ပြည်ထောင်စုနေ့မှာ အပစ်ရပ်လက်မှတ် ထိုးနိုင်မှာလား

တစ်နိုင်ငံလုံး အပစ်အခတ်ရပ်စဲရေး စာချုပ် (NCA)ကို ၂၀၁၅ ဖေဖော်ဝါရီ ၁၂ ရက် ပြည်ထောင်စုနေ့တွင် လက်မှတ်ရေးထိုး ရန် တိုင်းရင်းသားလက်နက်ကိုင် အဖွဲ့တို့၏ ကိုယ်စားလှယ် အဖွဲ့ဘက်ကရော၊ အစိုးရကိုယ်စားလှယ်များကပါ တိုက် တွန်းနေကြသည်။

လက်မှတ်ထိုးတော့မည်ဟု ပြောခြင်းကတော့ ယခုမှမဟုတ်။ လွန်ခဲ့သည့် နှစ်ကတည်းကပင် သြဂုတ်လ၌ထိုးမည်၊ အောက်တိုဘာ၌ ထိုးမည် စသည်ဖြင့်ပြောခဲ့ ဖူးပြီး လက်တွေ့၌ ရာသီနှစ်ခုသာ ပြောင်းခဲ့သည်။ မထိုးဖြစ်။ သို့သော် ယခုတစ်ခေါက်ကတော့ဖြင့် အရင်ကနှင့်မတူ အတန်ငယ် ထူးခြားမှု ရှိနေပြီဟု ဆိုပြန်သည်။ယခင်ပြောကြားခဲ့မှုများမှာ အစိုးရ၏ငြိမ်းချမ်းရေး ကိုယ်စားလှယ်အဖွဲ့ဘက်က ရည်မှန်းပြောကြားခြင်းမျိုးသာ ဖြစ်ခဲ့၏ ။ ယခု ပြည်ထောင်စုနေ့တွင် စာချုပ်လက်မှတ်ရေးထိုးရေးမှာမူ တိုင်းရင်းသားလက်နက် ကိုင်အဖွဲ့များကို ကိုယ်စားပြုသည့် တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (NCCT)က အဆိုပြုခြင်း ဖြစ်သည်။

ပြည်ထောင်စုနေ့၌ စာချုပ်ချုပ်ဆိုရန် အစီအစဉ်ကို ဒီဇင်ဘာ စတုတ္ထပတ်က ပြုလုပ်ခဲ့သည့်ပြည်ထောင်စု ငြိမ်းချမ်းရေးဖော် ဆောင်ရေး လုပ်ငန်းကော်မတီ (UPWC) နှင့် NCCT ကြားဆွေးနွေးပွဲအပြီး သတင်းထောက် များနှင့် တွေ့ဆုံစဉ် NCCT ဒုတိယ ခေါင်းဆောင် ဖဒိုစောကွယ်ထူးဝင်းက ပြောကြားသွားခဲ့သည်။ ပိတ်ဆို့ရပ်တန့်မှုများ မရှိတော့ကြောင်း၊ အချက်အား လုံးဆွေးနွေးပြီးသလောက်ကို အလုပ်အဖွဲ့နှစ်ဖွဲ့က သဘောတူညီနေပြီဖြစ်ကြောင်း၊ နှစ်ဖက်ခေါင်းဆောင်များ အတည်ပြု ပြီးပါက အောင်မြင်ပြီဖြစ်ကြောင်း UPWC ဘက်ကလည်း ပြောသည်။

စက်တင်ဘာလက ပြုလုပ်ခဲ့သည့် နှစ်ဖက်ကြား တရားဝင်ခြောက်ကြိမ်ခြောက် ဆွေးနွေးပွဲနောက်ပိုင်းတွင် ငြိမ်းချမ်းရေးလုပ် ငန်းစဉ်က ရှေ့မတိုးသာသည့် အခြေအနေ ဖြစ်သွားပြီဟူသော ဝေဖန်သံများ ထွက်ပေါ်ခဲ့၏။ ယင်းနောက်တွင် နှစ်ဖက်အလုပ်အ ဖွဲ့များ ငါးကြိမ် တွေ့ဆုံခဲ့ကြသည်။ NCA ပါ အချက်ပေါင်း ၁၁၂ ချက်အနက် စာချုပ်ချုပ်ဆိုနိုင်ရန် ထပ်မံညှိနှိုင်းရမည့် အချက်မှာ ဒီဇင်ဘာဆွေးနွေးပွဲ အပြီးတွင် သုံးချက်သာ ကျန်ရှိတော့ရာ ယင်းတို့မှာ ကြားကာလ တပ်နေရာချထားရေး ဆိုင်ရာနှင့် ဆက်စပ်သည့်အ ချက်များ ဖြစ်နေသည်။ ယင်းအတွက် ယခုတစ်ခေါက် NCA ကို အ မှန်တကယ် လက်မှတ်ရေးထိုး နိုင်တော့မည်လား ဆိုသည့်မေးခွန်း တွင် အဓိကပါဝင်ပတ်သက်နေသူက တပ်မတော်၏ အခန်းကဏ္ဍပင်။

ဤအတောအတွင်း ၂၀၁၄နှစ်ကုန်တွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူး ကြီး မင်းအောင်လှိုင်က နှစ်သစ် ကူးနှုတ်ခွန်းဆက်စကားကို ပထမဆုံးအနေဖြင့် ပြောကြားလာ သည်။ တပ်မတော်အနေဖြင့် ပြည်တွင်းငြိမ်းချမ်းရေးကို တည်ဆောက်ရာတွင် တတ်နိုင်သမျှ အကောင်းဆုံးဖြစ်အောင် ကြိုးစားဆောင်ရွက်လျက် ရှိသည်ဟု ဆိုသည်။ ၂၀၁၅ တွင်နိုင်ငံသားအားလုံး ဆက်လက် လုပ်ဆောင်ရမည့် လုပ်ငန်းရပ် များစွာရှိရာ တပ်မတော်အနေဖြင့် တိုင်းရင်းသားပြည် သူတို့နှင့် ခိုင်မြဲစွာ လက်တွဲဆောင်ရွက်သွားမည်ဖြစ်ကြောင်း လေးနက်စွာပြော ကြားလိုပါသည်ဟု ဗိုလ်ချုပ်မှူး ကြီး မင်းအောင်လှိုင်က ပြောလာ သည်။ ငြိမ်းချမ်းရေး လုပ်ငန်းစဉ်ရှေ့ဆက်ရေး နှောင့်နှေးနေရ သည့် အဓိကအကြောင်းရင်းမှာ စစ်ရေးဖြစ်ပြီး စစ်မြေပြင်၌ တိုက်ပွဲလျှော့ချရေး အကောင်အထည် ဖော်ရန်မှာ အစိုးရတာဝန်သာ ဖြစ်ကြောင်း NCCT အဖွဲ့ဝင် PNLO နာယက ဗိုလ်မှူးကြီး ခွန်ဥက္ကာက ပြောသည်။

‘‘NCA စာချုပ်က ဥပဒေလမ်းကြောင်းအရ ဖြစ်ပေါ်သွား မယ့် အခြေအနေမှာ ရှိတယ်။ ဒါပေမဲ့ စစ်မြေပြင် အခြေအနေတွေ က စာချုပ်ပါအတိုင်း တစ်ပြိုင်နက် ထဲသွားနိုင်မှ အဆင်ပြေမယ်။ ကျွန်တော်တို့ဘက်ကတော့ စစ်မြေပြင်မှာ ရှိနေတဲ့ တိုက်ပွဲတွေ လျှော့ချဖို့ အဓိကပြောတယ်၊ အကောင်အထည် ဖော်ရမှာက တော့ အစိုးရပဲ’’ဟု ဗိုလ်မှူးကြီး ခွန်ဥက္ကာက ပြောသည်။

အခြေအနေအရ တပ်မ တော်နှင့် တိုက်ရိုက်ဆွေးနွေး ပွဲများ လုပ်သင့်ပါက ပြုလုပ်သွားမည်ဖြစ်ကြောင်းလည်း ၎င်းက ဆိုသည်။

အစိုးရ၏ UPWC ဘက်က နောက်ပိုင်းရက်များတွင် သာသာထိုးထိုး ပြောကြားလာနေ သည့် စကားက ဦးသိန်းစိန်အစိုးရ သက်တမ်းမကုန်မီ NCA လက်မှတ်ရေးထိုးရုံတင်မက နိုင်ငံရေးတွေ့ဆုံ ဆွေးနွေးပွဲများ စတင်နိုင်ရေး ဖြစ်နေသည်။

‘‘ကျွန်တော်တို့ ပြောနေတာက လက်မှတ်ထိုးတာကို ကျော်ပြီး နိုင်ငံရေးတွေ့ဆုံ ဆွေးနွေးပွဲကို သွားဖို့ပါ’’ဟု မြန်မာနိုင် ငံငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန (MPC) အကြီးတန်းအကြံပေး ဦးလှမောင်ရွှေက ပြောသည်။

‘‘လက်မှတ်ထိုးပြီးရင်လည်း တစ်ခါတလေ ထိတွေ့တာဖြစ်ကောင်း ဖြစ်ဦးမယ်။ အခုက Deadlock (ရှေ့မတိုးသာသည့် အခြေအနေ)လို့မထင်ပါဘူး။ ဆက်တော့ ဆက်သွားနေဦးမယ်’’ ဟု ၎င်းကပြောသည်။

တစ်ဖက်တွင်လည်း တိုင်းရင်းသား လက်နက်ကိုင်အဖွဲ့များ က စိုးရိမ်ပူပန်သည့်အချက်များထဲတွင် အစိုးရအကူးအပြောင်း အာမခံချက်သာမက NCA ရေးထိုးပြီးနောက် နိုင်ငံတွေ့ဆုံဆွေးနွေးပွဲ အမှန်တကယ် ပြုလုပ်ရေးလည်း ပါဝင်သည်။ လွှတ်တော်တွင် ၂၅ ရာခိုင်နှုန်း နေရာယူထားသည့် တပ်မတော်က ဖွဲ့စည်းပုံအခြေခံဥပဒေ ပြင်ဆင်ရေးတွင် ပါဝင်ရန်ငြင်း ဆိုလိုက်ချိန်က တပ်မတော်၏လုပ်ရပ်သည် ငြိမ်းချမ်းရေး လုပ်ငန်းစဉ်ရှေ့ဆက်သွားရေးအတွက်လည်း ဝေဝါးစေသည်ဆို သည့် ဝေဖန်မှုမျိုး ပေါ်ပေါက်ခဲ့ဖူး သည်။

သို့သော် ယခုအချိန်တွင်မူ တပ်မတော်အနေဖြင့် ဖွဲ့စည်းပုံပြင်ဆင်သည့်ဘက်တွင် မပါသည့်အတွက် ငြိမ်းချမ်းရေး ရှေ့ဆက်ရေးတွင် ပါဝင်လာသည့် နည်းဗျူဟာကို သုံးမှသာ အခြေအနေကောင်းမည် ဖြစ်ကြောင်း အချို့က သုံးသပ်ကြ သည်။

‘‘အဓိက တပ်ရဲ့သဘော ထားပဲ။ တကယ်လို့ တပ်မတော်က ပူးပေါင်းဆောင်ရွက်တယ် ဆိုရင် NCAက ပြီးသွားပြီ’’ဟု ရှမ်းတိုင်း ရင်းသားများ ဒီမိုကရေစီအဖွဲ့ ချုပ် (SNLD)ပါတီ အတွင်းရေးမှူး ဦးစိုင်းညွှန့်လွင်ကပြောသည်။

‘‘ဖေဖော်ဝါရီမှာ လက်မှတ်ထိုးနိုင်မယ်လို့ ပြောတာက မျှော်လင့်မယ်ဆို မျှော်လင့်လို့ ရတယ်။ဘာဖြစ်လို့လဲဆိုတော့ ဖွဲ့စည်းပုံအခြေခံဥပဒေ ပြင်မယ့်အထဲမှာ တပ်က မပါဘူးလို့ ငြင်းထားတော့ ဒီငြိမ်းချမ်းရေးယူမယ့် အထဲတော့ လာမယ်ထင် ပါတယ်။ တပ်က တော်တော်လေး ရင်ဆိုင်ရမယ်။ ဘယ်ဘက်မှာမှ မပါရင် တပ်ရဲ့ Image ထိခိုက်စရာပဲ’’ဟု ၎င်းက သုံးသပ်သည်။

နိုင်ငံတကာတွင် ပုံမှန်အားဖြင့် ပဋိပက္ခအခြေအနေ အများစုတွင် စစ်တိုက်ခိုက်မှု ရပ်နားခြင်းကို ကနဦး သဘောတူညီကြ သော်လည်း ယင်းမှာ လက်မှတ်ထိုး သဘောတူညီချက် တစ်ခုမဟုတ်ဘဲ စကားဖြင့် သဘောတူညီမှု ပြုကြခြင်းဖြစ်သည်ဟု စစ်ရေးနိုင်ငံရေး လေ့လာသုံးသပ်သူအချို့က ဆိုသည်။ ထို့နောက် ဆွေးနွေးပွဲများနှင့် နိုင်ငံရေးတွေ့ဆုံဆွေးနွေးပွဲကို ကျင်းပကြသည်။ ပဋိပက္ခကို မည်သို့မည်ပုံ ဖြေရှင်းမည်ဆိုသည့်အပေါ် အားလုံး သဘောတူညီမှုတစ်ခု ရရှိသည့်အခါ အဆိုပါ ပဋိပက္ခကို ဖြေရှင်းရန် နိုင်ငံရေးထောက်ပံ့မှုများဖြင့် သဘောတူညီချက်လက်မှတ် ရေးထိုးကြလေ့ရှိသည်။

လက်ရှိသွားနေသည့် NCA လက်မှတ်ထိုး၊ မူဘောင်ဆွဲ၊ နိုင်ငံရေးတွေ့ဆုံ ဆွေးနွေးပွဲများ ပြုလုပ်ဆိုသည့် လမ်းပြမြေပုံမှာ နွားရှေ့ထွန်ကျူးသကဲ့သို့ ဖြစ်နေပြီးမြန်မာအနေဖြင့် မည်ကဲ့သို့နိုင်ငံမျိုး ဖြစ်သင့်သည် ဆိုသည့်အပေါ် ဆွေးနွေးမှု မရှိသေးသရွေ့ ဆယ်စုနှစ်များစွာချီ ပြည်တွင်းစစ်အ တွက် အဖြေရမည်မဟုတ်ဟု မြန်မာ့အရေး လေ့လာသုံးသပ်သူ များက ဆိုသည်။ ယင်းဆွေးနွေးမှု များကို သဘောတူညီချက် လက်မှတ်ထိုးပြီးမှမဟုတ်ဘဲ ယခု ပြုလုပ်ရန် လိုအပ်ကြောင်း မြန်မာ နိုင်ငံရေး လေ့လာသူ၊ တိုင်းရင်းသား လက်နက်ကိုင်အဖွဲ့များ၏သမိုင်းကြောင်း ကျွမ်းကျင်သူနာမည်ကျော် သတင်းထောက် ဘာတေးလ်လင့်တနာက အကြံပြု သည်။

‘‘တိုင်းရင်းသားအဖွဲ့တွေနဲ့ ဘယ်လို အဓိပ္ပါယ်ရှိတဲ့ တွေ့ဆုံဆွေးနွေမှုမျိုးမှ သူတို့(တပ်မတော်) စေ့စပ်ညှိနှိုင်းနေတာ ကျွန်တော် မတွေ့ရပါဘူး’’ ဟု ဘာတေးလ်က ပြောကြားသည်။

ဒီဇင်ဘာ ၂၂၊ ၂၃ ရက်တို့က ပြုလုပ်ခဲ့သည့် UPWC နှင့် NCCT နှစ်ဖက်ကြား ဆွေးနွေးပွဲတွင် နှစ်ဖက်တပ်ပိုင်းဆိုင်ရာ ခေါင်းဆောင်အချို့ တက်ရောက်မှု မရှိခဲ့သော်လည်း ပိတ်ဆို့နေသည့် အချက်များကို ပွင့်ပွင့်လင်းလင်း ထိထိမိမိ ဆွေးနွေးနိုင်ခဲ့သည်ဟု ဆိုသည်။

တပ်မတော်နှင့် တိုင်းရင်းသားလက်နက်ကိုင် အဖွဲ့များအကြား သဘောထား မပြေပြစ်မှုဖြစ်ပေါ်ခဲ့သည့် နောက်ဆုံးဖြစ်ရပ် များထဲတွင် တပ်မတော်၏ ငြိမ်းချမ်းရေးမူ (၆)ရပ်အပြင် ဖက်ဒရယ် တပ်မတော်ကိစ္စကလည်း အရေးကြီးသည့်ကဏ္ဍမှ ရပ်တည်နေသည်။ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် KIO၊PNLO ၊ SSPP/SSA အပါအဝင် တိုင်းရင်းသား လက်နက်ကိုင်အဖွဲ့ဝင် ၁၂ ဖွဲ့တို့က မကြာသေး မီက ဖက်ဒရယ်ပြည်ထောင်စု တပ်မတော် (FUA)ကို တည်ထောင်လိုက်သည်။ ၎င်းတို့အနေဖြင့် UNFC၏ နိုင်ငံရေးလမ်းစဉ်ကို အကောင်အထည် ဖော်နေပြီး UNFC က ဆောင်ရွက်နေသည့် ငြိမ်းချမ်းရေး၊ အပစ်ရပ်ရေးတို့ကို FUAက ပံ့ပိုးနေသည်။ တိုင်းရင်းသား လူမျိုးစု တစ်စုတည်းက ကြီးစိုးသည့် တပ်မတော်မျိုးမဟုတ်ဘဲ တိုင်းရင်းသားအားလုံး စုဖွဲ့ထားသည့် FUAကို ဖွဲ့စည်းရန်အတွက် UNFC စတင်ဖွဲ့စည်းချိန် လွန်ခဲ့သည့် လေးနှစ်ခန့်ကတည်းက ရည်ရွယ်ခဲ့သည်ဟု ဆိုသည်။ မကြာသေးမီကလည်း UNFCအနေဖြင့် အပစ်အခတ် ရပ်စဲပြီးနောက် အစိုးရနှင့် တိုင်းရင်းသား လက်နက်ကိုင် အဖွဲ့များကြား ဆွေးနွေးပွဲများကို ဦးဆောင်မည်ဟူသည့် ကြေညာချက် ထုတ်ပြန် ခဲ့ဖူးသည်။

တစ်ဖက်တွင်လည်း တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီး မင်းအောင်လှိုင်က တပ်မတော်နှင့် တိုင်းရင်းသား လက်နက်ကိုင် အဖွဲ့များအကြား ကွဲလွဲမှုနှင့်ပတ်သက်၍ ဗီအိုအေ သတင်းဌာနသို့ မကြာသေးမီက ဖြေကြားခဲ့ရာတွင် ဖက်ဒရယ်၏ အဓိပ္ပါယ်ဖွင့်ဆိုချက်များ အမျိုးမျိုးရှိနေခြင်းမှာ ပြဿနာဖြစ် သည်ဟု ဆိုသည်။ ထို့အပြင် UNFC က လိုလားသည့် ဖက်ဒရယ်ပြည်ထောင်စု တပ်မတော်အကြောင်း ၎င်းက ထောက်ပြခဲ့ သည်။ တပ်မတော်တွင် တိုင်းရင်းသားအရာရှိ ၄,၅၀၀ ရှိနေပြီး တပ်မတော်၏စံချိန် (၁၃) ချက်နှင့် ကိုက်ညီပါက မည်သည့်တိုင်းရင်းသား မဆို တပ်မတော်တွင်းသို့ ဝင်နိုင်ကြောင်း ပြောကြား၍ လက်ရှိအစိုးရတပ်မတော်သည် ပြည်ထောင်စု တပ်မတော်ပင် ဖြစ်သည်ဆိုသည့် သဘောမျိုး တပ်ချုပ်က ပြောကြားခဲ့၏။

ယင်းနောက် စက်တင်ဘာ၁၉ ရက်တွင် တပ်မတော်ကာ ကွယ်ရေးဦးစီးချုပ် ဗိုလ်ချုပ်မှူး ကြီး မင်းအောင်လှိုင်က UNFC ၏ ထုတ်ပြန်ချက်ကြောင့် ငြိမ်းချမ်းရေး တည်ဆောက်မှုလုပ် ငန်းစဉ်များ အခက်အခဲဖြစ်စေနိုင် ကြောင်း ဝေဖန်မှုကို နိုင်ငံတော်ကာကွယ်ရေး တက္ကသိုလ်အရာရှိကြီးများ တွေ့ဆုံပွဲ၌လည်း ပြော ကြားခဲ့ပြန်သည်။

ထို့အပြင် တပ်မတော်၏ ငြိမ်းချမ်းရေးမူ ခြောက်ချက်တွင် တည် ဆဲဥပဒေများကို အတိအကျ လိုက်နာရမည်ဆိုသည့် အချက် အား တည်ဆဲဥပဒေများကို လိုက်နာရ မည်ဟု ပြောင်းလဲမှုအပါအ၀င် တပ်မတော်၏ ငြိမ်းချမ်းရေး ခြောက်ချက်ကို စကားလုံးပြင် ဆင်မှု အနည်းငယ် ပြုလုပ်လာ သည်။

သို့သော် နိုဝင်ဘာ ၁၉ ရက်တွင် ကေအိုင်အေ ဌာနချုပ် တည်ရှိရာ လိုင်ဇာမြို့အနီးရှိ ကေအိုင်အေ ဗိုလ်သင်တန်းကျောင်း ပေါ်သို့ အစိုးရတပ်မတော်ဘက်မှ လက်နက်ကြီးပစ်ခတ်တိုက်ခိုက်မှု ဖြစ်ပေါ်ခဲ့ပြီး သေဆုံးသူ ဒဏ်ရာရရှိသူ အများအပြား ရှိခဲ့သည်။ တစ်ဆက်တည်းမှာပင် နှစ်ဖက်အောက်ခြေတပ်ဖွဲ့များ အပြန်အလှန် တိုက်ခိုက်မှု ဆက်တိုက်ဖြစ်ပွားခဲ့ပြန်သည်။

ဒီဇင်ဘာ ဆွေးနွေးပွဲတွင်မူ အစိုးရဘက်က တပ်မတော်ငြိမ်းချမ်းရေး ကိုယ်စားလှယ်များ တက်ရောက်မှုမရှိခဲ့သလို NCCT ဘက်မှ ခေါင်းဆောင် နိုင်ဟံသာနှင့် ဒု တိယခေါင်းဆောင်လည်းဖြစ် ကေအိုင်အေ ဒုစစ်ဦးစီးချုပ်လည်း ဖြစ်သည့် ဗိုလ်ချုပ် ဂွန်မော်တို့ မတက်ရောက်ခဲ့ကြပေ။

နှစ်ဖက် တပ်ပိုင်းဆိုင်ရာ ခေါင်းဆောင်အချို့ တက်ရောက်ခဲ့ခြင်းမရှိသော ယင်းဆွေးနွေးပွဲ တွင် လိုင်ဇာကဲ့သို့သော ကိစ္စရပ်များ ထပ်မံပေါ်ပေါက်ခြင်း မရှိစေရန်အတွက် နှစ်ဖက်ခေါင်းဆောင် များ အနေဖြင့် တွေ့ဆုံဆွေးနွေး မှုများ ပြုလုပ်သွားရန်၊ ခုနှစ်ကြိမ်မြောက်တွေ့ဆုံဆွေးနွေးပွဲမှ စတင်၍ နှစ်ဖက် တွေ့ဆုံဆွေးနွေးပွဲတိုင်းတွင် နိုင်ငံတကာ လေ့လာသူများ ထားရှိရန်နှင့် သြဂုတ်လအ တွင်းက သဘောတူညီခဲ့သည့် ပူးပေါင်းစောင့်ကြည့်ရေးနှင့် နှစ်ဖက်တပ်မှူး တပ်သားများ လိုက်နာရမည့် ကျင့်ထုံးဆိုင်ရာ ကိစ္စရပ်များအတွက် နှစ်ဖက်လုပ်ငန်း အဖွဲ့များ တွေ့ဆုံဆွေးနွေးရန် စ သည့်အချက်များကို မူအားဖြင့် သဘောတူညီခဲ့ကြ၏။

ဒီဇင်ဘာ ဆွေးနွေးပွဲတွင်UPWC ဘက်မှ ဦးဆောင်ဆွေး နွေးသူ ပြည်ထောင်စုဝန်ကြီး ဦးအောင်မင်းက ပြောကြားရာ၌ NCA ရေးထိုးပြီးသည့်နောက်ပိုင်းတွင်လည်း တိုက်ပွဲဖြစ်ပွားမှု ရှိနေနိုင်သေးကြောင်း ပါဝင်ခဲ့သည်။ ငြိမ်းချမ်းရေးဖြစ်စဉ် စောင့်ကြည့်လေ့လာသော MyanmarPeace Monitor၏ စစ်တမ်းအရ ၂၀၁၄ အတွင်း တပ်မတော်နှင့် တိုင်းရင်းသား လက်နက်ကိုင်အဖွဲ့များကြား လက်နက်ကိုင်ပဋိပက္ခ အကြိမ်ရေ (၂၄၅) ကြိမ် ဖြစ်ပွားခဲ့သည်။ ယင်းမှာ ယခင်ကထက် ပိုများလာခြင်းဖြစ်ပြီး ၂၀၁၃ ခုနှစ်က အကြိမ်ရေစုစုပေါင်း နှစ်ရာခန့်သာ ဖြစ်ပွားခဲ့သည်။၂၀၁၄ ခုနှစ်တွင် ပျမ်းမျှအားဖြင့် တစ်ပတ်လျှင် တိုက်ပွဲငါးကြိမ်နှုန်းခန့် ဖြစ်ပွားခဲ့ခြင်းပင်။

၂၀၁၃ နိုဝင်ဘာ၊ မြစ်ကြီးနားဆွေးနွေးပွဲက စတင်ခဲ့သော NCA မူကြမ်းဆွေးနွေးမှုမှာ ယခုဆိုလျှင် တစ်နှစ်သား ကျော် အရွယ်ရောက်လာခဲ့ပါပြီ။ ယခု ၂၀၁၅နှစ်သစ်၏ ပထမဆုံးလ ဇန်နဝါရီလလယ်တွင် UPWC နှင့် NCCTကြား တရားဝင် (၇)ကြိမ်မြောက်ဆွေးနွေးပွဲကို ပြုလုပ်ရန် သတ်မှတ်ထားသည်။ ယင်းဆွေးနွေးပွဲမှနေ ၍ မူကြမ်းကို အချောသပ်နိုင်ရန် ကြိုးစားမည်ဖြစ်ပြီး ဖေဖော်ဝါရီ ၁၂ ရက် ပြည်ထောင်စုနေ့တွင် တစ်နိုင်ငံလုံးအတိုင်းအတာ အပစ်အခတ် ရပ်စဲရေး သဘောတူစာ ချုပ်ကို ရေးထိုးနိုင်တော့မည်ဟု ဆိုနေကြပြန်ပါသည်။ ဒီတစ်ခါဆွေးနွေးပွဲနှင့်ပတ်သက်၍ ပြည်သူလူထုက သိသာထင်ရှားစွာ စောင့်ကြည့်နေကြမည်ကတော့ ကျန်ရှိနေသည့် တပ်ပိုင်းဆိုင်ရာ အချက်များကို နှစ်ဖက်စလုံးက မည်သို့ဆွေးနွေး၊ ညှိနှိုင်း၊ အဖြေရှာ၊ ရလဒ်ထုတ်ကြမည်လဲဆိုတာ ပင် ဖြစ်ပါ၏။

7 day