Saturday, March 07, 2015

အကြမ်းဖက်ရိုက်နှက်မှု ရန်ကုန်တိုင်း အစိုးရမှာ တာဝန်ရှိကြောင်း ၈၈ အဖွဲ့ပြော


ရန်ကုန်မြို့တော်ခန်းမရှေ့ဆန္ဒပြပွဲမှာ ရဲတပ်ဖွဲ့ဝင်တွေနဲ့ အရပ်ဝတ်တွေရဲ့ ရိုက်နှက်ဖမ်းဆီးမှုကိုခံခဲ့ရ တဲ့ ကျောင်းသူ ကျောင်းသားတွေနဲ့ ၈၈ မျိုးဆက် ပွင့်လင်းလူ့အဖွဲ့ အစည်း အဖွဲ့ဝင်တွေကအကြမ်းဖက် ရိုက်နှက်မှုနဲ့ ပတ်သက်ပြီး ရန်ကုန်တိုင်းဒေသကြီး အစိုးရမှာ တာဝန် ရှိကြောင်း ပြော ပါတယ်။
ဒီနေ့ သင်္ဃန်းကျွန်းမြို့နယ်မှာရှိတဲ့ ၈၈ မျိုးဆက်ငြိမ်း ချမ်းရေးနဲ့ ပွင့်လင်းလူ့အဖွဲ့ အစည်းရုံးမှာ သတင်းစာ ရှင်းလင်းပွဲကျင်းပပြီး ပြောခဲ့တာဖြစ်ပါတယ်။

မနေ့က ရိုက်နှက်ဖမ်းဆီးခံရတဲ့ ၈ ဦးထဲက တစ်ဦးဖြစ် တဲ့ ၈၈ အဖွဲ့ဝင် ကိုမျိုးသန့်က တိုင်းဒေသကြီးအစိုးရမှာ တာဝန်ရှိကြောင်း ပြောခဲ့တာပါ။

"ဒီလိုမျိုးအကြမ်းဖက်ဖြေရှင်းမှုမျိုးဟာ ဘယ်ပြဿနာကိုမှ ဖြေရှင်းနိုင်မှာမဟုတ်ဘူး၊ ပိုမိုကြီးထွားနိုင်တဲ့ ကိစ္စ ပဲဖြစ်တယ်လို့ အဓိကပြောလိုပါတယ်၊ အထူးသဖြင့် အရပ်သားတွေကို တာဝန်ဆိုတဲ့လက်ပတ် ပတ်ပေးရုံနဲ့ တကယ်တာဝန် ရှိသွားသလား၊ ပိုမိုပြီး ဒီထက်အရေးကြီးတာက အဲ့ဒီတာဝန်ဆိုပြီးလက်ပတ် ပတ်ထားတဲ့ သူတွေကို ဒီလိုလုပ်ဖို့အတွက် ဘယ်သူက တာဝန်ပေးသလဲ ဆိုတာက ပိုအရေးကြီးပါတယ်၊ ကျနော်တို့ အမြင်ကတော့ တိုင်းဒေသကြီး အစိုးရရဲ့တာဝန်ဟာ အဓိကကျတယ်"

မြို့တော်ခန်းမအနီးမှာ ကျောင်းသား ကျောင်းသူတွေနဲ့ ၈၈မျိုးဆက်အဖွဲ့ဝင်တွေ က လက်ပံတန်းမြို့က ပင်မကျောင်း သားသပိတ်ကို အကြမ်းဖက်ဖြိုခွဲတာတွေ မလုပ်ဖို့ တောင်းဆိုခဲ့ကြတာဖြစ်ပါတယ်။

သူတို့အားလုံး ဒီနေ့မနက်က ပြန်လည်လွှတ်မြောက်လာပြီး ပုဒ်မ ၁၈ နဲ့ အရေးယူခံရမယ်လို့ ရန်ကုန် အရှေ့ပိုင်း ခရိုင်ရဲမှူးက ပြောခဲ့တယ်လို့ ဆိုပါတယ်။

RFA Burmese

No comments:

Post a Comment

My Blog List