စစ်အုပ်ချုပ်ရေး ပထမနေ့တွင် တိုက်ပွဲများ ထပ်မံဖြစ်ပွား၊ ဗိုလ်ကြီးတစ်ဦး ကျဆုံး တိုက်ပွဲကာလအတွင်း တပ်မတော်သား ၅၀ ဦး ကျဆုံး၊ ၁၀၀ ဦး ဒဏ်ရာရရှိကာ အရပ်သားများလည်း သေဆုံးဒဏ်ရာရမှုရှိ

ကိုးကန့်ဒေသတွင် စစ်အုပ်ချုပ်ရေး ကြေညာပြီး နောက်တစ်နေ့၌ ချင်းရွှေဟော် မြို့အနီးတွင် စစ်ယာဉ်တန်း တိုက်ခိုက်ခံရကာ တပ်မတော်မှ ဗိုလ်ကြီးတစ်ဦးကျဆုံးပြီး အခြားအဆင့်သုံးဦး ဒဏ်ရာရရှိခဲ့သည်။ ထို့ကြောင့် ဖေဖော်ဝါရီ ၁၅ ရက်နောက်ပိုင်း တပ်မတော်သားသုံးဦး ထပ်မံကျဆုံးသွားခြင်း ဖြစ်ပြီး ၂၇ ဦး ဒဏ်ရာရရှိခဲ့သည်။
တိုက်ပွဲစတင် ဖြစ်ပွားသည့် ဖေဖော်ဝါရီ ၉ ရက် မှ ၁၈ ရက် အထိ တပ်မတော်မှ ကျဆုံးသူ စုစုပေါင်း ၅၀ ဦးနှင့် ဒဏ်ရာရ ရှိသူ ၁၀၀ ဦးရှိပြီဖြစ်ကြောင်း နိုင်ငံပိုင်မီဒီယာများ၏ ထုတ်ပြန် ချက်အရ သိရသည်။

သမ္မတက ဖေဖော်ဝါရီ ၁၇ ရက်တွင် လောက်ကိုင်ဒေသ၌ စစ်အုပ်ချုပ်ရေး ကြေညာခဲ့ပြီး ဖေ ဖော်ဝါရီ ၁၈ ရက်တွင် ချင်းရွှေ ဟော်နှင့် ငါးမိုင်ခန့်သာကွာသည့် လုံထန်ရွာအနီး၌ တပ်မတော်စစ်ယာဉ်တန်း တိုက်ခိုက်ခံ ရခြင်းဖြစ်သည်။

ထိုတပ်မတော် စစ်ယာဉ် တန်းကို တပ်မ (၁၁) နှင့် စစ်ဆင်ရေးကွပ်ကဲမှုဌာနချုပ်မှ တပ်မမှူးက ဦးဆောင် သွားခြင်းဖြစ်သည်။

တပ်မ (၁၁) မှ ဗိုလ်ကြီး ရဲစည်သူကျော် သေနတ်ဒဏ်ရာရကာ ကျဆုံးခဲ့ပြီး အခြားတပ်မတော်သားသုံး ဦးလည်း သေနတ်ဒဏ်ရာ များဖြင့်ကွမ်းလုံဆေးရုံတွင်ကုသ မှုခံနေရသည်။

တိုက်ခိုက်ခံရသည့် တပ်မ တော်စစ်ယာဉ်တန်းသည် ကြက် ခြေနီအဖွဲ့ ပစ်ခတ်ခံရသည့် မြေ ပြင်အခြေ အနေကို လေ့လာရန် နှင့် ရှေ့တန်း တပ်မတော်သား များအတွက် ရိက္ခာပို့ရန် သွားခြင်း ဖြစ်ပြီး နေ့လယ် ၁ နာရီခွဲခန့်မှစကာ ညနေ ၆ နာရီအထိ တိုက် ခိုက်ခံရခြင်းဖြစ်သည်။

ကိုးကန့်တိမ်းရှောင်တပ်ဖွဲ့ဝင်များဘက်ကမှ ဖေဖော်ဝါရီ ၁၅ရက်အထိ ၂၆ ဦး ကျဆုံးခဲ့ကြောင်းကြေညာ ထားပြီး ထို့နောက်ပိုင်း အခြေအနေကိုမူ မသိရှိရသေးပေ။

‘‘ကျွန်တော်တို့ ယာဉ်တန်း လုံထန်နားရောက်တော့ တောင် ပေါ်ကနေ စနိုက်ပါတွေနဲ့ ဆက် တိုက်ပစ်တာ။ အင်အားတော် တော်များတယ်။ ကားတစ်စီးလုံး လက်နက်ကြီးထိပြီး မှောက်ကျန် ခဲ့တာ’’ ဟု ဒဏ်ရာရ တပ်မတော် သားများကို ကားဖြင့် ပြန်သယ် ထုတ်လာခဲ့သည့် တပ်မတော် သားတစ်ဦးက ပြောသည်။

ငါးနာရီခန့်ကြာအောင် တိုက် ပွဲဖြစ်ပွားခဲ့သည့် လုံထန်ရွာသည် လောက်ကိုင်မြို့နှင့် မိုင် ၃၀ ကျော် ဝေးပြီး ချင်းရွှေဟော်မြို့နှင့် ငါးမိုင်ခန့် ကွာဝေးသည်။

ဖုန်ကြားရှင်၏ လက်နက် ကိုင်တပ်ဖွဲ့သည် လောက်ကိုင်မှတစ်ဆင့် ချင်းရွှေဟော်မြို့သို့ တဖြည်းဖြည်းတိုး ကာ ပြောက်ကျားစနစ်ဖြင့် တိုက်ခိုက်လာနေ ကြောင်း တပ်မတော် အရာရှိတစ် ဦးက ဆိုသည်။

ချင်းရွှေဟော်မြို့နှင့် ကိုးမိုင် ခန့်ကွာသည့် ကွမ်းလုံဒေသခံများ မှာလည်း ချင်းရွှေဟော်မြို့အနီး တိုက်ပွဲများ ဖြစ် ပွားနေသောကြောင့် လုံခြုံရေးအတွက် စိုးရိမ်မှုများ ဖြစ်ပွားနေသည်။

ချင်းရွှေဟော်မြို့ လမ်းဆုံ တွင် ပိတ်ကာ လုံခြုံရေးစောင့်နေ သည့် တပ်မ (၁၁) မှ တပ်မတော် အရာရှိတစ်ဦး ကလည်း လုံခြုံရေး အာမ မခံနိုင်သောကြောင့် ချင်းရွှေဟော်တွင် ညမအိပ်ရန် သတင်းထောက်များနှင့် ကြက်ခြေနီအဖွဲ့အား ပြောသည်။

လောက်ကိုင်နှင့်အနီး မြန် မာ-တရုတ်နယ်စပ်တွင် ဖေဖော် ၀ါရီ ၁၈ ရက်အထိ ကျန်ရှိနေ သေးသည့် ကြံခုတ် အလုပ်သမား နှစ်သောင်းကျော် ရှိနေသေးပြီး ၎င်းတို့က တရုတ်လုပ်ငန်းရှင် ပေး မည်ဆိုသည့် လုပ်အားခ ကို စောင့် နေခဲ့ခြင်းဖြစ်ကြောင်း လောက် ကိုင်မှ ခြေကျင်လျှောက်ပြန်လာခဲ့သည့် ကိုခင်ဝင်းဆိုသူက ပြော သည်။

ဖေဖော်ဝါရီ ၁၈ ရက်က လောက်ကိုင်၊ ကုန်းကြမ်း၊ တာ ရွှေထန်မြို့တို့တွင် အစိုးရတပ်မ တော်နှင့် ဖုန်ကြားရှင်၏ ကိုးကန့် လက်နက်ကိုင်အဖွဲ့ ပစ်ခတ်မှုအ နည်းငယ် ဖြစ်ပွားခဲ့ပြီး ချင်းရွှေ ဟော်မြို့အနီး လုံထန်ရွာတွင် အ ပြင်းထန်ဆုံး ဖြစ်ပွားခဲ့ကြောင်း တပ်မ (၁၁)မှ တပ်မတော်အရာရှိတစ်ဦးက ပြောသည်။

ဖေဖော်ဝါရီ ၁၅ ရက်နောက်ပိုင်းတွင် တိုက်ပွဲများကြောင့် အရပ်သားနှစ်ဦး သေဆုံးပြီး၊ ခြောက်ဦး ဒဏ်ရာရရှိ ခဲ့ကြောင်းလည်း အစုိုးရက ထုတ်ပြန်သည်။

ဖေဖော်ဝါရီ ၁၅ မှ ၁၈ ရက်အထိ ကျောက်မဲနှင့် သီပေါကြားတွင် SSA ၀မ်ဟိုင်းမှတစ်ကြိမ်၊ လားရှိုးနှင့် သိန်းနီကြားတွင် SSA၀မ်ဟိုင်းမှ တစ်ကြိမ်၊ သိန်းနီနှင့် ကြူကုတ်ကြားတွင် KIA နှင့် TNLA အဖွဲ့တို့က သုံးကြိမ်၊ ကွတ်ခိုင်နှင့် မုန်းဆီးကြားတွင် KIA အဖွဲ့နှစ်ကြိမ်၊ မုန်းဆီးနှင့် တာဘားကြားတွင် KIA နှင့် တစ်ကြိမ်၊ ချင်းရွှေဟော်နှင့် ပါစင်ကျော်ကြားတွင် ကိုးကန့် သောင်းကျန်းသူတို့က လေးကြိမ် အလစ်အ ငိုက် နှောင့် ယှက်တိုက်ခိုက်ခြင်း၊ အဝေးထိန်း မိုင်းဖြင့် ဖောက်ခွဲတိုက်ခိုက်ခြင်း တို့ ပြုလုပ်ခဲ့ကြောင်း နိုင်ငံပိုင် မီဒီယာများကကြေညာသည်။

စစ်အုပ်ချုပ်ရေးကြေညာထားသော ကိုးကန့်ဒေသတွင် ဒုက္ခသည်များတင်ဆောင်လာသည့် ယာဉ်တစ်စီးနှင့် လုံခြုံရေးတာဝန်ထမ်းဆောင်နေသော တပ်မတော်သားများကို ဖေဖော်ဝါရီ ၁၇ ရက်က တွေ့ရစဉ် (ဓာတ်ပုံ − လင်းဘိုဘို/အီးပီအေ)
7Day Daily