သြစတြေးလျနိုင်ငံမြောက်ပိုင်း ကွင်းစလန်းပြည်နယ်မှာ ဒီကနေ့ကစပြီး စက်မှုထိပ်သီးနိုင်ငံများ G-20 ရဲ့ ငွေကြေးဆိုင်ရာ ညီလာခံကြီး စတင်နေပြီ ဖြစ်ပါတယ်။ G-20 ညီလာခံကို တက်ရောက်ကြမယ့် နိုင်ငံ တကာက ကိုယ်စားလှယ်တွေ၊ သူတို့ကို ကူညီမယ့်သူတွေအပါအဝင် မီဒီယာသမား စုစုပေါင်း အယောက် တစ် ထောင် လောက် ရောက်ရှိလာမှာ ဖြစ်တဲ့အတွက် Cairns မြို့မှာ လုံခြုံရေးတွေ တင်းကြပ်ထားပါ တယ်။
နိုဝင်ဘာလကျရင် Brisbane မြို့မှာ ကျင်းပမယ့် G-20 အစည်းအဝေးကြီး မကျင်းပခင် ဒီအစည်းအဝေးက ဒုတိယနောက်ဆုံး အစည်းအဝေးပဲ ဖြစ်ပါတယ်။
အဝေးကနေ လာရောက်တဲ့ မီဒီယာသမားတွေကတော့ ဒီကနေ့မှာ Great Barrier Reef သန္တာကျောက် တန်းမှာ သွားရောက်လေ့လာခွင့်ရမှာ ဖြစ်ပါတယ်။
ဒီအစည်းအဝေးဟာ ကမ္ဘာ့စီးပွားရေးကို ၈၅% ကိုယ်စားပြုတဲ့ နိုင်ငံတွေ၊ ကမ္ဘာ့ကုန်သွယ်ရေးရဲ့ ၇၅% ကို ကိုယ်စားပြုတဲ့ ကိုယ်စားလှယ်တွေရဲ့ တွေ့ဆုံပွဲ ဖြစ်တဲ့အတွက် အင်မတန် အရေးကြီးတယ်လို့ သြစတြေးလျ
နိုင်ငံ ငွေကြေးရေးရာ ဝန်ကြီး ဂျိုးဟော်ကီက ပြောပါတယ်။
အခွန်ရှောင်လွဲလိုတဲ့ နိုင်ငံတကာ ကုမ္ပဏီတွေကို လိုက်လံဖမ်းဆီးမယ့် စနစ်မျိုးကို ချမှတ်နိုင်ဖို့ ဆွေးနွေးဖို့ ရှိပြီး ဒီကနေ့ မွန်းလွဲပိုင်းမှာတော့ ငွေရေးကြေးရေးနဲ့ ဗဟိုဘဏ် ကိုယ်စားလှယ်တွေ အရင်ဆုံး တွေ့ဆုံမှာ ဖြစ်ပါတယ်။
မနက်ဖြန်မှာတော့ အားလုံးသဘောတူနိုင်မယ့် အကြောင်းအရာတွေကို ရေးဆွဲကြမှာဖြစ်ပြီး သတင်းပတ် ကုန်မှာတော့ ဒီအကြောင်းကို အခြေအတင် ဆွေးနွေးကြဖို့ ရှိတယ်လို့ အေဘီစီ သတင်းထောက် Kirsty Nancarrow က သတင်းပေးပို့ထားပါတယ်။
ABC
No comments:
Post a Comment