ဧရာဝတီတိုင်းဒေသကြီး ပုသိမ်မြို့မှာ ကျောင်းသား သပိတ်စစ်ကြောင်းကို ထောက်ခံခဲ့တဲ့ ပုသိမ်နည်းပညာ တက္ကသိုလ်က ကျောင်းဆရာတစ်ဦးကို ပုဒ်မ ၁၈ တရားမ၀င် စီတန်းလှည့်လည်ခြင်းဆိုင်ရာ ပုဒ်မနဲ့ တရားစွဲ ထားပြီး တက္ကသိုလ်တာဝန်ရှိသူတွေက သူ့ကို တာဝန်ကနေ ယာယီရပ်နားထားလိုက်ပါတယ်။
"လက်ပံတန်းကကျောင်းသားတွေကို အကြမ်းဖက်မခံရရေးအတွက် ကျနော်တို့ ဧရာဝတီသပိတ်စစ်ကြောင်း က လုပ်တာပေါ့နော်၊ အဲ့ကိစ္စနဲ့ ပတ်သက်ပြီးတော့ ပုဒ်မ ၁၈ နဲ့ အမှုဖွင့်ပြီး တရားစွဲတယ်၊ ၆ ရက်နေ့ မှာ ကျောင်းကနေပြီးတော့ ယာယီတာဝန်ရပ်နားတယ်လို့ ပြောသွားပါတယ်၊ ဘာပြောလဲဆိုတော့ ဝန်ထမ်း စည်းမျဉ်းဥပဒေအရ တရားစွဲခံထားရတဲ့ ဝန်ထမ်းတိုင်းကို တာဝန်ခေတ္တရပ်နား ရတယ်လို့ ပြောပါတယ်ခင်ဗျ၊ ကျနော့်အမှုကို တရားရုံးကလည်း ၂၂ ရက်နေ့ကျရင် စီရင်ချက်ချမယ်လေ၊ စီရင်ချက်ချပြီးနောက်ပိုင်းတော့ ဘာဖြစ်မလဲ မသိသေးဘူးပေါ့နော်"
ဦးဝေယံအောင်ဟာ ဧရာဝတီသပိတ်စစ်ကြောင်းမှာ ပါဝင်ခဲ့သူဖြစ်ပြီး ပြီးခဲ့တဲ့ မတ်လ ၅ရက်နေ့က လက်ပံ တန်းမြို့ ကျောင်းသားသပိတ်စစ်ကြောင်းကို အကြမ်းမဖက်ဖို့ ဆန္ဒပြခဲ့တာကြောင့် ပုသိမ်မြို့နယ် ရဲစခန်းက တရားစွဲထားတာဖြစ်ပါတယ်။
ဧရာဝတီ ကျောင်းသားသပိတ်စစ်ကြောင်းဟာ ပြီးခဲ့တဲ့ ဖေဖော်ဝါရီလ ၃ ရက်နေ့ကစပြီး ပုသိမ်၊ ကံကြီးထောင့်၊ ကျောင်းကုန်းနဲ့ ဒေးဒရဲမြို့တွေမှာ ၁၈ ရက် ကြာ ချီတက်ဆန္ဒပြခဲ့တာဖြစ်ပါတယ်။ ပုသိမ်မြို့ နယ်အပြင် ကျန်တဲ့ မြို့နယ် ၉ ခုကလည်း တက္ကသိုလ်နည်းပြဆရာ ဦးဝေယံအောင်ကို ပုဒ်မ ၁၈ နဲ့ အမှုဖွင့် ထားပါတယ်။
RFA
No comments:
Post a Comment