Monday, April 27, 2015

နီပေါငလျင်သေဆုံးသူ နှစ်ထောင့်နှစ်ရာကျော်ထိ တိုးလာ




 




စနေနေ့က နီပေါနိုင်ငံတွင် လှုပ်ခတ်ခဲ့သည့် ငလျင်ကြီးကြောင့် လူပေါင်း ၂,၂၀၀ ကျော် သေဆုံးခဲ့ပြီဖြစ် သ လို ထိုငလျင်ကြီးလှုပ်ပြီး ၂၃ နာရီအတွင်း ဆက်လက်လှုပ်ခတ်နေသော နောက်ဆက်တွဲ ငလျင်ပေါင်း ၃၁ ခု ရှိသွားပြီဖြစ်ကြောင်း သည်ဝေါလ်စထရိဂျာနယ်က ဖော်ပြသည်။

ပြင်းအား ၇ ဒသမ ၈ ရှိ ငလျင်ပြီးနောက် လှုပ်ခတ်သော နောက်ဆက်တွဲ ငလျင်များအားလုံးမှာ ပြင်းအား ပမာဏ ၄ နှင့် အထက်များချည်း ဖြစ်ကြသည်။

ယနေ့ မွန်းလွဲပိုင်းတွင် လှုပ်ခတ်သွားသည့် နောက်ဆက်တွဲငလျင်မှာ ပြင်းအား ၆ ဒသမ ၇ ရှိုပြီး မြို့တော် ခတ္တမန္ဒူ၏အရှေ့ဘက် ၆၅ ကီလိုမီတာရှိ အရပ်ကို ဗဟိုပြုလှုပ်ခတ်သွားခြင်းဖြစ်ကြောင်း အမေရိကန် ဘူမိဗေဒဆာဗေးအဖွဲ့ကြီး က အစီရင်ခံထားသည်။ စနေနေ့ ငလျင်ကြီးလှုပ်ပြီးချိန်မှစ၍ ရှာဖွေကယ် ဆယ်ရေးလုပ်ငန်းများကို ဆောင်ရွက်လျက်ရှိပြီး သေဆုံးသူအရေအတွက်မှာ ပိုများလာနိုင်ကြောင်း ကျွမ်းကျင်သူများက ခန့်မှန်းထားသည်။

နီပေါငလျင်အကြောင်း သိကောင်းစရာ အချက် (၅)ချက်

၁ ။  ။ ငလျင်မှာ အင်အားကောင်းပြီး သေလောက်အောင် ပြင်းထန်ခဲ့သည်။

သေဆုံးသူဦးရေ ၁,၈၀၀ ထက်မနည်းကြောင်း နီပေါပြည်ထဲရေးဝန်ကြီး ဌာနက သတ်မှတ်ခဲ့သည်။ စီအင်န် အင်န် သတင်းဌာနက ယခုနောက်ဆုံး သေဆုံးသူ ၂,၂၆၃ ရှိပြီဖြစ်ကြောင်း ဖော်ပြသည။် ငလျင်ကြောင့် မြို့တော် ခတ္တမန္ဒူ တစ်နံတစ်လျား ပျက်စီးထိခိုက်မှုဖြစ်စေခဲ့သည်။ ဧဝရက်တောင်ထိပ်မှ နှင်းထု၊ ရေခဲ ထုနှင့်ကျောက်တုံးများ တစ်ဟုန်ထိုးလျှောကျခြင်းကိုလည်း အစပျိုးစေခဲ့သည်။ ငလျင်ကို အိန္ဒိယနိုင် ငံ မြို့တော် နယူးဒေလီ၊ ဘင်္ဂလားဒေ့ရ်ှမြို့တော် ဒါကာတို့တွင်လည်း ခံစားခဲ့ရသည်။

၂။  ။ ငလျင်များဖြစ်လေ့ဖြစ်ထရှိသည့် နီပေါ

အိန္ဒိယတိုက်ငယ်နှင့် ယူရေးရှန်း မြေဆိုင်ထုမျက်နှာပြင်တို့ ဆုံရာ Indus_Yarlung ဇုန်ဟု သိကြသည့် နေ ရာတွင် ငလျင်လှုပ်ခတ်ခဲ့သည်။ လွန်ခဲ့သည့် နှစ်သန်း ၄၀မှ နှစ်သန်း ၅၀ကာလက ထိုနှစ်ခု တိုက် မိခြင်းကြောင့် ဟိမဝန္တာတောင်တန်းများ မြင့်တက်မှု ဖြစ်စေခဲ့သည်။ ယင်းမှာ ဒေသရှိလူသေဆုံးမှုအများဆုံး ငလျင်များ ဖြစ်ပွားခဲ့ဖူးရာ ဧရိယာဖြစ်သည်။ ၂၀၀၅ က ကက်ရ်ှမီးယားတွင် ငလျင်ကြီး လှုပ်ခတ်ခဲ့ပြီး လူပေါင်း ၈၀,၀၀၀ ထက်မနည်း သေဆုံးခဲ့ရသော ဖြစ်စဉ်လည်း အပါအဝင်ဖြစ်သည်။ အင်အားပြင်း ထန်သော ငလျင်တစ်ခုသည် ၁၉၃၄ ကလည်း နီပေါ၌ လှုပ်ခတ်ခဲ့ဖူးပြီး သေကျေပျက်စီးဆုံးရှုံးမှု အကြီးအကျယ် ဖြစ်ပေါ်စေခဲ့သည်။

၃။  ။ သမိုင်းဝင်နေရာများ ငလျင်ကြောင့် ပျက်စီးကုန်သည်။

မြို့တော်ခတ္တမန္ဒူနှင့် ယင်း၏ဆင်ခြေဖုံးနေရာများမှာ ရာစုနှစ်များစွာချီ သက်တမ်းရှိ သမိုင်းဝင်နေရာ များနှင့် ပြည့်နှက်လျက်ရှိသည်။ ထိုဧရိယာ၌ အရေးပါသည့်ဘုရားကျောင်းများ ၊ နန်းတော်များ၊ ဝင်းတံတိုင်း များစွာရှိပြီး ယင်းတို့အနက်အများအပြားမှာ နှစ်ပေါင်း ၃၀၀ အထက် သက်တမ်းရှိကြသည်။ ခတ္တမန္ဒူတောင် ကြားရှိ ခုနစ်နေရာကို ယူနက်စကို ကမ္ဘာ့ရှေးဟောင်း ယဉ်ကျေးမှုအမွေအနှစ်နေရာတစ်ခုအဖြစ် ထိန်းသိမ်း ကာကွယ်မှုပြုထားသည်။ ဒါဘာစကွဲသည် 'နီပေါ၏ ရှေးမယ်လာဘုရင်များက ၁၂ ရာစုမှ ၁၈ ရာစုကြား
ကာအတွင်း တည်ဆောက်ခဲ့သည့် မြို့တော်၏ လူမှုရေး၊ ဘာသာရေးနှင့် မြို့ပြဆုံချက်' ဖြစ်ကြောင်း ယူနက် စကို၏ ဝက်ဘ်ဆိုက်က ရေးသားထားသည်။

၎။   ။ နီပေါသည် နိုင်ငံရေးကသောင်းကနင်းအဖြစ်ကို ရင်ဆိုင်ထားရသည်။

လူဦးရေ သန်းသုံးဆယ်ခန့်ရှိသည့် ကုန်းတွင်းပိတ်နိုင်ငံတစ်နိုင်ငံဖြစ်သော နီပေါသည် ကမ္ဘာ့အဆင်းရဲ ဆုံးနှင့် ဖွံ့ဖြိုးမှုအနည်းဆုံး နိုင်ငံများအနက် တစ်နိုင်ငံဖြစ်သည်။ ဖွဲ့စည်းပုံအခြေခံဥပဒေသစ်တစ်ရပ်နှင့်ပတ် သက်၍ အချေအတင်ဖြစ်မှုများအလယ်တွင် လောလောလတ်လတ် နိုင်ငံရေးကသောင်းကနင်း လှိုင်းလုံး တစ်ခု ရိုက်ခတ်ခံထားရသည်။ ၂၀၀၈ အထိ ဘုရင်စနစ်ဖြင့် အုပ်ချုပ်ခဲ့သည့် နီပေါနိုင်ငံမှ နိုင်ငံရေးသမား များသည် နိုင်ငံတော်ဖွဲ့စည်းပုံအခြေခံ ဥပဒေအသစ်တစ်ရပ်ကို ရေးဆွဲရန် နှစ်ပေါင်းများစွာ ရုန်းကန်ကြိုး စားနေခဲ့ရသည်။ တိုင်းရင်းသားအရေးများနှင့် တိုင်းပြည်ကို ပြည်နယ်များအဖြစ်သို့ စိတ်ပိုင်းသင့်သလား ဆိုသည့် ကိစ္စမှာ အဓိက အပြင်းပွားမှုများအနက် တစ်ခုဖြစ်သည်။ နီပေါအစိုးရသည် Maoist သူပုန် များနှင့် ပြည်တွင်းစစ်ကို ဆယ်စုနှစ်တစ်ခုချီ တိုက်ခိုက်ခဲ့သည်။ ၂၀၀၆ တွင် Maoist များကလက်နက်ချရန် သဘောတူပြီး နိုင်ငံရေး ပြန်လည်ရင်ကြားစေ့ မှုလုပ်ငန်းစဉ်တစ်ခုကို ပူးပေါင်းခဲ့သည့်အခါ ယင်းပြည်တွင်း
စစ် ပြီးဆုံးခဲ့သည်။

၅။   ။ အမေရိကန်ပြည်ထောင်စုနှင့် အခြားနိုင်ငံများက အကူအညီပေးရန် ကမ်းလှမ်းကြသည်။

အိန္ဒိယလေတပ်လေယာဉ်များသည် ကယ်ဆယ်ရေးအဖွဲ့များ ၊ အထောက်အပံ့များဖြင့် ပျံသန်းမှု စတင်ခဲ့ သည်။ ဥရောပကော်မရှင်နှင့် နီပေါရှိ အမေရိကန်သံရုံးတို့ကလည်း ကျွမ်းကျင်သူများသည် ငလျင်လှုပ် ခတ်ခဲ့သောဒေသများသို့ သွားရာလမ်းတွင် ရောက်နေကြပြီဖြစ်ကြောင်း ပြောကြသည်။ ဂျာမန်အစိုးရ
ကလည်း ယင်းအနေဖြင့် ကူညီမည်ဖြစ်ကြောင်း ပြောကြားခဲ့သည်။ အမေရိကန်ပြည်ထောင်စုက အရေးပေါ် အကူအညီ ဒေါ်လာ ၁ သန်းပေးအပ်နေချိန်တွင် ဥရောပကော်မရှင်ကလည်း ဘဏ္ဍာရေးအကူအညီပေးရန် စဉ်းစားနေကြောင်းပြောသည်။

Ref; WSJ
7Day News Journal

No comments:

Post a Comment

My Blog List