Wednesday, December 31, 2014

ပြိုင်ပွဲမတိုင်မီ ခြေတစ်လှမ်းကြိုဦးထားသော ပါတီကြီးများ


လာမည့် ၂၀၁၅ နိုဝင်ဘာတွင် ကျင်းပမည့် အထွေထွေရွေးကောက်ပွဲအတွက် ပါတီကြီးအချို့က လွန်ခဲ့သည့် လအနည်းငယ်မှစ၍ စကားမျိုးစုံဖြင့် မဲဆွယ် စည်းရုံးမှုများ လုပ်ကိုင်နေကြပြီ ဖြစ်သည်။ သို့သော် ထိုကဲ့သို့ စည်းရုံးရေးလုပ်နေသော နိုင်ငံရေးပါတီအချို့၏ စည်းရုံးရေး လုပ်ငန်းများသည် အုပ်ချုပ်ရေးပိုင်းက ခွင့်ပြုပြီး တစ်စုံတစ်ရာကန့်ကွက်မှုမရှိ သဖြင့် စည်းကမ်းနှင့် ညီသည်ဟု ပြောနိုင်ကြောင်း ပြည်ထောင်စုရွေးကောက် ပွဲကော်မရှင်က ဆိုသည်။

ဥပဒေအရ မဲဆွယ်စည်းရုံး ခြင်းလုပ်ငန်းကို ရွေးကောက်ပွဲ ကော်မရှင်က တရား ၀င်ကိုယ်စား လှယ်လောင်း အမည်စာရင်း ကြေ ညာပြီးမှသာ ပါတီများနှင့် ကိုယ် စားလှယ်လောင်းများက ခွင့်ပြု ချက်တောင်းခံပြီး စည်းရုံးနိုင်မည်ဟု ကော်မရှင် ဥပဒေတွင် ပါရှိသည်။

သို့သော် မဲဆွယ်စည်းရုံးခြင်း ဟု ခေါင်းစဉ်မတပ်ထားသည့် အ သွင်တစ်မျိုးနှင့် စည်းရုံးရေးလုပ် ငန်းများအား ထိပ်တန်းပါတီကြီး များကသာ လုပ်ဆောင်နေ သည်ကို နေ့စဉ်လိုလိုမြင်တွေ့နေရပြီး ပါတီငယ်များ၏ လှုပ်ရှားမှုကိုမူ မတွေ့မြင်ရသေးပေ။

ပြည်ခိုင်ဖြိုးပါတီက တောင် သူလယ်သမား ဖိုရမ်များကို ပြည် နယ်နှင့် တိုင်းအသီးသီးတွင် ပြု လုပ်နေသည်။ အဆိုပါပွဲများသို့ ပါတီဥက္ကဋ္ဌလည်းဖြစ်၊ ပြည်ထောင် စုလွှတ်တော်နာယကကလည်း ဖြစ်သည့် သူရဦးရွှေမန်း ကိုယ်တိုင် တက်ရောက်လျက်ရှိသည်။

မိမိတို့ပါတီသည် မြန်မာနိုင်ငံရှိပါတီများထဲမှ ပါတီတစ်ခုဖြစ်ကြောင်း၊ ၂၀၁၀ ရွေးကောက်ပွဲ၌ ကိုယ်စားလှယ် အများစုအနိုင်ရရှိသည့်အတွက် ပြည်ထောင်စုလွှတ်တော်တွင် ကိုယ်စားလှယ်များစွာ လွှမ်းမိုးထားနိုင် ကြောင်း၊ ပြည်ထောင်စုအစိုးရအဖွဲ့နှင့် တိုင်းဒေသကြီး၊ ပြည်နယ်အစိုးရအဖွဲ့များကိုလည်း မိမိတို့ ပါတီ ကိုယ်စားလှယ်များဖြင့် ဖွဲ့စည်းထားပြီး ပြည်ထောင်စုအစိုးရအဖွဲ့နှင့် မိမိတို့ပါတီသည်လည်း တာဝန်အရှိဆုံး အဖွဲ့အစည်းဖြစ်လာ၍ တာဝန်ခံ ဆောင်ရွက်သွားရမည် ဖြစ်ကြောင်း စသည်ဖြင့် ပြောကြားလေ့ရှိသည်။

သူရဦးရွှေမန်း၏ ယင်းသို့ ပြောကြားလုပ်ဆောင်မှုများသည် ပြည်သူကို ဗဟိုပြုလုပ်ဆောင်ခြင်း ဖြစ်ပြီး နိုင်ငံ့အကျိုးလုပ်ရန် ကောင်းသောယှဉ်ပြိုင်မှုဖြစ် သည့်အတွက် လက်ခံနိုင်သည်ဟု ပြည်ခိုင်ဖြိုး၏ အဓိက ယှဉ်ပြိုင်ဘက် အမျိုးသားဒီမိုကရေစီအဖွဲ့ချုပ်ပါတီမှ လွှတ်တော်ကိုယ်စားလှယ်တစ်ဦးက ဆိုသည်။

၂၀၁၃ နှစ်လယ်မှစ၍ ပြည်ခိုင်ဖြိုးပါတီက တစ်အိမ်တက်ဆင်းစည်းရုံးရေး ဆိုသည့် Door to Door စနစ်ဖြင့် စည်းရုံးရေး လုပ်လာခဲ့သည်။

အဆိုပါစည်းရုံးရေးစနစ် သည် ရွေးကောက်ပွဲကော်မရှင် ဥပဒေအရ တရားဝင်၊ မ၀င်ဟု အတိအကျမပြဋ္ဌာန်း ထားသော် လည်း ကာယကံရှင် အိမ်ရှင်က ကျေနပ်ပါက ပြဿနာမရှိဟု ရွေး ကောက်ပွဲကော်မရှင် ညွှန်ကြား ရေးမှူး ဦးသောင်းလှိုင်က ပြောသည်။

ပြည်ခိုင်ဖြိုးပါတီ၏ လွှတ် တော်ကိုယ်စားလှယ်တစ်ဦးဖြစ် သည့် ဦးဝင်းဦးကမူ ယင်းသို့ စည်းရုံးရေးဆင်းခြင်း သည် ပါတီဝင် များအား သင်တန်းပေးပြီးနောက် လက်တွေ့လေ့ကျင့်ခန်းလုပ်သည့် အနေဖြင့် စည်းရုံးခြင်း သာဖြစ်ပြီး အမှန်တကယ်ရွေးကောက်ပွဲကာ လ မဲဆွယ်ခြင်းမျိုးမဟုတ်ကြောင်း ဖြေကြားခဲ့သည်။

ပြည်ခိုင်ဖြိုးပါတီကဲ့သို့ပင် ဒေါ်အောင်ဆန်းစုကြည်၏ အမျိုး သားဒီမိုကရေစီ အဖွဲ့ချုပ်ပါတီက တရားဝင်စည်း ရုံးရေးဟု မပြောနိုင်သော်လည်း လူထုတွေ့ ဆုံမှုများကို အထိမ်းအမှတ်အခမ်းအနားများမှတစ်ဆင့် ပြု လုပ်နေသည်။ထိုသို့ နိုင်ငံရေးထိပ်ပိုင်း ခေါင်းဆောင်များ၏ လှုပ်ရှားမှု များသည် ရွေးကောက်ပွဲစည်း မျဉ်း စည်းကမ်းများနှင့် ဆန့်ကျင်မှုရှိ၊ မရှိမှာ တရားဝင်ခွင့်ပြုထားသော မဲဆွယ် ကာလမဟုတ်ပါက စည်းကမ်းနှင့် မညီဟု ပြောနိုင်ကြောင်း တပ်မတော်သား လွှတ်တော်ကိုယ် စားလှယ် ဗိုလ်မှူးကြီးတစ်ဦးက ဆိုသည်။

‘‘ဒါက ထိပ်ပိုင်းခေါင်းဆောင်တွေရဲ့ စည်းရုံးရေးလှုပ်ရှားမှုပဲ။ ခေါင်းစဉ်အမျိုးမျိုး တပ်ထားပေမယ့် ပါတီ စည်းရုံးရေးဆိုတာ လူ တိုင်းသိတယ်။ ဒါပေမဲ့ ထိပ်ပိုင်း ခေါင်းဆောင်တွေရဲ့ လှုပ်ရှားမှု ဖြစ်ပြီး ဘယ်ဘက် ကမှ ကန့်ကွက် မှုမရှိတဲ့ အခြေအနေကြောင့်ပဲ’’ ဟု ဗိုလ်မှူးကြီးက ဆက်လက်ပြောသည်။

ငွေကြေးတတ်နိုင်သည့် ပါ တီကြီးများက ပါတီခေါင်းဆောင်များ၏ စည်းရုံးရေး ခရီးစဉ်များကို အသွင် သဏ္ဌာန် အမျိုးမျိုးဖြင့် ဆောင်ရွက်နေကြသော်လည်း အဆိုပါ ပါတီကြီးများ၏ အရေအတွက်မှာ ပါတီ ၇၀ ခန့်တွင် လက် ငါးချောင်း မပြည့်ပေ။

မဲဆွယ်စည်းရုံးရေးကာလ မဟုတ်သည့်အချိန်တွင်လည်း နိုင်ငံရေးပါတီကြီးများသည် ပါတီ စည်းရုံးရေးလုပ် ငန်းများကို မိမိတို့ ပါတီဌာနချုပ်၊ ရုံးခန်းများ၌ ခွင့်ပြုချက်မလိုဘဲ လုပ်ဆောင်နိုင်ပြီး အများနှင့် ဆိုင်သော နေရာများ တွင် ဆောင်ရွက်မည်ဆိုပါက သက်ဆိုင်ရာအုပ်ချုပ်ရေးဌာန၏ ခွင့်ပြု ချက်ယူရမည် ဖြစ်သည်။ သို့သော် တစ်အိမ်တက်ဆင်းစည်းရုံးမှုအ တွက်မူ ဥပဒေတွင် ပြဋ္ဌာန်းမထားပေ။

အခြားနိုင်ငံများတွင်လည်း တစ်အိမ်တက်ဆင်းစည်းရုံးမှုများကို ခွင့်ပြုသည် ဆိုသော်လည်း မည်သည့်အချိန် ကာလမျိုး၌ တစ်အိမ်တက်ဆင်းစည်းရုံးမှု ခွင့်ပြုသည်ဆိုသည်ကိုမူ ဥပဒေနှင့် ပြန်လည်ချင့်ချိန်ရမည် ဖြစ်ကြောင်း လွှတ်တော်ကိုယ်စားလှယ်များက ပြောသည်။

‘‘ဒါက ဥပဒေရဲ့ လိုအပ်ချက် တစ်ခု ဖြစ်နိုင်ပါတယ်။ ဒါပေမဲ့ ဥပဒေမှာ ပြဋ္ဌာန်းမထားရင်၊ ဒါနဲ့ မဆန့်ကျင်ရင် တော့ ဘာမှမပြော နိုင်ဘူး’’ဟု တစ်အိမ်တက်ဆင်းစည်းရုံးမှုနှင့်ပတ်သက်၍ ပြည်ခိုင်ဖြိုးပါတီဝင် လွှတ်တော် ကိုယ်စား လှယ်တစ်ဦး က ပြောသည်။

‘‘ကာယကံရှင် ကျေနပ်သရွေ့ဆိုတာမှာ မသိတဲ့လူတွေက ကိုယ့်အိမ်စည်းရုံးရေးလာပြီး  ပါတီဝင်ဆိုဝင်ရ တာပဲ။ ဘယ်သူ့သွားတိုင်ရမှာလဲ။ ဒါကို မကျေနပ်ပါဘူး’’ဟု လယ်ဝေးမြို့နယ်အတွင်းစည်းရုံးရေးဆင်းခံရသူ ပြည်သူ တစ်ဦးက ပြောသည်။

ဥပဒေအရဆိုပါက ယခုအ ချိန်တွင် ပါတီစည်းရုံးရေးကို အင် တိုက်အားတိုက် ဆောင်ရွက်နေသည့် ပါတီ ကြီးများဟု ပြောနိုင် သည့် ပြည်ခိုင်ဖြိုးနှင့် NLD နှစ်ခုစလုံးသည် ပါတီစည်းရုံးရေးသက်သက်သာသာ ဆောင် ရွက်နေခြင်းဖြစ်ပြီး မဲပေးရန်စည်းရုံးသည့် စကားများနှင့် တစ်ဖက်နှင့်တစ်ဖက် ဝေဖန်သည့် စကားများပြော ဆိုခြင်းမရှိသည့်အတွက်သာ မည်သည့်အဖွဲ့အစည်းကမှ မကန့်ကွက်ခြင်းဖြစ်နိုင်သည်ဟု နိုင်ငံ ရေးဆောင်း ပါးရှင် ဒေါက်တာရန်မျိုးသိမ်းက သုံးသပ်သည်။

7Day News Journal

No comments:

Post a Comment

My Blog List