ရန်ကုန် ရုပ်ရှင်ပွဲတော် အလည်လာတဲ့ မီရှဲယိုးနှင့် အင်တာဗျူး

အာရှ ရုပ်ရှင်လောကတွင် နာမည်ကျော် ထင်ရှားသော မင်းသမီး မီရှဲယိုးသည် မြန်မာနိုင်ငံတွင် ဒေါ်အောင်ဆန်း စုကြည်၏ ကိုယ်ပွားဟု လူသိများသည်။ မလေးရှားနိုင်ငံ ဇာတိဖြစ်သော မီရှဲယိုးသည် ကမ္ဘာ အနှံ့သို့ ဖြန့်ချိသည့် ရုပ်ရှင်ကားများတွင် ပါဝင်သရုပ်ဆောင်ခဲ့ပြီး ဇာတ်ကောင်စရိုက် များကလည်း အမျိုးသမီး တယောက်အနေဖြင့် ခက်ခဲသောနေရာများတွင် သရုပ်ဆောင်ခဲ့သည်။

သူက ဂေးရှားမယ် တယောက်အဖြစ် လည်းကောင်း၊ တိုက်ခိုက်ရေးသမား အဖြစ် လည်းကောင်း၊ ဂျိန်းမ်စ်ဘွန်း၏ ချစ်သူတဦး အဖြစ် လည်းကောင်း သရုပ်ဆောင်ခဲ့သည်။

ဗြိတိန်နိုင်ငံသား မိုက်ကယ်အဲရစ်နှင့် လက်ထပ်ခဲ့ပြီး မြန်မာနိုင်ငံသို့ အပြန်တွင် နေအိမ်အကျယ်ချုပ်ဖြင့် ဖမ်းဆီး ခံခဲ့ရသော ဒေါ်အောင်ဆန်း စုကြည် အကြောင်းကို ရိုက်ကူးထားသည့် ဒါရိုက်တာ Luc Besson ၏ The Lady ဇာတ်ကားတွင် မီရှဲယိုး ပါဝင်သရုပ်ဆောင် ခဲ့သည်။

မကြာသေးမီက မင်းသမီး မီရှဲယိုးနှင့် ဧရာဝတီမှ ဖလစ်ဇ်ဆိုလိုမွန် တွေ့ဆုံ မေးမြန်းခဲ့ရာတွင် သူက နိုဗဲလ်ဆုရှင် တယောက်၏ အခန်းကဏ္ဍနှင့် မြန်မာနိုင်ငံ အပေါ် ထင်မြင်ယူဆချက်များ အပြင် အမျိုးသားများက လွှမ်းမိုးထား သော ရုပ်ရှင်လုပ်ငန်း အတွင်းမှ အမျိုးသမီး တယောက်၏ အတွေ့အကြုံ များကို ပြောပြခဲ့ပါသည်။

မင်းသမီး မီရှဲယိုးသည် မြန်မာနိုင်ငံသို့ တကြိမ် မကလာရောက်ခဲ့ပြီး ယခုအခါ ရန်ကုန်ရှိ နေပြည်တော် ရုပ်ရှင်ရုံတွင် ၁၀ ရက်ကြာ ကျင်းပနေသော နိုင်ငံတကာ ရုပ်ရှင်အမွေအနှစ် ပွဲတော်(Memory! International Film Heritage Festival) တက်ရောက်ရန် ရောက်လာခဲ့ခြင်း ဖြစ်သည်။

မေး။       ။ ဒေါ်အောင်ဆန်းစုကြည် နေရာက သရုပ်ဆောင်ရတာ ဘယ်လိုနေသလဲ ဆိုတာ သိချင်ပါတယ်။

ဖြေ။       ။ အံ့ဩဖွယ်ကောင်းတဲ့ အတွေ့ အကြုံတခုပါ။ ဂုဏ်ကျက်သရေ ရှိပြီး စည်းကမ်း ပြည့်ဝတဲ့ လူတယောက်ရဲ့ နေရာမှာ ဝင်ပြီး သရုပ်ဆောင်နိုင်ဖို့က ကိုယ့်အတွက် အကောင်းဆုံးတွေ ဖြစ်လာမယ်လို့ မျှော်လင့်ထားခဲ့ တာတွေကနေ စွန့်ခွါရတာ ဖြစ်ပါတယ်။ အဲဒါဟာ ပိုပြီးကောင်းတဲ့ လူတယောက် ဖြစ်စေပါ တယ်။ ကျမအတွက် စိတ်ခွန်အားတွေရစေ ပြီးတော့ ပိုပြီး ဖြောင့်မတ်အောင် နေထိုင်ဖို့ အတွက် အသိတွေ လည်း ရပါတယ်။ တကယ်ကို လှပတဲ့ အတွေ့အကြုံတွေ ပါပဲ။

တချို့ အချိန်တွေ မှာတော့ တော်တော်လေးကို ခက်ခဲပါတယ်။ ဘာလို့လဲ ဆိုတော့ အားလုံးသိတဲ့ အတိုင်း ကျမတို့ ဒီဇာတ်ကားကို စရိုက်တဲ့ အချိန်မှာ ဒေါ်အောင်ဆန်းစုကြည်က နေအိမ်အကျယ်ချုပ်နဲ့ အဖမ်းခံထား ရတဲ့အချိန် ဖြစ်နေတယ်။ ဇာတ်ညွှန်း ရေးတဲ့ Rebecca ဆိုရင် ဒီကားရဲ့ ဇာတ်ညွှန်းကို ရေးဖို့ အတွက်နဲ့ သုတေသန လုပ်ဖို့ကို အချိန် ၅ နှစ် နီးပါး ယူခဲ့ရတယ်။ ဒီကားကို စမရိုက်မီ သုံးနှစ်အလိုမှာ ကျမ ဇာတ်ညွှန်းကို ဖတ်ရပြီးတော့ Luc Besson က ဒါရိုက်တာ အဖြစ် တာဝန်ယူ ရိုက်ကူးမယ် လို့ သိခဲ့ရတယ်။

ဇာတ်ကား အတွက် လိုအပ်တဲ့ ဇာတ်ကွက် တချို့ ရိုက်ဖို့ အတွက် ကျမတို့ မြန်မာနိုင်ငံကို လာခဲ့ ပါသေးတယ်။ ဒါပေမယ့် နောက်ပိုင်း မှာတော့ ထိုင်းနိုင်ငံမှာ ဒေါ်အောင်ဆန်းစုကြည် အိမ်ပုံစံနဲ့ တထပ်တည်း တူအောင် ဆောက်ထားတဲ့ အိမ်မှာ သွားပြီး ရိုက်ကြတယ်။ ဘာကြောင့်လဲ ဆိုတော့ သူ့ရဲ့အချိန်တွေ အားလုံးကို အဲဒီ အိမ်မှာပဲ ကုန်ဆုံးခဲ့ရပြီးတော့ သူ့ ဘဝရဲ့ အရေးပါတဲ့ အစိတ်အပိုင်း တခုလည်း ဖြစ်တယ်။

မေး။       ။ ဒေါ်အောင်ဆန်းစုကြည် အနေနဲ့ ဒီရုပ်ရှင်ကား အပေါ်မှာ ဘယ်လိုမြင်သလဲ ဆိုတာ မေးခဲ့ဖူးပါသလား။

ဖြေ။       ။ မမေးခဲ့ဖူးပါဘူး။ ရိုးရိုးသားသား ပြောရရင် ကျမတို့ ဒီဇာတ်ကားကို ရိုက်ကူးခဲ့တာက ဒေါ်အောင်ဆန်းစုကြည် တယောက်တည်းကြည့်ဖို့ မဟုတ်ပါဘူး။ ကျန်တဲ့ ကမ္ဘာပေါ်မှာ ရှိတဲ့ လူတွေကို အဲဒီ အချိန်က မြန်မာနိုင်ငံရဲ့ အခင်းအကျင်းကို သိစေဖို့နဲ့ သူတို့ဇနီးမောင်နှံ အကြောင်းကို သိစေဖို့ ရိုက်ကူးခဲ့တာပါ။ ကျမ ပြောချင်တာက တော့ မယုံကြည်နိုင်လောက်တဲ့ အချစ်ဇာတ်လမ်း တပုဒ်ပါ။ ဒီကားထဲမှာ နိုင်ငံရေး အကြောင်းတွေ သိပ်မများပါဘူး။ ဒါပေမယ့် ဒေါ်အောင်ဆန်းစုကြည်နဲ့ သူ့ အမျိုးသားတို့ရဲ့ တကယ့် စွန့်လွှတ် အနစ်နာခံမှုတွေ အကြောင်းကို ရိုက်ကူးထားတာပါ။ တကယ်ကို ဝမ်းနည်းစရာ ကောင်းတဲ့ ဇာတ်လမ်း တပုဒ်ပါ။

ကျမ ဒီဇာတ်လမ်းကို သရုပ်ဆောင်ရင်း နားလည်လာတာက ဘယ်လောက်ပဲ နာကျင်နေပါစေ …၊ တခြားသူတွေခွန်အားရှိဖို့ အတွက် ကိုယ့်ရဲ့နာကျင်မှုတွေကို သိမ်းထားနိုင်ရမယ်။ ဒေါ်အောင်ဆန်းစုကြည် အတွက် ဒီရုပ်ရှင်ကားကို ကြည့်ရင် နာကျင်ခံစားရလိမ့်မယ် လို့ ကျမထင်ပါတယ်။ အဲဒါ ကြောင့် ကျမ မမေးပါဘူး။ မေးလည်း မမေးရဲပါဘူး။

မေး။       ။ ၂၀၁၁ ခုနှစ် The Lady ဇာတ်ကား ထွက်လာတဲ့ အချိန်မှာ မြန်မာနိုင်ငံမှာ နိုင်ငံရေး ပြောင်းလဲမှုတွေ ဖြစ်ပေါ် နေတဲ့ အချိန်လည်း ဖြစ်နေပါတယ်။ လွန်ခဲ့တဲ့နှစ် အနည်းငယ်က အဖြစ် အပျက်တွေကြောင့် အံ့အားသင့်ခဲ့ ပါသလား။

ဖြေ။       ။ ကျမ မအံ့ဩပါဘူး။ တကယ်လို့ မြန်မာနိုင်ငံက အတိတ်မှာသာ ကျန်ခဲ့ပြီး ပြုပြင် ပြောင်းလဲမှုတွေ မလုပ်ခဲ့ရင်သာ အံ့ဩရမှာပါ။ ပြောင်းလဲရမယ့် အချိန် ဆိုတာ ထင်ရှားပါတယ်။ တိုးတက်နေတဲ့ မျိုးဆက်သစ် တခု ရှိမယ် ဆိုရင် သူတို့တွေက အမှောင်ထဲမှာ နေချင်ကြမှာလား။ ကျမကတော့ မထင်ပါဘူး။

ဒါပေမယ့် ပြုပြင်ပြောင်းလဲမှုတွေကို တဖြည်းဖြည်းချင်း ပြုလုပ်နေတယ် လို့ ပြောရမှာ ဖြစ်ပါတယ်။ ဒီလို ဖြစ်လာတာ ကောင်းပါတယ်။ တံခါးတချပ်ကို အလျှင်အမြန် ဖွင့်လိုက်ရင် ရှိသမျှအရာ အားလုံးဝင် လာပြီးတော့ ကောင်းတဲ့ အရာတွေ အများကြီးကို ဖျက်ဆီးပစ်နိုင် ပါတယ်။ တခြား ဖွံ့ဖြိုးစ နိုင်ငံတွေမှာ လည်း ဒီကိစ္စက မလွယ်ကူခဲ့ ပါဘူး။ အခြေအနေ ကောင်းတွေ မရောက်ခင် အခက်အခဲတွေကို ရင်ဆိုင် ရတဲ့အခါ အချိန်ယူရ ပါမယ်။

မေး။       ။ မြန်မာနိုင်ငံကို သဘောကျရတဲ့ အချက်တွေ ထဲက ကောင်းတဲ့အချက်တွေက ဘာတွေ ပါလဲ။

ဖြေ။       ။ မြန်မာနိုင်ငံက လှပါတယ်။ ကျမ သွားလည်ဖို့ အခွင့်အရေး မရသေးတဲ့ နေရာတွေ အများကြီး ရှိပါ သေးတယ်။ အင်းလေးကန်ကို သွားလည်ချင် ပါတယ်။ ပြီးခဲ့တဲ့ နွေရာသီကတော့ ပုဂံနဲ့ မန္တလေးကို ရောက်ပြီး ပါပြီ။ ယဉ်ကျေးမှုနဲ့ ရိုးရာ အမွေအနှစ်တွေကို မြင်နိုင်တဲ့ ရှေးဟောင်းသမိုင်းဝင် နေရာတွေကိုလည်း သွားချင်ပါ တယ်။

မြန်မာနိုင်ငံမှာ အရမ်းခင်ဖို့ ကောင်းတဲ့ သူငယ်ချင်းတချို့ ရှိပါတယ်။ အဲဒါကြောင့် ကျမ ဒီရောက်ရင် သူတို့တွေနဲ့ အတူတူ ရှိဖြစ်ပါတယ်။ ပီနန် (Penang) ကိုလည်း ပြန် အမှတ်ရစေ ပါတယ်။ အဲဒီမှာလည်း ကိုလိုနီခေတ် အဆောက်အအုံတွေ ရှိတယ်။ အစားအသောက်တွေလည်း ကောင်းပါတယ်။ နာမည် ဘယ်လိုခေါ်လဲ တော့ မသိဘူး၊ ခေါက်ဆွဲရယ် … စွတ်ပြုတ်လို …

မေး။       ။ မုန့်ဟင်းခါးကို ပြောတာလား။

ဖြေ။       ။ ဟုတ်တယ်။

မေး။       ။ မီရှဲယိုးရဲ့ သရုပ်ဆောင် စရိုက်တွေကို ကြည့်ရင် ကြံ့ခိုင်ပြီး ခေါင်းမာတတ်တဲ့ အမျိုးသမီးတယောက် ပုံစံတွေကို မကြာခဏ တွေ့ရပေမယ့် သိမ်မွေ့ ပျော့ပျောင်းတဲ့ ပုံစံတွေကို မတွေ့ရဘူး။ ဘယ်လို ဇာတ်ကောင် စရိုက်တွေကို သရုပ်ဆောင်ချင် ပါသလဲ။ ပြီးတော့ သရုပ် မဆောင်ချင်တဲ့ ဇာတ်ကောင်စရိုက် ရှိပါသလား။

ဖြေ။       ။ မှန်ပါတယ်။ ဖန်တရာတေနေတဲ့ ဇာတ်ကောင် တွေကို မကြိုက်ပါဘူး။ ဥပမာ ပြောရရင် အမေရိကန် ဇာတ်ကား တကားမှာ တရုတ်အမျိုးသမီး တယောက် အနေနဲ့ သရုပ်ဆောင်ရမယ် ဆိုရင် သူဟာ တရုတ် စားသောက်ဆိုင်က စားပွဲထိုး တယောက်၊ ဒါမှမဟုတ် ပြည့်တန်ဆာ တယောက် ဖြစ်လိမ့်မယ်။ တကယ်ကို ရယ်စရာ ကောင်းပါတယ်။ အဲဒီလို ဇာတ်ကောင်တွေကို မကြိုက်ပါဘူး။ အဲဒါကြောင့် ကျမ သရုပ်ဆောင်ခဲ့တဲ့ ဇာတ်ကောင်တွေကို စိတ်ဓာတ်ရေးရာမှာ ကြံ့ခိုင်တဲ့ အမျိုးသမီး ဇာတ်ကောင်တွေကိုပဲ ရွေးချယ် သရုပ်ဆောင် ခဲ့ပါတယ်။ ကောက်ကျစ်စဉ်းလဲစရာ မလိုဘူး။ သူများကို လွှမ်းမိုးစရာလည်း မလိုဘူး။ ရုပ်ဝတ္ထုလိုမျိုး မဟုတ်ဘူး။ ထက်မြက်ပြီး လူ လေးစားတဲ့ စရိုက်မျိုးပါ။

မေး။       ။ အမျိုးသမီး တယောက် အနေနဲ့ ရုပ်ရှင်လောကမှာ စိန်ခေါ်မှုတွေနဲ့ ရင်ဆိုင်ခဲ့ရပါသလား။ ရှိခဲ့ရင် အဲဒီ စိန်ခေါ်မှုတွေက အနောက်တိုင်းနဲ့ အာရှမှာ တူညီပါသလား။

ဖြေ။       ။ အမျိုးသမီး သရုပ်ဆောင် အားလုံးက အတူတူပဲ ပြောလိမ့်မယ်လို့ ထင်ပါတယ်။ အမျိုးသမီး အားလုံး ဘယ်တော့မှ နေရာကောင်းတွေမှာ သရုပ်ဆောင်ခွင့် မရကြပါဘူး။ ဇာတ်လမ်း အများစုက အမျိုးသားတွေ အတွက်ပဲ ရည်ညွှန်းပြီး ရေးထားကြတာပါ။ သရုပ်ဆောင်ကြေး မှာလည်း အများကြီး ကွာပါတယ်။ ဟောလီးဝုဒ်မှာ တောင်မှ ဒီလိုပါပဲ။ ဈေးကွက်က အဲဒီပုံစံ ဖြစ်နေတယ်။ နောက်ထပ် ဈေးကွက်ကြီး တခုအနေနဲ့ ကတော့ တရုတ်နိုင်ငံ ဖြစ်ပါလိမ့်မယ်။ အခုအချိန် အထိတော့ အဲဒီမှာက ပိုပြီး တန်းတူညီမျှမှု ရှိတယ်လို့ ထင်ရပါတယ်။

မေး။       ။ မလေးရှားနိုင်ငံရဲ့ ရုပ်ရှင်လောက ကရော ဘယ်လို အနေအထားမှာ ရှိပါသလဲ။

ဖြေ။       ။ ခက်ခဲပါတယ်။ ဘာသာစကား အနေနဲ့ မလေးရှား နိုင်ငံမှာ မလေးစကားနဲ့ အင်ဒိုနီးရှား စကားကိုပဲ ပြောကြတယ်။ အဲဒါကြောင့် ရုပ်ရှင်လောကက ကျဉ်းမြောင်းပါတယ်။ ကျမတို့ မလေးရှား အစိုးရ အနေနဲ့လည်း ဒီထက် ပိုပြီး တိုးတက်အောင် ကြိုးစား နေပါတယ်။ ကျမနေနဲ့လည်း တတ်နိုင်သလောက် ကြိုးစားနေပြီးတော့ ရုပ်ရှင် ထုတ်လုပ်ရေး ကုမ္ပဏီ တခု တည်ထောင်ဖို့ စလုပ်နေပါတယ်။ နောက်ပြီး ပြန်ရနိုင်တဲ့ ဝင်ငွေက နည်းတဲ့ အတွက် အခက်အခဲတွေ ရှိတယ်။ ရုပ်ရှင်ကားတွေကို ဈေးကွက် ဝင်အောင် ဆိုရင် စင်ကာပူနိုင်ငံ ဒါမှမဟုတ် တရုတ် နိုင်ငံတွေ အထိ သွားပြရပါလိမ့်မယ်။

မေး။       ။ ကိုယ်ခံပညာနဲ့ ပတ်သက်တဲ့ အတွေ့အကြုံ အနည်းငယ်ကို ပြောပြပေးနိုင်မလား။ ဘယ်လို လေ့ကျင့်မှုတွေ လုပ်ခဲ့ရပါသလဲ။

ဖြေ။       ။ ကျမက ရုပ်ရှင်ထဲမှာ ကိုယ်ခံပညာနဲ့ သရုပ်ဆောင်တဲ့သူ တယောက်ပါ။ ၄ နှစ် အရွယ် ကတည်းက မနက် ၅ နာရီ ထပြီးတော့ ချန်ပီယံ ဖြစ်အောင် လေ့ကျင့်ကြတဲ့လူတွေ ရှိပါတယ်။ အဲဒီ မတိုင်ခင် ကျမ ဘဲလေး ကချေသည် တယောက် ဖြစ်ခဲ့ပါတယ်။ နောက်ပိုင်း ကျမ သရုပ်ဆောင် လောကကို ရောက် လာတဲ့အခါမှာ အက လေ့ကျင့်ခန်းတွေကို ကိုယ်ခံပညာမှာ ပြောင်းလဲ အသုံးပြုပြီးတော့ သရုပ်ဆောင်ခဲ့ တာပါ။ အဲဒါကြောင့် ကိုယ်ခံ ပညာရှင်တယောက်ရဲ့ လေ့ကျင့်မှုမျိုး ကျမဆီမှာ မရှိပါဘူး။ ဒါပေမယ့် ဘယ်လို လုပ်ရမယ် ဆိုတာတော့ ကျမ သိပါတယ်။ ကျမ အရင်တုန်း လေ့ကျင့်ခဲ့ရတဲ့ အကတွေက အများကြီး အထောက်အကူ ဖြစ်စေပြီးတော့ ကျမရဲ့ ဟန်ကို ယောက်ျားလေး ပုံစံတွေနဲ့ ကွဲပြားစေပါတယ်။

အရမ်းခက်ခဲတဲ့ လေ့ကျင့်မှုတွေကို နေ့တိုင်း လုပ်ခဲ့တယ်။ အခြေခံအချက်တွေကို သိထားရမယ်။ ကန်ချက် နည်းစနစ်တွေကို သိထားရမယ်။ လုပ်နိုင်တဲ့ နည်းလမ်း တခုကတော့ သူ့ပုံစံအတိုင်း လုပ်ဖို့ ပါပဲ။ ဘာကြောင့်လဲ ဆိုတော့ တကြိမ်တည်းနဲ့ မရနိုင်ပါဘူး။ အကောင်းဆုံးကန်ချက်တွေ မရမချင်း လေ့ကျင့်မှု တွေကို ထပ်ခါထပ်ခါ လုပ်ရပါမယ်။

မေး။       ။ နောက်ဆုံး အနေနဲ့ မေးချင်တာကတော့ မြန်မာနိုင်ငံမှာ ရှိတဲ့ အမျိုးသမီး သရုပ်ဆောင်တွေနဲ့ ဒါရိုက်တာတွေကို ဘယ်လိုအကြံပေးချင်ပါသလဲ။

ဖြေ။       ။ သူတို့ အနေနဲ့ ရှေ့ဆက်လုပ်နေရပါမယ်။ ရန်ပုံငွေ ကောက်ခံတာ နဲ့ ရုပ်ရှင်ရိုက်တာဟာ ကမ္ဘာပေါ်မှာ အခက်ခဲဆုံး ပါပဲ။ မလွယ်ကူပါဘူး။ ဒီလို ရုပ်ရှင်ပွဲ တော်တွေက အရေးကြီးပါတယ်။ ဒါရိုက်တာတွေ၊ ရုပ်ရှင် ထုတ်လုပ် သူတွေက အပြင်ကမ္ဘာက အကြောင်း အရာတွေကို ယူဆောင်လာခဲ့သလို ဒီမှာ ရှိနေတဲ့ သရုပ်ဆောင် တွေနဲ့ ဒါရိုက်တာတွေရဲ့ စိတ်အားထက် သန်မှုကိုလည်း သိရှိသွားစေနိုင်ပါတယ်။ 

ဧရာဝတီ