တရုတ် သမ္မတ ရှီကျင်ပင်းဟာ အိန္ဒိယ နိုင်ငံကို ၃ ရက်တာ ခရီးစဉ် အဖြစ် ရောက်ရှိ လာရာမှာ တရုတ်နဲ့ အိန္ဒိယ အာရှ အင်အားကြီး နှစ်နိုင်ငံကြား စီးပွားရေး ဆက်ဆံမှု ပိုမို နီးကပ်စေရေး ဦးစားပေး ဆွေးနွေးမယ် လို့ မျှော်လင့် ရပါတယ်။
ဂူဂျာရတ် ပြည်နယ် ဝန်ကြီးချုပ်အဖြစ် တာဝန်ယူခဲ့စဉ်က တရုတ်နိုင်ငံကို မကြာခဏ သွားလေ့ရှိခဲ့တဲ့ လက်ရှိ အိန္ဒိယ ဝန်ကြီးချုပ် နာရန်ဒရာမိုဒီက တရုတ်သမ္မတကို ဂူဂျာရတ် ပြည်နယ်က အမီဒါဘတ် မြို့မှာ ကြိုဆိုခဲ့ပါတယ်။
ကမ္ဘာကြီးရဲ့ ရုံးခန်းတွေကို နောက်ကွယ်ကနေ လည်ပတ်ပေးနေတဲ့ အိန္ဒိယနဲ့ ကမ္ဘာကြီးရဲ့ စက်ရုံတွေကို နောက်ကွယ်က မောင်းနှင်နေတဲ့ တရုတ်တို့ရဲ့ ၂ နိုင်ငံ ပူးပေါင်း ဆောင်ရွက်မှုက ရလာမယ့် အကျိုးအမြတ် အလားအလာကို တရုတ် သမ္မတက ဂုဏ်ယူ ပြောဆိုခဲ့ကြောင်း ဟိန္ဒူ သတင်းစာမှာ အစောပိုင်းက ရေးသား ဖော်ပြခဲ့ပါတယ်။
သူ့ခရီးစဉ် အတွင်းမှာ တရုတ်ဘက်က ထောက်ပံ့မယ့် စက်မှုဇုန်တွေ တည်ဆောက်ရေး အစီအစဉ် အပါအဝင် ဒေါ်လာ ဘီလျံ များစွာ တန်ဖိုးရှိတဲ့ တရုတ် ရင်းနှီး မြှုပ်နှံမှုတွေကို အတည်ပြု လက်မှတ် ရေးထိုးမယ်လို့ မျှော်လင့်ရပါတယ်။
BBC Burmese
No comments:
Post a Comment