မြန်မာနယ်စပ်အနီး တရုတ်စစ်ရေးလေ့ကျင့်မှု ၂ နိုင်ငံဆက်ဆံရေး မထိခိုက်ဟုဆို

တရုတ်-မြန်မာနယ်စပ်အနီး ယူနန်ပြည်နယ်တွင် တရုတ်စစ်တပ်၏ မြေပြင်၊ ဝေဟင် စစ်ရေး လေ့ကျင့်မှုများ ပြု လုပ်နေမှု များသည် မြန်မာနှင့်တရုတ် ၂ နိုင်ငံ ဆက်ဆံရေး ထိခိုက်မှု မရှိကြောင်း တရုတ်နိုင်ငံ အာရှရေးရာ အထူးသံတမန် H.E Mr. Sun Guo Xiang က မီဒီယာများသို့ ပြောသည်။

ကရင်အမျိုးသားအစည်းအရုံး(KNU) ထိန်းချုပ်နယ်မြေ လော်ခီးလာတွင် ဇွန်လ ၂ ၇က်နေ့က စတင် ကျင်းပ နေသည့် “တိုင်းရင်းသား လက်နက်ကိုင်တော်လှန်ရေး အဖွဲ့အစည်းများ၏ ထိပ်သီး ခေါင်းဆောင်များ အစည်း အဝေး” သို့ လေ့လာသူ အဖြစ် Mr. Sun Guo Xiang တက်ရောက်စဉ် သတင်းမီဒီယာများနှင့်တွေ့ဆုံ စဉ် အထက်ပါအတိုင်း ပြောဆိုလိုက် ခြင်း ဖြစ်သည်။

Mr. Sun Guo Xiang က “တရုတ် တပ်မတော်အနေနဲ့ မိမိနိုင်ငံ လုံခြုံရေးကို ကာကွယ်ဖို့ တရုတ်နိုင်ငံ ပြည်တွင်းမှာ စစ်ရေး လေ့ကျင့်ခန်း ပြုလုပ်တာ သဘာဝကျတယ်။ တဘက်ဘက်က ရည်ရွယ်ပြီးတော့ ဆောင်ရွက်နေတာ မဟုတ်ပါဘူး” ဟု သတင်းထောက်များကို ပြောဆိုသည်။

တရုတ်-မြန်မာ နယ်စပ်အနီး ကိုးကန့်ဒေသ၌ မြန်မာ့တပ်မတော်နှင့် ကိုးကန့်တပ်ဖွဲ့တို့ (MNDAA) အကြား တိုက်ပွဲ ဖြစ်ပွားစဉ် တရုတ်နိုင်ငံအတွင်းသို့ လက်နက်ကြီး မကြာခဏဆိုသလို ကျမှန် ပေါက်ကွဲခဲ့သည့်အ တွက် တရုတ်နိုင်ငံသားများ ထိခိုက် ၊ သေဆုံးဒဏ်ရာရမှုများ ဖြစ်ပွားခဲ့ပြီးနောက် ဇွန်လ ၂ ရက်နေ့မှ စတင်ကာ ၂ နိုင်ငံ နယ်စပ်အနီးတွင် တရုတ် စစ်တပ် များက ဝေဟင်၊ မြေပြင်စစ်ရေး လေ့ကျင့်မှုများ ပြုလုပ်လာခြင်း ဖြစ်သည်။

တရုတ် တပ်မတော်၏ စစ်ရေး လေ့ကျင့်ခြင်းသည် မြန်မာအစိုးရနှင့်ကိုးကန့် တပ်ဖွဲ့တို့အကြား တိုက်ပွဲနှင့် ဆက်စပ်ခြင်း မရှိ ကြောင်း၊ ၂ နိုင်ငံ အစိုးရကြား ဆက်ဆံရေး ကောင်းမွန်နေသကဲ့သို့ တပ်မတော် ၂ ရပ် အကြားတွင်လည်း ဆက်ဆံရေး ကောင်းမွန် လျက်ရှိကြောင်း Mr. Sun Guo Xiang က ဆိုသည်။

“တရုတ်နိုင်ငံနဲ့ မြန်မာနိုင်ငံ နှစ်နိုင်ငံ ဆက်ဆံရေး အတော် ကောင်းနေပါတယ်။ ၂ နိုင်ငံ တပ်မတော် ၂ ရပ် အကြား ဆက်ဆံ ရေးဟာလည်း အင်မတန် ကောင်းမွန်ပါတယ်။ 

အဲဒါကြောင့် တရုတ်တပ်မတော်က တရုတ် နိုင်ငံ အတွင်းမှာ ဒီလို စစ်ရေး လေ့ကျင့်ခန်း ပြုလုပ်မှုဟာဆိုရင် ကျနော်တို့ ၂ နိုင်ငံ တပ်မတော် ၂ ရပ်အကြား ဆက်ဆံရေးကို ထိခိုက်သွားမှာ မဟုတ်ပါဘူး”ဟု ၎င်းက ရှင်းပြသည်။

ထို့ပြင် တရုတ်နိုင်ငံ အနေဖြင့် မြန်မာ့ ငြိမ်းချမ်းရေး လုပ်ငန်းစဉ်အပေါ် အားပေးထောက်ခံကြောင်းနှင့် အကူ အညီ၊ အထောက်အပံ့များ ပေးသွားရန်ရှိသည်ဟု ၎င်း၏အဆိုအရ သိရှိရသည်။

မတ်လအတွင်း ကိုးကန့်နှင့်တိုက်ပွဲဖြစ်ပွားစဉ် မြန်မာအစိုးရလေတပ်က ပစ်ခတ်လိုက်သော ဗုံးသည် တရုတ်နိုင်ငံ ကျ ရောက် ပေါက်ကွဲခဲ့၍ တရုတ်နိုင်ငံသား ၄ ဦး သေဆုံးသွားခဲ့ရာ မြန်မာအစိုးရ တရုတ်အစိုးရထံသို့ တရားဝင် တောင်းပန် ခဲ့ပြီး သေဆုံးတရုတ်နိုင်ငံသားများအတွက်လျှော်ကြေးပေးအပ်ခဲ့ကြောင်း တရုတ်သတင်းဌာနများ၏ ရေးသားဖော်ပြချက်အရ သိရှိရသည်။

ဧရာဝတီ