Wednesday, September 17, 2014

ကိုရီးယားဖိနပ်စက်ရုံ ဆန္ဒပြအလုပ်သမားတွေကို အရေးမယူဘူးလို့ တိုင်းရဲမှူးကြီးပြော


စက်ရုံပိတ်လိုက်တဲ့အတွက် နစ်နာကြေးပေးဖို့ ၃ လနီးပါးကြာ သပိတ်စခန်းဖွင့် တောင်းဆိုနေတဲ့ လှိုင်သာ ယာစက်မှုဇုန် ၃ က ကိုရီးယားနိုင်ငံသားပိုင် Master Sports ဖိနပ်စက်ရုံအလုပ်သမားတွေနဲ့ ရန်ကုန်တိုင်း ဒေသကြီး ရဲတပ်ဖွဲ့ဝင်တွေ အကြား မနေ့ကဖြစ်ပွားခဲ့တဲ့ ရုန်းရင်းဆန်ခတ်မှုတွေမှာ ပါဝင်ခဲ့တဲ့ အလုပ်သမား တွေကို အရေးယူမှာမဟုတ်ကြောင်း ရန်ကုန်တိုင်းဒေသကြီး ရဲတပ်ဖွဲ့က ရဲမှူးကြီး ဦးချစ်ဝိုင်းက ဒီနေ့ ပြော ပါတယ်။

ရန်ကုန်မြို့ မရမ်းကုန်းမြို့နယ် အလုပ်သမားဝန်ကြီးဌာနရုံးမှာ ရန်ကုန်တိုင်းဒေသကြီး ရဲတပ်ဖွဲ့နဲ့ အလုပ် သမား ၀န်ကြီးဌာနတို့ ပူးပေါင်းကျင်းပတဲ့ သတင်းစာ ရှင်းလင်းပွဲမှာ ရဲမှူးကြီး ဦးချစ်ဝိုင်းက အခုလိုပြောခဲ့ တာပါ။

ဖိနပ်စက်ရုံ အလုပ်သမားတွေဟာ အလုပ်ရုံနဲ့ အလုပ်သမားဥပဒေ စစ်ဆေးရေး ဦးစီးဌာန ညွှန်ကြားရေး မှူးချုပ် ဦးဝင်းရှိန်နဲ့အတူ စက်ရုံထဲမှာ နစ်နာကြေးကိစ္စ ညှိနှိုင်းပြီး ဦးဝင်းရှိန်ကို ည ၁၁ နာရီခွဲအထိ ပြန်ခွင့် မပေးတဲ့အတွက် ရန်ကုန်တိုင်းဒေသကြီးရဲတပ်ဖွဲ့က သွားရောက်ခေါ်ယူတဲ့အခါ အလုပ်သမားတွေနဲ့ ရဲတပ်ဖွဲ့ဝင်တွေအကြား ရိုက်နှက်မှုတွေ ဖြစ်ပွားခဲ့တာပါ။

အလုပ်သမားတွေတောင်းဆိုနေတဲ့ နစ်နာကြေးကိုပေးဖို့အတွက် အလုပ်သမားဝန်ကြီးဌာနနဲ့ ဆန္ဒပြ အလုပ် သမား ကိုယ်စားလှယ်တွေပါဝင်တဲ့ ကော်မတီဖွဲ့စည်းထားပြီး အဲ့ဒီကော်မတီက စက်ရုံပိုင်ပစ္စည်းတွေ ကို လေလံတင်ရောင်းချရမှာဖြစ် ပါတယ်။

လေလံတင်ရောင်းချမှုကို လာမယ့်နိုဝင်ဘာလမှာ အပြီးသတ်ဆောင်ရွက်မှာဖြစ်တယ်လို့ သိရပါတယ်။

Master Sports ဖိနပ်စက်ရုံ ပိုင်ရှင်ကိုရီးယားလူမျိုးဟာ ပြီးခဲ့တဲ့ ဇွန်လက အလုပ်သမားတွေကို တစ်စုံတရာ အကြောင်းမကြားဘဲ စက်ရုံပိတ်သိမ်းလိုက် တာကြောင့် အလုပ်လက်မဲ့ဖြစ်သွားတဲ့ အလုပ်သမား ၇၀၀ ကျော်ဟာ ဇွန်လအတွက် လုပ်ခလစာနဲ့ အလုပ်ပိတ်နစ်နာကြေးပေးဖို့ ဆန္ဒပြတောင်းဆိုနေတာ ၃ လနီးပါး ရှိပြီဖြစ်ပါတယ်။

RFA Burmese

No comments:

Post a Comment

My Blog List