Thursday, January 01, 2015

စိန်ခေါ်မှုများပြည့်နေသော ၂၀၁၅ ကို လှမ်းမျှော်ကြည့်ခြင်း



နှစ်သစ် ၂၀၁၅ သည် မြန်မာနိုင်ငံ၏ ဒီမိုကရေစီအရေးအတွက် အရေးကြီးသော နှစ်တစ်နှစ်ဖြစ်ပြီး နိုင်ငံ့အနာဂတ်ကို အဓိက အဆုံးအဖြတ်ပေးမည့်နှစ်လည်း ဖြစ်သည်။ လက်ရှိနိုင်ငံရေးခေါင်းဆောင်များကြား ပုဂ္ဂိုလ်ရေးအားပြိုင်မှုများလည်း ပိုမိုပြင်းထန်လာနိုင် သည်။ ရွေးကောက်ပွဲမဲဆွယ်စည်းရုံးရေးကာလတွင် ပါတီချင်းအားပြိုင်မှုများမှတစ်ဆင့် ဘာသာရေး၊ လူမျိုးရေးပဋိပက္ခများ ဖြစ် လာနိုင်သည်။
တစ်နိုင်ငံလုံး အပစ်အခတ်ရပ်စဲရေးစာချုပ် လက်မှတ်ရေးထိုးရန်မှာ ၂၀၁၅ တွင် သုံးလကျော်သာ အချိန်ရပြီး ဧပြီလဆန်းအထိ လက်မှတ်မရေးထိုးနိုင်လျှင် ၂၀၁၅၌ ထိုးနိုင်ရန် မလွယ်ကူပေ။ ထို့အတူဖွဲ့စည်းပုံအခြေခံဥပဒေ ပြင်ဆင်ရေးမှာ အရေးပါသော အချက်များ ပြင်ဆင်နိုင်မည်မဟုတ်ဟု နိုင်ငံရေးလေ့လာသူများက သုံးသပ်ကြသည်။ 



ထို့အပြင် အနှစ်သာရရှိသော တွေ့ဆုံဆွေးနွေးရေးလည်း ဖြစ်လာရန် ခက်ခဲ့သည်။ သို့သော် တပ်မတော် ထိပ်ပိုင်းခေါင်းဆောင်များ အတွင်း ရာထူးအပြောင်းအလဲ ဖြစ်ပေါ်လာနိုင်သည်။

‘‘ကြောက်စရာကောင်းတာက သမ္မတနေရာလုခြင်းကနေ ထိပ်တိုက်ရင်ဆိုင်မှုတွေဖြစ်လာမှာ စိုးရိမ်ရတယ်’’ဟု မြန်မာ့နိုင်ငံရေးလေ့ လာသူ ဦးဘိုဘိုကျော်ငြိမ်းက သုံးသပ်သည်။

လက်ရှိမြန်မာ့နိုင်ငံရေးခေါင်းဆောင်များတွင် သမ္မတဦးသိန်းစိန်၊ ဒေါ်အောင်ဆန်းစုကြည်၊ သူရဦးရွှေမန်းနှင့် တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့မှာ သမ္မတဖြစ်နိုင်သူများဖြစ်သည်။ ထိုလေးဦးထဲတွင် ဒေါ်အောင်ဆန်းစုကြည်မှာ လက်ရှိဖွဲ့စည်းပုံအခြေခံဥပဒေအရ သမ္မတဖြစ်ရန် မလွယ်ကူပေ။

လက်ရှိ သမ္မတဦးသိန်းစိန်အနေဖြင့်လည်း ၂၀၁၅ နှင့်ပတ်သက်၍ တိတိပပမပြောထားသော်လည်း သူ့အကြံပေးများက ဆက်လုပ်ရန် အကြံပြုထားပြီး သူပြောခဲ့သည့် စကားအချို့အရလည်း ဆက်လုပ်နိုင်သည့်အနေအထား ဖြစ်သည်။

‘‘ကျွန်တော့်အထင်ကတော့ တပ်မတော်အနေနဲ့ ဦးသိန်းစိန်ကို ဒုတိယသက်တမ်း ဆက်လုပ်တာကို မြင်ချင်တဲ့သဘောရှိတယ်’’ဟု မြန်မာ့နိုင်ငံရေးလေ့လာသုံးသပ်သူ ကမ္ဘာကျော်စာရေးဆရာ ဘာတေးလင်တနာက သုံးသပ်သည်။

တပ်မတော်ကာကွယ်ရေးဦးစီးချုပ်အနေဖြင့်လည်း ယခုနှစ်ကုန်ပိုင်းတွင် ပြုလုပ်လာသော လုပ်ဆောင်ချက်အချို့ကြောင့် နိုင်ငံရေး လောကထဲ ၀င်ရောက်လာနိုင်သည်ဟု ခန့်မှန်းမှုများရှိနေကြသည်။ပြည်ခိုင်ဖြိုးပါတီဥက္ကဋ္ဌ သူရဦးရွှေမန်း အနေဖြင့်လည်း သမ္မတ လုပ်ချင်သည်ဟု တရားဝင်ပြောဆိုထားပြီး ဒေါ်အောင်ဆန်းစုကြည်နှင့်လည်း ဆက်ဆံရေးကောင်းသူဖြစ်သည်။ 


‘‘ထောက်ခံမှုရချင်တာ ပိုများတာကြောင့် ဦးရွှေမန်းနဲ့ သမ္မတကြား ပြိုင်ဆိုင်မှုပြင်းထန်လာနိုင်တယ်’’ဟု နိုင်ငံရေးသိပ္ပံဘာသာရပ်

သင်ကြားခဲ့သူ ကိုကျော်လင်းဦးကသုံးသပ်သည်

ထိုအခြေအနေမှာ ၂၀၁၅ နှစ်ဆန်းပိုင်း လွှတ်တော်အစည်းအဝေး၌ပင် စတင်တွေ့ရှိရမည်ဖြစ်သည်။

‘‘လာမယ့်လွှတ်တော် (ဇန်န၀ါရီလလွှတ်တော်)က အကြိတ်အနယ်ဖြစ်မယ်။ အခြေခံဥပဒေပြင်ဆင်ရေး၊ ဘတ်ဂျက်ကိစ္စ၊ မျိုးစောင့်လို လူသိများတဲ့ ဥပဒေလေးခု ဆွေးနွေးကြလိမ့်မယ်’’ဟု အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်အမတ် ဦးမြင့်ဦးက သုံးသပ်သည်။

လွှတ်တော်က တောင်းဆိုထားသော ခြောက်ပွင့်ဆိုင်နှင့်ပတ်သက်၍ သမ္မတက အကြောင်းပြန်ရမည်ဖြစ်သည်။

အစိုးရက မျိုးစောင့်ဥပဒေဟုလူသိများသည့် ဥပဒေကြမ်းလေးခုကို လွှတ်တော်သို့ တင်ပြမည်ဖြစ်သည်။ ယင်းဥပဒေလေးခုကိစ္စမှာ အလွန်သိမ်မွေ့နက်နဲသည့်ကိစ္စဖြစ်သည်။ ထို့အပြင် ၂၀၁၅-၁၆ ဘဏ္ဍာနှစ်တွင် သုံးစွဲမည့် ဘတ်ဂျက်ကိစ္စလည်း ဆွေးနွေးကြ မည်ဖြစ်သည်။ လွှတ်တော်ဥက္ကဋ္ဌအနေဖြင့် လာမည့်ဘဏ္ဍာနှစ်တွင် ၀န်ထမ်းများအား လစာတိုးပေးရေး အဆိုပြုထားသော်လည်း အစိုးရအနေဖြင့် ထိုကိစ္စကို ချင့်ချိန်နေသည်။ ယင်းကိစ္စများသည် နိုင်ငံတော်သမ္မတနှင့် လွှတ်တော်ကြားဖြစ်ပေါ်လာနိုင်သည့် ပွတ်တိုက်မှုများဖြစ်သည်။

ထိုကိစ္စများထဲတွင် ဖွဲ့စည်းပုံအခြေခံဥပဒေပြင်ဆင်ရေးမှာ အကြီးမားဆုံးစိန်ခေါ်မှု ဖြစ်နိုင်သည်။ ပြည်သူလိုလားသည့် အချက်များကို မပြင်ဘဲ အာဏာရပါတီနှင့် တပ်မတော်တို့ လိုလားသည့် ပုဒ်မများကိုသာ ပြင်ဆင်သွားနိုင်ပြီး လွှတ်တော်အတွင်း ခြေဥပြင် ဆင်ရေးလမ်းကြောင်း မအောင်မြင်မှုမှာ တစ်ကျော့ပြန် ဒီမိုကရေစီအရေးတော်ပုံကိုပင် ဦးတည်သွားနိုင်ကြောင်း ဥပဒေပညာရှင် ဦးကိုနီက သုံးသပ်သည်။

ထို့အပြင် စစ်မှန်သော နိုင်ငံရေးတွေ့ဆုံဆွေးနွေးပွဲဖြစ်နိုင်ခြေနည်းပြီး လူမျိုးရေး၊ ဘာသာရေး အဓိကရုဏ်းများဖြင့် လူထု၏ အာရုံလွဲမှားမှုကြီးထွားလာနိုင်ကြောင်း ABSDF ဥက္ကဋ္ဌဟောင်း ဒေါက်တာနိုင်အောင်က သုံးသပ်သည်။

၂၀၁၅ ရွေးကောက်ပွဲကို ၂၀၁၅ နိုဝင်ဘာတွင် ကျင်းပရန် စီစဉ်ထားပြီး ထိုရွေးကောက်ပွဲမတိုင်မီ စည်းရုံးရေးကာလတွင် ဘာသာရေးနှင့် လူမျိုးရေးကို အသုံးချ၍ မဲဆွယ်မှုများရှိလာမည်ဖြစ်ပြီး ထိုကိစ္စများမှတစ်ဆင့် ပဋိပက္ခများဖြစ်လာနိုင်သည်။

ဘာသာရေးအစွန်းရောက်များက ဒေသခံစီးပွားရေးလုပ်ငန်းရှင်အချို့တို့ကို အမာခံယူ၍ ဒေါ်အောင်ဆန်းစုကြည်နှင့် NLD အပေါ် လူထုထောက်ခံမှုလျော့ကျအောင် လုပ်နိုင်သည့် လုပ်ရပ်များ ဖြစ်ပေါ်လာနိုင်မည်ဖြစ်သည်။

‘‘ရွေးကောက်ပွဲမတိုင်ခင်မှာ White Card ကိုင်ထားတဲ့ လူတွေကို မဲပေးခွင့်ပြုထားတာ ပဋိပက္ခဖြစ်လာနိုင်တယ်။ ကြီးမားနိုင် တယ်’’ဟု ရခိုင်အမျိုးသားပါတီ ဗဟိုကော်မတီဝင် ကိုခိုင်ကျော်မိုးက သုံးသပ်သည်။

တစ်နိုင်ငံလုံး အပစ်အခတ်ရပ်စဲရေး စာချုပ်မှာလည်း လက်မှတ်ထိုးနိုင်မည့် အနေအထားမဟုတ်ကြောင်း ငြိမ်းချမ်းရေးလုပ်ငန်းစဉ်လေ့လာသူများက သုံးသပ်သည်။

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တစ်နိုင်ငံလုံးအပစ်အခတ်ရပ်စဲရေး ညှိနှိုင်းရေးအဖွဲ့တို့မှာ လိုင်ဇာဗိုလ်သင်တန်းကျောင်း ပစ်ခတ်ခံရပြီးနောက်ပိုင်း ဆွေးနွေးပွဲ မကျင်းပနိုင်သေးဘဲ လာမည့်ဇန်န၀ါရီတွင် နှစ်ဖက်တရား ၀င်တွေ့ဆုံဆွေးနွေးရန် စီစဉ်ထားသည်။ ထိုဆွေးနွေးပွဲတွင်လည်း သဘောတူညီမှုရရန် မလွယ်ကူသည့် အနေအထားဖြစ်သည်။

လက်ရှိငြိမ်းချမ်းရေးလုပ်ငန်းစဉ်တွင် ဖက်ဒရယ်ပြည်ထောင်စုကိစ္စ၊ ငွေကြေးကိစ္စများနှင့် အာဏာမျှဝေရေးကိစ္စများ ပါဝင်နေသဖြင့် ၂၀၁၅ တွင် တစ်နိုင်ငံလုံးအပစ်အခတ်ရပ်စဲရေး လက်မှတ်ရေးထိုးနိုင်ရန် မလွယ်ကူကြောင်း ကာကွယ်ရေးဦးစီးချုပ်ရုံးမှအဆင့်မြင့် အရာရှိကြီးတစ်ဦးက သုံးသပ်သည်။ တပ်မတော်ကာကွယ်ရေးဦးစီးချုပ်အနေဖြင့် ၂၀၁၅ ဧပြီမတိုင်မီ တစ်နိုင်ငံလုံး အပစ်အခတ် ရပ်စဲရေးလက်မှတ်ထိုးရန် သတ်မှတ်ထားကြောင်းလည်း သတင်းထွက်ပေါ်နေသည်။

မတ်လ ၃၁ ရက်မတိုင်မီ မရေးထိုးနိုင်ပါက ၂၀၁၆ မေလနှောင်ပိုင်းမှသာ ဖြစ်နိုင်တော့မည်ဖြစ်ကြောင်း မြန်မာ့ငြိမ်းချမ်းရေးပြန်လည်ထူထောင်ရေးဗဟိုဌာနတွင် တာဝန်ထမ်းဆောင်နေသော ဒေါက်တာဆလိုင်းငုန်းကျုံးလျန်က ၎င်း၏ ပုဂ္ဂလိကအမြင်ကိုပြောသည်။

ထို့ကြောင့် ခေါင်းဆောင်များကြား တွေ့ဆုံဆွေးနွေးရေး မလုပ်ဆောင်နိုင်ပါက ဖွဲ့စည်းပုံအခြေခံဥပဒေမပြင်ဆင်နိုင်ခြင်းနှင့် အပစ်အခတ်ရပ်စဲရေး လက်မှတ်မထိုးနိုင်ခြင်း ကြုံခဲ့ပါက ၂၀၁၅ ရွေးကောက်ပွဲကို လွတ်လပ်မျှတပြီးစီးအောင်မြင်အောင် ကျင်းပနိုင် ပါ့မလားဟု စိုးရိမ်မှုများရှိသည်။

ထိုအခြေအနေများမှတစ်ဆင့် နိုင်ငံရေးမတည်ငြိမ်မှုများဖြစ်လာနိုင်ပြီး တပ်မတော်က အာဏာပြန်သိမ်းမည်ကို စိုးရိမ်သူများရှိသည်။ သို့သော်အခြေအနေမှာ ဖြစ်နိုင်ခြေအလွန်နည်းသည့် အနေအထားဖြစ်သည်။

ထိုအခြေအနေကို ကျော်လွှားနိုင်ရန်မှာ ခေါင်းဆောင်လေးဦးကြား နားလည်မှုရယူပြီး ညှိနှိုင်းဆောင်ရွက်နိုင်မှသာ အခြေအနေ ကောင်းမည်ဖြစ်သည်။

၂၀၁၅ မြန်မာ့စီးပွားရေးမှာ အကျဘက်သို့ ဆက်လက်ဦးတည်နေမည်ဖြစ်ကာ ငွေဈေးမတည်ငြိမ်မှု၊ ပြည်ပရင်းနှီးမြှုပ်နှံမှုကျဆင်းမှု၊ ကုန်ထုတ်ရေးနှင့် ဘတ်ဂျက်လိုငွေပြမှု၊ အိမ်ခြံမြေဈေးကျမှု၊ ပြည်ပသို့ ဆန်တင်ပို့မှုကျဆင်းမည်ဖြစ်ကြောင်း နယ်ပယ်စုံမှ စီးပွားရေး လုပ်ငန်းရှင်များက သုံးသပ်သည်။

နိုင်ငံရေးနှင့် စီးပွားရေးသည် တိုက်ရိုက်ဆက်စပ်နေသည့်အတွက် ရွေးကောက်ပွဲရှိသော ၂၀၁၅ တွင် စောင့်ကြည့်လုပ်ကိုင်မည့်သူ များသောကြောင့် မြန်မာ့စီးပွားရေးအကျဘက်သို့ ဦးတည်မည်ဖြစ်သည်။ နှစ်ဦးပိုင်းတွင် စတင်တွေ့ကြုံရမည့် ပြဿနာမှာ အမေရိ ကန်ဒေါ်လာ လိုသလောက် ၀ယ်ယူမရခြင်းဖြစ်သည်။ ပုဂ္ဂလိကဘဏ်များအနေဖြင့် ဗဟိုဘဏ်မှ ရောင်းချပေးနေသည့် ဒေါ်လာများကို အမြတ်ယူ၍ ပြန်လည်ရောင်းချနေသည်ဟု ထင်မြင်ယူဆသဖြင့် ဗဟိုဘဏ်က အမေရိကန်ဒေါ်လာရောင်းချမှုကို လွန်ခဲ့သည့် တစ်လကျော်မှစ၍ ရပ်ဆိုင်းခဲ့သည်။

ထို့အပြင် ဦးသိန်းစိန် ဦးဆောင်သော အစိုးရအဖွဲ့ တက်လာပြီးနောက်ပိုင်း နိုင်ငံခြားရင်းနှီးမြှုပ်နှံမှုများ ၀င်ရောက်လာရာ သွင်းကုန် တင်သွင်းမှုများလာခဲ့ပြီး ကုန်သွယ်မှုလိုငွေပြမှုမှာ နှစ်စဉ်ကြီးထွားလာခဲ့သည်။ ပြီးခဲ့သည့် ၂၀၁၃-၁၄ ဘဏ္ဍာနှစ်တွင် ကုန်သွယ်မှု လိုငွေမှာ ၂ ဘီလီယံကျော်ရှိခဲ့သည်။ ၂၀၁၄ ဧပြီမှ ဒီဇင်ဘာလအထိ ကုန်သွယ်မှုလိုငွေပြမှုမှာ ၃ ဘီလီယံထိ ရှိလာခဲ့သည်။

လက်ရှိအခြေအနေအရ ပို့ကုန်လုပ်ငန်းမှာ အခြေအနေမကောင်းသဖြင့် ထိုပြဿနာကို ၂၀၁၅ ထိ ဖြေရှင်းနိုင်မည်မဟုတ်ပေ။ အစိုးရ၏ နိုင်ငံခြားအရန်ငွေမှာ ခုနစ်ဘီလီယံကျော်သာရှိပြီး ထိုအရန်ငွေကို ထုတ်သုံးနိုင်သည့် အနေအထားမရှိပေ။

‘‘အမေရိကန်ဒေါ်လာ ၀ယ်ရတာတွေ၊ စုရတာတွေ ခက်လာတဲ့အပေါ်မှာ စိန်ခေါ်မှုတွေ ပိုများလာမယ်ဆိုတော့ Micro စီးပွားရေးတည်ငြိမ်မှုက ပိုပြီးတော့ တည်ငြိမ်မှုဆိုတာထက် လှုပ်ယမ်းမှုနဲ့ ရှော့ခ်တွေပိုများလာမယ်’’ဟု မြန်မာနိုင်ငံဆန်စပါးအသင်းချုပ် အထွေထွေအတွင်းရေးမှူး ဦးရဲမင်းအောင်က သုံးသပ်သည်။

ထုိ့အပြင် လက်ရှိငွေကြေးဖောင်းပွမှုနှုန်းမှာ ကမ္ဘာ့ဘဏ်၏ တွက်ချက်မှုအရ ၇ ရာခိုင်နှုန်းရှိပြီး အစိုးရ၀န်ထမ်းများ လစာတိုးပေးပါက ၈ ရာခိုင်နှုန်းမှ ၁၀ ရာခိုင်နှုန်းအထိ ရှိလာနိုင်သည်ဟု မြန်မာနိုင်ငံတော်ဗဟိုဘဏ်ကခန့်မှန်းတွက်ချက်ထားသည်။ အကယ်၍ ငွေကြေးဖောင်းပွမှုနှုန်းမှာ ၈ ရာခိုင်နှုန်းကျော်လာပါက လက်ရှိပုဂ္ဂလိကဘဏ်များ၏ အတိုးနှုန်းပြင်ဆင်ရလာနိုင်သည့် အခြေအနေ ရောက်လာနိုင်ကြောင်း ဘဏ်လုပ်ငန်းရှင်တစ်ဦးက သုံးသပ်သည်။

ငွေကြေးဖောင်းပွမှု လွန်စွာမြင့်မားမှုမရှိစေရန်မြန်မာနိုင်ငံတော်ဗဟိုဘဏ်မှ ဘတ်ဂျက်လိုငွေ တိုက်ရိုက်ဖြည့်ဆည်းခြင်းအစား အစိုးရငွေချေး သက်သေခံလက်မှတ်များအား ဈေးပြိုင်စနစ်ဖြင့် ရောင်းချခြင်းကို ဇန်န၀ါရီစတင်၍ လုပ်ကိုင်ရန်၊ တင်းကျပ်သည့် ငွေကြေးမူဝါဒကျင့်သုံးသွားရန်နှင့် ဈေးကွက်မှ ပိုလျှံငွေကြေး နုတ်သိမ်းမှုပမာဏ တိုးမြှင့်သွားရန် စီစဉ်နေကြောင်း သတင်းရရှိသည်။

ထို့အပြင် အမေရိကန်ဒေါ်လာလိုအပ်ချက်ကို ဖြည့်ပေးနိုင်မည့် အစီအစဉ်တစ်ခုရှိကြောင်း စီးပွားရေးလုပ်ငန်းရှင်တစ်ဦးက သုံးသပ်သည်။

အစိုးရက ခွင့်ပြုထားသော နိုင်ငံခြားဘဏ်များဝင်ရောက်လာပါက ဘဏ်တစ်ခုလျှင် အနည်းဆုံးအမေရိကန်ဒေါ်လာ ၇၅ သန်း ယူဆောင်လာရမည်ဖြစ်သည်။ အစိုးရက ဘဏ်ကိုးခု လုပ်ကိုင်ခွင့်ပြုထားပြီး လာမည့်ဧပြီလကုန်နောက်ဆုံးထား လုပ်ငန်းများ လုပ်ကိုင်ရမည် ဖြစ်သည်။ သို့သော် ကန့်သတ်ချက်များလွန်းသောကြောင့် နိုင်ငံခြားဘဏ်များမှာ လုပ်ငန်းများစတင်ရန် ခက်ခဲနေကြသည်။

အိမ်ခြံမြေဈေးကွက်မှာလည်း နှစ်မကုန်မီကပင် အကျဘက်သို့ ဦးတည်နေသည်။ တရုတ်နိုင်ငံတွင် အဂတိလိုက်စားမှုတိုက်ဖျက်ရေးကို တင်းတင်းကျပ်ကျပ် ဆောင်ရွက်နေခြင်း အပါအ၀င် တရားမ၀င် ငွေကြေးတိုက်ဖျက်ရေးကော်မတီမှ တရားမ၀င်ငွေကြေးများ စောင့်ကြည့်ခြင်းတို့ကြောင့် အိမ်ခြံမြေဈေးကျသွားခဲ့သည်

၂၀၁၅ တွင်လည်း အိမ်ခြံမြေဈေးနှုန်းကျဆင်းခြင်း ဆက်လက်ဖြစ်ပေါ်လာမည်ဖြစ်ကြောင်း စီးပွားရေးလုပ်ငန်းရှင်ကြီးများက ခန့်မှန်းသည်။ အိမ်ခြံမြေဈေးကွက်ကျဆင်းခြင်းမှာ ဘဏ်လုပ်ငန်းပါ ထိခိုက်လာနိုင်သည့် အနေအထားရှိသည်။ ဘဏ်လုပ်ငန်းမှ ချေးငွေယူထားသူအများစုမှာ အိမ်ခြံမြေဈေးကွက်တွင် လုပ်ကိုင်နေသူများသဖြင့် အိမ်ခြံမြေဈေးကျဆင်းမှုသည် ဘဏ်လုပ်ငန်းအပေါ် သက်ရောက်မှုရှိလာနိုင်သည်။

ပို့ကုန်ဈေးကွက်မှာ အိန္ဒိယနိုင်ငံတွင် ရာသီဥတုဖောက်ပြန်မှုကြောင့် အထွက်နှုန်းလျော့ခဲ့သဖြင့် မြန်မာနိုင်ငံမှ ပဲတင်ပို့မှုမှာ အခြေအနေကောင်းနိုင်သော်လည်းဆန်ဈေးကွက်မှာ ခိုင်မာသည့်အနေအထားမရှိသေးပေ။

စီးပွားကူးသန်းဝန်ကြီးဌာနအနေဖြင့် တရုတ်နိုင်ငံ တာဝန်ရှိသူများထံသို့ ဆန်တန်ချိန်တစ်သန်းအား ကိုတာစနစ်ဖြင့် ၀ယ်ယူပေးရန် ကမ်းလှမ်းထားသည်မှာ အကြောင်းမပြန်သေးချိန်တွင် တရုတ်က ထိုင်းမှ ဆန်တန်ချိန်နှစ်သန်း ၀ယ်ယူရန် နှစ်နိုင်ငံ စာချုပ်ချုပ်ဆို ခဲ့သည်။ ထို့ကြောင့် တရုတ်ဈေးကွက်ဝေစုများစွာရရန် မလွယ်ကူတော့ပေ။

ထို့အပြင် ရွေးကောက်ပွဲရှိသောကြောင့် ပြည်တွင်းလုပ်ငန်းရှင်များသာမက နိုင်ငံတကာကလည်း စောင့်ကြည့်မည်ဖြစ်၍ ပြည်ပ ရင်းနှီးမြှုပ်နှံမှုအ၀င်မှာ လျော့ကျမည်ဖြစ်ကြောင်း အထက်ပါပုဂ္ဂိုလ်များက သုံးသပ်သည်။

ရန်ကုန်စတော့အိတ်ချိန်းကို ၂၀၁၅ အောက်တိုဘာတွင် ဖွင့်လှစ်ရန် စီစဉ်ဆောင်ရွက်ထားသည်။ လက်ရှိမြန်မာနိုင်ငံတွင် ရှိနေသော အများပိုင်ကုမ္ပဏီများ အနေအထားအရ စတော့အိတ်ချိန်း စာရင်းဝင်မည့် ကုမ္ပဏီမှာ နည်းပါးသဖြင့် မြန်မာ့စီးပွားရေးလုပ်ငန်းအပေါ် သက်ရောက်မှုနည်းမည်ဖြစ်သည်။

ထို့ကြောင့် လက်ရှိဒေါ်လာငွေလိုအပ်မှုပြဿနာ၊ ကုန်သွယ်ရေးလိုငွေပြ၊ အိမ်ခြံမြေနှင့် ဆက်စပ်နေသော ဘဏ်လုပ်ငန်းအခြေအနေနှင့် ငွေကြေးဖောင်းပွလာမှုတို့ကြောင့် မြန်မာနိုင်ငံ၏ မက်ခရိုစီးပွားရေးအခြေအနေကို ထိခိုက်လာနိုင်ပြီး အစိုးရအနေဖြင့် စနစ်တကျ ကိုင်တွယ်ဖြေရှင်းနိုင်မှသာ တော်ရုံကျမည့်နှစ်ဖြစ်ပေလိမ့်မည်။ ဘတ်ဂျက်လိုငွေပြမှု အဆုံးသတ်ရန်အတွက် အစိုးရအနေဖြင့် အခွန်ငွေပိုမိုရရှိအောင် ဆောင်ရွက်သင့်ပြီး ပို့ကုန်လုပ်ငန်းတိုးတက်စေရန် အသေးစား၊ အလတ်စားလုပ်ငန်းများအား အစိုးရက ထိရောက်စွာ ကူညီပေးသင့်ကြောင်း ဘဏ်လုပ်ငန်းပညာရှင်ဦးစံသိန်းက အကြံပြုသည်။

စိန်ခေါ်မှုများလွန်းသော ၂၀၁၅ တွင် နိုင်ငံ့ခေါင်းဆောင်များ၏ တိုင်းပြည်အပေါ်ထားသော စေတနာနှင့် လုပ်ရည်ကိုင်ရည်ကသာ မြန်မာ့ကံကြမ္မာကို အဆုံးအဖြတ် ဖြစ်စေပါလိမ့်မည်။ ။

7 day

No comments:

Post a Comment

My Blog List