီအစဉ်တွေမှာ မသန်စွမ်းသူတွေ ပိုမိုပါဝင်ခွင့် ရရှိလာ ရေး ဆွေးနွေးပွဲမှာ ပြောကြားခဲ့တာပါ။
“အကြမ်းဖျင်းတော့ မဲဆန္ဒနယ် သတ်မှတ်တာ ပြီးသွားပြီ။ ဒါပေမယ့် တိုင်းရင်းသားလူမျိုးများရဲ့ ကိုယ်စား လှယ်ရွေးဖို့ ရှိပါတယ်။ ဒါက လ၀က ကစာရင်း မထွက်သေးပါဘူး။ ကျနော်တို့ စုံစမ်းလိုက်တဲ့ခါကျတော့ နှုတ်ပြောအရ မှတ်တမ်းတင်ထားတာ လူမျိုးပေါင်း ၉၁၇ မျိုးရှိပါတယ်။” လို့ ဦးတင်အေးက ပြောပါတယ်။
၂၀၁၄ ခုနှစ်က ကောက်ယူခဲ့တဲ့ သန်းခေါင်စာရင်း အချက်အလက်တွေကို ပြီးခဲ့တဲ့ မေလက ထုတ်ပြန်ခဲ့ပေ မယ့် လူမျိုးနဲ့ ကိုးကွယ်ရာဘာသာကို မထုတ်ပြန်ခဲ့ပါဘူး။
“အဲဒါကို ရှင်းမယ်ဆိုရင် ၂၀၁၆ မှရမယ်။ ဆိုတော့ ၈၄ က သတ်မှတ်တဲ့ လူမျိုး ၁၃၅ မျိုးနဲ့ပဲ သတ်မှတ်မ လား။ သူတို့ ကျနော့်ကို အကြောင်းပြန်ပါ မယ်။ အဲဒါကို မူတည်ပြီးတော့ မဲဆန္ဒနယ် သတ်မှတ်ပါမယ်။ ဘယ် တိုင်း၊ ဘယ်ပြည်နယ်မှာ တိုင်းရင်းသားကိုယ်စားလှယ်ရလဲ ထုတ်ပါမယ်” လို့ ဦးတင်အေးက ပြောပါတယ်။
လာမယ့် ရွေးကောက်ပွဲ မဲဆန္ဒနယ်တွေရဲ့ သန်းခေါင်စာရင်းကို အခြေခံမှာ ဖြစ်တဲ့အတွက် အမျိုးသားလွှတ် တော်အတွက် အပြောင်းအလဲ ရှိတယ်လို့ လည်း သူက ဆက်ပြောပါတယ်။
ဒီလိုလူမျိုးဦးရေ မထုတ်ပြန်တဲ့အတွက် လာမယ့်ရွေးကောက်ပွဲမှာ တိုင်းရင်းသားတွေအနေနဲ့ ကိုယ်စားလှယ် ရဖို့ အခွင့်အရေး ဆုံးရှုံးတယ်လို့လည်း ဝေဖန်နေကြတာပါ။
DVB
No comments:
Post a Comment