အီရတ်သို့ ရောက်ရှိနေသည့် အမေရိကန် တပ်ဖွဲ့များသည် စစ်သွေးကြွများကို တိုက်ခိုက်သည့်ကဏ္ဍတွင် ပါဝင်မည်မဟုတ်ဟု အမေရိကန်သမ္မတ ဘာရတ်အိုဘားမားက ပြောကြားခဲ့သည်။အစ္စလာမ်မစ် နိုင်ငံတော် (IS) စစ်သွေးကြွအဖွဲ့ကို အမေရိကန်က လေကြောင်းမှ တိုက်ခိုက်နေမှုများအပြင် ခြေလျင်တပ်များပါ ပို့ဆောင်သင့်ကြောင်း အဆိုပြုမှုများကို အိုဘားမားက အစဉ်တစိုက် ငြင်းဆန်ခဲ့သည်။
အီရတ်ရှိ အမေရိကန် နိုင်ငံသားများ၏ လုံခြုံရေးကို ထောက်ပံ့ ကာကွယ်ရန် အမေရိကန် ခြေလျင်တပ်များ စေလွှတ်ထားသော်လည်း ၎င်းတို့သည် IS တို့ကို တိုက်ခိုက်သည့် စစ်ဆင်ရေးအတွက် မဟုတ်ဟု အိုဘားမားက ဆိုသည်။
“အမေရိကန် တပ်ဖွဲ့တွေကို အီရတ်မှာ ဖြန့်ကျက်ထားတယ် ဆိုပေမယ့် တိုက်ခိုက်ရေးကဏ္ဍမှာ ပါဝင်မှာ မဟုတ်ပါဘူး”ဟု အိုဘားမားက ဖလော်ရီဒါရှိ အမေရိကန် စစ်ဌာနချုပ်တွင် ပြောကြားခဲ့သည်။ အိုဘားမားသည် ၎င်း၏ သမ္မတ သက်တမ်းတွင် အမေရိကန် တပ်များကို နိုင်ငံရပ်ခြား တိုင်းပြည်များ၌ အခြေစိုက် တပ်စွဲပြီး စစ်ပွဲများ ဆင်နွှဲရန် ကိစ္စကို ရှောင်လွှဲနိုင်ရန် အစဉ်တစိုက် အားထုတ်နေသူ ဖြစ်သည်။
အစောပိုင်းက အမေရိကန် စစ်တပ်မှ ဗိုလ်ချုပ်ကြီး မာတင်ဒမ့်ဆေးက အီရတ်သို့ စစ်ဘက်အကြံပေးအဖြစ် ပို့ဆောင်ထားသည့် အမေရိကန် တပ်များသည် လိုအပ်သော အခြေအနေတွင် လှုပ်ရှားမှု တစ်စုံတစ်ရာ ရှိလာနိုင်ကြောင်း မှတ်ချက်ပေးခဲ့သော်လည်း အိုဘားမားကမူ ၎င်းတို့သည် အီရတ်စစ်တပ်နှင့်အတူ ပူးပေါင်း တိုက်ခိုက်ရန် အစီအစဉ် မရှိဟု ယတိပြတ် ငြင်းဆိုသွားခြင်း ဖြစ်သည်။
Ref: Channelnewsasia
7Day News Journal
No comments:
Post a Comment