လစ်ဗျားနိုင်ငံမှာ လွန်ခဲ့တဲ့ (၈) လလောက်ကတည်းက ပျောက်ဆုံးနေတဲ့ ပုဂ္ဂလိက ရုပ်မြင်သံကြား သတင်း ဌာနက တီဗွီ သတင်းထောက် ၅ ဦးကို စစ်သွေးကြွတွေက သတ်ပစ်လိုက်တယ်လို့ လစ်ဗျား အရာရှိတွေ က ပြောပါတယ်။ လည်ပင်းကို လှီးပြီး သတ်ခံထားရတဲ့ အဲဒီ သတင်းထောက်တွေရဲ့ အလောင်းတွေကို တိုင်းပြည်အရှေ့ပိုင်း Bayda မြို့အနီးမှာ တနင်္လာနေ့က တွေ့ခဲ့တာ ဖြစ်ပါတယ်။
သူတို့ကို ဘယ်သူသတ်တယ်ဆိုတာတော့ ထုတ်ဖော် ပြောဆိုလာသူ မရှိသေးပါဘူး။ ဒါပေမယ့် လစ်ဗျား အရာရှိတွေနဲ့ IFJ နိုင်ငံတကာ သတင်းထောက်များ အဖွဲ့တို့ကတော့ သူတို့ကို IS အစ္စလာမ်မစ် စစ်သွေးကြွတွေက သတ်ဖြတ်လိုက်တာ လို့ အပြစ်ဖို့ထားပါတယ်။
ISIS အဖွဲ့က လူတွေ ခြောက်လှန့်ဖို့ ရည်ရွယ်ပြီး သတင်းထောက်တွေ အခုလို သတ်ဖြတ် ခံလိုက်ရတဲ့အတွက် အထူး တုန်လှုပ်မိကြောင်း၊ ဒါပေမယ့် သူတို့အနေနဲ့ ၀မ်းနည်း ကြေကွဲပြီး ဒီ သတ်ဖြတ်မှုမှာ တာဝန်ရှိသူတွေကို အရေးယူတာ ကို စောင့်ကြည့်ရမှာဖြစ်ကြောင်း IFJ အဖွဲ့ ဥက္ကဌ Jim Boumelha က တနင်္လာနေ့မှာ ပြောပါတယ်။
လစ်ဗျားနိုင်ငံမြို့တော် ထရီပိုလီကို အစ္စလာမ်မစ် စစ်သွေးကြွတွေ မနှစ်က သိမ်းပိုက်လိုက်ပြီးတဲ့ နောက်ပိုင်း လစ်ဗျား အစိုးရနဲ့ လွှတ်တော်ကို Tobruk မြို့မှာ ပြောင်းရွေ့ တည်ထောင်ခဲ့တာ ဖြစ်ပါတယ်။
VOA
No comments:
Post a Comment