ယီမင်နိုင်ငံမှာရှိတဲ့ အမေရိကန်သံရုံးကို ပိတ်သိမ်းပြီး သံတမန်တွေ တိုင်းပြည်ကနေ ထွက်ခွာသွားပြီး တဲ့နောက် သံရုံးပိုင် မော်တော်ယာဉ်တွေကို Houthi သူပုန်တွေက သိမ်းပိုက်လိုက်ပါတယ်။မော်တော် ယာဉ်တွေကို မြို့တော် စာနာရဲ့ လေဆိပ်ကနေ သိမ်းယူသွားခဲ့ကြတာ ဖြစ်တယ်လို့ CNN သတင်းဌာန က ကြေညာပါတယ်။
အင်္ဂါနေ့တုန်းကတော့ အမေရိကန် နိုင်ငံခြားရေးဝန်ကြီးဌာနက အမေရိကန်သံရုံး အမှုထမ်းတွေကို ယီမင်နိုင်ငံ မြို့တော် စာနာကနေ ရွှေ့ပြောင်းထား ခဲ့ကြောင်း ကြေညာခဲ့ပြီး ဗြိတိန်နိုင်ငံကတော့ သူ့သံရုံးဝန်ထမ်းတွေကို ပြန် ရုပ်သိမ်းလိုက်ပြီဖြစ်ကြောင်း ဗုဒ္ဓဟူးနေ့ စောစောပိုင်းမှာ ကြေညာပါတယ်။
မကြာခင်က ပြုလုပ်ခဲ့တဲ့ တဘက်သတ်လုပ်ရပ်ဟာ ယီမင်နိုင်ငံရဲ့ နိုင်ငံရေး အသွင်ကူးပြောင်းမှုကို အနှောင့်အယှက် ဖြစ်စေကြောင်း၊ အကြမ်းဖက်မှုတွေ ဖန်တီးပေးသလိုဖြစ်စေပြီး ယီမင်နိုင်ငံသားတွေ နိုင် ငံခြားသံရုံး ၀န်ထမ်းတွေ အတွက် ခြိမ်းခြောက်မှုတွေ ဖြစ်စေတယ်လို့ အမေရိကန် နိုင်ငံခြားရေးဝန်ကြီး ဌာနရ ပြောခွင့်ရ အမျိုးသမီး Jen Psaki ကထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။
အမေရိကန်ပြည်ထောင်စုအနေနဲ့ ငြိမ်းချမ်းပြီး သာယာဝပြောမှု စည်းလုံးမှုကို လိုလားတဲ့ ယီမင်နိုင်ငံ သားတွေကို ထောက်ခံမှုပေးဆဲ ရှိပါကြောင်းလည်း ဖော်ပြထားပါတယ်။
ယီမင်နိုင်ငံမှာ အခြေအနေတွေ ကောင်းမွန်ပြီး သံရုံးပြန်လည် ဖွင့်လှစ်နိုင်ဖို့ နည်းလမ်းတွေ ရှာဖွေနေ မှာ ဖြစ်တယ်လို့လည်း Jen Psaki က ပြောပါတယ်။
VOA
VOA
No comments:
Post a Comment