အောင်ဆန်းစုကြည်နှင့် မြန်မာနိုင်ငံ အနာဂတ်ကို ဂါးဒီးယန်းသတင်းစာ၏အမြင်

မြန်မာနိုင်ငံ၏ ပြုပြင်ပြောင်းလဲရေးလုပ် ငန်းစဉ်များသည် အနောက်နိုင်ငံများ၏ လက်ခုပ် ဩဘာပေးခြင်းနှင့် ချီးမြှောက် အားပေးခြင်းကို ခံယူနေရပါသည်။ သို့သော် ထိုပြုပြင်ပြောင်း လဲရေးလုပ်ငန်းစဉ်များကို တရား ဥပဒေမြဲမြံစွာစိုးမိုး သည်အထိ၊ ခိုင်မာသော ဒီမိုကရေစီနိုင်ငံတစ် ခုပေါ်လာသည်အထိ  သယ် ဆောင် သွားနိုင်မည်လားဆိုသည်မှာတော့ ချိန်ဆစရာတွေ အများကြီးရှိနေ ပါသည်။ နောင်လာမည့် သီတင်းပတ် အနည်းငယ်သည် မြန်မာနိုင်ငံအတွက် အရေးကြီးသည့် အဆုံးအဖြတ်ပေးမည့် ကာလဖြစ်ပါသည်။

လာမည့် ဖေဖော်ဝါရီလကုန် သည် နောက်ဆုံးဖြစ်ကောင်းဖြစ် နိုင်ပါ၏။ ထိုကာလအတွင်းမှာ မြန်မာအစိုးရ သည် လူအများ အမျိုးမျိုးထင်ကြေးပေးနေကြ သော ပြဿနာတစ်ခု အတွက် အခြေခံဥပဒေပြင်ဆင်နိုင်မှု အကောင်အထည် ဖော်ရေး ကော်မတီကတင်ပြလာမှုအပေါ် ၎င်း၏ ဆုံးဖြတ်ချက်တစ်ခုကို တုံ့ပြန်ဖြေ ကြားပေးရမည်ဖြစ်ပါသည်။

ထိုအရာက ၂၀၁၅ နှောင်း ပိုင်းတွင် ကျင်းပမည့် နိုင်ငံ၏ရွေး ကောက်ပွဲကို မည်သည့်အနေ အထားမှာ ကျင်းပမလဲဆိုတာကို သတ်မှတ်ရမည်ဖြစ်သည်။ သို့ သော်လည်း ထိုဆုံးဖြတ်ချက်က နောက်နှစ်တွေမှာ ဖြစ်ပေါ်လာမည့် တိုင်းပြည် အနေအထားကို ပုံဖော်ပေးပါလိမ့်မည်။ သည်နေရာမှာ ဘာဆုံးဖြတ်ချက်ချသလဲ ဆိုသည့်အပေါ်မူတည်ပြီး လွန်ခဲ့ သော နှစ်ငါးဆယ်ခန့်က စစ်အာဏာသိမ်း ခဲ့သလို  စစ်တပ်နှင့် အရပ်သား အစိုးရကြားမှာ မြန်မာ နိုင်ငံ၏ ပြုပြင်ပြောင်းလဲရေးလုပ် ဆောင်မှုများက ကျဆင်းသွားနိုင်သည် (သို့မဟုတ်) အရပ်သား အစိုးရကိုဗန်းပြထားသည့်နောက် မှာ စစ်တပ်၏လွှမ်းမိုးမှုကလည်း သည့်ထက်ပိုဆိုးလာကောင်း ဆိုးလာနိုင်သည်။

မြန်မာ့နိုင်ငံရေးတွင် အတိုက်အခံခေါင်းဆောင်ဒေါ်အောင်ဆန်းစုကြည်၏ အခန်းကဏ္ဍကား မည်သို့မျှရှောင် လွှဲ၍မရသော အဓိကကိစ္စတစ်ခုဖြစ်ပါသည်။ သူသည် တောင်အာဖရိကခေါင်း ဆောင်နယ်လ်ဆင်မန်ဒဲ လားနှင့် ရုရှားနိုင်ငံက   လူ့အခွင့်အရေး လှုပ်ရှားသူအန်ဒရောရှားကောဗ် တို့ကဲ့သို့ မြန်မာ့နိုင်ငံရေးမှာ ပါဝင် ကစားနိုင်သော နိုင်ငံရေးခေါင်း ဆောင်တစ်ဦးဖြစ်၏။ လူအများ လေးစားယုံကြည်မှုကိုရထား သော ခေါင်းဆောင်လည်းဖြစ်၏။ အခက်အခဲသမိုင်းကြောင်းတွေ ကြုံရသော နိုင်ငံအတော်များများသည်   မြန်မာနိုင်ငံကဲ့သို့   ဒေါ် အောင်ဆန်းစုကြည်လို  ခေါင်း ဆောင်မျိုးများရှိသည်အထိ   ကံမကောင်းကြပါ။ သို့သော်လည်း အခြေခံဥပဒေက ဒေါ်အောင်ဆန်းစုကြည်ကို နိုင်ငံခြားသားများဖြစ်သည့် သားနှစ်ယောက်ကြောင့်  သမ္မတမဖြစ်နိုင်ရန် ကန့်သတ် ထားသည်။

အဓိကအန္တရာယ်ဖြစ်အလာ နိုင်ဆုံးက မြန်မာစစ်တပ်က ဒေါ်အောင်ဆန်းစုကြည်ကို ဘေး ဖယ်ထားမှာ ပဲဖြစ်သည်။ မြန်မာစစ်တပ်အနေဖြင့် သူတို့၏ရပိုင်ခွင့် များဆုံးရှုံးသွားမည်ကို ကြောက် နေကြသည်။ သူတို့က အစဉ် အလာအတိုင်း နိုင်ငံလုံခြုံရေးကို ချုပ်ကိုင်ထားချင်သည်။ နိုင်ငံ ခြားရင်းနှီးမြှုပ်နှံသူများကို ဖိတ် ခေါ်ခြင်းဖြင့် ယခုအခါ တရုတ် နိုင်ငံ၏ ဩဇာလွှမ်းမိုးမှုကိုချိန်ခွင် လျှာညှိထားနိုင်ပြီဟု သူတို့က ယူဆနေ ကြ၏။ ဒေါ်အောင်ဆန်းစု ကြည်၏ ခေါင်းဆောင်ခွင့်ဆုံးရှုံး သွားလျှင် သူ့အဖေဗိုလ်ချုပ် အောင်ဆန်းကိုဆုံးရှုံး ရသလို မြန်မာအတွက် ရင်နာစရာဖြစ် လာပါလိမ့်မည်။

ဆိုလိုသည်က ဒေါ်အောင် ဆန်းစုကြည်သည် အမှားကင်းပြီး အစစအရာရာခြောက်ပြစ်ကင်း သဲလဲစင်ဟု ပြောခြင်းမဟုတ်ပါ။ သို့သော်လည်း သူသည်သာ မြန်မာ၏ အနာဂတ်ကောင်းမွန် လာနိုင်မည့် အကောင်း ဆုံးအခွင့် အရေးတစ်ခုဖြစ်ပါသည်။ ယခု အချိန်မှာ ပြင်ပကလူတွေအတွက် မြန်မာအစိုးရသည် တိုးတက်မှု တွေလုပ်နေပါသည်ဟု ပြောရမှာ ခပ်ခက်ခက်ဖြစ်ပါသည်။ သူတို့ လုပ်သည့် အပြောင်းအလဲနည်း နည်း အတွက် မြန်မာအစိုးရသည် အမှတ်တွေအများကြီးရထားပြီး သားဖြစ်နေသည်။ နောက်ထပ်ပြု ပြင်ဆောင် ရွက်ရေးများ ပိုမိုလုပ်ရန် မြန်မာအစိုးရကို တခြားနိုင်ငံများက ဖိအားပေးဖို့ လိုပါသည်။ အကယ်၍မြန်မာ အစိုးရက ဒေါ်အောင်ဆန်းစုကြည်ကို တား ဆီးပိတ်ပင်မည်ဆိုပါက လက်ရှိ မြန်မာအစိုးရသည် နောက် ထပ်တိုးတက် ဆောင်ရွက်မှုများမလုပ် တော့ဘူးဆိုသည့် အနောက်နိုင်ငံများနှင့်အခြားသူများသိသင့်သည့် လက္ခဏာတစ်ခုဖြစ်ပါလိမ့်မည်။

သို့သော်လည်း မြန်မာ အပေါ် နိုင်ငံတကာဖိအားတွေတိုးလာရမည့်အစား ပြေလျော့ လာနေပါသည်။ နိုင်ငံရေးအကျဉ်း သားများ ပြန်လွှတ်ပေးခြင်း၊ လူစု လူဝေးလုပ်ခွင့်ကန့်သတ်ချက်ကို ဖယ်ရှားပေးခြင်းနှင့် ပုဂ္ဂလိက သတင်းစာများထုတ်ခွင့်ပေးခြင်း တို့လို ကောင်းမွန်သောလုပ်ဆောင် ချက်များလည်းရှိသည်။  ပြည်သူ့ လွှတ်တော်မှာလည်း စစ်တပ်အမတ်က ၂၅ ရာခိုင်နှုန်းရှိနေပြီး သူတို့က အခြေခံဥပဒေပြင်ဆင် မှုကို တစ်ချက်လွှတ်အာဏာဖြင့် ကန့်သတ်ပယ်ဖျက်နိုင်သည့် အာဏာရှိသည်။ အဓိကကျသည့် ဝန်ကြီး ဌာနများကလည်း စစ် တပ်အရာရှိများအတွက်သာဖြစ် သည်။ ကမ္ဘာပေါ်မှာ မည်သည့် နိုင်ငံကမှ သည်လို နည်းလမ်းနှင့် စစ်တပ်က ထိန်းချုပ်ထားခြင်းမရှိ ပါ။ သည်အချက်က အတော်ကို ဒီမိုကရေစီနည်းလမ်း မကျသည့် အချက်ဖြစ်ပြီး မြန်မာမှာလည်း လူတွေက သဘောမကျသည့် အတွက် လူငါးသန်းကျော်က လက်မှတ်ထိုးပြီး အခြေခံဥပဒေ ကိုပြင်ဆင်ဖို့ တောင်းဆိုနေကြ ခြင်းဖြစ်ပါသည်။

စီးပွားရေးပိတ်ဆို့မှုများ တစ် စိတ်တစ်ပိုင်းဖယ်ရှားလိုက်သဖြင့် နိုင်ငံခြားရင်းနှီးမြှုပ်နှံမှုများစီးဝင် လာကာ မြန်မာ၏စီးပွားရေးက လည်း အနည်းငယ်တိုးတက်လာ သည်မှာလည်း အမှန်ပင်ဖြစ် သည်။ သာမန်နိုင်ငံ သားများ ဘဝ အခြေအနေပိုကောင်းလာကြပြီး မြန်မာစစ်တပ်နှင့်ပတ်သက်နေ သော ချမ်းသာပြီးသား မြန်မာများ ကမူ ချမ်းသာသထက်ပိုချမ်းသာ လာကြသည်။ သည်အချက်က ပြဿနာပဲဖြစ်ပါသည်။

ပြုပြင်ပြောင်းလဲရေးများ အပြီးသတ်မလုပ်ဆောင်မီမှာပင် မြန်မာအစိုးရက ဆုလာဘ်များချီး မြှင့်ခံနေရသည်။ အနောက်နိုင်ငံ များက ပိတ်ဆို့မှုတွေ ရုပ်သိမ်း သကဲ့သို့ အချို့ကလည်းလျှော့  ပေါ့ပေးခဲ့ကြ၏။ မကြာသေးမီ အောက်တိုဘာက အာဆီယံထိပ် သီးအစည်းအဝေးအတွက် မြန်မာ သို့ သွားရောက်ခဲ့သော အမေရိ ကန်သမ္မတအိုဘားမားနှင့် နိုင်ငံ ခြားရေးဝန်ကြီးဟောင်း ဟီလာရီ ကလင်တန်တို့ကဲ့သို့ အနောက် နိုင်ငံခေါင်းဆောင်တွေကလည်း မြန်မာကို ပုံမှန်သွားရောက်နေကြ သည်။

သို့ရာတွင် မကြာသေးမီက မေးမြန်းခန်းတစ်ခုတွင် ဒေါ်အောင် ဆန်းစုကြည်ပြောကြားခဲ့သလို အနောက်နိုင် ငံများအနေဖြင့် မြန်မာ၏ ပြုပြင်ပြောင်းလဲရေး သည် ပြီးမြောက်ရန်အများကြီး လိုအပ်နေသော လုပ်ငန်းစဉ် တစ်ခုဆိုတာထက် တကယ်ပင် ပြီး မြောက်ဆုံးခန်းတိုင်သွားသကဲ့သို့ မြန်မာအပေါ်မှာ ပြုမူဆောင်ရွက် နေကြသည်။ ထို့ကြောင့် ယခုအချိန်မှာ သူတို့၏ ဆောင်ရွက် ချက်များကို ပြောင်းလဲပြီးပြုပြင် ပြောင်းလဲရေး လုပ်ရန် မြန်မာ ကို ဖိအားပေးဖို့ အချိန်အနည်း ငယ်သာကျန်ပါတော့သည်။

(ဗြိတိန်နိုင်ငံထုတ် ဂါးဒီယန်းသတင်းစာ၏  အယ်ဒီတာအာဘော်ဖြစ် သော The Guardian view on Aung San Suu Kyi and Burmar's Future ကို ထားထား မြင့် ဘာသာပြန်ဆိုသည်။)

7Day News Journal