၂၀၁၅ အထွေထွေရွေး ကောက်ပွဲ မတိုင်မီ သတင်းမီဒီယာများကို ဦးတည်၍ ခြိမ်းခြောက်ဖိနှိပ်ခြင်း၊ အနှောင့်အယှက်ပေးခြင်းနှင့် ဖမ်းဆီးထောင်ချခြင်းတို့ကို မြန်မာအာဏာပိုင်များ တိုးမြှင့်ပြုလုပ်လာကြောင်း နိုင်ငံတကာ လွတ်ငြိမ်းချမ်းသာခွင့်အဖွဲ့ (AI) က အစီရင်ခံစာထုတ်ပြန်သည်။
အင်္ဂလန်အခြေစိုက် အဆိုပါ အဖွဲ့က ဇွန်လ ၁၆ ရက်တွင်ထုတ် ပြန်သောအစီရင်ခံစာ၌ ပြီးခဲ့ သည့်နှစ်အတွင်း လွတ်လပ်စွာ ထုတ်ဖော်ပြောဆိုခွင့်များကို ပြင်း ပြင်းထန်ထန် ကန့်သတ်ခဲ့ပြီးလက် ရှိတွင် သတင်းထောက် အနည်း ဆုံး ၁၀ ဦးခန့် ထောင်ချခံ နေရကြောင်း ဖော်ပြထားသည်။
‘‘သတင်းထောက်တွေဟာ ရွေးကောက်ပွဲကာလမှာ အရေးပါ တဲ့ အခန်းကဏ္ဍကနေ ပါဝင်ပါ တယ်။ သူတို့တွေဟာ မဲဆန္ဒရှင် ပြည် သူတွေကို သတင်းအချက်အ လက်တွေရဖို့ သူတို့ရဲ့မဲပေးရွေး ချယ်မှုကို နားလည်စေဖို့ အများ ကြီးကူညီနိုင်တယ်။ ရွေးကောက် ပွဲမှာ မီဒီယာတွေရဲ့အခန်းကဏ္ဍ၊ လွတ်လပ်စွာထုတ်ဖော်ပြောဆို ခွင့်ကဏ္ဍတွေဟာ အမှန်တကယ် ကို အရေးပါတယ်’’ဟု AI ၏ အ ရှေ့တောင်အာရှသုတေသနညွှန် ကြားရေးမှူး ရူးပတ်အက်ဘော့က ဗီအိုအေ အင်္ဂလိပ်ပိုင်းအစီအစဉ် တွင် ဖြေကြားသည်။
မြန်မာနိုင်ငံတွင် ဆယ်စုနှစ် များစွာကြာပြီးနောက် သိသာထင် ရှားသော အပြောင်းအလဲများအဖြစ် လွတ်လပ်သည့် ဈေးကွက်စီး ပွားရေးစနစ်ဖော်ဆောင်ပေးခဲ့ပြီး လွှတ်တော်များ ပေါ်ထွက်လာခဲ့သည်။ သို့သော် အဆိုပါဆောင်ရွက်ချက်များမှာစစ်အစိုးရ လက် ထက်မှ အရပ်သားအစိုးရအဖြစ်သို့ ပြောင်းလဲ၍ ဒီမိုကရေစီပြုပြင်ပြောင်းလဲမှုများကို ဖော်ဆောင်ရန် ၂၀၁၁ က ကတိပြုခဲ့သည့် အချက်များကို လှည့်စားဖုံးကွယ်လိုသည့် အချက်များသာဖြစ်ကြောင်း အဆိုပါ အဖွဲ့က ပြောသည်။
အစီရင်ခံစာအရ မြန်မာနိုင်ငံအတွင်းရှိ သတင်းထောက်များမှာ အင်အားကြီးစစ်တပ်၊ ဘာသာရေးအစွန်းရောက်မှုများနှင့် လူနည်းစု ဘင်္ဂါလီဆိုင်ရာ သတင်းများရေးသား ဖော်ပြမှုတို့တွင်သတိထားရေးသားနေရပြီး အလွတ်တန်းသတင်းထောက် ကိုပါကြီး(ခေါ်) အောင်ကျော်နိုင်မှာလည်း ၂၀၁၄ အတွင်း တိုင်းရင်းသားလက်နက်ကိုင် အဖွဲ့နှင့် မြန်မာ့တပ်မတော်တို့ကြားဖြစ်ပွားသည့် တိုက်ပွဲ အတွင်း သတင်းရယူရင်း အသတ်ခံရသည်။
အဆိုပါအချက်များက နိုင်ငံ တွင်းရှိ သတင်းထောက်များကြောက်ရွံ့မှုများဖြစ်ပေါ်စေကြောင်း ယင်းအဖွဲ့ကပြောသည်။
သတင်းထောက် အချို့မှာ ၎င်းတို့၏သတင်းများတွင် အမည် မဖော်လိုသူများကို ကိုးကားနေရ ပြီး တိုင်းရင်းသားလက်နက်ကိုင် ဒေသများတွင် ဖြစ်ပွားနေသည့် တိုက်ပွဲသတင်းများရေးသားရာ၌ စစ်ရေးဆိုင်ရာပုဂ္ဂိုလ်များက ခြိမ်း ခြောက်ခြင်း (သို့မဟုတ်) ထောင် သွင်းအကျဉ်းချခြင်းတို့ ပြုလုပ်နိုင် သည်ဟု ခြိမ်းခြောက်ပြောကြားခံ နေရသည်ဟု သိရသည်။
‘‘သတင်းထောက်တွေဟာ သူတို့ဘာသာသူတို့ ဆင်ဆာတွေ ဖြတ်တောက်နေကြရတယ်။ ပြီး တော့ အချိန်မရွေး တရားရုံးက ဆင့်ခေါ်ခံရနိုင်မယ့် အန္တရာယ်ကို ရင်ဆိုင်နေရတယ်’’ဟုရူးပတ်အက် ဘော့ကပြောသည်။
ယခုနှစ်အတွင်း မြန်မာပို့စ် ဂျာနယ် အယ်ဒီတာချုပ်အပါအ ၀င် နှစ်ဦးကို အသရေဖျက်မှုဖြင့် ထောင်ဒဏ် တစ်လ ချမှတ်ပြီးနောက် ကိုးကန့်လက်နက်ကိုင်တပ်ဖွဲ့၏ သတင်းထုတ်ပြန်ကြေညာချက်များကို ရေးသားဖော်ပြထုတ်လွှင့်ပါက မတရားအသင်းဆက်သွယ် သည့်ပုဒ်မဖြင့် အရေးယူခံရမည်ဖြစ်ကြောင်း တပ်မတော်သတင်း မှန်ထုတ်ပြန်ရေးအဖွဲ့က ကြေညာထားသည်။
ပြီးခဲ့သည့်နှစ်အတွင်း ယူန တီဂျာနယ်အယ်ဒီတာအဖွဲ့ငါးဦး၊ ဘိုင်မွန်းတည့်နေဂျာနယ်အယ်ဒီ တာအဖွဲ့လေးဦးတို့ကို နိုင်ငံတော် လျှို့ဝှက်ပေါက်ကြားမှု၊ အစိုးရအ ကြည်ညိုပျက်စေမှု စသည့်ပုဒ်မ များဖြင့် ထောင်ဒဏ်များချမှတ်ခဲ့သည်။
၂၀၁၅ အထွေထွေ ရွေး ကောက်ပွဲကို လာမည့် အောက်တိုဘာလကုန်(သို့မဟုတ်) နိုဝင်ဘာတွင် ပြုလုပ်မည်ဖြစ်ကြောင်း ပြည်ထောင်စု ရွေးကောက်ပွဲ ကော်မရှင်က ပြောကြားထားသည်။
7Day Daily
No comments:
Post a Comment